"Vibrator"

#Vibrator 2

Good morning, thank for posting and I'm so sorry kon scandalous kaayo akong title and naay daring moments  sa first part and need gyod ug parental guidance para sa mga minors. And by the way I divided my story into 4 parts para ma inform gayod mo but I promise di tamo biyaan kay deserve ninyo ang ending mapa happy man or sad hahah. 

So here it goes...

Nitalikod ko ug nagpasumangil ug pilo sa habol nga akong gigamit pero wa nako napogngan nga mo smile pero ug moatubang kong Fred itago nako with poker face, feeling dili affected. 

Fred: di na tika pugson bok ug bestfriend ray tan-aw nimo nako, ok wa tay problema ana pero bok ayaw ko pugngi kon labaw pa sa bestfriend akong ipakita nimo 

Ako: nawong nimo bisag sa una pa labaw pa sa bestfriend imong gipakita! Naa bay mag amigo nga nagpatonganay? 

Fred:  ngano laging dala2x ka adtong vibrator,  basig nahilantan baya ka kay gi inoras to nimog gamit ang vibrator nga akong gihatag makaniwang raba na bok

Ako: amaw ay gibalibag to nako di ko parehas nimong katolon.

Fred: unsaon nalag nakita pa, mas lami pa ra ba ko sa vibrator bok basig di na ko ka trabaho kay mag sige kag request. 

Ako: ka bastos sa baba nimo gyod

Fred: tambalig kiss  aron mohilom..

Nikalit ug dive si Fred sa akong mga bag sa hospital bed ug gigakos amaw gyod kaayo.

Fred:  whoh unsaon naman ning kasingkasing nako bok nga ikaw may kanunay isinggit.

Ako: amaw haha 

Pag-uli nako sa balay tungod sa akong mga tambal nga gi take nakatulog ko dayon. Sa pagkahibalo nako, niuli na si Fred paghatod niya namo pero pag mata nako diha na siya sa akong kwarto nagtan-aw ug movie sa laptop. Serious kaayo nga wa kabantay nga nagmata nako. Gitutukan nako siya ug giimagine nga boyfriend siya nako pero  instead nga kilig nahadlok man nuon ko nag-imagine basig mawala ang friendship namong Fred. 

Ang amaw nikalit ug tan-aw pud nako. 

Fred: I love you  too bok

Ako: feeling!!!!  

Fred: nganong sige man kag tan-aw? Mahilis ko. Akoy bantay nimo ron bawi sa wala nako pagbantay sa hospital

Ako: nganong bantayan pa man ko nimo, Nabaldado ba ko? Layas ra gud sa kong kwarto mag-ilis ko.

Fred: moabot rang panahon bok sa atubangan na ka nako mag-ilis o ako ang mag-ilis nimo

Ako: feeling!  in your dreams 

Fred: basta bok timan-e nga  way gahing pan sa init kaayo nga kape 

Nag overnight gyod si Fred sa balay paggawas nako sa hospital. Siya ang nahimong chef of the night kay grabe daghan kaayog putahe ang amaw nag pa impress kaayo nila Mama. Lami moluto si Fred actually ganahan kaayo ko sa iyang nilutoan ug ako? prito ra gyod ang nahibal-an. Naanad na sila Mama ug naa si Fred siya ang naa sa kusina ug kami? watching tv lang gud hahaha. Ganahan kaayo si Mama ug naa si Fred kay makapahuway siyag luto. 

While nangaon mi, si Fred dili matak-om ang baba curious kaayo sa lovestory sa akong parents ug niabot iyang topic sa iya daw panguyaban unta.

Fred: unsa may ma advice nimo nako tito nga kaning akong gipanguyaban karon ba, hard to get kaayo. Manhid pa gyod kaayo

Lami kaayo duslakon ug kutsara si Fred kay ako gyod iyang gi mean.

Papa: taga dis-a pud na imong gipanguyaban Fred ? 

Fred: naa ra aning duol, 

Mama: kinsa doy? nakaila siguro mi ana

Fred: ambot lang kaha tita ug kaila ba mo. Mangayo lang kog advice ba, unsaon nako siya kay grabe kaayo gahi kaayo bayhana 

Nakainom nalang kog tubig kay nakulbaan ko ug kalit.  

Papa: kani man gung mga bae Fred usahay dili nato masabtan. Pa dili dili pero gusto diay. 

Fred: bingo!

Papa: kong naa ta magsigeg abog nato pero ug wa ta magsige pud ug pangita.  

Fred:   Parehas gyod kaayo sa akong gipanguyaban.

Ako: di pud tanan

Papa: dali raman ni imong Mama day pagpanguyab nako sugot man detso  

Fred: tiaw mo na mao nga ikaw bok dapat sundogon nimo imong mama aron di ka madagang guwang.

Mama: taga asa man gud na imong gipanguyaban doy, naa raman kaha aning duol

Fred: makaila ra mo ana tita sa tamang panahon haha. Ikaw bok? Naa rabay nanguyab pud ani tito

Nakahunong si Papa ug kaon ug nitan-aw nako. Lugos na nako mausap akong gikaon.

Papa: naay nanguyab nimo Ella? Kinsa man na paatubanga diri. Kaila ka Fred? 

Ako: pataka! ayaw tuo ana Pa 

Fred: ang nanguyab ani Tito akong ipaatubang gyod nimo

Papa: sakto na Fred wa man koy problema basta moatubang nakog tarong

Ang amaw nga Fred dako kaayo ug ngisi nagtan-aw nako. 

Kaming duha ang nabilin sa sala kay sayo kaayo matulog sila Papa pero wala ko maka concentrate sa movie nga among gitan-aw kay  si Fred sige ug kanta nga nag tan-aw nako.

Fred: akin ka nalang ~ iingatan ko ang puso mo, akin ka nalang akin ka na lang  liligaya ka sa piling ko 

Ako: hilom bok maka discourage ug samot imong tingog

Fred: sakita gyod nimo manulti bok pero sagdi lang  nagka gwapa man gihapon ka sa akong panan-aw

Ako: amaw hilom  

Fred: bok permission to hug bi gimingaw ko nimo

Ako: hayahay

Fred: whoa sagdi ra moabot rang panahon bok nga di na ko mangayog permission 

Ako: bagaag kubal oy

Fred: maayo pag nahimo nalang kog vibrator, kay imong e-keep

Ako: pataka lang gilabay kona to huy

Fred: ayna ta bok, sakto si Tito mga bae usahay bakakon unsa man diay tung nakita nako sa imong durabox? Sige gihapon kag gamit adto? 

Ako: nanghilabot ka sa akong gamit Fred!?

Fred: nangita kog charger lain man nuoy nakit-an nako. Mag-agwanta man kag vibrator usa ra may lihok ana bok,  labong naa ko kahibalo mo multi-task,  Asa ka bok? 

Ako: matug na 

Gibiyaan nako si Fred kay naulaw ko hahah but actually wala na gyod ko naggamit adto, nakalimot lang ko ug labay pero kay kubian kaayo ni si Fred iyang nakit-an napud.

Nibalik ko sa trabaho after 3weeks I think nga ni leave ko. And everyday nakong kuhaon ni Fred padung work ug padung uli. Natingala napud silang tanan ug nganong naulian napud ang away namong Fred kay never nag-away ming ing-adto ka dugay. Wala gyod mi gisultihan nga naa na diay na fall namong duha ug mao na si Fred. Wala gyod nila ang makabantay kay normal ra nilang sweet usahay si Fred nako ug grabe maka care kay kaingon silag manghud lang gyod ang pag treat ni Fred sa akoa.

One of the days nga gikuha kong Fred sa trabaho ug kauban nakong nigawas ang  close pud nakong ka workmate nga si Rico, bag-o lang pud nga na hired. Wala naputol among istorya kay sige mig hisgot sa outing namo the next day kauban syempre sa among ubang ka workmate. Nakabantay nakong naa na ang sakyanan ni Fred pero nag pa as if kong wala ko kabantay. And by the way bayot si Rico hahaha Rica gyod siya pag gabie. Touchy  kaayo nako ni si Rico kay close lagi mi ug hilig kaayo niyang molingkis  sa akong bukton ug magkuyog mig lakaw. Nigawas si Fred ug grabe kaayo iyang pagsira sa sakyanan kay nakalingi gyod ming Rico.

Rico: hala siya, day nay gwapong taga pdea 

Ako: mao na nay gwapo nimo? 

Rico: hala nagpadung lagi diri, basig naa tay surprise drug test day

Ako: amaw yaw kabalaka usa pud ng adik 

Niduol si Fred namo ug ang amaw nisenyas iyang kamot nga palayoon si Rico nako  wala maka gets si Rico kaingon siyag moagi ra si Fred, naglingkis gihapon nako  ug sabay ming nipadalin kay paagion si Fred hahah.

Rico: asa diay ka sir? 

Fred: kuhaon nako akong uyab

Ako: feeling!! 

Rico: kaila mo? 

Ako: bestfriend ra nako

Fred: shit sakita gyod anang baba nimo bok.

Rico: mag bestfriend ra diay. Ok! Nanguyab ra ba ko ani Sir, naa diay koy chance ani hahahaha.

Nakusi nako si Rico kay unsa na iyang gipanulti. Nisamot ug kalain ang nawong ni  Fred ug fake na kaayo ug smile. Ako nalang ang nibuhi ni Rico ug niingong mouna na mi pero ang bayot nakig beso pa nako gi sungog gyod si Fred.

Rico: see you tomorrow  and dream of me tonight baby mwahh hahahahahaha. 

Nilakaw siyang wa gipahalata nga bayot iyang nilakwan, straight kaayo kaayo tan-awon si Rico, labaw pud diayng amaw hahaha. Wala ra puy tingog nga nisakay mi ni Fred ug ako busy ko sa akong phone kay gi chat pa gyod ko ni Rico ug nangutana ug unsay reaction ni Fred sa iyang gibuhat amaw gyod bayota. Naglarga ming wa gyoy tingog si Fred. 

Ako: hapit ko sa inyo kay gipahapit kong Tita.  Bok naunsa ka? 

Fred: wa man 

Ako: abi kog na amang naka 

Dugay ko nakabantay nga laing dalan nag-agi si Fred dili pa uli sa ilang balay.

Ako: asa ni paingon? 

Fred: magtaban tang duha

Ako: amaw, asa ni ba mogabie na 

Fred: solohon sa ka nako kay murag nainit akong ulo ganina ba. Nanguyab to nimo bok? 

Ako: wala uy! 

Fred: grabe pa gyong gunit sa imong bukton murag bayot

Ako: hahahahah

Fred: nganong katawa man ka? Kissan tika ron nagselos ra ba gyod ko 

Ako: baba nimo ngano man diayg manguyab to nako?  

Fred: agay bok, masakit na gyod ko ani sa heart ba permi lang ko nimong pasakitan. Tagae daw kog valid reason bi nganong di ko tagaan nimog chance dugay natang nag-uban mas nakaila ka nako ug ako labaw ng nakaila nimo, magkasinabot ta sa tanang butang compatible ta kaayo, naa tay trust sa usag usa.

Ako: ug mag-away ug magbulag ta Wa nakoy bestfriend! 

Fred: wa pa gani ko nimo tagae ug chance bulag na imong hunahuna. Ug nganong magbulag man ta?  asa pud ko mosugot, ihikot ka nako sa akong hawak pakaslan ka dayon nako.

Ako: ug asa pud ko mosugot! Di pa ko gustong maminyo

Fred: di uyab sa lang, easy problem. 

Ako: galabad na akong ulo bok iuli nalang ko sa amo.  

Fred: maghuwat gihapon ko bok hangtod sa maka realized kang inlove diay ka nako. Kahibalo man gyod ko nga naa kay feelings nako pero di nimo ipagawas. 

Actually tinood si Fred naa nakoy feelings niya ani pero mahadlok ko. Gi value kaayo nako among friendship kay panagsa ra gyod ng bae ug laki nga mag bestfriend. Bisag laki si Fred comfortable kaayo ko nga mostorya niya sa akong problema  mo chika niyag bisag way hinungdan, wa koy close kaayo nga bae nga same sa friendship namong Fred, siya ra gyod akong best to the best, bestfriend. So nahadlok kong maguba na ug dili mi mag work sa serious na gyod nga level. Bisag dugay naming nagkaila ug nakahibalo nako sa batasan ni Fred pero dili nako mabasa iyang heart and mind ug unsa gyod ang tinood. Basig na challenge ra siya nako ug maka realized siya kadugayan nga naa gyod diay butang nga dili gyod mi magkasinabot. Daghan ng experienced si Fred sa mga bae kay naka 5 ex girlfriends na gud ug kadto tanan mas labaw pa gyod nako di lang sa height sa looks pud kay as I've said sakto lang akong beauty hahahah. So mao ng nahadlok kong mosaka sa level nga gusto ni Fred. Sa friendship ug sa lovers , mas timbang nako ang friendship para namong Fred.

And speaking of ex ni Fred. Nagkabangga mi sa iyang ika 3rd nga ex tawgon lang nato siyag Brenda. Mas lamang siya sa akong height, lamang sa akong beauty pero mas lamang ko sa kaputi kay beauty secret nako zonrox  charoot. 

Kauban nako to si Rico ug Jill nagmall ming tulo kay manan-aw mig sine. Nakuyawan ko kay dihay ni gunit sa akong kamot sa likod pagtan-aw nako si Brenda sexy kaayo pinakita pang pusod ug ang legs,

in fairness hamis man pud.

Brenda: komusta Ella! 

Ako: uy  Bren hello, ok ra! Ikaw? 

Brenda: mao gihapon, wala mo nag-uban ni Fred? 

Ako: si Fred? Wala ra ba 

Brenda: gimingaw sad kong Fred ba, hahaha birthday diay sa akong baby next week  ug gi invite nako siya tan-awon pa daw niya, basig maka attend pud ka. 

Ako: naminyo naka?! 

Brenda: dili, naa lang koy anak.

Ako: kinsay amahan? 

Brenda: si Fred, Di ko joke ra hahahahah

Ako: pag sure ba

Brenda: dili si Fred nakabuntis nako,  mo 1 year pa akong baby. 

Ako: asa diayng amahan ana? 

Brenda: wala, alien siguro to kay nawalag kalit hahaha. Pero palihog lang kog pahinumdom ni Fred ha pwede pud ka mokuyog. 

Ako: uh ok, ingnon siya nako. 

Enjoy kaayo sila Rico ug Jill sa movie pero akong hunahuna nagpabilin sa giingon ni Brenda. Nag contact pa diay sila ni Fred. Nagbulag silang duha sa rason nga dili ganahan si Fred ug LDR kay niadto mag Kuwait si Brenda, nag break sila in a good way maong naa gihapon siguro silay contact. Nakolbaan gyod ko pagkahibalo nga naay baby si Brenda kaingon gyod ko ug basin kang Fred.   

Bisag niabot na si Fred ug nitapad nako wa gihapon ko sa hunahuna. Ni text  siya nako nga mouban namo manan-aw ug sine pagkahibalo niyang kauban namo si Rico bisan giingnan na nakong bayot si Rico di gihapon motuo. 

Fred: bok 

Ako: o

Fred: sa lingkoranan man nuon ka gatan-aw tua sa ibabaw ang salida 

Ako:  magbuot! nilabad akong ulo  

Giagbayan ko ni Fred ug gipasandig niya gi hilot2 akong ulo.  Nanuyhakaw ang mga ulo ni Jill ug Rico kay kuyaw kaayo mig porma ni Fred murag naa na gyoy something namo pero ing-ana lang gyod mi. Touchy as a friend hahah. Sa una pa gyod pero sa naa pa mi mga uyab gi menosan pud namo uy.

Imbes kay nagtan-aw kog movie wa nako ka concentrate kay lami kaayo gihilot ni Fred akong ulo nga katugon nalang ko nagsandig niya ug wa gyod nasipyat nakatulog ko tinuod. Gibukaw lang kong Fred kay nahuman na. 

Fred: laway nimo sa akong jacket bok. 

Ako: excuse me, humot kog laway 

Gisimhot ni Fred iyang jacket..

Fred: baho man lagi 

Ako: ang jacket nimo maoy baho

Fred: baho unya nakatulog dayon  grabe pa gyong gakos nako , ayaw na ta bok. maayo kay nakapugong pa ko ug wa ka nako sabaka sa kong atubangan 

Ako: nawong nimo bok murag zebra.

Paggawas namo nihapit pa ko ug grocery, wala na niuban sila Jill ug Rico kami ng Fred nag-uban. Siya ang tigdala sa akong cart, diha nako sa mga feminine wash, nakatan-aw namo ug kalit ang sales lady kay ang kabastos sa baba ni Fred wala mapugngi. Inosente kaayo siyang nangutana.

Fred: naguba ng  vibrator nimo bok? 

Ug wala lang gyod mi sa mall ako ng gikuhaan ug dila si Fred. Nakatan-aw namo ang sales lady nga nag arrange sa mga products apil ang usa ka bae nga costumer. Nilakaw gyod ko nga way pananghid ug gibiyaan si Fred. Aron masayod mo ug una, twice ra ko nakagamit adto wa na masundi hangtod karon. 

Giingnan nako si Fred nga nagkita mi sa iyang ex ug giinvite siya sa  birthday sa anak ni Brenda. Na curious ang amaw nga Fred dili ni Brenda, na curious siya sa akong reaction.

Fred: nagselos ka?

Ako: nganong mag selos man ko? 

Fred: ayaw na ta bok mao diayng nilabad imong ulo  kay nagkita mong Brenda.  Wa kay angay ikabalaka, sa imo ra ko nabuang 

Ako: basig ma irong buang ka pag nakita na nimo si Brenda, sexy gihapon bisag naa nay anak.

Fred:  bisag unsaon bok ikaw ray sexy para nako. 

Nituyok nalang akong mata sa ga bulabula nga baba ni Fred. 

Ni attend gyod ming duha ni Fred sa birthday sa anak ni Brenda kay gipugos nako, sa ilang balay ni Brenda gi held. Nikuyog pud ko kay curious ko basig  hawig ni Fred iyang anak pero pagtan-aw pa nako sa bata sure ko dili kang Fred hahahah. Cute siyag anak, lalaki.  Welcome kaayo si Fred sa family ni Brenda, ako ray murag di hahah. Gi entertain kaayo si Fred nga murag VIP, mo distansya ko ni Fred usahay kay kanunay siyang dalhon sa Papa ni Brenda ug ipa ila sa bisita paryente siguro to nila. Hilig kaayo ug bata si Fred, favorite ninong siya sa iyang mga kinugos kay maghilak gyod ang pasko ug dili mohatag si Fred nila so wala nako natingala nga sige nag bit2 si Fred sa anak ni Brenda. Apil pa siya sa picture murag siya na nuon ang amahan. 

Gabitbit si Fred sa baby iyang gidala nako. Hawod kaayo mogunit ug bata samot nag mogama na hahah.

Fred: bok mas cute pa ang atoa ani

Ako: feeling hahah!!! Murag ikaw Papa ana ba

Fred: asa dapit? Bisag kuko walay akoa. 

Ako: amaw ay 

Fred: baby, di ko nimo Papa ha kasabot? Ang baby nako himoonon pa namo aning babae nga akong tapad.  

Murag kasabot ang bata kay nihilak. Gidali dayon ni Fred ug hatag ni Brenda amaw gyod. Siyay pa ang ni hagwa2 aron mohilom. Nagtan-aw ko nila, na feel dayon nako nga naa pay feelings si Brenda kang Fred the way siya motan-aw. Babae pud ko so makasabot gyod ko sa lihok ni Brenda. Actually bagay silang duha, ug wala lang siguro nidung ug Kuwait si Brenda magdugay siguro silang Fred.

Kaon2x lang ko sa side ug dessert while busy si Fred ug storya sa Papa ni Brenda wa na gyod siya buhie ug storya, kanunay pud mamalihog si Brenda nga ipagunit ni Fred iyang anak bisag naa iyang mama nga way gibuhat.   

Mga silingan siguro to nila Brenda akong ka sabay ug kaon unya kay nanggawas man sila so niuban pud ko nila kay aron dili ko OP sa sulod pero kadali ra sila nanglingkod sa gawas kay manguli na. Wa koy kaila adto gyod ug nitukar pud akong pus-on kay padung ko dug-on mahadlok nako molingkod ug malapsan  so nihinay nalang kog lakaw padung sa sakyanan ni Fred kay adto ko maghuwat niya pero naka locked man diay iyang sakyanan, nagpungko nalang ko sa kilid sa iyang sakyanan kay nigara gyod akong dysmenorrhea.  Nadungog nako ang tingog ni Fred nga nangutana ug asa ko pero wa na ko makatindog gyod hangtod nakit-an ko niya. 

Fred: bok? Naunsa man ka? Ganina ra ko nangita nimo

Ako:   sakit akong pus-on! 

Fred: abi kog gi kidnap naka, tana manguli nata

Ako: wa ka mananghid adto? Panaghid sa.

Fred: mo chat ra kong Brenda. Ikaw importante nako 

Ako: char 

Fred: unsa man kuguson pud ka nako? 

Ako: excuse me, di ko baldado 

Fred: baby man pud ka nako bok 

Bula2 napud ang baba ni Fred. 

Nanguli gyod ming duha nga wala mananghid nila Brenda nikalit lang mi ug kawala. 

Wala ko nag napkin ug kusog akong dugo ang resulta? Sa lingkoranan sa sakyanan  ni Fred ko nalapsan. 

Fred: mura mag naa koy na virginan bok

Ako: amaw hunahuna gyod nimo Fred puros pang kanal, hugaw kaayo.

Fred: gamita siguro tong vibrator bok aron dili na sakit imong mabati 

Ako: hilom

Fred: o ako nalang, sugot kaayo ko bisag mag sandugo ang agi hahaha. 

Nakumot gyod nakong baba ni Fred kay basig makadungog sila Mama kay diha na mi sa gawas.  

Naka realized ko sa akong feelings ni Fred after 3 months pa. Wa gyoy undang bula2 iyang baba ana kon unsa ko niya ka gusto ug labaw pa sa bestfriend iyang gustong mahitabo namong duha. Panahon pa gyod to nga si Fred napud ang gihilantan, wa pa to ang covid ha. Nag expect nakong gabie na kaayo ko makauli kay grabeng ulan ug walay mokuha kay gihilantan si Fred daghan man pud mi ang stranded so nalingaw ra pud mig chika. Gitawag ko sa guard nga naay sundo daw nako sa gawas, kaingon ko ug si Papa pero si Fred diay. Nigawas pa gyod siya sa sakyanan kay wa koy dalang payong, paggunit nako niya pwerte ka init sa amaw kay gihilantan pa.

Ako: nganong gikuha pa man ko nimo bok?! 

Fred: ayaw nag reklamo bok. Mosamot akong hilanat sigeg hunahuna nga wala pa ka kauli

Ako: maayo man ko kay way gibati, imong pagka amaw na lang gyod 

Tungod sa grabeng ulan bisag ga payong nabasa gihapon ming duha usa ra pud iyang gidala nga payong. Grabe ng pulaha sa lips ug nawong ni Fred kay init na siya kaayo unya nabasa pa.  Ug kamao nalang unta ko mo drive ako na ang ni drive kay mokurog na usahay si  Fred mag drive. Sa ilaha nako niya gidala kay di na daw kaya niyang ihatod ko sa amoa. Grabeng inita ng Fred pero nagkurog siya sa katugnaw.

Wa nako siya biyae kami ni tita ang nag-atiman ni Fred pero nag stay nako sa iyang kwarto whole night kay nagbantay ko ug unsay iyang pangayoon.

Fred: bok tugnaw 

Ako: dugangan pa nakong habol? 

Fred: gakos ra nimo tambal ani

Ako: amaw ug matakdan pud ko nimo? 

Fred: ako napud bantay nimo, bok sige na tugnaw na kaayo. Malooy ka nako bok. Gikuha ra ba ka nako maong nisamot ni

Ako: so ako pang sala na.

Sige ug hangyo si Fred nako sige pud kog balibad hangtod nakatulog na lang siya sa sige ug hangyo. Init gihapon siya pero di na kaayo. Sa kadugayan nakong tan-aw ni Fred nikalit ug beat akong heart nga kusog ug natental gyod kong ni kiss sa iyang cheeks pero  wa man ko ma kontento sa lips ko niya sunod ni kiss. O-m-g gikolbaan ko sa akong gibuhat hahaha, lain may na feel nako kanang lami mo request ug one more pa.  Gi sure nakong tulog ba gyod siya kaayo ug mura na gyod ug patay ang amaw, lain napung kawat ang nahitabo mura nakog na boang sa akong gihimo. Wa nako kaagwanta ni gakos gyod kong Fred. Nakamata ko nga wa pa gyod nimata si Fred wa kahibalo ang amaw nga gi among amongan na nako siya hahaha. Lain napung kiss sa iyang lips akong gikawat sa padung nako mobalhin sa akong room.  

Pagbalik nako sa iyang kwarto nagkaon nag lugaw si Fred. Nakahinumdom ko sa akong gibuhat, gipugngan nakong di mokatawa pero mora man hinoon kog gigitik hahaha.

Fred: naunsa ka bok? 

Ako: wa man, naulian naka?

Fred: sakit pa akong lawas

Ako: mouli nako kay mo duty pa ko

Fred: kuhae kog jacket kay ihatod ka nako. 

Ako: ayaw na,magpahatod ra kog motor sa imong manghud 

Di gyod mapugngan akong katawa nga natingala na si Fred ug naunsa ko, gibuno nako niyag unlan kay napungot na nako kay di ko motug-an nganong gakatawa ko. Wa gyod siyay idea nga naa nay nipaak ug niingkit sa iyang lips.