Super SPG - Finale/Part 5

 

Bisan wala pa ko kahangad sa iyahang nawng, kabalo nako nga si Jp ang naa sa akong luyo. Dali ra kaayong nipaspas ang pitik sa akong dughan ug mura kog nahuwasan sa kahubog.

"Shane.."

Gibutang niya iyang kamot sa akong abaga. Mura gyug nikurente akong lawas pagdapat sa iyang kamot sa akong panit.

"Ahm, mu-excuse sa ko ninyo teh ha.." giingnan nako si Ate Jean nga naa sa akong tapad. Nibarog ko ug nilahos ra kog lakaw nga wa maglingi2x kang Jp. Bisag nalipong ko, gipugos jud nakog lakaw nga di ko mubarag.

Pag abot namo sa gawas, gigunitan ni Jp akong kamot maong nakahunong kog lakaw.

"Shane..."

Gibawi nako akong kamot. Pag atubang nako niya, murag kaambakon akong luha. Oh, how I miss this man so much. Lami kaayo siyang gakson pero gipugngan lang nako akong kaugalingon.

"Nganong naa man ka diri?"

"Ako dapat mangutana nimo ana. Nganong naa man ka diri?"

"Naa ko diri nag OJT. Kadto sila maoy akong mga ka-workmate. Ikaw, samay gibuhat nimo diri pud? Ay ko ingna naa sad kay gitrabaho diri?"

"Wala. Niari ko kay nakita nako imohang myday and namasin lang ko kung tinuod ba jud nga naa ka diri karon."

"Unya, samay naa ug naa ko diri diay. Nganong nianhi pa man ka?"

"Gusto kong makig istorya nimo Shane."

"Bahin sa unsa?"

"Nganong gi-blocked man ko nimo? Unya dili pa jud ka macontact. Nag ilis kag number?"

"Basin."

"Ngano man?"

"Angay pa ba gud ng ipangutana Jp? Malamang naglikay ko nimo."

"Ngano man lage? Shane..." Niaksyon siyag duol nako, niatras dayon ko. As much as possible, dli ko gusto magdapat among mga panit kay basin ug makalimot kos akong kasuko niya.

"Shane, I know nasuko ka nako. Sorry... Sorry if wala nako matubag imong pangutana last time. Nanalaw ko. Nahadlok lang ko para nimo Shane, bata pa kaayo ka. Gusto pa gyud unta ko nga makahuman kag eskwela, nga masuccessful ka. Naguol ko kay if tinuod nga buntis ka, maputol nako imohang pangandoy."

"Really, Jp? Kana raba gyud imohang rason? Concern ra ba gyud kas akong kaugmaon? Di kaha ang imohang tinuod nga rason kay wla gyud ka mahigugma nako? Nga gigama rako nimong parausan sa imohang uwag? Nga si Aireen gyud ang tinuod nimong gihigugma? Diba sakto ko Jp?"

"Shane..." Niduol nasad siya nako ug gikuha niya akong kamot pero gibira dayon nako.

"Ayaw na Jp. Ayaw nakog ilara. Nakamata nako sa kamatuoran. Muabot ba gud mog ingana kadugaya sa imong uyab kung tinuod pa nga wala naka maibog niya? Nag gama2x pa ka ug dummy account, para unsa? Para ba dli ka masakpan ni Aireen kay mahadlok kag makigbuwag siya nimo once masakpan ka? Sakto diba ko, Jp? Kay kung tinuod pa nga sige na ka niyag kasakpan sa imohang binuhatan, buang na lang ang babae nga dili mubuwag nimo! And I don't think buang si Maam Aireen para dli ka buwagan once mahibaw.an niya nga hugaw kag binuhatan. And martyr? You are telling me martyr siya? Huh! Asa ko too! Maayo lang gyud kang mutago sa imong sekreto maong hantod ron, wala pa ka niya masakpi!"

Pasalamat rapud diay ko nga nakainum ko adtong tyma kay isog kaayo akong dugo. Nakahunat gyud kog panubag niya.

"Shane..." Naglisud na jud siyag tubag nako. Nganong maningkamot paman jud nig pangilad nako tawhana? Para sa unsa pa? Unsa pa may tuyo niya nako? Guba na kaayo ko. Unsa pa bay nakuwang para ani niya nga iyaha paman jud kong ilad iladon sa iyang mga bakak.

"Jp, ayaw nag paningkamot ug explain diha. Pauli na lang. Hunongi na ko. Sakto na. Sakit na kaayo.. Kahibaw man jud ko nga giilad ra ko nimo."

"Pero Shane, buntis man kaha ka?"

"Diba giingnan man tka nga ipakuha nako ang bata? Nahoman na, Jp. Wala nay bata sulod sa akong tiyan. Maong if niari lang ka tungod kay naguilty ka nga napabuntisan ko nimo, pwes ako nay mag ingon nimo. Ayaw nag kaguol, wala na kay tulubagon nako. Akoa ng gipakuha imong bata."

Nahunong siya ug nakuratan. "Pagtarong diha Shane. Gipakuha nimo tinuod ang bata?"

"Oh uy. Unsaon man diay to nako nga wala man toy amahan. Nabuo raman to siya tungod sa kauwagan sa iyang ginikanan. Dili niya deserved nga mabuhi sa kalibutan maong gipalaglag nako uy."

Kung naa pa untay award ug best actress adtong higayona, ako na siguro ang nidaog.

"I can't believe mabuhat nimo ng butanga Shane.."

"Ngano gung dili. Kabuhat man gani kog hatag sa akong virginity nimo bisag mao pay atong pagkita. Kabuhat sad gani kog bilangkad2x nimo sa camera bisag wala pa ta nagkita. Kana pa kaha."

Gitutokan ko ni Jp. Dili makatuo iyahang nawng. Naglingo2x siya. Disappointed kaayo siya tan.awon.

"Pwes, ug tinuod man galing na, maypa diay'g wala na lang ko niari."

"Yes. Maypa jud. So ayu pa ug muuli na lang ka. Nag usik rakas imong gasolina ug kahagu."

Nakadungog ko niya nga nanghupaw ug niduko. Kahilakon ko nga nagtan-aw niya. Mao raba ni iyang reaction? Taman ra ba siya sa ingani? Igu raba ko niya tubagon ug maypag wala siya muari? Sakita uy.. Mura mag giduslak2x akong heart ug kutsilyo. Gipaak nako akong lower lip kay kaambakon na jud akong luha. Dili ko gusto muhilak sa iyang atubangan.

"Lakaw na Jp. Pauli na. Undangi nako. Balik na ni Maam Aireen. Ayaw na siyag binuangi kay di lalim ning pasakitan. Maglimtanay na lang ta."

Sakit na kaayo akong tilaok ani nga time. Giagwanta lang jud nako para di ko makahilak. Dugay kaayo siyang nagduko. Akoa ra siyang gitan-aw. Kasakit na lang jud huna2xon nga ang imohang hinigugma naa ra sa imong atubangan pero dili nimo pwedeng duolon or hawiran. Kagaksunon unta kaayo ko niya kay gimingaw na kaayo ko niya. If I'd choose to be a martyr, I would've hugged him and forget that he has a girlfriend. Pero wala nako na gibuhat.. mas gipili nako akong kaugalingon. Husto na. Time na para gamiton nako akong utok.

"Ug mao man gani nay imong gusto Shane, Okay.. Ikaw mag igo."

Nitan.aw siya nako. I look closely to his eyes. Masulob-on kaayo iyang mata. Wala ko kaagwanta, niagas na jud akong luha.

"Salamat na lang sa tanan2x, Shane. Dili tka makalimtan. Kung wala lang siguro koy uyab sa dihang nakaela tka, ikaw jud akong pilion. Naibog man jud ko nimo Shane, sa pagkatinuod lang. Pero... dili gyud siguro kita ang para sa usag usa. Makakita pa kag mas deserving para nimo Shane. Bata pa ka. Taas pa kag maabot. Sorry Shane.. Sorry if ever, napasakitan teka... I will miss you Shane. Mamiss jud tka pag ayu."

Gigakos ko ni Jp. Wa nako siya gitukmod. Instead, nibakho kog taman sa iyang dughan. Laen kaayo to nga gakos, murag mao toy pinaka sad nga hug sa akong tibuok kinabuhi knowing it's our last hug.

Oh good Lord... Please, ayaw sag padagana ang oras. Just let me savour the moment. Bisag sa last nga higayon lang, tuguti ko nga makagakos nako si Jp ug dugay.

Pero wala gyud gitugot sa Ginoo ang akong hangyo. Wa madugay, nibuhi na si Jp nako. Gisalip-ungan na lang nako akong nawng sa akong kamot kay nauwaw ko nga grabeng basaag luha akong nawng ug nag sige gihapon kog bakhu2x.

"Muadto nako Shane. Pag ayu2x diri. Ayaw pasagad ug kaon. Ayaw pag sigeg inum2x. Enjoy your life, Shane. Ug congrats daan sa imong upcoming graduation. I'm gonna miss you Shane..."

"Jp..." Gusto pa kaayo ko nga mu-hug niya pero ni-atras na siya ug nag lingi2x sa palibot. Nakalimot ko nga naa diay mes gawas.

"Sige na Shane, balik na sa sulod. Daghan hubog diri. Good bye, Shane."

Gitutokan ko ni Jp ug pila ka seconds, usa siya naghinay2x ug atras ug gibiyaan nako niya didto. Gusto kaayo nako siya nga gukdon. Gusto nakong bawion tanan nakong gipang ingon niya pero wala makalihok akong tiil. Mura kog gilansang sa akong gibarugan.

"Jp..."

Nag sige ra kog hilak nga naglantaw niya nga nisakay sa iyang sakyanan. Pagpaatras niya sa sakyanan, automatic nga nilakang akong tiil padung sa parking lot. Gipaspasan nako akong mga lakang sa dihang nigawas na siya sa highway. Nag sige kog tawag sa iyahang ngalan pero dili nako niya madungog. Hantod nga nakaliko na iyang sakyanan ug niabante na siya, usa pa ko nidagan. Mura kog buang nga nag gukod sa iyahang sakyanan bisag kabalo ko nga di ko makaapas niya.

"Jp! Jp...!!"

Pero wala nay Jp nga nibalik bisag unsaon nakog tawag. Gibiyaan nako ni Jp. Gibiyaan nako niya. Kasakit. Kasakit na lang jud sa akong heart. Nagmahay kog taman nganong ingadto akong mga gipang istorya niya. Pero diba sakto akong gibuhat? Gibuhian nako siya tungod kay dili ako ang para niya. Naay original nga nakapanag-iya niya. Ikaduha ra ko. Fucking buddy ra ko ni Jp. Kumbaga sa salida, dapat no string attached. Pero ako ang pildi sa among duwa kay ako ang nahigugma pag ayu niya. Maong ako ang nasakitan ug maayo.

Nihunong kog dagan sa dihang dli na gyud nako makita ang lubot sa sakyanan ni Jp. Nagtan.aw na lang ko sa direction nga iyang gipadulngan. Kung naa pay superlative sa word nga 'sakit', mao na gyud nay akong gibati adtong mga orasa. Perti gyud kasakit sa akong gibati. Gimingaw na dayon ko ni Jp. Shittt.. nganong ingon ani man akong naagian. Nilingkud na lang kos daplin sa kalsada ug gigakos nako akong tuhod ug nagpadayon ug hilak. Wala na koy pake sa mga tinagsa nga taw nga nanglabay sa akong tungod. Padayon ra kog hilak didto ug wala nako kabalo ug pilang minuto ko nga naglingkud didtong dapita.

Bisan ug wala nay luha nga miagas sa akong mata, nagpabilin ra gihapon kong naghinuktok didto. Until nakabati ko nga nag vibrate akong cellphone nga naa sa akong bulsa. Pag tan.aw nako, si Ate Jean ang nanawag nako. Gipangita nako nila. Akoa na lang siyang giingnan nga muuna nakog uli nila ky dli na nako feel mubalik ug sulod sa bar. Nagpahatod kog tricycle sa akong boarding house. Pag abot nako, nidritso dayon kog kulob sa akong higdaanan. Gibalik2x nako ug rewind sa akong huna2x ang conversation namo ni Jp... until nibalik nasad ko ug hilak. Sakto ba gyud kaha to akong desisyon? Unsa kaha ug gitug.anan nako siya sa tinuod nga naa pa ang baby sa akong tiyan, dayunon kaha ko ni Jp? Buwagan kaha niya si Maam Ai para nako? Unsa kaha if chattan nako siya? Bakwion nako akong gipang ingon niya. Balikon kaha ko ni Jp? Pero if tinuod ko niya nga gihigugma, dili na gyud unta siya magduha2x. Pag ingon pa lang nako last time tong nag uban me sa lodge nga buntis ko, dapat wala nako niya palakwa. Or gigukod man lang unta ko niya. Dapat gicontact ko niya sa facebook kay nag sige kog paabot nga naay dummy account nga muchat nako. Or dapat gipangita ko niya, either nichat siya sa akong duha ka amega. Dapat naa gyud unta siyay effort para magkaistoryahanay me. Kung wala ko nag myday ug location nako adtong gabhiuna, magkaistoryahanay kaha me ni Jp?

Tas sa dihang pagkahibaw niya nga gipalaglag nako ang bata, ang iyahang giingon, maypag wala na lang ko niya adtua. Shit, sakit kaayo to para nako. Nagmahay ba siya nga giadto ko niya? Ingadto ba ko ka walay pulos para niya?

Tibuok gabie gyud ko ato nga wala matog ug nag sige ra kog hilak. Daghang what if' akong huna2x pero ako lang gihapon ang mutubag, and everytime matubag nako sa akong huna2x, magsakit akong dughan sa kamatuoran nga ako ra jud ang nahigugma niya. Maybe naibog gyud si Jp nako... pero lahi ra ang ibog sa gugma. Naibog lang siguro siya nako sa kama...pero si Aireen gyud iyang gihigugma. Ouch. 💔😭

1 month ang nilabay, walay puas ang paghilak2x nako sa boarding house everytime mingawon ko ni Jp. Usahay dili nako mukaon ug panihapon hasta pamahaw kay wala koy gana samot nga ako ra usa ug wala sad koy naamigo sa boarding house nako kay mag sige ra kog kulong sa akong kwarto. Nakasurvived ko nga sa paniudto rako makakaon kay naa man koy mga kauban ug kaon sa office. Nagniwang jud tawn kog maayoa adto. Niuli kos amoa for a Christmas vacation ug giyawyawan kog maayo nilang mama kay grabe na nakong daota. Usa ray nidaku nako, akong tiyan. Nagsugod na siya ug kagimaw adtong tyma. 3months nasad to akong tiyan adtong tyma pero dili pa gihapon maklaru kaayo kay slim man jud kog tiyan daan pa. Pag uli nako sa amoa, atleast nakapahuway kog hilak2x. Gikalimtan usa nako si Jp ug gi-enjoy nako akong vacation.

Pagka liwas sa pasko, nangaligo meg swimming pool sa akong family sa side sa akong mama. Bibo kaayo me. Nagdakpanay mes akong mga ig.agaw sa tubig. Pagkaw.as nakos pool, naslide ko sa salog ug perting pagka busdaka sa akong sampot. Gipangataw.an rakos akong mga ig.agaw pero ang akong dughan atong tyma, perti ng kulbaa. Nagdali2x kog tan.aw sa akong bilahan ug naa bay dugo, pero maayo gani kay wala ra. Nakiramdam sad kos akong pus-on ug naa bay sakit, wala man sad. Gihawidtan nako akong tiyan ug niingon kos akong huna2x ug "Sorry baby.." dayon nibarog nako ug naghinay2x ug lakaw. Wala nako muapil nila ug lingaw2x kay nahadlok kog mausban kog kadakdak. Mahadlok kog makuhaan ko.

Pagbalik nako ug work, grabeng busyha sa office. Daghan kaayo kog files nga dapat e-compile kay daghan kaayo meg gireleas nga mga loan application sa among mga clients sa company before me nag Christmas break. Nabusy gyud ko ato nga time pero gipaningkamutan nako nga di ko mastress physically para di mahagu akong lawas kay nahadlok ko nga makuha si baby.

Before nag new year, nakadecide ko nga muvisit na ug OB gyne para magpa check up. Pagkadungog nako sa heartbeat sa akong baby, nakahilak jud ko sa kalipay. Kalit lang ko nga nakakuha ug kusog para manlimbasog ug magpadayon sa life despite sa kasakit nga akong naagian sa pagkawa ni Jp sa akong life. Malipayon kaayo ko nga niuli sa boarding house adtong adlawa ug pagkagabie, nakig video call kos akong mga amega. Gitug.anan nako silang Mai ug Bebs nga buntis ko. Nakahilak gyud tawn silang duha. Nalooy sila nako. Gikasab-an ko ni Bebs nganong wala nako sila tug-ani dayon para madamayan ko nila sa akong kasakit. Gusto kaayo ko nilang e-visit sa akong boarding house para e-comfort. Pero akoa silang giingnan nga okay nako. After ko nakadungog sa heartbeat sa akong baby, automatic kong naulian ug nabaskog. Mura kog nakabaton ug bag-ong kinabuhi. Na-inspired ko nga mag move forward ug kalimtan na nako si Jp ug mag fucos na lang ko sa akong baby. Bisan pa man, happy sila para nako ug proud sila nga nagpabilin kong lig-on despite sa akong sitwasyon. Gi-end na nako ang video call namo ug nag start nakog basa sa hinatag nga pregnancy booklet sa akong OB. Na-excite gyud kos akong pagka mommy atong mga tyma. Dili mawala akong smile while nagbasa kos mga guide for a safety pregnancy. Pagka ugma, nagsugod nakog sud-an ug mga gulay ug namalit nasad kog mga prutas nako para ma-healthy si baby.

One night, on the month of February, while nag scroll2x kos news feed nako, nalabyan nako ang post sa page sa isa ka photographer nga gi-follow nako. Nahunong jud kog scroll ug gi-open nako iyang uploads kay tungod familiar kaayo ang couple nga iyahang gi-photoshoot. It was Jp and Aireen's prenuptial photoshoot's teaser. Nitimbakwas jud kog bangon ug giklaru nakog maayo ang mga photos nga gipang upload niya. 3 ra to kaphotos unya dili sad close up ang pagka tira pero maklaru na kaayo nako nga si Jp ug si Aireen ang naa sa mga photos. Naay nagtalikud sila ug nag atubang sa sunset, naa say nagtakilid silang duha and nag kiss si Jp sa agtang ni Aireen ug layu ra kaayo sila, it looks like drone lang ang gigamit ug capture sa photo. And ang last part kay walay nawng nilang duha, lawas lang nila ang gipicturan nga naghawid si Aireen sa dughan ni Jp ug giclose up lang sa photographer ang kamot niya nga naa sa dughan ni Jp.

Mura gyud kog gipabuthan ug bomba sa akong nakita nga mga photos nilang duha. Nag prenup na sila? Kaslunon na sila? Kadali ba? Wala pa gani ko naka move on, magpakasal na silang duha?

Shit, yawa. Kasakit nasad sa akong heart. Bag-o lang gani ko naundang ug hilak2x magabie, unsa naman sad ni? Nganong nakita pa man ni nako sa akong newsfeed?

Gibalik nakog tan-aw ang caption sa photographer sa iyahang post, name gyud nilang Jp ug Aireen ug ang ilahang wedding day, just 6 days before my graduation day.

Gilabay nako akong cellphone hasta akong mga unlan habol ug unsa pa nga akong mapunitan. Kasakit. Kasakit kaayo. Shit abi ba kog wala nay mas sakit pa sa pag talikud ni Jp nako didto sa bar. Mas sakit pa man diay kaayo ning mahibaw.an nato nga kaslunon na silang duha. Lord ngano man ni? Deserved ba gyud ni nako nga mag suffer kog ingani? Si Jp ang nagbinuang nako. Iyaha sad nga gibinuangan ang iyahang uyab sa dihang nakig sex siya nako. Pero nganong ako raman ang dapat mag suffer Lord? Nganong si Jp tua raman didto, malipayon kaayo? Ngano man Lord? Ngano man?? Ingana na ba gyud kadaku akong sala nga nahimo?

I cried all night. All day. Yes guys, wala ko niduty pagka ugma. Wala koy kaon2x sukad buntag hantod na lang nigabie. Kinsa may mudung.ag nako nga wala naman koy gana mubangon. Nag sige rakog lubog sa higdaanan tibuok adlaw. Mubakod rag mangihi ug mubalik nasad ug higda para muhilak. Kinasakitan jud kaayo. Nalooy kaayo ko sa akong kaugalingon. If gichattan ba nako si Jp sa tinuod nga wala nako gipalaglag iyang bata, mudayon pa kaha siyag pakasal ni Aireen? What if dili? Pero what if mudayon lang gihapon? Masakitan lang gihapon ko. Gamay na lang kaayong luha ang muagas sa akong mata pagka gabie, murag naughan nakog tubig sa sige nakog hilak sud sa isa ka gabie ug isa ka adlaw.

Pagka gabie, nakabati na gyud kog tumang kagutom. Nibakod ko ug nagluto kog pagkaon nako. And while naghuwat kos akong dinung.ag nga mahubas, gipunit nako akong cellphone. Nag crack na ang screen pero mugana pa gihapon. Nag buhat kog dummy account sa facebook ug gistalk nako ang real account ni Jp. Kaapan, private kaayo iyang account. Ang account na lang ni Aireen akong gi-open. Wala pa siyay post sa ilahang prenup. Maybe teaser pa lang gyud tong gipost sa photographer nila. Pero daghan siyag posts nga silang duha ra ni Jp. Nag adto sila ug beach resort. Nitulo nasad akong luha. We used to be in a resort together pero dili sama nila nga public kaayong nag gakos2x nga nagpicture. Si Jp pa ang nagkubot sa selfie stick ug nag-hug si Aireen niya. Sweet kaayo silang tan.awon pero gitorture nako akong self adtong higayuna ug nag sige gihapon kog stalk sa uban nilang mga photos together. Ako ra gyud ang perting buanga ni Jp. Nganong karon pa ko kahuna2x ug stalk sa iyahang uyab? Dili lang diay showy si Jp sa ilang relationship sa iyang real account pero sa timeline ni Aireen, puros nawng nilang duha ang naka upload. Nagsige gyud kog hilak atong tyma. Bisag nagkaon kog panihapon, nagsige gihapog agas akong luha. Natog ko nga nagbakho2x. Hasta sa akong damgo, si Jp ug Aireen akong makita. Nagmata ko pagkabuntag nga basa lang gihapon akong unlan. Murag tibuok gabie kong naghilak bisag natulog ko.

Three days straight jud ko ato nga sige rag hilak. Magbakho2x ko sa room nako. Hapuhapon nako akong tiyan kay mura nakog makafeel ug sakit sa akong pus-on if mapalabian nako ug bakho. Pagka hapon while naa pa ko sa office, nangihi ko sa cr nga naghilab akong pus-on. Niutong ko ug naa juy something nga nahabwa sa akong bangag. Nibarog ko ug pagtan.aw nako sa bowl, daghang dugo pero nakabantay kos nagbugon nga dugo nga naglutaw sa tubig. Nakahilak dayon ko sa dihang pagklaru nako, pormang bata nga gamay kaayo ang maong dugo. Murag naitom akong panan-aw pagkakita nako sa akong baby nga naglutaw na sa tubig sa bowl. Gisalip-ungan nako akong baba para dili ko madungog sa akong mga kauban nga nagbakho2x ko sa sulod. Ang naghatag nako ug kusog ug rason para maningkamot, nawala na. Nakuha na. Another kasakit nasad nga di matupngan ang akong gibati adtong mga orasa. Nagkurog2x akong kamot nga nihawid sa flush sa bowl ug nipiyong ko sa dihang gitulod nako kini ug giflush nako akong kaugalingong bata. Nigawas ko sa cr nga murag namanhid na akong tibuok lawas. Lord, pwede bag akoy isunod nimo? Gusto nasad kaayo kong mamatay adtong mga higayona. Nipauli ko sa boarding house nga tulala kaayo ko. I don't know how I managed to get home safely sa akong boarding house. Wala na gyuy luha nga nanggawas sa akong mata. Naghinuktok na lang ko sa daplin sa akong deck while gagakos kos akong tuhod.

Pagkaugma, niadto kos akong OB. Gusto kong makasiguro kung nakuha na ba jud akong baby kay murag lugos pa ko katuo nga wala na jud akong baby sa akong tiyan. Gi-ultrasound ko ni doc and this time ang akong hilak was dili na tungod sa kalipay. Gipangutana nako si doc ug nganong nakuha si baby. Abi nako ug tungod to sa pagkadakdak nako sa pool, pero iyaha kong gitubag nga sa iyahang tan-aw, nakuha akong baby tungod kay naa koy giagian nga emotional stress. Gipangutana ko niya ug sige ba kog kaguol. Nitando ko. Ug daku daw nga possibility nga tungod sa akong emotional stress maong naapektuhan akong baby hinungdan nga nakuha siya. Imagine how devastated I was that time. Unsa pay hinungdan nga magpadayon kos kinabuhi? But then, pagka gabie niadtong adlawa, nanawag akong mama nako. Pagkadungog pa lang nako sa tingog sa akong mama, I bursted out. Perti nakong hilak. As in nagdanguyngoy jud kog maayo. Gimingaw na kaayo ko ni mama. Gusto gyud kong muuli atong mga orasa ug mugakos ni mama. Wala silay kalibutan sa akong giagian. Nag inusara kog sagubang sa akong sitwasyon. Nakahuna2x kog putlon akong kinabuhi pero the moment nga nadungog nako ang tingog sa akong mama, nakahuna2x ko nga mag unsa na lang akong mama ug mawala ko. Pinangga kaayo ko sa akong mama pero giunsa man nako ni akong kaugalingon. Gipasagdan nakog maayo. After me nagkaistoryahanay ni mama sa phone, I prayed sincerely to the Lord. I asked forgiveness for all my sins. I left up my life to Jesus and beg Him to please save me from that pit. Ug after ko nakig istorya sa Ginoo, guys trust me, I was relieved ug nakuha2xan jud ang kasakit nga akong gibati. But dili gyud ingana kasayon ang healing process. Pila kagabie nga magmata ko sa tungang gabie nga magbakho2x kog hilak. Magbalik2x sa akong huna2x ang nahitabo nako. Gakson nako akong kaugalingon out of self pity. Kana bitaw wala gyuy maskin isa ka taw nga nakahibaw sa akong naagian ug wala sad koy gustong tug-anan, even my friends. Para unsa pa? Walay makatabang nako kundi si God lang ug akong self. Everytime makamata ko sa akong maot nga damgo, I will pray to the Lord nga unta makalimtan na nako ang tanan. Nga unta masabtan ra nako ang rason nganong ingadto ang nahitabo nako. Every Sunday, I would go to the church and talked to Him. Si God lang jud ang nahimo nakong sandigan sa panahon nga down kaayo ko sa akong life.

March 9, 2019, Jp & Aireen got married. Sige na me ug practice para sa among graduation march and song ani nga time. Naabtan ko nilang Mai and Bebs nga nag sigeg scan sa mga posts sa ilang mga friends nga nag upload sa ilahang wedding photos ug naka-tagged silang duha. Gwapo kaayo si Jp sa iyahang white suit. Gi-zoom pa jud nako ang photo niya nga nagpaso siya kauban iyahang parents. Nitulo akong luha but I was happy to see him smiling ato nga photo. He looks very happy.

Gihapuhap ni Mai akong likud while gigakos ko ni Bebs.

"Shane... Shane sakto na. You have to move on. Please e let go na si Jp sa imong heart. Sakit kaayo nga magtan.aw me nimo nga nasakitan. Sakitan pud kaayo me Shane..."

Bebs was crying while saying this to me. I just smiled at her. Don't worry Bebs, okay ra ko. I just couldn't hold my tears but believe me, okay ra ko ani nga time. Gi-hug nako si Bebs. Gi-hug sad ko ni Mai ug nag gakos meng tulo nga nanghilak silang duha. Ako na nuun ang nag sige ug katawa nila pero syempre nag hilak sad ko ani nga time.

"Okay ra man gud ko.. kamo jud."

"Undang nag hilak ha. Sakto na. Life must go on, Shane."

"Off course Mai. Don't worry. I'm okay. Naka move on nako. Dawat na nako ang tanan."

On that day, I promised to my friends and also to myself that from that day onward, dili na nako hilakan pa si Jp. Last na lang to nga luha nako nga akong gipaagas para niya. Dapat nakong mag move on. Sakto si Bebs, dapat e-let go na nako sa akong heart si Jp. He was just part of my history and will never be part of my future. Sometimes, it takes a heartbreak to shake us awake and help us see we are worth so much more than we're settling for.

On the day of my graduation day, no more dramas and tears na. Malipayon kaayo ko nga ni-march together with my mama and papa by myside. After sa akong graduation, dali rasad ko nga nakasulod ug trabaho.

Karon, 2years na ang nilabay. Wala na ang sakit ug totally healed nako. Dili pa ko successful sa life guys, but eventually, makab-ot ra nako akong mga pangandoy with the help and guidance of our Lord.

As for Jp, naa na silay anak ni Maam Ai. Boy ilang baby and super cute liwat niya. I am happy for them. Sila jud ang itinadhana sa Ginoo. And as for me, single lang gihapon ko hantod ron ug active reader gyud ko ani nga page. 😂 But I am enjoying every bit of my life right now. I have learned my lessons and I am thankful to God for bringing me closer to Him. There is so much more to enjoy in life. Dili gyud diay dapat dali-dalion ang mga butang ug samot na nga dili maayong di ta mutuman sa atong ginikanan. Naa gyuy taw nga gidestined sa Ginoo para nato. We just have to wait and trust His timing.

Sa akoang baby, I know nag guide lang siya nako ron. I know he/she is my guardian angel today. 😇

Ug diri na lang ko kutob. Daghan salamat sa pagsubaybay sa akong story. Sorry if wala mo nako matagae ug happy ending guys. Busy pa ang Ginoo ug buhat sa akong love story. If muabot na gani ang time nga mameet na nako ang laki nga para akoa jud, mubalik kog confess diri para sa another kabanata nasad sa akong life. Sorry if dugay kaayo ko nakahatag ug update guys. Work man gud ko maong gamay rakog time magsulat.

So mao ra to guys... daghang salamat and God bless everyone! Ug thank you pud diay ani nga page especially to Admin Hansam nga maoy permi mahago ug copy paste sa taas kaayo nakong confession. 😂

Love,

Shane 🖤