"Reto Sa Mama"

#RetoSaMama

" Ya? Naa Kay itlog? " 

 dinhi nagsugod ang superb nakong lovelife story.

Call me nalang Des taga somewhere lang aning kabisay-an. Usa ka babayeng hilig mokaon ug itlog. Halos kitang tanan hilig man jod ug itlog diba? For me, dili jod ko mabuhi ug way itlog. Itlog for me is life charoz kong bastos inyong mahunahunaan wa nakoy mahimo ana. Basta akong gi mean nga itlog ani is naay shell, egg whites ug yolk aron magsinabtanay ta aning dapita. Anyways, first time nakong maghimo ug story about sa akong life so beware of dogs awp. Ug kay di nata mangandoy nga mag face reveal ning inyong sender Des so I'll describe nalang myself. I'm a Filipina beauty that's all, kamo nay bahalag imagine. I'm turning 29 this year, teller sa usa sa mga money remittances.   

During sa akong tambay days year 2017 , nahitabo ang most embarrassing moment to the highest level in my entire life. Wa pa koy trabaho ani nga time kay bag-o lang ko ni resigned sa akong previous work so na hired ko sa PNB or permeng naas balay. Every morning dili jod mawala sa akong breakfast ang itlog so that morning nga pag-abri nako sa ref itlog no more na, lupad dayon ko sa pinaka duol nga tindahan ug kay duol rapud lagi sa balay namo ang tindahan ni Nang Ebyang, woke up like this lang akong porma. Naka shorts oversized t-shirt without a bra and while on the way nanghimuta pa. Duol nako sa balay ni Nang Ebyang nahunong ko, kay sa tindahan naay daghang motor ug daghang nagtapok ug ang mas worst pa tanan mga boys. Siguro padung pa sila manglakaw kay nanggidala nag bag then ang uban nagsakay na sa motor . Wa ko mag expect nga naay daghang lalaki sa tindahan ni Nang Ebyang early morning. Buntag sayo gipaningot kog dagko ug murag gusto nalang mo evaporate. Ulaw na kaayo moatras kay obvious na nga mopalit jod ko padung. Nagpaduol ko sa tindahan nga morag naglakaw kos impyerno.  

Ako: "Naay tawo aning tindahan ya?"  

Pangutana ko sa usa ka guy nga nag inom ug kape. Kuya akong tawag kay sure ko maguwang nako. Abi kog si Nang Ebyang tawgon pero gitawag niya ang call nalang natog si Rey. Niduol si Rey nagdala pud ug kape. Gwapo siya nga taas nindot ug pamarog pero matured na kay naa na sa 30+ ang edad so nisamot akong ka conscious sa akong porma kay mura pa kog batang gihulbot sa kaban.  

Rey: "Unsay imo?" 

Ako: "ya, naa kay itlog?"

Straight to the point nakong pangutana. Diha pa nako na realized nga awkward akong pangutana kay halos mabuga ni Rey iyang kape nga giinom. Tanan pung mga guys kalit rag bahakhak ug pangatawa nagpailang mga dirty minded kaayo. Bisag giulaw nakog maayo, pa inosente gihapon ko nga walay sayop sa akong giingon. Itlog man jod pud akong paliton. 

Rey: "ahh haha. Kuyawan man sad ta nimo. Naa man pud koy itlog."  

Nisamot ug pangatawa ag dirty minded nga mga lalaki sa daplin. While ako gamay nalang mo super sayan na sa kalagot ug kauwaw. Kana ganing lami lang sila panguhaag mga itlog dayon e-tortillas ug ipakaon sa ilang dagkong mga baba. Poker face ra gihapon ko nga wa ko ka gets nganong nangatawa sila.

 Ako: "papalita kog lima"  

While nangita si Rey ug kasudlan sa iyang mga itlog nipaduol ang usa ka guy nagdala ug pandesal. 

Guy: "mangaon ta miga" 

Ako: "sige ya, salamat" 

Guy: "murag familiar lagi ka, murag nagkita nata ba" 

Nitutuk pud ko niya pero bisag balihon pa akong utok dili siya familiar nako. 

Ako: "basin?" 

Guy: "murag nakita ka nako sa akong damgo ba"  

Dayog paninggit sa iyang mga kauban. Nikatawa ra pud ko nga gawas sa ilong. Don't know ug gituyo bang Rey nga dugay siya kakitag cellophane o libat ra jod siya kay kapila na siya tuyok pupangitag cellophane sa tindahan. 

Guy: "asa gani inyong balay miga?"  

Ako: "diha ra"

Guy: " asa gud dapit?" 

Ako: " adtong balay nga daghag iro" 

Bisag way iro among balay.

Daghan pag pangutana si Boy pick-up ug niabot nalang si Nang Ebyang wa pa jod nakakita ug cellophane si Rey ug asa ng planetaha gibutag ag mga cellophane.  

Nang Ebz: "naka customer rag dalaga wana ka kakita sa cellophane doy? Ay bayaaa" 

Rey: "kahibawng di ta suheto aning imong tindahan" 

Nang Ebz: "pasensyahe ra ni akong ulitawo day Des ha kay maratol nig naay dalaga" 

Guy: "Des diay imong ngan miga?" 

Nang Ebz: "Hoy Fernando! ayaw pamaje ani kay layo inyo" 

Guy: "kaya ra na Ante, naa may cellphone " 

Nang Ebz: "unsay kaya? Kayamukat ag agi. Seg pamaje daghan nakag baje doy! Lakaw na day Des kay basig mapaakan kag mga irong buang ani." 

Naglakaw ko nga sigeg katawa sa mga pamulong ni Nang Ebyang straight to the point. Napikhan jod si Boy pick up. Actually ing-ana jod mangistorya si Nang Ebyang mamoot ka sa pagkaprangka niya. 

Niuli na diay si Rey nga sigeg topic ni Nang Ebyang nako. Since pagbalhin namo ug balay, si Nang Ebyang ang na close nako nga silingan. Sa sigeg tambay nako sa iyang tindahan kay lagi siya raman usa ug usahay may pa free snack pa ko. Si Rey ang wala pa naminyo niyang anak. Professional na ang upat ka anak ni Nang Ebyang nga tanan boys. Duha ka Engineer, seaman ug teacher. Si Rey usa ka geodetic engineer, panagsa ra mouli sa ilang balay kay naa ni apartment nga duol sa ilang office. Si Rey nga wa pa naminyo ang dapat unta mabilin kauban ug puyo ni Nang Ebyang kay nagtukod nag kaugalingong balay iyang mga igsoon, but instead nikuha nuon siyag apartment ug nagkinaugalingon gibiyaan si Nang Ebyang, aron makapatuyang sigurog bring house ug baje. Maayo nalang gani naa rapud sa duol nagtukod ug mga balay iyang igsoon. Napugos si Rey nga ubanan ug puyo iyang mama tungod kay nagkatigulang napud si Nang Ebyang ug daghan nag sakit-sakit nga bation. 

Since naa naman ang anak ni Nang Ebz nga si Rey. Dili nako kanunay motambay sa ilang tindahan ug aron naa koy kalingawan while nangaplay ug work. Naghimo kog mga desserts aron ibaligya like leche flan, mango float ug maja blanca, ug kalooy sa diyos daghan man pud ang niorder ug niangay. Ug usa sa mga suki nako si Nang Ebz. Dihay time nga nagdeliver ko sa iyaha wa ko niya dayon papaulia, gipasulod ko niya sa iyang balay kay nagluto siyag biko ipares sa dala nakong leche flan, ka ngilngig diba? Pero kay suki lagi nako si Nang Ebz nikaon rapud ko while nagmarites ming duha but then, niabot si Rey. Kaulion nako pagkadungog nako nga naay sakyanan nihunong sa balay kay sure ko si Rey. Nitindog nako pero nigunit sa akong kamot si Nang Ebz ug nitutuk sa akong mata nga mura kog gi hypnotized aron di ko makauli.  

Naabtan jod mi ni Rey sa sala nagkaon sa biko ug leche flan. 

Rey: "si Mama sad oy! Ingnag bawal sa mokaon ug mga ing-ana, kapila naman ka nako maingni! " 

Nidako ag tingog ni Rey. Lami nalang mo evaporate sa Earth pagka leche. Gibawalan na diay si Nang Ebz mokaon ug tam-is. Jusko igo raman unta ko nanginabuhi, akoy gikulbaan that time.

Nang Ebz: " igo raman ko nikuhit doy, nagluto ra pud kog gamay aning biko kay moanhi si day Des, . Ug kaning leche flan para man ni nimo kay diba nangutana kag kinsay nagluto ani kay gilamian ka. Kani si day Des ang nagluto adto!" 

Pag explain ni nang Ebz nga nagpasamot sa akong kauwaw. Wa lang jod ko nitingog pero pagka timing jod sa panahon nga naay ni ayoo sa tindahan. 

Nang Ebz: " taymsa kay naay mopalit. Doy ubani sa si day Des, maayo pag ikaw mokaon aning tanan aron di ka saputon diha kay mosamot ug di ka maminyo ana, ay bayaaa ning akong ulitawong sapoton kaayo." 

Pagtalikod ni Nang Ebz nakatindog pud kog ahat kay basig akoy makitkitan sa iro maayo pag mouling malinawon.

Rey: "nabayran na ning mama?" 

Ako: " ayy ok ra ya! Free raman na nakong Nang Ebz . Sorry kaayo ya ha kay gibawalan na diay siya ug tam-is karon pa ko kahibaw. " 

Rey: " oh kay diabetic nas mama lagi. Kita nalang duha hurot ani ayaw sa uli. Pagkaon sa ana kay mag-ilis sa ko." 

Mo insist pa unta ko nga mouli na jod pero wa nako makatingog kay nitalikod na si Rey padung sa kwarto. Naghuwat pud kog kanus-a mobalik si Nang Ebz kay adto ra ko niya mananghid pero nakailis nalang si Rey wa pa jod nibalik si Nang Ebz ambot ug asa na gilupad. Nitapad si Rey nako ug lingkod nga naa paman untay daghang kalingkoran. 

Rey: "pila gani edad nimo?" 

Ako: " 23 ya" 

Rey: " ayaw nako Kuyaha, samot tag katiguwang ana. Si Mama man gud diabetic na maong gi monitor na nako iyang gikaon kay usahay man gud badlongon pud kaayo magtumag iya maong usahay makasab-an nako. "

Ako: " ahh Mao jod." 

 Rey: " imoha diay ning leche flan?" 

 Ako: " oh lagi negosyo gamay." 

 Rey: "maayo na daghang order jod ani kay lami man." 

Akoy nagkaon sa biko while si Rey ang nagkaon pud sa leche flan. Mao ni naabtan ni Nang Ebz nga nagdala pag coke. Makapatingala ang dako kaayo niyang ngisi.

Nang Ebz: "ay bayaaa, pareson man diay mong duha murag si Gabby ug si Sharon hehehe." 

Mura kog nabukog sa biko. Nikatawa ra pud si Rey unya nitan-aw nako. Wa ko na komportable, wa jod sa akong choice nga makig pares ug mas maguwang kaayo nako like Rey nga 30 that time.  

Sukad adto, mas kanunay ng pahumotan ug storya ni Nang Ebz si Rey. Nga aside sa gwapohon, buotan pud, dili lang buotan.. buotan kaayooo. Caring and loving ug makabuhi na kaayog asawa ug mga anak kulang nalang moingon si Nang Ebz ug unsa pay akong gihuwat aron pakaslan iyang anak. Maikog pud kong mo comment nga dili nako type ang mas magulang kaayo nakog age, mas prefer nako ang kaedad ra nako o 2 or 3 years lang ang gap namo. Kampante rapud ko kay bisag kulang nalag ipadug kong Nang Ebz kang Rey, feeling nako dili pud interested si Rey nako kay kanunay busy sa work. 

One time nag grocery ko nagkita ming Nang Ebz nag grocery pud siya kauban ni Rey. Abot sa dunggan ang smile ni Nang Ebz wa jod ko niya buhie gipauban uban ko niya while nag grocery silang Rey. Sa nagpa cashier nami, kami rang duha ni Nang Ebz kay naa pay nakalimtan si Rey ug kuha. Si Nang Ebz ang gipauna nako kay aron matabangan nako siyag butang sa iyang mga pinalit kay mas daghan iya. While naghuwat mi aron mahuman ug panchu ag cashier. Gikuhit ko ni Nang Ebz.

Nang Ebz: "Day iapil tong imoha."

Ako: " ha?"  

Nang Ebz: " kanang imong pinalit ba, iusa nalang sa amoa, si Rey ang mobayad "  

At first wa ko ka gets sa giingon ni Nang Ebz, maong siya nalang ang nikuha sa akong gipamalit ug gipaapil ug panchu sa cashier. Nisiga akong mata ug nikusog jod akong tingog niingog Ayaw! Ayaw! Ayaw! Nitan-aw nako ang cashier ug dayon ni Nang Ebz naglibog siya ug unsa ma jod ang plano sa kinabuhi namo. Gipangbira jod nako akong mga pinalit.

Ako: " ako ray mobayad ani Miss!! Lahi nang iyaha."  

Nang Ebz: "iapil ra ng imoha Day, pila raman na. Libre ra ng Rey." 

Paladesisyon kaayo sa akong kinabuhi si Nang Ebz jusko bisag way ka muwang muwang si Rey nga naa diay siyay librehon.

Ako: "ako ray mobayad ani Nang naa koy pambayad ayaw kabalaka. Miss kana ra iyaha, lahi ning akoa. " 

Halos moluhod nakos atubangan ni Nang Ebz kay di man jod siya mosugot ug dili iapil akoa. Nisamot akong kauwaw pagbalik ni Rey. 

Nang Ebz: " Doy! iapil nalang nato ning ka day Des ug bayad kay gamay raman pud ni." 

Rey: " aw oh! Iapil ra na Des , ako ray bayad. "  

Dili na ma explained kon unsa nay porma sa akong dagway that time. Naulaw ko sa cashier, sa nag sunod namo ug sa tanang tawo sa mall. Lami man unta librehon pero wala ko ma inform adto ug dili ko prepared! Kahibaw pa ko nga libre diay daghan unta akong gipanguha charoz.  

Nisamot pa jod ang pag reto ni Nang Ebz kang Rey diri nako specially during sa celebration sa 31th birthday ni Rey. Iya jod kong gi personal ug dung sa among balay to inform nga padungon ko niya sa iyang balay kay naa siyay eprepare mag patabang siya nako, so ako pud nga supportive friend ni Nang Ebz dali ra pud nisugot. Nidung ko sa ila mga 8 am kay mao among sabot pero dako nakong katingala nga si Rey lang ang nahibilin sa balay kay naa daw gilakaw iyang mama. Naabtan nakong si Rey lang ang galuto sa mga putahe, na missing in action si Nang Ebyang! So kay purpose man jod nako nga motabang sa pag prepare nga maoy sabot namong Nang Ebz nga gitraydor ko ug nalooy pud ko sa celebrant nga mao tawon ang galuto para sa iyang birthday ug way nitabang ,nahimo nuon kong assistant chef ni Rey. Gitabangan nako siyag hiwa sa mga lamas, karne etc. mura mig bana ug asawa nga na busy sa kusina. Lami moluto si Rey actually sa baho palang maglaway naka samot ug makakita kas galuto. Mga 10am nalang wa gihapon nagpakita si Nang Ebz. Nahuman nalag luto si Rey.

Ako: "dugay lagi imong mama?" 

Rey: " ni txt si Kuya tua daw sa ilaha nag pa manicure." 

Ay bayaaa..makagigil kaayo ni si Nang Ebz lami kusnoton ag kunot feeling betrayed kaayo ko. Kay si Rey man ang galuto ako nalang pud ang ni present nga manghugas kay bisag anino ni Nang Ebz wa diha. Wa pa ko nahumag hugas diha na si Nang Ebz ga taghoy-taghoy pa. 

Nang Ebz: " oy Day. Ikaw namay nanghugas diha. Ako na ana bi." 

Ako: " ayy masayang imong manicure Nang..." 

Nanggigil nako pero gipungan ra jod nako.

Nang Ebz: " ay! Aw oh diay hehehe dugay naman gud ko wa makapanghinlog kuku day. Tan-awa oh, nindot kaayo tong ni manicure nako kay wa joy sakit. "  

Nagkatawa-katawa lang ko pero deep inside lami na ipangusnot ug kunot. Kay daghan kog gihugasan ug wala ko mag apron nabasa akong t-shirt. Nananghid na kong mouli sa kay mag-ilis pero gipungan napud kong Nang Ebz. 

Nang Ebz: " ayaw na uli day! Daghang t-shirt si Rey ani. Doy! Pahulma sag t-shirt si day Des." 

Ako: " ayaw na nang! Mouli ra ko mobalik ra lagi ko dayon. " 

Nang Ebz: " Dili, dili! Ayaw na uli ani ra ta! Daghang t-shirt si Rey. " 

Ako: " ay kana nalang imo Nang, " 

Nang Ebz: " puros to pangtiguwang kang Rey ra panghulam. " 

Lami nalang lagi kaayo moambak sa bintana kay kuwang nalang mang lock si Nang Ebz aron di ko makauli. Gipadung pa jod ko sa kwarto ni Rey kay ako mismo ang gipapili ug t-shirt ug didto napud ko gipailis. Nag sige pa kog survey sa kwarto kay basin ug naay gibutang CCTV si Nang Ebz lisod na. Oversized nakong t-shirt ni Rey as expected pero ok ra kay hilig sad kog oversized then branded pa pero didto jod naka kita kog pulbos sa kwarto ni Rey. Ay bayaaa tiggamit pa diay ug Johnson's baby powder nis Rey so syempre nakigamit pud ko kay nibalhin sa akong nawong ang ka oily sa humba. Pag-abri pa jod nako diha na diay ag mga igsoon ni Rey. If I know, gidayon nalang unta nako akong plano nga moambak sa bintana. Awkward kaayo no nga nigawas ko sa kwarto ni Rey suot iyang t-shirt ug naki pulbos pa jod ko sa iyang Johnson's baby powder. 

Kuya ni Rey: " oy Des! Murag ikaw joy nahimong assistant ni Rey ba." 

Ako: " ok ra. " 

Kuya ni Rey: " kini man gud si Mama moanhi unta mi unya kay niingon man siyag dili na kay naa nay nitabang ni Rey. " 

So plano jod diay to ni Nang Ebz, ug di palang edaran ni si Nang Ebz dugay na nako siyang gikusnit. A few minutes, niabot akong complete family kay Sunday man to walay trabaho si Papa ug akong bro ug way klase akong manghod and of course si Mama nga close pud kaayo ni Nang Ebz holding hands pa silang ni dung sa kusina. Actually kami ray bisita. Naglibog ko ug birthday ba ni o magplano na sila sa among kasal.  

Paghuman sa kaon, nag -inom ang mga boys ug kaming mga girls nag marites lang pero tungod sa akong kakapoy katugon kaayo ko kay ang

 1-2 pm nap time jod sa mga tambay nga parehas nako naanad na akong mata. Nananghid ko ni Mama nga mouli sa kay matug ko. 

 Mama: "nganong mouli man ka? Ikaw ray tawo adto. Ana ra tug oh." 

 Gitutukan nako si Mama kay basig katugon lang ko ug si Nang Ebz na diay akong kaestorya. 

 Ako: " pag sure ma oy, mouli ko. Ambing yabe bi. " 

 Mama: " ikaw ra lagi tawo adto." 

 Ako: " ngano man diay? Maayo mag gabie ron." 

 Nang Ebz: " asa diay ka day? " 

 Ako: " mouli sa ko Nang kay mag-ilis pud ko. " 

Nang Ebz: " ay! Ayaw uli! Kay taman panihapon ning kaon nato ani." 

Ako: " mouli sa lagi ko Nang kay matug pud ko nilabad man gud akong ulo. " 

Nang Ebz: " ay katugon Raman diay ka. Dali, dali katug sa aring kwarto ari rang kwarto ni Rey kay aircon."  

Akong katugon nikalit lag kawala. Inahan nako ug inahan ni Rey nagkasinabot namang di nako papaulion sa amo. So wa ko niuli pero wa sad ko natulog sa kwarto ni Rey, giagwanta nalang nako akong matang hapit na matagak while naminaw sa ilang mga pag marites pero kalit lang niduol nako si Rey. 

Rey: " katugon ka Des? " 

Ako: " di man! " 

Rey: "ok raman adtong kwarto nako, tua man pud natog akong pag-umangkon." 

Ako: " di jod ko katugon promise. " 

Rey: " ug katugon ka dung ra sa kwarto. " 

Makatental kaayong kwarto ni Rey kay naay aircon sakto sa igang kaayong panahon pero wa jod ko nagpadaog sa ilang pagpangdani. Taman jod panihapon ang nahimong kaon namo. Wa joy uliay hangtod sa nigabie nalang way kahumanan ilang estorya magwild na siguro kog taman pa pamahaw ag kaon. Nagluha-luha na akong mata sa sigeg pangoy-ab. 

Nang Ebz: " higda sa adtong kwarto day. " 

Ako: "ok ra Nang mouli na sad mi karung taod-taod." 

Nang Ebz: " naglami pa jod ilang estorya, adto sa akong kwarto kay basig lainan kas kwarto ni Rey. Bukawon ra kag mouli namo. " 

Wa gihapon ko nisugot di palang ko

 bukawon naa nakoy trust issue ni Nang Ebz. Nahuwasan ko pag ingon ni Papa nga mouli nami ako nay niuna ug panamilit nilang tanan kay gitawag nako sa among balay. Last kong nananghid ni Rey kay didto siya sa iyang kwarto murag naay gi trabaho. 

Ako: " mouli nami, salamat, imong t-shirt ako sa ning labhan." 

Rey: " ayaw na ako ray laba ani pwede na ganig di na ni labhan. Bitaw salamat sa pag assist ganina."  

Ako: " no probz, ing-ana man ng silingan." 

Rey: " pwedeg mangayo ko sa imong number? " 

Nakalitan ko slight sa pagpangayo ug number ni Rey kay alams na ug pangayoan nakag number. Confident ra gihapon nakong gihatag akong cellphone # coz I know myself nga wa koy feelings kang Rey, pero pag-abot nako sa balay ni text siya nako ug 

 "Goodnight" niuyog ug kalit akong heart pero wa nako ka reply kay way load.   

One of my college friends ang gikasal that year, 24 pa ang edad. Sayo pa para nako kay dili pa ko kontento sa akong pagka single lady. Feeling nako wa pa koy boot ug mosulod nakog marriage aning edara kay daghan pa kog gusto ma achieved like travel around the world charoz wa gani koy trabaho that time haha. Anyways kay lain-lain man tag vision in life, ni support rapud ko sa akong friend. Usa ko sa naapil sa bridesmaids pero na shocked ko pagkahibalo nakong 39 na ang groom. I remembered Rey, mas ok pa si Rey kay di pa kaayo tantong layo ang edad ug present pa sa ubang months sa kalendaryo. During sa throwing of bouquet sa bride, wa jod ko nakig-ilog bahala silag mangapiang ug sawo kay aron sila ang next nga kaslon. Chill lang ko sa kilid kay di pa ko gustog maguba akong kaugmaon. Gabie na nahuman ang reception so nanawag kong Papa kay magpakuha nako mga around 9pm. Niingon rapud siyag padung na. Unsang pagka unsaa nga si Rey man ang niabot dala ang motor ni Papa. 

Ako: " oy nganong ikaw namay nikuha? Asa diay si Papa?" 

Rey: " akoy gipakuha nila kay nakainom na imong papa ug imong Kuya, didto man gud ko sa inyoha nanihapon kay nangimbitar pud sila. " 

Ako: " unya ikaw ra diay wa moinom? "

Rey: " nakainom ug usang baso."  

Nisakay nalang ko nga way pagkusmod, pasalamat nalang ko kay gikuha ko ni Rey. Pero nagduda jod ko nga naay hukos pukos nga nahitabo di lang ni Nang Ebz ko naay trust issue apil na diay pud sa akong pamilya. Kay naka dress lagi pud ko nag side view ko nisakay ug kay hadlok ko nga mahulog unya mabunal ag ulo ug mamatay nigunit nalang jod ni Rey. Kaingon kog smooth lang among pagpauli pero nikalit ug hunong si Rey kay flat daw ag ligid leche pati pud sa among motor naa nakoy trust issue. Asa pa mi makakita ug abri nga vulcanizing shop nga hapit na mag 10. Kusog pa ang galakaw nga iro sa among andar. Layo pa jod ang amoa ug tanan namong nalabyang tindahan nagsira na. Nisulay ug contact si Rey sa iyang Kuya kay pa rescue mi pero sige rag ring natulog na siguro. Naghinay nalang jod mig padagan.

Ako: "mabuntagan jod ta ani." 

Rey: " moabot ra lagi ta." 

Ako: "moabot ta ugma." 

Rey: " basta kay moabot ra ta karong tuiga. " 

Tungod na sa akong kakapoy gisandig nalang nako akong ulo sa likod ni Rey kay katugon na jod ko kaayo. Sweet kaayo mig porma pero di mi uyab haha.

Rey: " ayaw katug Des matagak ka diha." 

Easy problem edi nagakos ko niya aron di matagak. Humot si Rey pero gipangita jod nako ang baho sa iyang Johnson's baby powder pero waley na realized nakong basig di to iya kay sa kwarto man diay niya tigkatog iyang pag-umangkon. Kalooy sa diyos niabot mi sa balay mga 11pm na, mingaw na among balay lamig tulog akong pamilya bisag dugay niuli ilang anak. Pagnaog nako sa motor nakulbaan ko sa pagkuha ni Rey sa akong kamot, naglingkod gihapon siya sa motor. Ga blink blink ra jod akong mata kay nitotok siyag maayo nako from head to toe.

Rey: " gwapa kaayo ka ron." 

Ako: " oy thanks." 

Nawala jod akong katugon that time kay si Rey grabeng nakatutok sa akong mata dayon ambog sa akong lips nga way tingog tingog. Gibira pa ko niya gamay aron maduol pa ko niya. Maka hypnotized iyang tutok jusko mura pug si Nang Ebz. Ug nabatyagan nalang nako ang smooth nga lips ni Rey sa akong lips. At first smack lang pero niutro pa jod ug this time dugay na so ako pud nadala kay lami kaayo siya modala ug kiss mura kog gibayaw sa langit. Nakapanggunit nako sa iyang abaga kay mura kog ma collapse. First time ko naka experienced ug ingon adto nga kiss, ma feel nimo ang loved nga naay gigil nga sensual kaayo ug maka turned jod on siya, nagpailang daghang nag experienced. Pag-undang ni Rey gapiyong pa ko kay feeling nako naa pa ko sa cloud 9. 

Rey: " kita na? " 

Ako: " ha? " 

Rey: " di nalang ko manguyab, kay kita naman" 

Ako: " ha?! Hoooy! Kinsay ingon? " 

Rey: "so manguyab pa ko" 

Ako: " ha? " 

Rey: " utrohon natog kiss bi aron maulian ka " 

Ako: " hoy, hoy palabi ka. Mosud nako oy uli na adto. " 

Rey: " tubaga sa ko ba." 

Ako: " sunod na." 

Rey: " karon na. " 

Ako: " sunod na lagi, mo text ra ko." 

Rey: " Aw di ka nako buhian ug di ko nimo tubagon karon, magbuntag jod ta ani. " 

Wa jod ko buhie ni Rey. Sige kog ingon niya nga sunod na pero di jod siya mosugot ug wa koy itubag. Tungod sa akong pagkadala sa kiss , nakatubag jod ko ug " Oh" pwede siyang manguyab pero naa koy kondisyon gihatag. 

Ako: " way laing makahibalo ani, labi na imong mama , kita sa lang duha." 

Rey: " ngano man? Imbes kay buto kaayo si mama nimo, kada adlaw gud kang gi reto nako." 

Ako: " bastaaa, bantay ka. Wa jod kay madawdaw nakog naa kay sultihan. " 

Rey: " makabantay jod na sila kay manguyab man ko nimo. " 

Ako: " bahalag unsaon nimo basta way makahibalo nga nanguyab naka nako. "  

Naglalis jod ming duha ni Rey kay unsaon daw niya pagpanguyab nga way makahibalo. Bahala siyag unsaon niya, basta wa jod ko mosugot nga naay makahibalo kay kahibalo nako sa pala desisyon kaayo nga si Nang Ebz ug si Mama.. Ug makahibalo sila sure ko sila na dayon ang mag plano plano ug kasal. Di pa tawon ko ready magpakasal, as I've said daghan pa kog gustong e- achieved sa life, wa pa gani koy stable job ug bata pa ko wa pa koy boot.