Kuto

Kuto

Helo sa tanang followers ug admins. 😊.

I'm Juvy Naglibog kog unsaon pag sugod akong sugilanon sa kinabuhi pero sugdan jhud ko ni sa kuto 😅. 

Bweno magsugod kos akong sugilanon sa dihang 8 years old pa ko. Bisag dugay ng panahon nilabay adtong Bata pa ko pero naay mga hitabo nga di jhud nako hikalimtan kay dinhi nagsugod ang akong kuto. 

Usa sa akong mga kadula sa Bata pa ko kining si Thor. 8 years old ko ug siya 10 years old dihang namalhin sila sa among lugar. Sa among mga kadula siya ra jhud akong dili ganahan Kay sungogan kaayo nako. Una sa iyang gisungog nako nga daghan daw kaayo kog kuto. Di pud ko molimod ana Kay naa man jhud pud koy kuto adtong Bata pa ko pero dili kaayo daghan Kay hingut-an pud baya ko ni Mama. Nagsugod na Kay nianha man ning si Thor sa amo Kay naay gihulam unya nakit-an ko niyang gi hingot-an ni Mama maong kanunay nakong sungogon niyag daghang kuto. Ilupad na daw ko sa kawayanan sa akong kuto. 

Maghilak gud ko mouli Kay kataw-an naman pud ko sa uban namong kadula Kay daghan daw kaayo kog kuto basig matakdan sila ug moapil ug kalupad sa kawayanan. Mosumbong ko ni Mama nga giaway ko ni Thor pero kanunay niyang ingon 

' tinuod bitaw pud day, daghan kag kuto Mao man gud na modagan man gud ka ug akong hingut-an. Pahinguto lagi kanunay Aron mawala ng imong kuto '

Gihimo jhud nako ang tanan aron mawala akong kuto. Pahinguto na ko kanunay ni Mama Aron mawala sila. Nipalit pud si Mama ug shampoo nga pawala sa kuto Aron dili na ko sungogon ni Thor. Pila ka days wa jhud ko pagawsa ni Mama kay para mawala lagi daw aron dili nako magpainit hangtod sa nawala jhud akong kuto. 

Di na ko mahadlok ug sungogon ni Thor nga kutoon Kay hinlo na kaayo akong buhok bisag tan-awon pa niya. Balik napud nga magdula mi kauban sa among mga silingan. Hangtod sa gisungog napud ko aning Thor nga pangag Kay natarog man to akong ngipon sa atubangan. Di napud kutoon ilang tawag nako, pangag napud. Muna2 jhud nakong hilak adto Kay dili ko nila paapilon. Si Thor may nahimong lider2 namo adto Kay maguwang lagi namo unya moingon siyag Ang pangag dili daw paapilon maong sige kog hilak kay dili jhud ko nila paapilon. Nasungot na jhud ko adtong panahona ug nipunit kog bato ug gibuno nako si Thor, naigo iyang agtang. Apil pud ko nahadlok adto maong nisirit jhud kog dagan padung sa amo Kay nagdugo naman Ang agtang ni Thor. Wala ko nitug-an nila Mama nga gibuno nakog bato si Thor, pero nahadlok jhud ko pagkakita nga nagpadung sa among balay ang Papa ni Thor ug siya nga sigeg hilak. 

Wala pa sila nangabot sa amo ni tiyabaw nakog hilak kay nahadlok basig ipa pulis ko nila. 

Giatubang ming duha mi nila Mama, sige gihapon mig hilak duha, gitambalan ng samad ni Thor Ani mura na siyag albularyo Kay gibanganan man iyang agtang nga naa pay mga kamunggay . Si mama na ang na ngayog pasaylo nako Kay mga Bata lagi sigeg sungog2. Gipapangayo pud ko niyag pasaylo sa akong gihimo pero wa jhud ko nagtagad ingon Lang ko.

' siya may una ma. Giingnan ko niyag pangag.' 

Moingon Lang pud si Thor nga 

' tinuod bitaw pud pangag ka ' 

Nisamot nga wa ko nangayog pasaylo. Bisan pag gilatos nakong Papa kay ug namata pa to Ang naigo ni Thor impas tanang utang maayo nalang kay gamay ra jhud Ang samad. 

Nisamot jhud akong kapungot aning Thor. Di nako makigdula nila, masungot nako magtan-aw niya ug molabay sa amoa. Hambogiro pud kaayo ni si Thor Kay naa man to siyay bike, paibog kaayo sa iyang bike di raba jhud pahulam. Nihangyo ko nila Mama nga papalit kog bike pero di ko palitan kay wa daw gani mi palit bugas, bike naba. 

Sa mga kadula nako si Thor ra jhud ang hate kaayo nako. Nalipay jhud ko pagkita nakong perme na mouban si Thor sa mga ka edad niya ug mga mas maguwang niya. Dili na namo nga mga manghod pa niya, nalinaw jhud akong kinabuhi. Samot na sa namalhin napud sila Thor ug laing balay. Kay mga no permanent address man sila adtong panahona kay Wala pay klarong balay sige rag pangabang pero diha ra gud pud sa among lungsod. Layo Lang mig barangay maong happy kaayo ko kay dili na nako makita si Thor. 

Bisag parehas mig skwelahan ni Thor sa nag high school ko, dili jhud mi kanunay magkita Kay mag likay2 ko niya. Mahadlok ko basig sungogon napud Kong kutoon o pangag. Ulaw na baya kaayo Kay high school na. 

Sa nag college ko, bisag parehas mig University ni Thor halos dili na nako siya Makita kay dako napud Ang campus. Di mi parehas ug course ug layo pud among department sa ilaha. Wa pa jhud ko nakalimot Ani nga no.1 bully siya para nako maong dili ko ganahan makakita niya. 

Dihay kas-a nga nagsabay jhud ming duha ug sakay ug jeep padung skwela. Una ko nga nagsakay adto dayon nihunong ang jeep sa iskina Kay naay mga pasahero. Busy ko adto ug andam sa akong plete maong wa ko kabantay nga usa diay si Thor sa mga pasahero. Wa pako kahibaw ana nga siya diay akong tapad Kay busy pa ko ug pangitag sensilyo sa akong pitaka. Gikalit niyag sulod iyang kamot sa akong pitaka nga murag mokuha pud siya sa sulod. Hapit nako siya malambosi sa akong binder nga dala ug wa ko makatan-aw sa iyang nawong nga gangisi. Gikusi jhud nakog maayo iyang kilid nga murag malangkat jhud iyang panit Kay gikulbaan kog taman kaingon kog snatcher. Ga ngisi2 ra jhud Ang boang wa jhud nabag-o. 

Paghapit na namo sa campus, mopatunol unta ko niya sa akong plete Kay siya may duol sa driver. Ningisi ra siya Kay ilibre daw ko niya, nagduda pa ko kay basig giilad napud ko ba pero nitunol siyag plete Bali duha. Pag-abot namo akoy niuna ug gawas kay naghuwat pa siya sa sukli wa nako nagpasalamat niya. Dali2 dayon kog sulod sa campus Kay hapit napud ko ma late at least naka libre ug plete. 

 Hunahuna nako saona, di jhud angay para niya iyang course kay bully siya nga pagkatawo. Dapat psychology iyang gikuha nga course Aron matun-an niyag unsay feeling ma bully. Daghan sa akong mga classmate ang naay uyab sa department ni Thor Kay mga Crim. inal, di joke 😂. Daghan pud ang hitsuraan jhud pud sa ilahang department pero ako wa ga jhud ko maibog sa ilang department Kay naa si Thor, masungot ko magtan-aw sa ilang uniform. Maayo pas engineering Kay mga genius pa, bright pa atong future.

Active man nig sports si Thor sa among University, sa basketball. First year pa ko ani maong Wala ko kahibalo nga player diay siya sa ilang department ug mag intramurals ang school.

Kay wa man jhud koy hilig2 ug mga sports Kay luyahon Kong pagkatawo kulang sa energy. Volunteer nalang mi sa akong kauban nga mahimong mochacha sa mga players. Kami tighatod ug snacks. 

Naghatod mi adtog snacks sa among mga players sa basketball. Nakahibaw ko nga department nila Thor among kontra pero wa ko kahibaw nga usa diay siya sa mga players. Pag-abot namo timing pud nga ni time-out sila. Igo ragud namo gibutang Ang mga snacks dayon pahayahay dayon, tan-aw2 sa games. Kadtong kauban nako naa man diay uyab sa department nila Thor maong nangugat jhud nga motan-aw, nitan-aw nalang pud ko bisag sakit kaayo sa mata si Thor, kaon2 pud mi sa dala namong snacks hago baya maglakaw daghang dala.

Naiwit kaayo among team, nanguna jhud ila Thor. Anad pud kaayo mo shoot ni si Thor kanunay maka 3 pts. Nagsabot bitaw mi sa mga kauban namo, Lima mi ka buok babae mga tig dalag snacks, nag recruit pud mig kauban aron mahimong cheering squad sa among team Aron mo boast ilang energy. Mga 10 siguro mi kabuok adto puros mga babae , Kara shoot sa among team, lupig pa namong mga fans ni Rukawa. Ug si Thor Ang maghawid sa bola, ako jhung tingog Ang molanog nga moingog, Sablay! Pero wa epek Kay ma shoot jhud gihapon, pikatan Lang Kong Thor. Bisag mga gwapo Ang team nila Thor, loyal gihapon mi sa among team pero sayang Lang Kay pildi Lang gihapon 😅 . 

Anang adlawa pud, nagkasabay napud mig uli ni Thor. Natingala ko kay dihay nihunong motor sa akong atubangan while nag-atang kog jeep. Gabie nato maong wa kaayo nako naklaro si Thor Kay naka kalo pud siya, wa pay uso helmet aning panahona. Kulbaan ko basig holdaper samot na Kay aksyon niyag gunit akong bag. Hapit jhud nako siya malambos ug wa siya motingog.

Ako: yaw* jhud kang tawhana ka. 

Thor: pasakyon ra gani ka nako

Ako: wa man Kay tingog diha mura kag holdaper.

Thor: ni skwela gani ko Aron dili ma holdaper. Sabay na ari, hatod ka nako.

Ako: ayaw na, magsakay ra kog jeep. 

Thor: wa nay jeep karon. Mapungkol nalang ka ana wa pay jeep. 

Ako: basin asa pa Lang ko nimo dad-on. 

Thor: ayaw kabalaka, mahadlok ko matakdag kuto.

Bunal bunalan jhud nakog maayo iyang ulo ka way puangod jhud tawhana. Wana koy choice ni sakay nalang ko niya kay dugay ang jeep daghan pa jhung pasahero naghuwat. Kusog ra ba kaayo nagpadagan murag wa matudloi sa iyang course about sa traffic rules, unsaon nalang kahag mahimong pulis ning tawhana. Wa ra jhud koy tingog, wa pud ko nigunit niya bahalag mahog ko, siya jhuy una nakong kagon ug mamatay ko.

Gihatod pa ko niya sa amo, pagnaog nako gikalit Raman nig butang iyang cap sa akong ulo nga Pina hip-hop look 

' isuot na ugma kay init. ' 

loading pa akong hunahuna nipadagan na si Thor. Ingon2 pag hadlok matakdan ug kuto, gipahulam pa jhud kog kalo.  

Pagkaugma last day na sa among intramurals. Gidala pud nako ang cap ni Thor basig iyang paninglon ug kalit pero wa jhud nako gisuot kay basig kutoon siya akoy pasanginlan. 

Naglakaw mi adto sa akong classmate Kay sigeg pangitag asa ng attendance gidagit. Nakatagbo namo si Thor ug diha puy kauban niyang tulo ka laki, iya sigurong classmate. Di na unta ko motagad niya pero gitawag jhud ko niya. 

 ' asang kalo nako? ' 

Wa ra pud koy tingog nikuha sa akong bag ug gikuha iyang kalo dayon gihatag niya. Molakaw na unta ko pero nakuratan ko kay iya mang gibutang sa akong ulo.

' isuot lagi na Kay init. Maintan na sila kuts ' 

Lami lagi kaayo lambosan ug haligi si Thor ani. Maayo gani Kay wa ka gets tong mga kauban namo nga kuto iyang ipasabot. Gingisihan lang mi sa iyang kauban, ingnan pa kog. 

' sugta na nis Thor miss, basig maboang na ning sig hunahuna nimo ' .

Wa jhud ko batiag kilig Kay hibaw kog naay sakit sa utok nis Thor. Tubag Lang nako.

' boang naman na daan. ' 

Unang ni graduate si Thor, kaingon kog invited kos iyang pakaon pero , nga2. Busy man pud ko ani nga time maong ok ra kaayo jhud. Last na diay unta to nga Makita Kong Thor Kay nabusy na siya sa iyang career ug ako busy pud ug paningkamot aron makahuman sa akong course. Nabalitaan nalang nako sa mga post sa face book nga nakapasar si Thor sa board exam. Na happy pud ko at least di diay siya lutaw bunot 😂. Friend mi niya sa fb pero never nga ni visit ko sa iyang wall or ni chat man Lang bisag wave.

After 4 years of sacrifices, ni graduate napud ko sa akong not so dream course. Gusto unta nakong mahimong Doctor pero gisulod nalang nako na sa among kaban Kay Mahal kaayo, di ka afford Ang parehas nakong poor. Di nako mo mention sa akong course kay hago na. 😅 As long as makasulod Lang ug aircon nga trabaho. 

Day sa akong graduation, to my horror, nga murag Kita kog di ingon nato. Diha si Thor, gangisi niduol nako. Gi rewind nako ang past days ug nainvite ba nako siya sa akong graduation pero Wala. Baga jhud siyag nawong.

Thor: congrats, graduate na jhud.

Ako: thanks, nasaag man laging pulis diri. 

Thor: nasaag pud, Naa pud koy kaila ni graduate man. 

Ako: palusot pa more, naa Kay uyab diri noh. 

Thor: uyabon pa lagi

Ako: uyaba na, 

Thor: ikaw man

Murag nilugsot akong Mata sa giingon ni Thor. Gibudlatan ra nakog Mata Kay di ko gustong ma bad trip sa akong graduation hibaw kong grabe ra jhud ang tripping aning Thor . Picture takings na mi sa akong mga ka batch ug gihimo nakong photographer si Thor Aron mapuslan pero wa pud siya nagpa iwit. Nagpapicture pud siya sa akong kauban, tapad nako. Ni smile rapud ko sa camera nga murag naay dispatsahon. Nipaduol man na kaayo nako si Thor ug niagbay, feeling close murag wa ko gi bully sauna ug giingnag kutoon ug pangag. 

Wa na siya niuban sa balay bisag gipauban siya ni papa kay naa pa daw kuno siyay duty pero nihatag pa siya nako ug regalo. Duda ko basig sud o diba shampoo ug kuto. Iyang regalo jhud akong giabrian una pag-uli sa balay. Mga t-shirt ug blouse ang sulod, pagtuo niya naku way sanina pero sakto pud baya nako kaayo ug wa pa jhud kuhaa ag price aron makita jhud nako nga mga mahalon. First time Kong ni chat niya ug thanks. Ang nadawat ra nakong reply 

' welcome kuts. Nangutang pa raba ko ana ' 

Wa na nako replyi Kay ma bad trip ko sa akong big day. 

Nisulod dayon kog trabaho ug nakasulod pud baya ko dayon. Na hiluna na dayon kos life ug next goal nako ang maka uyab. Kay sukad2 wa ko nakasuway anang date2 ug unsa pa dihang pagilok sa tiyan nga kilig. Focus ko nga makahuman para nila Mama ug Papa no time ko for romance. 

Didto nako nagsugod nga mo reply ug mga chat sa mga gustog makig close nakong laki. Busy ko adtog reply sa ka chat nako nga ka batch ra pud nako kay gusto niyang manglibre nako. Nikalit man nag video call si Thor nako, gi tubag nalang pud nako basig importante.

Ako: oh? 

Thor: uban ta mosimba kuts.

Ako: mabira jhud nako imong dila anang kuts ba

Thor: ayaw na gud pagbuot Mao nay tawag nako nimo. Uban tag Simba.

Ako: pag solo kay busy ko

Thor: basig gabaan ka ana, Ginoo raba na.

Ako: fyi tig Simba ko every Sunday. Bisag icheck pa nimong cctv adto.

Thor: gani maong uban ta mingaw mag ako ra usa manglibre pud ko nig human.  

Nadala ko sa palana ni Thor ug nakauban jhud ko niya ni simba. Gisuot pa nako iyang giregalo nako Aron di ko niya paninglan. Pagkuha niya nako sa balay dako kaayog ngisi kay Kita siya sa iyang regalo. 

 After namong nag church, gilibre dayon ko niyag kaon. Gipasagdan ra nako siyang niorder Kay busy kog reply sa akong ka chat nga briton. Maayo nalang ka adto ug Europe. Nose bleed kaayo Kay bisan ang chat slang kaayo. Gwapo pud baya edaran Lang naa nas mga 40's niya. Nakolbaan ko sa iyang chat nga mo visit siyag Philippines basig mangasawa na dayon nako. Di pa ko ready. Natulala nalang ko nagtan-aw ni Thor nga busy nag kaon Kay naloading ko ug unsay akong sunod reply sa briton. 

Thor: ngano ka?

Ako: naa nay mangasawa nako

Thor: binoang kinsa? 

Ako: British, 

Thor: dako man kaayo na silag *****

Hapit nako siya malabay ug Plato. Nakalingi gud tong tapad namo, way batasan jhud ni si Thor bisag unsaon. So gamay diay Ang iya? Wa nalang ko mangutana ana Kay basig madunlan na jhud among tapad.

Giuban pa jhud ko niyag department store Kay mopalit siyag rubber shoes. Namili pud kog akoa pangtrabaho ug pang lakaw. Busy kog pili ug mga sandals, sige diay pud ug sunod2 nako si Thor. 

Ako: tua rang panglalaki adto, mopalit pud kag sandal? 

Thor: ikaw pili ba

Ako: ako bay mosuot ana? 

Thor: pilie ra gud ko. 

Ako: nabuta naba ka Kay di naka makakita ug unsay nindot.

Thor: Mao bitaw giuban ka nako. 

Sige ra jhud ug sunod2 nako si Thor. Dugay baya ko makapili ug paliton Kay isure nako nga ganahan ko ug dili Dali maguba ug syempre tan-awon pang price ug Kaya ba sa budget. Dugay kaayo ko namili sige na siyag reklamo Kay dugay pa ko ka decide ug unsay gusto nakong color. Hangtod sa siya nalay nipili ug iyang sapatos Kay mga 1 hr. nalang nilabay wa pako kapalit sa akoa. Kamao man diay mamili, pugson pa tag kitay papilion . Siya pud Ang nibayad sa akoang gipalit, lipay kaayo ko kay nalibre akong shopping.

Everyday mag jeep lang jhud ko kanunay Kay wala koy service. Dayon nig abot sa among municipality, hunong sa may merkado dayon mosakay pa jhud kog habal2 padung sa among brgy. Hassle kaayo pero , no choice. Mao pud nay everyday life nako sukad pag college Mao nga naanad rapud ko, antos para masantos. 

Nakalitan nalang kog maayo nga naasign na diay si Thor sa among lugar.

Paghunong nako sa up merkado padung nako uli. Dihay nag check point nga mga pulis, wa ko kaayo ma ka klaro adto niya Kay Gabie napud ug usa pa daghan kog dala kay gikan ko nag grocery para sa anniversary sa akong minahal nga ginikanan.

Ready na ko motabok adto kauban sa ubang pasahero pero gisitsitan mi sa usa ka pulis. Nanglingi mi tanan ug natingala, nakaingon pang usa ka pasahero

' Hala bawal na siguro motabok diri ' .

Kami tanan jhud nanghunong, gibug-atan na kaayo ko sa akong dala. Sa nagpadung namo ang pulis, nakapamilyar dayon ko sa iyang linakwan, pagtutok nako sa nawong Ang seryosong nawong ni Thor akong nakita. Nangutana Ang usa ka pasahero.

' sir bawal na motabok diri? ' 

Thor: kinsay ingog bawal? Tabok namo, Kani ramang bayhana akong gitawag. 

Concern pa kaayo nitan-aw nako ang ubang pasahero sa nitabok na sila. Sige pag balik2 ilang tan-aw namo huwat sigurog Makita nilang dakpon ko. 

Thor: daghana man kag dala ma'am.

Ako: Mao ra na imong tuyo nako? Gitawag pa jhud ko nimog murag naay nahimong violation. 

Thor: sorry na kaayo ma'am, nag ekis na ng kilay nimo. Ihatod ra ka nako sa adtong motoran, looy ka kaayo tan-awon. 

Ako: ay? Thank you sir, kind hearted man kaayo. 

Thor: welcome apil man na sa among trabaho. 

Really? 🤨. Akoy hepe aning Thor, hagbay ra nako siyang na fotball sa trabaho. Niundang rag checkpoint kay Ni side line pag panguyab. Gihatod jhud ko niya sa mga habal2 siyay nibit2 sa akong gipamalit ug siya pay nipili nga akong sakyan. Kahadlok nalang sa habal2 ug di ko niya ihatod ug tarong.

The next day ni absent ko sa work Kay akoy nahimong chef. Ingon nila kulang nalang daw bana Kay kamao nako tanan pero wa pa jhud na sa akong Plano. Take time and choose wisely dapat Kon mangitag banahon Aron dili magmahay sa ulahi. Bisan gani boyfriend maglisod pa ko ug pangitag tarong, bana pa kaha. 

Si mama to Ang akong kauban sa kusina while busy ko ug tilaw sa akong niluto maong hapit jhud ko mapaso pagkita nakong Thor nga diha na sa akong likod, lami kaayo siya laparohon ug luwag Kay kalit rag tungha sa akong atubangan. 

Ako: taasa sad ng ilong nimog naay kaon nu. 

Thor: giinvite ko sa imong Papa nu. nagkita man mi ganina. Karon nalang ko makikaon Kay duty pa ko unya.

Ako: maayo, kay himoon pud ka nakong assistant Ron. Hiwaa ng mga carrots, way libre pakaon Rong panahona dapat mo trabaho una

Ang nahitabo kaming duha na ni Thor Ang diha sa kusina kay gipapahuway nako si Mama Aron blooming Ang celebrant. Si Thor ang tig hiwa, tig hugas, tig hinlo, Tig silhig , naglaba pa siyag mga trapo, kugihan kaayo si sir. 

Siya napud akong giasikaso kay naluoy ko basig gutom na. Sa sigeg mig kaon duha, na realize nako nga naa man diay puy nindot nga kinaiya nis Thor ug dili boring ka istorya. Bisag murag seryosohon sa trabaho pero joker man diay kaayo ug daghang dalang panultihon sa kinabuhi. Nisantop jhud ug kalit sa akong hunahuna ug si Thor nalang kaha ang mahimo nakong uyab. Nakangisi kog kalit, bisag nagkaon kog cake wa matago akong ngisi. 

Thor: na unsa ka diha? 

Ako: wa man 

Pero di jhud mapugngan akong ngisi, nakatawa nalang ko. Nitindog nalang ko kay diha pud koy giukay pero sige gihapon kog katawa. 

Thor: murag di ka ok ba.

Ako: wa lagi

Thor: nganong sigeg man kag katawa? 

Ako: ngano bawal? 

Thor: lisod pud mokatawa ug way kataw-anan pero ok ra pud ug ikaw, mo gwapa man gud kag samot ug mokatawa.

Nisamot akong katawa noon. Maoy naabtan ni Mama, naingnan nuon mi ni Thor 

' kamo diha, pagsaba baya Juvy ug uyab namong Thor basig makurat nalang mig magpakasal na diay mo. ' 

Pila weeks mao na akong gihunahuna. What if si Thor nalang kaha. Buotan,maayog trabaho, maayog pamilya, pasado pud kaayo ang looks pero wa man siya pormal nga niingon nga niangay nako or manguyab siya. Pero sa iyang mga lihok makasabot jhud ko nga naay meaning so I risk the opportunity to confess, lain man kaayo paminawon nga girl ang first move pero kon gusto nimog confirmation ug dili Lang kanunay maghulat why not diba? Wa man na gi bawal, ok rag ma reject at least you tried ug mas ma proud kas imong kaugalingon nga kaya diay nimo nang butanga, wa kay what ifs sa ulahi. 

Nangita kog perfect time nga masulti nako akong feelings ni Thor ug nahitabo na sa second time nga nagpauban siya nako nga mo simba. Gi pray pa nako ni God nga successful unta akong first move 😅 ni Thor. 

After namo nag church nag dinner dayon ming duha ug syempri libre niya pero wala ko kaayo gana kay nakolbaan kog kalit kon unsaon nako pag intro. Mo dretso ba kog pangutana ug naa ba siyay feelings nako o moingon Kong naa koy feelings niya. Dapat diay nag plano daan ko ug unsaon pag intro 😆. Nahuman nalang mig kaon wa pa ko makaingon, nihapit pa mig LBC adto kay diha koy gikuha, hapit napud mig hardware Kay dihay gipalit si Thor naglibog gihapon ko ug unsaon nako pag-open sa topic. Hangtod sa nakauli nalang mi, wa gihapon koy naingon. Lisod man diay kaayo nu 😂. Paglakaw ni Thor lagot kaayo kos akong kaugalingon nganong nitalaw chance na unta to nako pero wa ko mo give up , di mahuman ng adlawa ug di nako maingnan si Thor. 

Ni text daan ko niya nga motawag siya nig uli niya kay importante lang. Diha ko sa akong kwarto wa napud mahiluna ug unsaon nako pagsugod. Ako ang moingon nga naka gusto ko o mangutana ko daan niya 😅 lisud jhud kaayo diay.

Pag ring sa tawag, halos moambak na akong dughan sa kakolba. Kinahanglan na jhud nga moingon ko aron makatog kog tarong. 

Thor: kuts? Ngano man unsay importante?  

Ako: -kuan , paminaw ha

Thor: naminaw bitaw ko

Ako: Thor? Naa kay- kuan ba

Thor: unsa man?

Ako: feelings? 

Thor: feelings? 

Ako: nako? Naa Kay feelings nako? 

Thor: suma? Unsa may tan-aw nimo? 

Ako: di ko sure

Thor: ikaw? Naa Kay feelings nako? 

Ako: oh 

Thor: sure? 

Ako: oh

Thor: moanha ko ugma

Gi-off dayon niya Ang linya. Wa pa maklaro ug unsay iyang tubag sa akong pangutana. Ang resulta wa na nuon ko katulog ug sakto. Mga 3 or 4 am na siguro to nga nakatulog ko. Timing pud nga day-off nako pagkabuntag maong nagsalig ko nga dugay momata pero napugos lang kog bangon kay ingon si Mama naa si Thor nibisita iya nalang gipapamahaw. Kahinumdom ko sa giingon nako gabie nauwaw nuon ko nga mogawas.

Pabaga nalang ko sa akong nawong pagnaog deadma nalang sa heart nga pwerteng kusoga ni pump. Ningisi lang ko pagtan-aw ni Thor nako ningisi lang pud siya awkward kaayo 😅. Gibiyaan pa jhud mi ni Mama kay mamubo daw siyag tanom sa gawas kami nalang nuoy nahibalin. 

Thor: unsa toy giingon nimo nako gabie? 

Ako: a kadto? Nakalimot naka? 

Thor: balika daw to

Ako: di nako

Thor: unsaon ka nako pagsugot ug di ka porsigido

Ako: huy feeling kaayo ka, nangutana ra gani kog naa ba Kay feelings nako 

Thor: di ba diay halata? 

Ako: ambot nimo

Thor: inlove kaayo lagi pud ka nako? 

Ako: huy grabe sa inlove kaayo

Thor: unsa diay? 

Ako: sa cancer pa, stage 1 ra. 

Thor: himoon na nakong stage 5 

First time jhud to nakong na experience mao nga nauwaw pako. Di ko katan-aw ug straight ni Thor pero siya sigeg tutok nako hangtod sa mokatawa nalang siya kay mamula nalang kog maayo. Nisamot kog kapula pag ingon ni Thor nga 

' kuts I love you ' 

Bisag grabe akong gibati nga kolba ni tubag pud ko niyang ' Love you ' pero wa nako nagtan-aw niya. Gikataw-an ra Kong Thor kay di ko maka straight ug tan-aw niya. 

Thor: molakaw na ko.

Ako: duty ka? 

Thor: o Kay namahaw naman ko diri. 

Tulog tarong imong mata uh kuwang ug tulog 

Ako: ok sir 

Thor: kiss nako 

Ako: huh?

Nitindog pa si Thor ug nitan-aw sa kurtina pagbalik niya nako. Gi corner ko niya ug ni kiss sa akong lips. First kiss sa tibuok nakong kinabuhi maong wa ko makalihok, di ko kamao mo respond sa lips ni Thor. Lugos nuon ko kaginhawa kay duol kaayo nako si Thor , nagtagbo na among ilong. Nipuyong ko syimpre kay ing-ana may Makita nako sa mga drama, si Thor ra jhud ang naglihok2 sa iyang lips kay wa ko kahibalo ug unsaon. Mga 1 min. lang siguro to pero mura nakog atakehon. Last kiss ni Thor sa ako ng aping dayon nilakaw na siya Kay mo duty na. 

Natulala kog maayo, ing-ana diay feeling ug mag kiss? 😅. Murag nagpabilin gihapon ang lips ni Thor sa akoa. Imbes kay matulog ko, nisamot ug wa ko katulog kay naka experience ko sa akong first kiss. Nag imagine nako ug kanus-a napud mausob 😂. 

Nahimong successful akong first move ug nahimong kami ni Thor. Siya akong first boyfriend di ko makatuo nga ang sigeg bully nako sa una , uyab na nako.  

Si Thor ang usahay mohatod nako nig trabaho ug mokuha. Sa una halos mahog nako sa iyang motor kay di ko moduol niya karon di na mosugot si Thor ug di ko mogakos ug maayo niya. First time nakong nakagakos ug laing lalaki aside kang Papa. Mauwaw pa ko kay basig madungog ni Thor nga gikulbaan kog maayo kay dikit kaayo ko sa iyang likod ug mora na noon kog na adik sa iyang perfume ug feel safe and secured kaayo ko ug kauban nako si Thor.

Everytime mo kiss nako si Thor di jhud ko mo respond maong one time, gipugos jhud ko niya nga mo bawos pud sa iyang kiss 😆. Pag start niya, giawat ra pud nako iya, ug grabe mura jhud kog atakehon kay sunod nakong na feel , ang dila naman ni Thor 😂. Niundang pa ko kay lain akong gibati 😅, pero kadali lang jhud nga pahuway kay giusob napud ni Thor. Hangtod sa ehem naka mao nako mo respond sa iyang kiss. Gusto pa kog more pa gani pero di na mosugot si Thor kay basig di na siya maka kontrol. 

Everyday inspired kaayo ko mobangon, mokaon, mo trabaho , magpa gwapa. Murag tanan inspired nakong buhaton kay nagka lovelife Lang. First time na experience nakong naay ka holding hands, naay ka share sa usa ka straw 😅, naay sigeg pangutana nako ug asa ko ug nag-unsa , naay mokalit ug kiss sa cheeks bisan gani daghang tawo. 

Then after 3 years of boyfriend-girlfriend relationship, nag proposed nakog kasal si Thor. 

Wa ko mag expect adto kaingon kog ordinary lang to nga birthday niya. Diha pa Ang kauban niyang mga pulis. Gikataw-an pa nako to siya ug maayo kay nikalit ug hatag ug speech sa atubangan. Nagpasalamat sa mga ni attend, sa iyang Mama ug paryente nga nagluto sa mga putahe, sa mga experience niya sa Bata pa hangtod sa nahimo siyang pulis. Hangtod sa nahimong kami, Natingala ko kay nikalit ug hilak si Thor, emotional kaayo. Nakahilak nalang pud kog apil ug nagkatawa kay first time nakakita kog pulis nga nihilak and then wa ko nag expect sa sunod. Niduol nako si Thor ug niluhod sa akong atubangan while saying

' kuts, gi bully man ka nako sa una ug mortal enemies tang duha pero ingon nila the more you hate the more you love. Ug nahitabo jhud nato na , pero dili pa ko kontento sa Kon unsa ta karon, gusto pa ko nga himoon ka nakong asawa maong ang pangutana karon will you marry me? '

Bisag wa nako kasabot sa akong gibati ug grabe ng hilak nako, klaro nakong gitubag si Thor nga , oh gud ' .

Before pa Ang pandemic, nakasal mi ni Thor Jan.20,2020. Lucky number namo ang 20 😅. 

That night after sa wedding namong Thor which is honeymoon namo. Kataw-anan kaayo kay gusto ko nga makahibalo una ko kon unsay buhaton. Niingon si Thor siya na daw bahala ana pero wa ko mosugot , in my entire life sukad wa pa ko makatan-aw anang gitawag nga p*rn 😂. Curious ko ana pero wa jhud ko mosuway ug tan-aw kay lud-on ko 😆. Kahibalo ko kon unsay buhaton jhud kon mag ehem Kay gi discuss man na sa science pero inosente kaayo ko Kon unsa jhud ang whole process maong gusto kong makatan-aw ug una. Gikataw-an Kong Thor kay nganong motan-aw pa man ko nga actual naman namong buhaton ug kahibalo siya, wa pa siya kasuway pero makahibalo daw siya pero ni insist jhud Kong motan-aw.  

Akoy ni abre sa website sa mga videos gamit nako ang laptop ni Thor. Gi type ra nako ang word nga s** videos , daghan na dayong nanggawas 😂. Diha sa likod nako si Thor sigeg katawa nako kay serious kaayo Kong nipili ug video. Nisiga jhud akong mata sa kabulgar sa mga thumbnails , dayon gi click nako ang usa ka video.  

Thor: kuts pag sure diha uy, pang yaw* baya na.

Ako: so pang yaw* diay ng buhaton nato. 

Thor: kana bang motan-aw ana 

Ako: kani Lang usa , mapasaylo ra Kong Lord. 

Nagtuman jhud kog ako kay stop nako sa pagka inosentedete. Sige nag play ang 10 mins video , sorry Lord nalang jhud akong naingon makasasala jhud diay 😆. Nitan-aw Kong Thor sa akong likod kay nagpiyong na, gihapak nako nagpa tulog2 ra diay gusto nakong apil pud siya motan-aw.

Nag ka intense nang video, gikolbaan kog taman kay lain naman akong na feel gipahinayan pa nako kay basig naay makadungog 😂 pero gikalit nag sira ni Thor wa pa nahuman sige siyag katawa. 

Thor: isira ng imong baba Juvy.

Ako: wa baya.

Thor: unsa may imong nakat-onan adto?

Ako: wa gani pa nahuman nu

Thor: pang mmk nay sunod adto

Sige ra jhud ug katawa si Thor nako pero ako seryoso kaayo Kay wa nawala sa akong hunahuna Ang gibuhat sa laki 😂. Nakainom nalang kog tubig Kay ing-adto diay to. 😅 Akoy unang nihigda kay wa pa jhud nahumag katawa si Thor, nahilom lang pag-ingon nakog 

' ready nako , Dali na '  

Nakalimot ra pud ko sa akong gitan-aw. Lahi man diay mag actual na Kay sa magtan-aw lang 😂. 

For now wa pa sa plano namong Thor ang magka baby kay parehas pa ming busy ug lisod pud sa panahon karon nga pandemic. Gusto pa mig dugang time ug memories ni Thor nga kami sa lang duha.

When God knows you're ready for the responsibility of commitment. He'll reveal the right person under the right circumstances. Just wait patiently. Don't waste your time searching and wishing but grow and be ready. And then you'll see , god will give you a lovestory far better than you could ever dream of.  

Thank you UCnian Freedom Board . 

_Juvy💗