Stuck On You Part 6

#StuckOnYOU Part6

From ROTC Corp Commanders Sponsor to MIU's Wife

Stuck on you

I've got this feeling down deep in my soul that I just can't lose

Guess I'm on my way

Needed a friend

And the way I feel now I guess I'll be with you 'til the end

Guess I'm on my way

Mighty glad you stayed

I'm stuck on you

Been a Fool too long I guess it's time for me to come on home

Guess I'm on my way

So hard to see

THAT A MAN LIKE YOU COULD WAIT AROUND FOR WOMAN LIKE ME

Guess I'm on my way

Mighty glad you stayed

**

Unang paminaw naku ani nga kanta ky sa tiktok ganahan kaau ko sa lyrics feel naku every line man gyd na murag naigo gyd me or aku lang, tinuod man nga " I'm stuck on you Dale" .. mao na ang rason why Stuck on You akung title sa akung confession.

human namu ug buwag naglisud ko ug move on na stuck kaau ko ni Dale, kung naa sad nay manguyab naku bisan unsaon naku ug lipat2 akung kaugalingon magpangita man ko sa mga traits ni Dale,

naglibog ko kung unsaon naku pag explain ninyu basta ky sa sobrang attached naku ni Dale gusto sad ko na kung maka uyab man gani ko ug lain dapat kung unsa si Dale ug unsa iyang pagpangga naku dapat ingana sad, murag naka set na ni Dale akuang standards ba. 

Lisud kaau kahimtanga samot nag mag imagine ko na makauyab ko ug lain or si Dale makauyab ug lain jusko di gyd ko gusto makakita maghilak gyd ko sa tago haha. Resulta sa pa dalos2 ba peru suko man gyd ko niya di masabot akung gibati.

Samot nag makakita ko ug picture niya sa mga tagged bitaw sa friends of friends maghuot gyd na akung dughan samot nag mag smile2 na tapad mga bae niya na co-workers, giingnan naku akung kaugalingon nga Happy si Dale sa nahitabo walay rason para magkulong ko sa nahitabo past is past, kung sa Dota pa "the damage has been done"

Inagka weekend mingaw kaau uy wala name ni Dale wala pa gyd sila Larah ug si kuya.. diri ko mas gimingaw ni kuya ky ug naa pa siya makuhaan unta ng kamingaw ky garaon mn to. Bisan paman kung mag away me pirme. 

unya kahinumdum nuon ko sa time na mag ilog me ug sud-an kung isda gani na ayaw nalang gyd tungaa inag luto ky mag ilog me sa ikog dapit, unya kung inun-unan sad mag-ilog sa sabaw, kung e prito mag ilog sad sa crispy, kung mag sud-an sad ug buwad pinikas paunhanay sa boneless nga side, kung sunny side-up sad na pritong itlog mag ilog sa daku ang yolk, sa Binignit pilion ra sad ang sagol, makamingaw gyd. Peru kung trabahuon na gani bisan naa lang sa duol ipamalihog pa gyd para lang naay mabuhat ang isa. Samoka! Haha 

Ni chat ko ni kuya ky Gitug-anan naku na wala name ni Dale pag una niingon na siya "happy independence day,gisayangan gyd nimu si Dale, okay raman kaha nimu irito naku to sa akung mga kaila." Pungot mas kampi pa sya adtu nga aku mn ang manghud niya 

Nakahibaw na sila mama ug papa peru wala gyd ko nagsaba sa mga rason nagbuwag me ni Dale dili sad ko gusto na malahi ilang tan-aw ni Dale niingun ra sad na sila papa na "mga but-an naman mo, kamu ng mag igo"

Pag graduation Day namu si Mama lang na ang nakauli peru si papa di gyd pwede sa lawod pa sila atleast naa si Mama unya si Kuya na ni partner niya ky naa mn na.

Nagdala na si kuya ug Bouquet 💐 gihatag niya naku, niingun na siya na gikan daw ni Dale "Congratulations" ng nakabutang. Nindut kaaung bouquet peru di man ta na mao akung gusto imung presence Dale mao unta na bunos nalang ang pa bouquet ba.

Wala name commu ni Dale wala man sad na siya niuli sa ila na. 

Paghuman sa graduation namu nag prepare nasad nidung me akung uban classmate sa Manila para mo review sa MRII pang board exam. Didtu me ni review ky matud pas MRII "they provide topnotcher" man daw haha shaarroot ky ug dili kagunit or kasakay sa top atleast masud gihapon sa passer. Haha

Nag board me dapit sa FEU ky baktason nalang namu ang pasikot-sikot paingon sa MRII.

Maka huna2 ko ba na unsa kaha kung wala pa me nagbuwag ni Dale? Siguro naa ko run nagpundo sa iyang apartment, siguro mas dali unta ang tanan ky sure man gyd na tabangan ko ato niya ug review. Mga SIGURO nalang gyd ni taman. 

Di gihapon naku malikayan ang maka huna2 ni Dale iabot lang na masakitan nasad ko ky wala na sya nangita ug paagi na ma okay me, ambut lang ninyu pero aku ganahan gyd ko anang mo effort sya maka explain lang arun ma okay me peru wala man na nahitabo feeling naku gipasagdan ra sad niya na maguba me.

One time nag online ko ky wala man me review ato na time, nilabay na sa akung newsfeed ang post sa ig-agaw ni Dale nga gi- tagged niya na si Dale caption "Congratulations and Goodluck see uou soonest pag amping didtu gaw". 

(Dili me friend sa fb ni Dale ani ha ky lahi akung name gamit sa akung fb wala sya kahibaw sa new account naku, iyang ig-agaw nuon friend me mao ng nakakita ko sa post)

Nakulbaan pa ko ky basin engaged na si Dale peru dapat "Congratulations and best wishes ahead" unta ni. So curiousity kills the mouse haha akua ng gi view ang comment section nabasa naku "Mag training daw na si Dale"..

Gisunod gyd diay niya ang calling sa lahi nila. Di man sad ikatingala ky sauna palang niingon nana siya ani. Huna2 sad naku na kung mag Army siya dili naman sya maglisud or mas pabor na ky ni graduate man sya na officer sa ROTC reservist na sa armed forces of the Philippines. Saktu ba ni basta mao natu gamit gyd ang ROTC kung gusto kang mag Army or etc uban pang MIU diha.

Peru dili pa ko sure kung nag Army ba gyd sya or unsa ba ky ang comment sa iyang cousin "mag training raman daw wala sad nag mention kung sa unsa or asa.

While nag review me manimba sad me inag sunday ky naa lagi gipangamuyo. Simba me sa Quiapo Black Nazareno, Mama Mary sa Manaoag, St. Jude Thaddeus, St. Pio ug uban pang medju duol lang byahian sa amung gisak-an mas nalingaw gyd hinuon ko nakalimtan naku na si Dale.

Ff. Gikaluy-an gyd me lusot me tanan akung kauban ato sa exam, niuli ko sa amua niapply sa city namu, nadawat man nuon na peru sa Region ko na assign. Layo sa amua so talagsa nalang ko makauli.

Ff. Nabasahan nasad naku ng post sa fb gitag si Dale sa iyang cousin nagpakaon diay na sa ilang Dale ky niuli na siya human nag training ni ha. Nag Pulis diay na siya nakita-an naku naka uniform dili Army. (Sa region pako ani ha wala ko sa amua)

Edi maayo, di gyd ko ka move on ani kung ngani man gani pirme ko makakita na itagged na sya, so unfollow nasad nato ni bii haha.

Sa akuang gitrabahuan naa ny nanguyab naku gusto unta ko mag move on balak naku e try why not diba basin maanad ra ko mag click diay. Gi accept naku na sa fb ky ni add man unya wala man ko mag expect na showy diay na siya mag post2 sa fb i tagged pa ko (murag manguyab siya ba bisan sa fb dili mauwaw mo post na manguyab sya naku)

Mabasahan man na nila kuya, dali kaau na makatawag na " ug magka uyab daw me okay ra basta dili daw naku dalhon sa amua hantod2" pag sure uyy okay kaau no labon aku wala ko nanghilabot iyang lovelife. Suko2 na siya wala pa gani naku gisugot hummp. 

Maglibog pa gyd ko ani ni kuya ambot lang kaha ug naa ba syay gilikayan peru nag wonder na gyd ko ky duha iyang account dungan pa na pirme pa gyd online peru ang isa wala pa niya nagamit pang chat naku or call/vcall basta lang naku na makit-an naka online. Wa nalang pud ko nang hilabot iyaha mn ng kalipay. (Pls. Take note ani na part guys 😄)

Ff. Yr.2018 No month ky masakpan tah, nabalitaan naku na sa amua ng lugar na assign si Dale ky pag una sa Negros na siya gibala haha dugay pud sya adtu🤣 oh diba updated gyd kaau no? 

Ff 😆 By December niuli ko for Christmas, nipalit ko sa tindahan ato naka dungog ko topic nila na si Dale "ang anak daw ni ma'am *** naa na assign na lagi daw sa amua " nidako sad na akung dunggan naminaw. Ang naka muot pa gyd ky niingun mn na sila na "aww day tuod diba uyab man nimu sauna na iyang anak no?"

Ako: sauna raman to ate (nauwaw nuon ko asa kaha ni paingon pangutanaha ba)

Ate: mao lagi sayang kaau mo pareson raba gyd mo, peru karun uyab man siguro niya ng kauban nila na bae ky pirme man na uban kung naay okasyon sa ilaha kauban ilang mga laki na kauban.

Ako: na basin pud ate maayo nuon na (pero deep inside nagmaoy na sakit pa diay gihapon di na gyd siguro ko maka move on ani, impas tong mga longNeck ni Lolo inag uli naku adtu balay ba)

Niuli dayon ko sa bay nakahilak pud ko ato bah nagtago ko sa akung kuarto imbes paskong pasko haha paita. Mao gyd ng usahay di ko tig gawas basta muoli ko ky makasagap ko ug chikang di kaaya-aya about ni Dale. 

Diha nay motor niabot nilili ko sa bintana sheeeyyt ky si Dale mangyd na nagdala na ug paper bag gitagbo ni lola. Sahi na kaau iyang itsura masculine na kaau sympre pila nasad katuig diba, di gyd ko niya pwedeng makita nga ingani akung itsura ky mas makaingun nuon na sya na sakto gyd na wala nako niya suyua. 

Gitawag ko ni Lola, si lola gyd uy kahibaw naman unta sya na wala name ni Dale huhu nakahibaw na nuon na si Dale na niuli ko

Lola: day naog sa diri storyaha sa ang bisita ky naa koy buhat sa kusina

(Marama kaau si lola no wala pa gyd niya nganli ky tuo niya ug wala pako kabalo para munaog ko ky kahibaw mn sya mulikay ko kung niingon pa siya na Dale, wa lang ka kahibaw la nakita na naku sa bintana haha)

Ako: (gitabunan naku na akung ilong) sakit kaau ng akung ulo la, hang over pa gyd ni ba. Matulog sa ko ug balik la)

Dale: (gihinay lang niya) okay ra la dili man sad ko mag dugay naghatud lang ko diri ba, (sabay tunol sa paper bag) MERRY Christmas La.

Paghawa ni Dale pasumangil dayon ko ug naug sa sala pina gunit pas ulo

Ako: asa raman tong bisita nimu la, nawala naman lagi

Lola: ikaw ha ayaw ra gud ko yaga2-e ug na hang over ka ky wla baya ta nag inom gabie

Ako: ahyy ou diay no, nganu man ni ha kuwang ra diay siguro ni sa tug la haha

Gi open naku ng paper bag l*ntik wine man na iyang dala diay. Timing gyd kaau painumon gyd kos kapalaran ani ba. Mura man pud ta ug gisungog ani ui kahibaw mang nagmaoy 😂

Mingaw me ani na time ky pumalaot pa si Kuya nangisda na ky kompetensyahan niya si Pelimon. 

Sila mama sad ug papa wala makauli , pareha ug companya si kuya ug si papa peru lahi sila ug barkong gisakyan, barkong karaan ng ka kuya murag sa kanta ni Max surban. 🤣

Ff. May 2019 naa koy nabalitaan, makaingon gyd ko na siguro destiny gyd me ni Dale. Nagka problema mn me tungod ra sad sa amung kaugalingon nga actions peru tadhana gyd ng mangita ug way na magkita me ug balik. 

Sama sauna diba hate kaau naku ang RO ky na install dayon sa akung huna2 na strikto ang mga officer unya init kaau ang formation maka collapse, so LTS or CWTS gyd na akung choice peru wala ko nadawat sa duha diba for some reason na education ang priority sa lts unya 50 ra sad ng kuhaon sa cwts. So left with no choice sa RO gyd ko nahulog diri naku napa matud-an nga "dili gyd ta ma discouraged kung atung planu wala natuman sama sa atuang gusto ky God has better plans wala ta kahibaw mas sobra pa sa atuang gusto iyang ihatag. Tungod sa RO nasulbad ang misunderstanding namu ni Dale pag high school, tungod sa RO mas na close me ni Dale, tungod sad sa RO nagkakami na ni Dale"

So balik ta, karun nasad na nagka buwag me ni Dale unya naa na siya na assign sukad nag 2018 sa lugar namu aku sad e transfer napud sa branch na sa amuang locality lang nabutang by 2019. So mag kita na gyd me ni Dale pirme ani.

Last week of May na transfer naku sa amuang locality lipay kaau sila lola ani. Plus munaog pa gyd na si kuya sa barko inag ka june edi bibo na sad ang balay ani. Nitawag na sila papa maghimo na daw lagi me ug balay, hahaha yes guys wala pa me balay nga amua gyd ha ky nagdako lagi me na ibilin sa mga apuhan kung nag balay me sauna wala man sad nay makapuyo ky didtu man gihapon me nila lola para naa me uban ma digamuhan sad me kung ting skwela. 

Nahagit na si papa magpahimo ug balay ky balak niya mo stay for good na ky hawoy na daw kaau sa tuhod didtu sa lawod sakit na matukaran ug arthritis hahah balak niya mag negosyo nalang ginagmay wala naman sad na silay gastuhanan nga paskwelahon.

Gusto ni Papa wala pay Dec mahuman na ang balay maong gipatrabaho na niya dayon duol ra sad sa balay ni Lola. Wala pa sila papa ani ha kami ni Kuya nalang na nag planu nag send man sad na si papa unsay purma iyang gusto. Simple raman pud na kaau basta lang di mabasa ba.

So balik ta mga 1stweek of June diha na si Kuya. Nag set na sya ug party inag ka sunday ana, di gud party na sosyalan kanang pakaon lang ba invite sa iyang mga Dabarkads ug mga silingan pa welcome tahay niya. 

Wala pa ni CoVID HA basin matingala mo, ky 2020 na baya to nahigpit tungod sa Covid. June 2019 pa ni.

Then Sunday came, pagka buntag human namu ug simba nisanghid ko na mulaag kauban naku akung new set of friends sa akung gitrabahuan 2 me ka bae dalaga pa unya 2 gays haha. 

Kuya: asa man ka kahbaw ng naay mga bisita unya karun pa gyd sya mag hasol ug laag2 uy

Ako: muoli lagi ko ug sayo unya mag unsa mn ko ani di man sad ko patabangon nila muluto naa mn sila auntie dha

Kuya: unsay gi expect nimu mag prito rag itlog ky mo offer kag tabang?

Ako: naka minus gyd saba diha, muoli ra lagi kog sayo kuya magdala ko akung mga bag ong barkada.

Kuya: siguraduha na

Kahibaw naman ko na naa gyd na si Dale maong nakiglaag ko ky pauban ko nila magpa salon hahaha abi palang di ta excited no? Gusto ko pag magka face to face me ni Dale walay bahid sa sakit sa kagahapon akung itsura ba haha

Nagkita name nila

Georgia: (mao ning isa ka bayot ha) samoka nimu yots uy kalit2 raman kag invite ug salon kahibaw ng nagamit na akung kwarta

Gwen: (gay2) bitaw uyy hasul kaau mura baya ug manlibre nagamit na amung kwarta naglaag me sabado sa gabie

Akoo: sus uy pag ang ikal ninyu mangayu pirme naa peru pag ako tagsa lang manghagad pa di di pa. Sige na ky magpakaon si Kuya daghan daw siyang mga bisita na lamion unya

Gwen: maobah wa mn ka dayon nag storya imung kuya palang gani daan lamion na samot nag madugangan pa haha

Sara: so invited lugar me ani wala mn ka nagsulti daan uy tara pa salon ta, mga seaman iyang bisita?

Ako: not sure peru murag iyang mga barkada sagol man

Sara: pa color kaha ta kanang di gud halata gud

Bawal sa amung office diay ang magpa color ug buhok guys kung musunod lang sa protocols peru ang uban nagpa color naman na.

Niabot me sa bay 5:30 na,

ang mga busita 5 pa diha nana.

Nakulbaan naku ky daghan kaau ng motor sa gawas jusko wala sad ko kahbaw sa bag ong plate number ni Dale ky bag o nag motor so di ko sure kung naa ba gyd sya.

Mao ni nakalisud kung imung x and y's barkada sa imung kuya ky pirme gyd mo magkakita

Sa gawas palang me gipang kilig ng akung mga kauban na kiat pa namu haha. Sure gyd ko naa na sa sala ang mga bisita ni kuya ky saba naman na.

Pagsulod namu gitagbo me sa amung ig -agaw na buros dili ni si Lara ha wala si Lara layo na bangko na assign wala nakauli ky nagkwenentahay pag mga kuartang dili iyaha. Hahah

So balik tah gitagbo me niya ni hug ko ky wala man ko magdahom maka anha siya ky buros baya. 

Akoo: hoy ate maayo ky naka anhi ka, pahikapa kos imung tiyan bi ug musipa naba (ni hug gyd ko ni ate nag himas2 sa iyang tiyan pirte nakung smile nalingaw gyd ko ky buaw mn kadako iyang tyan)...

(Wala ko nakabanty gipang tan-aw na diay ko nila)

Kuya: mao ni imung giingun na sayo muoli dugaya mn ka? Ug nasuya ka ana hala pagama nag imuha ayaw lang ko pabantaya. 

Akoo: hibaw ng wala tay pares

( pagtubag naku ani nilingi ko sa direksyon nila sa sala)

Sheeeeyyytttt guys leshugaaaasss gyd si Dale man gyd na akung unang nakita nagka eye to eye pa me'ng duha. Mamaaaaa akung mata di pa gyd mubuwag ug tan-aw pakauwaw lang haha.

Nakabanty siguro sila nga nitutok kaau ko ni Dale nikanta ng mga barkada nila kuya ug "MULING IBALIK" haha ka pamilyar mo sa kanta? Karaan naman nisiya kanta ni imelda papin na gi revived ni Angeline Quinto.

Sa ka uwaw naku nidagan ko sa kusina gipang byaan naku akung mga barkada haha. Si lola ng ni entertain nila ky gipakalma sa naku akung kaugalingon sa kusina.

Paghuman namu ug kaon nigawas me sa balcon nglingkod. Gisungog pa ko paglabay namu sa sala sa barkada ni kuya. Mutipo daw me nila sa sala dalhon akung mga kauban. Bahala gyd!

Pag abot namu sa balcon dghan kaau nag pangutana sila Georgia Gwen ug Sara crush daw nila na si Dale ky sympre duol lang amuang gitrabahuan sa police station pirme gyd sila kita ni Dale sauna sukad nabalhin sya peru wala paku adtu nga time-a. Na curious na sila unsa daw naa namu ni Dale wala sila nag expect na kaila me haha. 

Para mahilom akuang giingnan na Ex naku si Dale. Nanglurat na ilang mata ni shagit pa gi hapak2 ko,nabu*ng ba daw ko nganung nisugot mag buwag me. Wapa gyd daw ko nitug-an nila dayon. Haha saba kaau me sa balcon. 

Niapas na si kuya pabalhinun daw me sa sala arun malingaw na akung kauban. Pa di di unta ko unya ky gisiko man ko sa mga bayet maau pa didtu sa sulod daw ky bored na daw sila naku haha, ma bored gyd ug ipanghatud naku sila ug uli run. 

Nisunod nalang pud ko akung gisuot raba gyd ato ky nKa short ra hilig man ko ug short diba Admn Max Pein? Haha nangamong pa.

Pag abot namu sa sala nitan-aw na si Dale sa akung paa pasaka hantud sa nag abut amung mga mata nag tinan-awanay me'ng duha pina suko pa na iyang purma. Naka gets naku na di sya ganahan sa akung gisuot short, hooyy bahala sya dili sya kabuot ky wana me'ng duha. Nilingkod ko tapad nila Gwen, niingon mn ng isang kauban ni kuya nga seaman wala sad ni sya kahibaw na ex naku si Dale mao nga patuyang ra sad sya ug ingun na "guapaha pud sa manghud nimu kuya" nag kuya2 pa na sya hahaha. 

Niduol na si Dale naku nakulbaan ko basin unsay buhaton ani " gitunolan diay ko ug Cali na shock ko haha" dawaton na unta naku iyaha mn ng gibuhian edi ang ending nayabo na sa akung short mura ko ug nakaihi, dalia naku nakatindog. (Nabu*ng naman siguro ni sya) 

Niingun ra na ug "sorry sorry kaabi ko ug nagunitan na nimu, pag-ilis nalang didtu."

Nag pinugong pugong gyd na si kuya ug katawa

(Nagunitan sa iyang mata kaklaru nga gituyo niya)

Gibira ko niya paingon sa hagdanan pasaka sa taas. Ni hunghong sa akung dunggan nga " inag balik nimu ug naog kung mag short gihapon ka basaon gyd gihapon naku na"

Niangkon ra gyd na

Ako: naunsa ka, wa ky labot bisan pag mag panty rako unya inag naog ky wala na ta, kadugay nimung nawala. 

( nisaka dayon ko sa taas para di sya makatubag haha maselos man diay unya wala nangita ug paagi sauna na ma okay me, nanluod pa gyd ko niya)

Pagbalik naku ug naog nag pajama nalang ko haha. Basin unya ug makaduhaan ta lisud na.

Lingaw kaau na sila Gwen pagbalik naku ky nasuod naman nila mga barkada ni kuya. Nakabanty ko nipili na si Dale ug Kanta "You are the Inspiration" by Chicago man siguro ni 

You know our love was meant to be

The kind of love that last forever

And I want you here with me

From tonight until the end of time

You should know every where i go

You're always in my mind in my heart and in my soul, baby .

Hilig kaau na sya ug oldies peru akung kilig nanunuot hanggang boto tungod sa lyrics peru mag puyo ta ky wa'nay kami.

Nangutana ang seaman na kauban ni kuya ba na wala kahibaw about namu ni Dale niingun na siya paghuman ug kanta ni Dale nga " naa ky uyab brad?" Niyango na si Dale ou daw. Na high blood gyd ko uyy pa suko pa na sya ganiha na mag short ko pero naa diay uyab. Unsa ni joke rang tanan. Niinom ko bisan wala ko naanad taod2 murag nituyok na ng akung kalibutan peru okay ra ky magkinaunsa naa lang ko sa bay man. Akung na dumduman gialsa ko paingun sa akung kwarto diko sure kung si kuya ba to or Dale (assuming haha)

Pagka ugma ni duty naku ambut gyd kung kinsa ang nihatod nila Sara pag uli. Nagkita me nila pag duty gisungog ko nila na ni kiss daw ko ni Dale gabie pagka hubog naku unya ni hug pa gyd na. Taka lang nakainom ko peru wa ko na amnesia uyy di gyd naku na buhaton. Peru nilikay nalang ko ni Dale ky basin ug tinuod pakauwaw lang

Ff. Muattend me ug bunyag anak sa amung kauban. Nagdali naku ky naudtuhan naku ug mata maligo pa ko. Naa baya me sabot nila Sara

Paglabay naku sa sala gikan naligo wala pa nay taw, Sa nisaka naku sa akung kwarto para mag ilis nakadungog ko diha ny niabot nag motor wa ra sad ko nag mind ky basin silingan ra naay giare.

Nag dali naku ug ilis ky nag sige nag tawag akung mga kauban pagdali daw, nag suot ko ug casual kanang uso sa mga kabataan run nga above the knee peru di kaau xa nubo, nga naa daghan makit-an sa shoppee haha

Gi bit2 naku na akung slingbag ug flatshoes nag dagan sa hagdanan padung munaog pina singgit pako nga "kuya tana pagdali ky sige na sila ug panawag, ag sabot sad natu kuhaa ko inagkahapon ha"

Feel naku naa gyd nay nagkatawa sa akung purma mao to nitan-aw ko sa sala dapit, wa gyd ko nasayop naa gyd na si Dale.

Pina hinhin dayon ku ug lakaw wala ko nitan-aw niya fishtooth iyaha diay tong motor ganiha. Kahinumdum nuon ko sauna unang laag nila dire ninaog sad ko bag ong mata naa na sila murag flashback ba

Pag abot naku sa sala gibutang dayon naku ng sandal ug gisuot pinahawi sa dress para makita ng legs "Salamat Dale" na raba ni ky sya nagpalit sa cebo de macho pang tanggal sa uwat ng mga kagahapon sauna.

Nitan-aw na si Dale kada lihok naku haha hanggang tingin nalang ka dong. Wa ko namansin niya sugo ba ug wala ko nya suyua sauna.

Akoo: kuyaaaa pagdali na ihatod sa ko pahulata sa gud ng bisita nmu ani

Kuya: unsaon naku paghatod nimu flat man diay ang motor oh

Ako: unsay flat di pa mn na ganiha, kuwang ra siguro nag hangin ui bombahi gud

Kuya: unsay bomba dili nana matabang ug bomba natunok siguro ni ug lansang, dili ni madali

Kuya: brad, brad mamalihog sa ko ug hatud ni Dawn

Dale: walay problema brad bisan pag sa Altar (nagkatawa pa ng p*knu, funny kaau)

Ako: ( gikusi naku na si kuya) nganung namalihog mn ka kahibaw ng wala pa me nagtagad, utangan na nuon ko niya ani run

Kuya: sus uyy kalokohan mura mag wala'y kagahapon, piyong2 paman gani ka pag kiss ninyu sauna

(Nakadungog na si Dale nagkatawa, anim*l gyd ni si Kuya)

Akoo: piyong lagi ka ug tuslukon naku na imong mata run ba

Nagkatawa ra na si kuya ug taman,

Pagsakay naku sa motor ni Dale nag pina bae ko ky maglisud kos akung gisuot, atribido pa gyd kaau si kuya gikuha pana akung kamot gibutang sa tyan ni Dale murag pina hug paggunita

Ako: na unsa mn ka kuya uyy, samuka

Kuya: gunit ba pa di di pud ka diha hunahuna-a mas uwaw matagak kysa unahon imong pride

Nagpa hinay2 pa gyd na sya lami kaau kumuton ang tyan. 

Ako: ma late naku

Dale: wala man kaha nay check attendance 

Ako: pilosopo

Dale: kmusta naman ka?

Ako: na unsa man diay ko? Diha lang ko ihunong sa unahan oh mag jeep ra ko ayaw kabalaka wala makakita sila kuya di sad ko musumbong

Dale: ky?

Ako: basta diha ra gud basin masuko imong uyab muabot pa ni niya na nag uban tah

Dale: natural makahibaw ka, masuko ba diay ka Kung ihatod tka? 

Ako: uyab ba diay ta, ang giingun nku imung uyab ba katong giingun nimu pag welcome party ni kuya nga naa ky uyab gipangutana ka sa iyang kauban

Dale: mao gani niingon ko ug naa, ky IKAW mn akung gi pasabut adtu

Ako: nagdamgu kag adlawan nalimot kang buwag nata

Dale: nisugot diay ko? Nga ikaw raman ng nag buot2 diha

Ako:kung wala ka nisugot nganung nag dala man ka ug bae sa inyuha, ayaw jud kog atika Dale ky niingon ng mga silingan namu uyab daw to nimu.

Dale: HAHAHA so intresado gyd diay ka ky naminaw man ka nila. Grabi ka selosa uy kauban raman naku to sila.

(Nigunit na sya sa akung paa)

Akoo: ayaw ra gud ug gunit dha Dale, pag formal ky mangaligid tah.

Dale: okay copy ma'am, unya na lugar kung maka parking nata.

Wa nlang ko nipatol niya ug storya mao ra gihapon di sad magpalupig na. 

-------

***

Kahibaw mo guys nganung halos kahinumdum pa kaau ko ani tanan? Tungod ky Dale was my first and only love, wala ko nakauyab ug lain si Dale ra gyd na so wAla koy lain hunahunaon kundi kadtu lang gyd sukad pag unang kita namu from crush nga ni bloom nahimong love. Mao ni pinaka nindut nga mem'ries nga akua gyd nga e treasure in this lifetime, aside sa akung pamilya. 

Guys sorry kaau kung putlon sa naku ni diri niingun raba ko na finale na dapat ni pero nag type gyd ko ani while nag byahe run. Ayaw mo ug kabalaka sa mga napul-an na diha paningkamutan naku na sa sunod update finale na kung maapas naku na. 

Short update lang ni sa wala ganahi sa part5..

Salamat guys ky mag beauty rest sa lang ko inag uli kung naa paman gani beauty nabilin haha. Sa finale naku mang shout outs guys ky wala naku nalista ang mga names. 😘

-Dawn