"Reto Sa Mama" PART 2

#RetoSaMama Part 2

Pagkabuntag, nakarealized ko sa akong desisyon. Natulala nalang kog kalit. Wala man unta ko nakainom gabie, wa man unta ko nahubog, pero na high lang sa kiss ni Rey ni " oh " na dayon ko? Gi recall nakog maayo, gi arrange nakog maayo ug gihapnig sa makadaghan akong gubot nga heart kon naa bay koy feelings kang Rey or na inlove naba ko niya pero leche wa koy mahulbot sa akong heart nga inlove nako niya! Nisamot pa kawindang ang akong buntag kay tingog man ni Rey akong nadunggan sa gawas. Gilili nako ug didto jod nag estorya si Rey ug si Papa nag-atubang sa motor. Nakulbaan kog maayo kay what if wa nituo si Rey sa akong giingon gabie ug parehas pud siya sa iyang inahan nga paladesisyon kaayo. Wa nako nakatan-aw ug samin dagko kaayo kog lakang paggawas sa balay. Nakurat pa si Rey pagkabantay nga naa ko sa iyang likod. Gipadako dako lang nako akong mata aron ma gets niya ang nahimong sabot namo gabie pero ang tiguwang wa ka gets. Nituybo man nuon ag simod. Sa way pag daghang estorya giyabehan nako iyang kilid sa akong kuku nagtan-aw ni Papa nga busy sa motor. Nakanganga si Rey nga way tingog kay mura baya kog alimango mangusi. Gipahinumdom lang nako siya sa agreement namo nga sealed by a kiss pa ug gibinlan nako siyag pamatay look before ko nisulod balik, patay jod siya nakog naa siyay sultihan. Ug thankful ko nga wa pay aso nga nigawas kay nagpangutana pa si Mama kon unsay status namong Rey. 

Ako: " saba ma oy! Silingan ra mi ni Rey. " 

Mama: " wa jod siya nanguyab nimo day? " 

Ako: " WA!!! di to mopatol ug way trabaho. " 

Mama: " kana diay imong business . " 

Ako: " sira sira business pud... mo abroad nalang kaha ko ma ?" 

Mama: " pagpuyo, maayo pag maminyo kag sayo. " 

Ako: " never!!! " 

Dako jod nakong pangutana nganong gusto nako nilang paminyoon? 23 pa tawon ko, taas pa kog makab-ot sa life. Nganong dili si Kuya ilang paminyoon ug dali nga siya man ang naay uyab. Sometimes maka overthink ko ug tinood ba ko nilang anak kay mas gusto nalaman nilang mawala ko sa ilang mga life, how cruel.

 Mas gi double pa nako akong effort nga makakita nag stable nga job aron dili nako init sa panan-aw nilang tanan. Tanang kompanya gipasahan nakog resume bisag nagkapal-ot na akong tiil ug bumaktas. 4years ang nahuman nga kurso pero dugay madawat ug trabaho, only in the Philippines gamay nalang patolan na jod nako ang pagka janitress. Mura kog manok giatay naglakaw gikan sa usang adlaw nakong pagpangaplay dihang gihunongan kog sakyanan. Way lain si Rey. Naa naman unta sa akong atubangan ang solusyon sa akong mga problema, ang giampo sa uban nga Engineer , walay apan sa dagway ug maayog pamilya. Igo nalaman jod kong mopatol aning tawhana ug magpaka feeling donya grasya pero nganong dili madawat dawat sa akong pagkadako dako nga pride. Well that's me, sometimes ang atong dakong kaaway mao ang ato rapung self. Sa way pagkusmod naki ride nalang ko bisag duol ng amoa.

 Rey: " dis-a man ka gikan? " 

Ako: " nangaplay ug trabaho " 

Rey: " maayo pag mouban ka nakog mag survey ." 

Ako: " himoon ko nimong tighagbas? " 

Rey: " tigpahid ra gud sa akong

 singot. " 

Ako: " edi wow. Libreha sa ko bi, gutom oy "  

Advantage pud ning naa tay sugar daddy naa tay magatasan perme HAHA. Niliko ug laing dan si Rey wala modayon ug uli. Nipalit siyag usa ka box nga pizza ug didto namo gikaon sa iyang sakyanan kay basig makit-an unya mi sa mga sniper nga mata sa among pamilya, dakong issue napud. Mura kog patay gutom nga nagkaon, gamay ra kog paniudto anang adlawa sa sigeg pangitag trabaho. Naundang ko kay sigeg tutuk si Rey nako. 

Ako: " oh? " 

Rey: " kanus-a man ka mo 24? " 

Ako: " Ngano man? " 

Rey: " anang adlawa ko moingon sa imong ginikanan nga manguyab ko nimo for formality ba. " 

Akong dunggan mora jod ug nibagting ug akong blood pressure kalit nga nisaka. Nalasahan nakog kalit ang kapait sa kinabuhing minyo.  

Rey: " kay di nako kinse des nga magtago tago pag panguyab. Ngano man diay ug manguyab ko nga makahibalo atong ginikanan? " 

Ako: " di pa lagi ko gustong maminyo." 

Nikatawa si Rey nga murag demonyo. 

Rey: " Niabot naman kag minyo. Manguyab pa gani ko. Muagi pud ta sa saktong proseso. Ga sutoy sutoy naman nuon ka. Ug di paka gustog maminyo di sa gud pud ta 

magminyo. " 

Ako: " paminyoon naman ko nila bi! " 

Rey: " makapugos ba diay silag di sa ta magminyo? Di man pud pwedeng kaslon ta nilang natulog tang duha, naunsa. " 

Rey: " wa ta kahibaw ug 1 year diay ko manguyab kay ilhon pa ko nimog maayo unya mag uyab tag balig 2 years, 3 years na! Unya mangandam pa jod ta sa kasal bali 1 year pud, edi 4 years tanan. Syarog di pa ka andam anag magminyo. "  

Na amazed kaayo ko sa pangutok ni Rey nasobrahan ka bright pero gi kwenta nako bali 28 nako anang panahona. Naka kita na siguro kog stable job then naka travel na, naka realized kong bitaw noh? Pero kay lagi daghan nakog trust issues, nagduda kong Rey ug basig gi atik ra ko ani unya ag ending diay iya kong gipabuntisan wa pa mi 1 year. Maulaw pud kong moingon nga bawal sa pud ming mag ana ana noh.  

Nadala jod ko sa maayong pagka explained ni Rey gigamitan jod ug utok. May pa compute pa with logics and everything naka "oh" napud ko nga wa sa kaugalingon. So pwerte nakong kulbaa sa akong 24th birthday. Hapit nalang maguba ang purtahan sa akong kwarto sa sige nilag toktok kay wa ko mogawas birthday man unta nako. Pagka leche birthday nako pero murag adlaw sa akong pagbitay.

Mama: " Des!!! Unsa pa man kang tuiga mogawas diha! " 

Ako: " galabad pa akong ulo ma! " 

Mama: " gawas diha! Kinsa man diay gihikayan namo diri. " 

Pwerte nang sukoa ni Mama kay di ko mogawas wa pa jod koy ligo. Bug-at kaayo akong lawas nigawas ug nidung si cr kay maligo sig yawyaw si mama sig ukay sa niluto. Mga balig 1 hr jod ko naligo kay sigeg overthink sa mga mahitabo. Syempre kay naanad nakong magtapis rag towel ug way laing tawo sa balay. Mao nay porma nako paggawas sa cr unya naa si Rey galuto sa kusina. Sus akong kauwaw niabot sa lapalapa.

Rey: " morning sexy. " 

With kidhat pa. 

Ako: " Ikaw naman lagi nagluto diha wa diay kay trabaho? "  

Rey: " chef sa ko ron. Happy birthday.. akong regalo tua rang mama. " 

Ako: " maayo. " 

Pagtalikod nako gitaghoyan pa ko, lamii labayog towel.Wa ko mag expect nga daghan diayg gipang imbitar sila Papa. Present ag mga kauban niya sa work and of course mga silingan namo ug paryentehan. Special kaayo kay may pa lechon si Mayor. Nagduda nuon ko ug basig nahibalo na ni sila sa announcement ni Rey. Niabot pud si Nang Ebz ug siya ra tawon ang nagdalag regalo sa tanang nianha. Ka swerte nalaman jod nako sa akong mahimong mother in law. 

Nang Ebz: " happy birthday day! " 

Ako: " oy salamat Nang! Salamat pud sa gift " 

Nang Ebz: " syempre birthday nimo, naglibog pa kog unsay e gift nimo nga magamit jod nimo ba, 

 nagpatabang pud kong Rey unta ganahan ka ana. " 

Ako: " wa na unta ka nagtagad nang oy. " 

Nang Ebz: " basta ikaw! Hehehe " 

Na curious jod ko ug unsay sud sa gift kay ang putos kulang nalang butangag congratulations best wishes murag pang regalog kasal. Gidalikyat nakog abre sa kwarto ug mura kog na shocked sa pagkadaghan kaayong panty. Unsay pagtuo aning Rey nahutdan nakog panty? Imagine 70 pcs. kaingon siguro siyag oras oras ko mag ilis ug panty. Wa nalang niya gialang alang ug apil pud ug bra. 

Tungod sa akong kakulba sa buhaton ni Rey kay wa pa jod ko kasuway nga naay formal nga moatubang sa akong ginikanan. Maulaw ko nga hilasan nga basta ngilngig. Mao nga pa sekreto kong ni tagay ug red horse pawala sa akong gibati. First time kong nakainom ug red horse. First shat puno ug gi straight nakog inom murag ni blurry akong panan-aw kusog jod diay manipa ang kabayo. First shat pa to pero mura nakog nakatama . Wa joy nakabantay nga nagtagay nakog ako kay mug akong gamit dako pa jod abi nilag nangape ra ko. Sa ikatulo nakong shat, nakabantay si Rey kay nibawod naman akong panan-aw. Wa nako nikaupat kay basig mokalit ra kog kalukot sa daplin.

Rey: " naunsa ka? " 

Ako: " wa man. "

Rey: " mura man kag nahubog. " 

Ako: " wa oy, nangape ra ko. "  

Gisimhotan niya ang mug nga akong gamit. 

Rey: " mura man lagi nig tanduay." 

Ako: " red horse na doy, 3 in 1. "

Rey: " nganong nag-inom man ka?" 

Ako: " gikulbaan ko. " 

Rey: " wa gani ko kulbae nga akoy moingon. Pag-inom sag tubig oh, gi pangape naman na nimong red 

horse. " 

Nangayo ra gani kog support sa red horse sa akong himoong desisyon para makaingon jod kong ' Ito ang tama ' .  

Nag 2x na jod akong panan-aw maong pag-ingon ni Rey nga naa sila Papa ug mama sa kusina adto siya moingon ug paubanon ko niya. Pagtindog nako nibarag jod ang totzkie kay nalipong man ko. Nakapanggunit jod ko ni Rey, leche red horse pa. Wa na jod ko sa akong boot pag atubang niya nila Papa, ang ako lang nadunggan nga niingon si Papa. 

Papa: " pasalamat pud mi doy nga gi respetar mi nimo pero di pud mi kaboot kon unsay gusto aning anak namo aw ug magkasinabot mo maayo kaayo. "  

Ug didto nakatug ko sa lamesa wa na kahibalo ug unsa nay nahitabo sa world. Pagkabuntag nako nakamata diha na sa akong kwarto, mura gihapon kog nalipong .

Kuya: " dia rang palahubog oh. " 

Mama: " nganong nahubog man ka gabie day? Tingala nalang mig nganong wa naka naglihok gabie. Manguyab ra ba daw nimo si Rey. " 

Kuya: " na discouraged nato kay palahubog man diay. " 

Nisamot akong ulo kalabad sa baba ni mama ug kuya. Di na jod ko mangape ug red horse promise. 

Siguro hulog ng langit jod nako si Rey kay 2 weeks after na hired ko sa usa ka money remittance. Way daghang kuskus balongos ako ning gidawat. Wa koy problemag transpo kay hatod kuha ko sa akong admirer nga si Rey. Dinhi napud nagsugod nga sig pangutana akong pamilya ug gisugot na ba nako si Rey.

Wa pa syempre, 1 year among sabot. 

Mama: " kaluoy pud ni Rey, sugta na gud na day. Kabuotan anang tawhana, panagsa ray laki ron nga ing-ana." 

Ako: " mama oy, magbuot man. Ikaw gipanguyaban? " 

Mama: " dili lagi, pero unsa man diay imong gidugayan diay? Makakita gani nag lain na mahay jod ka." 

Ako: " mahadlok man daghan pag gapantalon oy. " 

 Wa pa jod ko kasabot ug unsa joy tinood nakong feelings kang Rey. Di pud ko makaingon nga nainlove nako niya nga kanunay nalang siya nakong hunahunaon every hour every minute, ang ako lang ganahan ko sa iyang pag ka caring ug pagka gentleman. Ug gipanggunitan pud nako ang iyang giingon nga 1 year siyang manguyab , ang sabot kay sabot baya. Pero diri jod ko na pressure ug maayo ni Nang Ebz kay gitandog niyag apil akong konsensya. Gikan trabaho gidetso ko ni Rey sa ilaha kay nangimbitar si Nang Ebz ug dinner nako kay dugay napud ming wala maka chika kay duty na lagi ko. Nag luto siya adto ug bisayang manok. Pag-abot nako nakalitan ko sa iyang paggakos nga murag 10 years ming wa magkita. 

Nang Ebz: " gimingawww jod ko nimo day des, wa nay tiglaag diri nako. " 

Ako: " lagi nang saong nanginabuhi naman ko. " 

Nang Ebz: " laag pud dirig panagsa ug day off nimo. " 

Ako: " aw oh, sige Nang sunod. "  

Lami kaayo ang bisayang manok ni Nang Ebz pagpangaon namo init pa jod kaayo pero dili ko sa sabaw gipaningot. Gipaningot ko sa iyang mga gipanulti. 

Nang Ebz: " Day, doy... Uyab naba mong duha? " 

Hapit mogawas ang sabaw sa akong ilong. Wa ko kahibaw ug unsay dapat itubag maong gikusi nakong paa ni Rey aron siya akong patubagon.

Rey: " di pa daw ma. " 

Nang Ebz: " dugay na man kang nanguyab doy? Wa ka nakaangay aning anak nako Day? " 

Ako: " nakaangay man Nang! " 

Nang Ebz: " awp, naa raman diay na! Unsa paman diay gihuwat nimo day? Huwaton pa ni nimong matiguwang na nis Rey? Dili na unya ni makaanak. "

Bahaa akong singot naminaw ni Nang Ebz. Nitan-aw kong Rey aron naa siyay isulti aron mahunong ning iyang inahan pero way pake murag giganahan pa naminaw.

Nang Ebz: " kami sa una sa akong bana, pagpanguyab nidetso dayon kog 'Oh! Uyab nata! ' kay nakita jod nako kon unsa siya ka sinsero diri nako. Dayon pila rami ka buwan nag uyab, naminyo dayon mi. Malipayon kaayo mi sa naminyo nami ug nakaanak mig upat ug pasalamat kong wa ko magdugaydugay kay gikuha siyag sayo sa kahitas-an. Mao nga kamo, ayaw mo pagsalig nga naa pay taas nga panahon kay wa ta kahibalo ug buhi pa ba ta ugma. Himoa karong adlawa ang tanan nga murag last na ning adlaw ninyo aron wa moy basolan sa ulahi. " 

Di lang singot ang nitulo nako apil pud luha ug sip-on murag naminaw kog mga pulong nga gikan sa langit. Murag niabri ang kalangitan ug naay anghel nga ninaog ug gipakngan akong ulo kay nganong pakipot pa ko kaayo. Pag-uli na nako, gipabawnan pa jod ko ni Nang Ebz. 

Nang Ebz: " unta kamo na jod ni Rey day des. Ako jod ang unang malipay ninyong duha. Tuohi jod ko nga nahigugma jod si Rey nimog tinud-anay. "  

Naglakaw mi ni Rey padung sa amoa nga way tingog, speechless ko sa mga pabawon ni Nang Ebz. Mao na jod ni akong gikahadlokan dihang mahibaw-an nilang tanan nga nanguyab na si Rey kay mosangko jod ni sa sayo nakong pagminyo. Nakahimo kog ahat ug dinalian nga desisyon. 

Ako: " kuhaa sa tong imong sakyanan" 

Rey: " magsakyanan pa ta? Duol raman inyo. " 

Ako: " mag joyride tang duha. " 

Rey: " gabie naman. " 

Ako: " di ka? Di pud. Sige Bye." 

Rey: " oy oy! Huwat sa diha. "  

Paspas pa sa alas kwatro nakakuha sa sakyanan. Wa mi exact nga location nga adtoan basta kay nag drive ra si Rey ug nakalabay mig nindot nga spot gipili nako ang daplin ug dagat aron romantic nga morag pang movie ba pero wa mi nanaog sa sakyanan kay daghang lamok. 

Ako: " unsa ko nimo ka love? " 

Rey: " Ingon ni Papa namo kon mahigugma mig babaye di mi manaad, ipakita namo. Kon sugton ko nimo, ipakita nako kon unsa ka nako ka love. " 

Wa ko mainform nga balaan diay kaayo manulti ning pamilya ni Rey. Duot sa heart liver ug kidney. Di unsa paman diay dugayan, nilawig dayon ang barko. Gisugot nako si Rey akoy unang niingon nga " I love you na ". Ug didto niya gipakita kon unsa ko niya ka love, murag gipaak ug buyog akong lips. Kaingon gani kog mag ana ana nami kay mosugot naman jod ko adto ba, bahalag ugma dayon magminyo pero taman ra jod siya sa lips wa niubos perme ra pataas. 

So another big announcement na sad ang nahitabo. Pag-uli namong Rey natulog na sila Papa so ingon kog ugma nalang namo iingon. Wa pud ko mainform no nga nig mata nako diha na siya sa among sala nangape 6am pa. Nakatug ba kaha ning tawhana.  

Ako: " sayoha man ka? " 

Rey: " early bird catches the worm baya " 

Ako: " edi wow. Niingon naka? " 

Rey: " wa pa gihuwat ka nako. " 

Ako: " Maaa!!! Paaaa!!! Uyab naming Reyyy!!! " 

Samay dugayan, di nako hilig ng mga pa special effects. Straight to the point. Nangbagting gud ang mga kaldero sa kusina. 

Ma: " ha? Unsa to day? " 

Ako: " nganong kape ramay gihatag aning uyab nako nga naa man tay daghan pan diha. " 

Mama: " hala, uyab namo? Kanus-a raman? Nakahibaw na si nang Ebyang ani? " 

Rey: " wa pa te. " 

Mama: " unsay te? Pagpraktis nag mama nako doy. Ayaw nag kauwaw hehehe. " 

Lain napung kalbaryo akong sagubangon, pangminyoay napuy target nila. Ug wa jod ko masayop kay pagkahibalo ni nang Ebz halos ipaipon nakog puyo ni Rey. 

Nang Ebz: " matug na jod ka ani panagsa day. " 

Ako: " ay di pud ko kasaad nang "

Nang Ebz: " ubani gud pud ko ani panagsa. Uyab na bitaw kang Rey, pamilya naka namo. " 

Maoy gidangat najod, sakto jod akong mga panan-awon. Ug motikang kog laing ang-ang, e push to the limit pa jod ko nila. Yahay kaayog kinabuhi si Rey, di kas ug laway mo convinced nako kay naa namay daghang spokespersons. Magpaabot nalaman siya sa outcome kay makahimo man jod kog wa sa planong desisyon kay gi pikot nako nilag maayo. 

Niabot jod ang time nga naka sleep over ko ila Nang Ebz day off nako pagka-ugma so ok ra. Way kahumanan nga chika lupig pa namong mga teenager nga dugay nag kita ug naghisgot sa among mga crush. Nakatug nalang si Rey naminaw namo. 

Nang Ebz: " bukawa na nas Rey day des kay pangatug namo. Adto ra tug sa kwarto ni Rey kay aircon."

Ako: " siya? "

Nang Ebz: " adto ra pud na siya, dako man ng kwarto ni Rey " 

Ako: " sa laing kwarto ra ko matug nang. Tugnawonon pud ko wa ko maanad ug aircon. " 

Nang Ebz: " daghang lamok day , murag mga eroplano ang mga lamok ani. Usa rapud among mosket, akoy gagamit. " 

Nag imagine lang kog tapad mig higda ni Rey mura naman kog atakihon. Mao nga pagtalikod ni Nang Ebz padung sa iyang kwarto, gibukaw nako si Rey. 

Ako: " adto daw ka sa laing kwarto matug kay adto ko sa imong kwarto. " 

Rey: " daghang lamok. " 

Ako: " pagkatol nalng daw. " 

Rey: " si mama niingon? Wa man mi katol. " 

Ako: " bahala kag unsaon na nimong lamok. "

Maayo rapud nga wa nisupak si Rey. Gi enjoy nako ang kabugnaw sa iyang kwarto while siya nakiglayog sa mga lamok. Pero sa mga tunga nas gabie nakamata ko kay nanuktok naman sa iyang kwarto. Dili daw siya katulog kay gawas nga igang daghan jod ug lamok. Sakto jod diay siguro si Nang Ebz murag mga eroplano ilang mga lamok. So mao to ang first time namong pag tapad ni Rey ug katug.  

Rey: " lami man diay ning naa tay tapad matug. Pag sleep over nalang kanunay ari." 

Ako: " sige pero magdala nakog katol kay adto gihapon ka matug sa pikas. "

Rey: " di bitaw ko mamaak. " 

Ako: " di bitaw. " 

Ug wala joy nahimong tulog namong duha kay sige nalaman mig story telling about sa past, present and future. Ilawom sa usa ka habol ug bugnaw kaayong aircon, midnight talk while hugging each other, sweet diba? Unta kamo pud charoz.

Sweet nga pagka boyfriend si Rey pero naay maypagka strict ug matured nag pangutok siguro kay nabantayan nako nga iyang mga ka closed labina sa iyang work puros mga wanggits o mga tigols, unlike me nga happy go lucky lang chill chill sa life, party party. 

Ako: " manisco ra ba mi ron. 

Uban ka? " 

Every fiesta di jod ko ma absent sa mga pa disco ni Kap kauban sa akong mga cousins and silingans so gi invite nako si Rey. 

Rey: " mag-unsa man pud ka didto? " 

Ako: " didto ra gud. Pwede pud ka mag break dance didto. Sige na. " 

Rey: " naa koy sayo nga surveyhon ugma ." 

Ako: " killjoy oy. Panagsa ra bitaw ni. Trabaho bitaw pud ko ugma sayo ra ta mouli. "

Rey: " mag-unsa mn ka adto nga daghang hubog. "

Ako: " adto ra gud ug ganahan sa music di mosayaw pud. Palayo gud sa mga hubog. " 

Wala na nag tingog si Rey halatang wa joy interes naga ekis ng kilay while ako hype na kaayo kay dungog na kaayong beat sa music. Gi dung jod nako siya sa ilaha aron lang iuban pero lisod jod ni maukang ning nagka edad na. Wala na jod nitingog si Rey focus kaayo sa gitan-aw sa tv. Gi kissan nako sa lips pero dedma lang gisapot ang lolo. Nananghid nakong molakaw pero wa jod nag practice ug ka amang. So niadto ko sa disco nga way dalang uyab. Mga hype pud akong mga kauban, sayaw jod ug toda naay mo ibid ibid nga guys pero loyal pud ko dili nako ibaylo akong Engineer sa mga palahubog. Wa ko kabantay nga nag sige na diay ug panawag si Rey ug daghang text nga uli na, niuli naka? , Ayawg dugay diha. Lupig pa may inahan mga 1 hr. pa gani ang nilabay. Kay panagsa ra lagi nagpatuyang kog ako wa nako siya replayi, taod taod nalang gikuhit ko sa akong ig-agaw. 

Couz: " ate des! Naa ra ba imong 

uyab. " 

Ako: " asa? " 

Couz: " uban daw nako kay paadtoon daw ka. " 

Excited pud kong niadto kay niapas jod diay si Rey. Ang iyang gisuot sa bay mao ra pud iyang gisuot wa man lang nag-ilis naka t-shirt ra ug short nga pang uranay. Engineer nga murag limosan. 

Ako: " apas man lagi? " 

Rey: " ikaw akong giapas. Tana. "

Ako: " after 1 hr. " 

Rey: " asa rang sayo uli? Daghan ng hubog oh. Tana. "

Ug wa jod koy nahimo pa, wa na gani ko kapananghid sa akong mga kauban. Lami pa unta ipasingot ug toda todag sayaw pero killjoy kaayo si Rey. Nanglood kaayo ko, wa nako siya tinggi sa byahe hangtod sa pag -abot namo sa among balay.

Rey: " nasuko ka? Giapas ka nako kay basig maunsa ka adto daghang hubog. " 

Ako: " ako ra ba diay? Nga daghan man kog kauban. Mura man tag bata apason, say pagtuo way buot? Labon bitaw gipauban ka , di pud ka! "

Rey: " ugma ra ta mag estorya. " 

Bisag init kaayo akong ulo ug lami na ipangaway, nabugnaw ug kalit sa pag kiss ni Rey sabay goodnight ug i love you. Mao nay iyang style nga bisag mura namig iro ug iring magtinubagay pero at the end mawala ra tanan tungod kay ipa feel niyang naa gihapon ang love namong duha. Unta kamo pud. 

Abot namig 1 year ni Rey dihang ni grabe na jod ang pag pressure nila namong magminyo pero hugot jod nakong ingon ni Rey nga di pa jod ko ready nga magminyo. Ilabina jod si Nang Ebz halos mangugat nag convinced namo.  

Nang Ebz: " kanus-a man mo magminyo day? doy? " 

Rey: " wa pa sa among plano ma. "

Nang Ebz: " unsa raman diay inyo? Mag-uyab ra mo perme? Pag minyo namo! Unsa pa may dugay dugayan. Naa namo sa saktong edad. " 

Rey: " moabot ra lagi mi ana ma. "

Nang Ebz: " ay kanus-a paman lagi unya nag mamatay nako? Tiguwang na baya ko doy. "

Nagsugod napud ug pangosensya si Nang Ebz pero final na jod akong decision nga di pa ko magminyo di pa ko prepared. Kay sure pud ko ug kon maminyo nami, lain napuy ihangyo nila ang manganak napud mi. Alams na alams na nako ang mahimong dagan sa panahon. Ganahan kog bata pero mahadlok ko manganak, dayon ang pag-atiman ug bata di pa jod nako feel. Unya maayo ug kas-a ra unya gusto ni Rey ug tulo, lima pa gani to maayo kay nahangyo pa. Ug musulod man gani kog marriage kinahanglang duna koy eagerness, braveness , willingness and everything aron ma conquer nako ang tanang kalami ug kasakit sa kaminyoon.

Rey: " unsay maayog magminyo nalang kaha ta. "

Ako: " labing maayo pud nga magbuwag nalang kaha ta. "  

Rey: " tarong ba. Sure naman jod ko nga ikaw na jod akong pakaslan. " 

Ako: " asa naman tong gi kwenta nimong 4 years after? 1 year manguyab then mag-uyab balig 2 years then prepare sa kasal bali 1 year? Wa pa gani tay 2 years! " 

Rey: " ingon ba diay kog mao jod toy atong sundon? Sakto na rong panahona nga magminyo nata. " 

Ako: " ay da! Pagminyog imo oy. Basta that's my final decision ,ug 28 nako makigminyo ko nimo. "