Stuck On You Part 4

#StuckOnYOU PART4

From ROTC Corp Commanders Sponsor to MIU's Wife

Ayooooh! naa napud ko guys, nauwaw gyd ko nga niabot nag part4 karun paku nkabanty sayop akung title stock na pagkaon man ni nga Stuck man unta to sama sa Kanta ni Richie Leonil, meaning addicted to someone. Pastilan uyy bahala nalang na masipyat man gani ng KABAW nga upat ang tiil ako pa kaha hihi. wala gani pud mo kbantay galain ra mog kilig2 liwat sa Sender🤣

Namuot nalang ko sa mga comment sa mga Ineng diha nga na intresado sa ROTC, ma experience ra lagi ninyu na puhon pero ky Pandemic paman Sorry guys but YOU MISSED THE FUN. Aww! Bitaw uy, Walay fun ky makasunog ang kainit. 

Pasenxia na kung na stuck sad mo sa part3 nadugayan gyd ky namagol pa lagi ko, samot pa ky giimbitar ko ug pakals kana paba ang balibaran nga dili naku maghago ug pamagol. unya inagka gabie nitabang pa gyd ko sa modyul ning ig-agaw ni Dale unya makit-an lang naku galain diay ug basahan diri. Hoy jusko Cordapia lami kaau ka hahaha react nalang pud ug heart inaghuman nimu'g basa 🤣

Katong mga niingon ba nga familiar nila ang story, familiar sad ang school, ayaw tawn mo ug mention sa inyung gidudahan ha di palang na ako maamong lang, kadaghan sa skwelahan sa Visayas ug Mindanao haha.

Pasenxia sad kaau kung pang Low-budget pa amuang story aning panahona guys, dili me ka afford sa mala "RIDING THE F*cKING D*MN BUGATTI VEYRON CAR" nga story. Haha

Gusto diay ko magpasalamat ni admin Max sa iyang ka approachable, and for chatting me sa mga updates ug sa makalanay sad na comment and to Ma'am EUDORA Alexis na touch ko pagbasa naku sa comment, thank you sa pag reply sa mga comment on my behalf ma'am 😂..

Shout out sad nila Mele Necole, Phanmay Orajo, Danica Cabralles, Hera Dawn, Rochelle Paltep, ZY Ne, Jerica Camarillo, Lyn Acenas, Deserey Monteron, QJ Ybañez, Aprilyn Reyes, Dafnie Quicay, Blythe Mithuna and to Maam Ak Kie Rah amping sa imong pagbuntis, Thank you mga ma'am 😘

To Ma'am/sir ZACk Eman Arbas e clarify lang naku akung edad ky nalibog man kaha ka na dapat 28 na ku ron, yes mag 28 na ko this coming December pa. Kung makabantay ka sa Last part sa akung Confession sa part3 February to ang tactical inspection namu unya after ana naglibog ka ky nganung nag 18th Bday naku dayon. HAHA Nisanghid btaw ko na paspasan naku. Naa btaw koy gbutang ( Ff) meaning to say daku kaau ko ug gi shortcut from March ditsu nag 1stwk of December, 2ndyr naku ani ha ky kapoy na ko balik2 ug type pa kilig2 unya wala pa gihapon ny LABEL (howSAD) hihi so I jumped until to my 18th BDay para atuang Kilig NAA ny LaBeL 😉😉Thank you for reading anyway!😘😘

NOTE: more on flashbacks ni nga part guys ha ky mag klaruhay me ni Dale diri

****

Nag andam name mga 7pm ky mangaon inorder ra ni kuya tong pagkaon namu. Pag adtu namu sa cottage naa na si Dale nagdala sad nag Cake na shock pa ko ky nag expect na gud ko nga dili sya makauban, nagkatawa na pag open pa nahu sa cake ang naka butang ky " HAPPY BIRTHDAY MI AMORE" nisipat ko nilang duha ni Kuya ky naa nasad ning pakulo. Hungaw kaau. 

Nagkatawa na si Kuya unya niingun nga 

Kuya: ky 18th Birthday man nimu naa koy secret nga itug-an nimu 3yrs ago...

Niduol na si Dale namu nag smile2 gitunol niya naku ang familiar kaau nga note ug penmanship..pinatabon pana sa iyang dagway gamit ang isang kamot. 

(Mura na gyd ko ug gibayaw ani uy ky feeling naku naa nas akung atubangan mismo ang kamatuoran) 🤣

Kuya: sauna nangutana ka naku kung akua ba gikan tong buwak ug note ky nagduda naka nga wala ka nkadawat sukad pag graduate namu, sympre niingon ko ug DILI to akua ky di man gyd to akua igo lang ko TIG butang HAHA.

Dale: Happy Birthday Dawn! Akua jud bitaw to gikan ang buwak nga kinuha sa skwelahan ug note pag high school. (Nagkatawa na siya unya ang mga kauban namu sungog2 nag mga panuhak)

(Sheeemaaays di masabot akung gibati ba kanang feeling na dugay na kaau nmu sya nga type pero sa kalit lang muangkon pud na nga type ka niya)

Ako: unya kapila ko nangutana nimu wala man ka niangkon lagi?

Dale: wala man ko ni deny, akua lang gi divert ang atuang topic para dili naka mangutana ky di pa daw pwede ingon imuhang kuya. Masuko daw imong mama basin mapareha ka nila sauna 😂

Nisipat ko ni Kuya ky makalagot sad kahibaw man diay na siya na ako ang type ni Dale peru iyaha pa gyd ng gi invite sa naa syay bisita nga bae sa bay. 

Kuya: Oh unsa naman pud ng mata nimu dili ingana ang reaction kung kiligon. Saktu sa na mangaon nata ky gigutom name maau man mong duha ky busog nman mos inyung gipang bati

Nagkatawa na si Dale, si Larah niduol sa kilid naku sig sungog iyaha ng tusok-tusukon akung kilid pungot ky kilig na gani akung gibati pagilokan pa gyd tag samot HAHA 😂

Nanganta na sila ug Happy Birthday song, kani nga resort affordable ra kaau ni dili ni ang resort nga sosyalan nga inyung gina imagine. Murag 1.5K ra gani siguro to ang nbayad ni kuya sa 2 rooms(nag sinalmon ra me dire) ug cottage ky ang pool perhead ang bayad depende sa maligo, ang dagat aww sympre libre. Haha Sulod sad didtu nga resort naay murag miniBar naa nay mga bae na pwede e table.

Pagpangaon na namu gikilig gyd ko guys ky naa na si Dale tapad nahu sya pa ng nagbutang sa akung platu tig gunit lang ko. Naglain me nila kuya ug lamesa si Dale nagbuot ani ha gusto ra sad naku ky planu gyd naku sya gisahon ug libo-libong pangutana haha. 

Bisan ug nagkaon pa me wala na gyd ko nakahulat nag sugod naku ug pangutana niya.

Ako: giunsa pud to ninyu pagbutang sa bag nahu pag high school 

Dale: namalihog ko sa kuya nimu, inag dawat niya sa bag nimu ug manguli nata mao btaw ng muona me gamay ug lakaw ky magbutang sya sa buwak ug note dayon ipakita nimu. (Nagkatawa pana sya)

Ako: suplado man lagi ka sauna dili man ka mutagad naku

Dale: mao naman gyd na akong dagway, Kalisud pud ug magkatawa ko bisan ug y muot edi muingon nasad ka na Sayang Guapo na unta Bu@ng lang.

(Gipugngan gyd naku na akung katawa)

Dale: kahibaw ka asa ko unang nagkagusto nimu?

Ako: asa pud?

Dale: sa cr ninyu tong gibuno ko nimu ug tubig

: (nag flashback gyd ang incident sa cr, akua na syang gibuno ug ulo sa pasayan haha puryagaba tawn)

Ako: bastos kaau ka adtu maau ky giopen nimu ni ky kuwang pa tong pagbuno naku ug tubig nimu sauna

(Nagkatawa na syag maau)

Dale: gusto na gyd btaw tka adtu mao sad nay rason wala ko ni approach nimu ky basin nasuko paka naku. Akua ng giingnan si kuya nimu na gusto tka, ang tubag sa kuya nimu bata pa daw kag huna2 unya basin masuko pa sila mama nimu pero kung makahuwat ko na mag 18 ka na wala pa koy lain magustuhan unya ikaw wala sad ky mauyab ok na daw nila.

Ako: unsa man tong nadungog naku nag storya mo sa classmate nimu na mga bae gipangutana ka ug kita na ba pero niingun paka na, Dili No chance?

Dale: hmmm mao ng nag likay2 naka?, di maminaw ug tarong lagi ba. Niingon ko nga Dili ky sympre dili paman gyd, unya katong no chance gisumpayan pa to naku nga No Chance pagkakaron ky dili pa pwede ayha nag mag 18 na daw sya. Mao lagi na ba ky tig paminaw ug nay mag storya unya dili raba gyd tarungon ug paminaw. 

(Sus uyy naa raman diay ni nagmaoy raba gyd ko adtu nga time tungod sa maling akala tungod adtu nag likay2 ko ni Dale nasayang nuon ang mga panahon nga dapat mag dungan pa me nila uli mahapon, kasayang ba uyy)

Nahuman nalang na sila kuya ug kaon unya nag videoke na pero kami wala pa haha. Nikanta pa na si Larah, on my behalf daw kantahon niya ang Mr Kupido para ni Dale. Pauso kaau ning ig agawa uyy.

Niingun pa na si Dale sugod daw karun manguyab na sya naku, andam daw sya makahuwat bisan anus-a ky nakahuwat man gani sya na mag 18 ko karun pa ba na pwede na. Yay haha gikilig ko muingon na unta dayon ko nga YES DALE Yes peru wala gyd naku giingun uyy ky murag mahalata na gyd na excited kaau ko nga sya man gani niingun nga makahuwat ra sya So pa taod2-dan sa natu gamay haha. 

Paghuman namu ug pangaon si Dale pa ng nagkuha naku ug tubig, Basin nag expect nasad mo nga ang akung baso nga giinuman mao sad na iyang giinuman ha?? Dili uy grabi nasad ng gugmaha uyy kadaghang baso. Haha

Nagkasinabot ng mga barkada nila Kuya ba na mo try daw sila ug sulod sa Bar ag kuya nisugot sad, unya ky niingon man ng isa nila na kauban na musugot raba daw ng mga bae didtu sa bar na dalhon sa mga room.

Niingun na si Dale dili daw sya muoban mag videoke ra daw me. (Best Choice gyd iyang gibuhat haha). Unya ky ag si Kuya niuban man gyd mura ko ug nalain akua na syang gitawag

Ako: muoban gyd ka kuya bantay lang gyd makapa buntis gali ka diha bahala gyd ay'gyd kog labda basin nagtuo ka nga ako imung pabantayon imung bata,

Kuya: saba diha uyy naunsa ka mutan-aw ra gani ko? Kamu hinuon duha diri nagkasinabot na rba gyd mo ha, 

(Nitan-aw ko ni Dale nagkatawa na siya na awkward na hinuon ko sira*lo gyd akung maguwang uy gibale pako)

Ag si Larah niuban sad na kamao kaau muhatag ug space akuang agaw uyy mao ng lablab kaau naku na hantud run. Haha

Nihawa na kadali si Dale ky naa daw syay kuhaon.

(Pili2 paku ug kanta ky si Dale akung pakantahon sa akung mga gipili mapagaw gyd ni sya ug kinanta run ky mamawi ko pag high school how i wish naapil sad ko atung gi harana niya na contestants.)

Pagbalik niya nagdala na ug gift lapad kaau siya nga mura lang kadako sa touchscreen nga cellphone. Excited pako kaabi ko ug jewelry sets kasosyal pud arun haha. Paghatag niya gipaablihan naku na dayon. 

Pag open pa naku juskolord unsa my gi expect nimu nga ihatag sa mga bright, CALCULATOR guys HAHAHA KATAWAA gyd naku karun paku naay nanguyab calculator gihatag, di gyd kaipsot ang mga utangan ani. Ang model atu ky Fx-991MS mao nani nindut adtu nga time nga gamit gyd namu. 

Dale: kahibaw kung naa na ky calculator peru incase diay ug maguba or mawala atleast naa na ky reserba.

Mao rba nay nakaangin wala ko nakadungan ninyu ug ari ganiha ky nangita pako ana

Ako: (NGANGA!) Salamat Dale masayop pa kaha ko sa exam ani nga left and right akung calcu? Haha

Na topic namu ni Dale ang Basketball league para Christmas sa amung skwelahan giingnan naku na sya na paapilon pero dili daw sya ky busy dili pud sya tig apilan sukad nag college. 

Pero gi challenge naku na siya na kung muapil sya unya mudaog ilang team sa unang game nila automatic kami na haha kiata kaau no? Ky kung kursonada gyd sya naku edi mukagat gyd sya diba?

Dale: Aww mapugos gyd ko, Sure naka ana ha ayaw nag bawia.

Ako: lagi walay bawiay, pakapinan pa ka ug mahimo. Apil ha!

Dale: Roger that binibini. Etx sa naku daan para malista ko ug apil nila sa uniform.

Dakua naku ug eyebags pagbalik ug klase ani guys halos tag'sang kilo left&right hihi echos, sauna man gani halos di ko makatulog ug tarung mag huna2 sa iyang mga pakilig nga action unsa pa kaha karun no nga niangkon na siya, nga pareha sad diay me ug gibati.

Sauna sa high school uso pa kaau ang slam books/ autographs ang ibutang gyd naku sa Define Crush ky "Crush is the person you like who can never be yours." Haha Pastilan hapit na gyd naku mapamatud-an na sayop to akung definition, gamay'ng push nalang. Yey!

Ff. Basketball league 7pm, nitxt na si Dale naku na dili daw ko niya makuha sa gisak-an naku kung pwde mudungan nalang ko nila Grace magkita nalang daw me sa gym. Ni okay ra sad ko maayo man ug wala maanad tawn uy. 

Pag abot namu sa gym wala pa na nagsugod peru naa na ang uban mga player nag exhibition sa ilang mga mala sakuragi nga moves, pina dunked pa na sa bola dayon gunit sa ring mala KINGKONG gyd. Peru si Dale wala pa niabut. Ang kontra nila mga Hoteliers, unya unsa my atong ma expect nila edi lamang kaau sa height palang daan halos silang tanan advantage na mga guapo pa gyd. Taas man si Dale pero iyang mga ka team? Ambot lang di nalang ko mustorya 🤣✌🏽haha samuka masakpan ko ani ma bash gyd, maau man mo ky igo lang katawa2 nagbasa. Unyag makapiso ko, Unta mag angay pud ta. haha

Niabot na si Greg pineste gyd kusog kaau ug pang-amoy ang am@w nakatuod mn gyd na ug asa me nilingkod, dapat didtu ni sya sa pikas ky hoteliers man sya. Daku pa kaau ug ngisi murag iro ba nga padung mubanghag ky lugwa man ng tanang ngipon nikatawa. Pero itsuraan gyd ni sya guys ky mao bitaw napili siya nga escort pag RO namu unya pang hotel sad iyang kurso.

Ako: nganung niare mn ka dire nga sa pikas raman ang team ninyu, tik-uma kuno ng baba nimu palihog lang bii ky basin nyag mapaakan me.

Greg: diri ko mutapad ninyu ky gusto naku makita inyong dagway unya ug mapildi inyong team ky nabasa naku sa horoscope run pilde ang Engineering. 

(HOOIIYY JUSKO! Nagdala pag dautang pulong. Wa sya kahibaw nga gi asam2 naku ning duwaa nga mudaog sila paras akung kalipay, shaaarrrot)

Akoo: Buyag ka uy, itom ra ba gyd tali kag dila ug lagos! Matinuod gani ng giingon nimu paibtan gyd naku ng atubangang ngipon nimu.

Nagkatawa ra na sya unya timing ang background music ky Be my lady mn ni Martin Nievera mao mn ng gipasounds sa dj. Nag kanta2 pud na siya kana ganing mura pud siya ug nag gunit ug imaginary microphone unya ang pikas kamot iyaha ng e kuhit2 naku, bisan ug guapo basta walay buot luod gyd haha. Nagkatawa nag maayo si Grace

Ako: sus mapungkol pa gyd unta na ba,'isang kuhit nalang mahurot na gyd ng tudlo-a

( gahi gyd ug bagol2 nisamot nuon nag kuhit2 haha)

Tungod sa ka busy namu sa among gipangbati na occupied kaau among huna2 nakabantay me nga murag nag commotion na sa amung kilid( sharooot commotion daw, lint*k na commotion na yan pag nakita ko yan warning sakin yan haha)

Bitaw uy murag naa nay saba ba na murag naay niabot, ( sa mga naka RO diri correct me if I'm CORRECT haha, diba naa mn gyd nay uban studyante na mas mahadlok pa sa mga officer sa ROTC kysa mga teacher ky ang mga officer mo punish man inag formation haha pero mostly mga freshmen rapud)

bisan nagka malisud na inag tagbo mo greet mn ang mga studyante ky mahadlok peru di ngana si Dale ha. (Di ko sure sa inyo pero sauna Saamon lang ha, ngana man mahadlok sila🤣)

Nahunong me sa among pag ngisi2 ky naa man nay nikalit butang ug sweatshirt sa akung lap, nihangad me apil si Greg nakurat sad na.. Si Dale man na guys (may'unta ug naselos na ni bah please lang 😂) sheyytt mao diay nga wala ko gikuha ky fresh from the barbershop paman ang ulo nya. Di halatang pinaghandaan. Sus bahalag magka tinuod ang sulti ni Greg nga pilde basta ky Guapings kaau😉

(mao diay to nga nasaba ky ang mga cadets nga nalabyan ni tagad man na niya peru dili na sya ang Corp Commander ani nga time ha basta ky Officer sya, ky kada tuig lahi2 naman na, unya na shock sad ng uban sa among department ky mao palang to nakit-an nila nga niduwa sya)

Dale: ibilin sa naku nimu na, ang sabot natu ha

Akoo: lingi sa wala, lingi sa tuo (ang dagway sa akung tapad nga si Grace ug Greg marites kaau gusto sad makahibaw sa among sabut nga amua raman to haha) nitando lang ko unya ni smile.

Bahala ng mga nag chismiss diha sa likod suya lagi mog samot unya haha. 

Pagsugod na sa duwa thrilling kaau ky bawi2 lang sila peru pag tunga2 na nakulbaan naku ky labaw man ng hoteliers impas gyd. Nakabanty pa gyd ko na ug maka score si Dale mo cheer ng mga bae na lint*k na malugi gyd ko aning purmaha ba. 

Wala na gyd ko nakaagwanta ky ang score medju tagilid na haha inag timeout nila niduol na gyd ko nagdala ug tubig gihatag ni Dale nakurat pa na sya ky himala man nga ni initiate kog buhat. Desperada kaau ko mo daog no ky bali lagi nganung ngani akung gichallenge. Aku pa nuon na ang maalanganin.

Sa 4th quarter na naka bawi pa na sila peru wala gyd na dalag ampo PILDE gyd na. 

Greg: (nilingi na naku nag ngislit pa na) INGON BITAW KO DAAN NIMU, oh diba pilde gyud.

Akoo: palayo ra gud dire Greg nag ngit2 na akung panan-aw nimu, ikaw gyd nakaangin ani ba

Greg: natural ra man ng mag ngit2 ky gabie man Dawn. (Nihawa dayon na unya ni flying kiss pa ng am@w)

Paghuman sa duwa, Padulong nana si Dale naku mao siguro nga nihawa sad na si Greg ky naka G na siguro . Maau ra pud ky masuya ra gyd sya namu haha

Nilingkod na si Dale nitapad naku wala pud ko kahibaw unsa akong isulti niya ky ako sad Hoping kaau ko nga mudaog sila. Nikalit man na ug sandig unya gibutang iyang ulo sa akung abaga, sheeyyt, 

Dale: gibuhat na gyd naku tanan adtu, unsaon man ni dili na gyd madalag hangyo?

Naka huna2 ko ba na kung pa gahi2 ko unya mas daghan pa raba gyd ng itsuraan compare nahu saon nalang dghan raba ng naibog sad niya. dugay ra baya gyd naku syang gusto wa lang naku ipahalata kaau ky abi palang easy girl haha nga easy ra baya gyd. Haha

Akoo: niingun bitaw ko nga naa koi pakapin basta muapil ka.

Dale: unsa pud?

Akoo: Edi katu nalang akung himuon nga pakapin "gisugot na tka"

Ug Diri nagsugod guys Finally, Ariel happened to me. Magaan sa bulsa Co'z it's just 7.50" haha. Kahinumdum pa mo ani?

Yeeesssss! Pwede naku mureklamo niya kung maselos, pwede naku mag set ug bawal haha, naa nakoi ka bebetime. Unya'g kamo diha!?? Nevermind nalang geh padayon tah hahaha.

Pag-uli ni Dale gikan naghatud naku sa akung bhaus naa na gyd nay pakapin KISS SABAY HUG, sa forehead pa lang na nga kiss guys ha dahan2 ba muambog ra lgeh na. HAHAHAHA!

Nag higda nako ana naghuna2 dayon sa mga panghitabo kanindut nalang gyd, nikalit nag beep akuang cp pag open nahu si Kuya nitxt na

Convo

Kuya: gi kilig pud ka,

Akoo:( pa as if nga wala makasabot ba) wa ui, ky nganu pud ng kiligon gud matug naman gani ko.

Kuya: sus, ayaw nalang ta. Mura gyd kag uwak ba bisan nag tangag nAg piso muingon pa gyd ug Wah Wah Wah

Akoo: unya mao rana imuhang tuyo?

Kuya: pag formal diha ha bantay basin ikaw makaangin maguba ang pagkasuod namu ni Dale. Kahbaw na raba gyd ko nga dugay na nimu ng gusto ayawg deny diha, basin nyag ikaw ng mag una2 ug panguhit banty gyd ka. Uli dayon ha bernes sa hapon dapat muoli gyd ka. Ok ra ug sa bay lang mo mag DIT2 ky naa si lola. 

(Mura gyd ug mao ning maguwanga ui lami pabayluan ug sundang, suyaon gyd ky wala my lovelife haha. Nakahibaw na sya ky gitug-anan diay ni Dale )

Si Grace pa lang na ang nakahibaw sa Engineering about namu ni Dale. 

Ff. Diha nay time naa me nglingkod sa extention sa cafeteria kauban naku si Grace daghan kaau ng mga studyante. Ako gyd na ang tig pugos ni Grace mamalit me ky favorite kaau naku ang Binignit Haha. Mura ko ug na addict ba ky sagulan mn nila na ug Nangka grabi humot kaau ug tam-is.

Nikuhit na si Grace ky Nilabay na sila Dale nagdala sa tripod kana gani makit.an ninyu usahay sa mga highway naay mag site2 murag camerA ug purma peru engineers transit diay to. Mao na iyang gidala gisab-it sa iyang abaga unya nag kalo ug itom sheeyyyt guapuha man gyd ghapon angayan kaau bisan naka tattered jeans na siya. Bisan pa siguro ug pang daro sa basak iyang dalhon guapo gyd sya gihapon sakong panan-aw HAHA.

Daghan sad ng nakabantay feel naku mga 1styr kasagaran ky nadungog namu niingon man na uban na

"Guapo kaau na nga officer no, uyab man siguro na sila ni ma'am liza"

"Ka swerte lagi ni ma'am uy bagay man pud sila ky mga officer halata sad na gusto sya ni ma'am"

(Init pa ng binignit niisamot pa gyd na ug kainit akong ulo sure ko Selos na gyd ni. Bisan ako mansad sauna unang tan-aw naku nila makaingon gyd ka ug manag uyab ky halos pirme na mudool si Liza unya katawa2 pa na bisan wlay muot. Hummp pungot. 

GI bidli na nuon ko nitan-aw sa akung favorite binignit wala ko sa mood ky bagay daw si Dale ug Liza. Bantay lang gyd na si Dale unya bah. 

Anad pa gyd kaau manungog ang tadhana ky niabot napud na si Greg na imbyerna ko ky ang iyahang gi order Binignit ug Corneto ice cream haha Nag tingsi pa na gikabuhi man siguro ning tawhana uy. Namuot nalang gyd ko nitan-aw niya iyaha man ng choice y but-anay haha. Binignit + ice cream = highspeed gyd siguro ni inag cr nya unya. Muaahahaa!

Nakadawat ko ug txt ni Dale,

Dale: asa ka run?

Akoo: "sa sitio Kalipay"

Dale: ha, asa man run dapit?"

Ako: luyo sa Kasakit.

Wala na sya nireply huna2 naku wala na nka gets pero ni ring na akung cp nanawag na sya

Akoo: nganu man muapas ka

Dale: pagtarong sa gud bi

Akoo: tarung man ko nag lingkod dire

Dale: kuhaon taka

Akoo: NAA KO SA CAFETERIA

(Abtik kaau makatug-an kung asa ba basta muari sya ky sympre seminaron naku ni daan run about ng Liza)

Pag abot niya sa Canteen nilingkod na sa akung atubangan. 

Dale: Human naka ug kaon ky mangadto nata

Akoo: asa pud?

Dale: pangitaon natu ang rason nganung naa sa luyo ang Kalipay

Ako: hummmp awat2 pud maau ky bagay man daw mo ni Liza

Dale: HAHAHAH. Mao diay na ang rason. Buddy raman me ni liza

Akoo: lahi ra gyd ky nakadungog ko mas bagay daw mo

Dale: wala paman gud na sila nakakita na mag uban ta. Selos pud dayon ka ba

Akoo: selos ba pud, 

Dale: unsa man tara na andam naka mapatawag sa SAO (Student Affair Office) ok ra gyd naku mag PDA sa campus basta mag uban ta.

Akoo: tiaw ba gyd bahala nalang na uy, 

Dale: Uban nalang ta unya inag duwa namu sa gym. 

Ff. Nitext na si Dale naa na daw sya gawas sa bhaus namu. Pagnaog baku nakit-an naku na sya naka uniform na unya naka jacket murag mag flashback naku tong sauna Christmas league sa brgyhall namu parang kailan lang ba gusto kaau naku sya pero karun akua na gyd sya.

 

Pag abot namu sa gym nindut kaau sa pamati na kauban naku na siya,naa pa gyd na si Liza ni smile na nitan-aw ni Dale , ambot ba uy na kahibaw man unta ko na ka buddy lang sila peru maglain mangyd akung pamati sukad tong nakadungog ko sa canteen na bagay daw sila. Haha

Ka feel siguro si Dale na hait na kaau ko ug tinan-awan ni Liza iyaha ng gikuha akung kamot sheeyyyt ganahan kaau ko naka feel gyd ko ug security&assurance. Gibira ko niya paingun sa team nila.

Teammates: lahi na gyd ni ba, amoy namumuong relasyon naman

Dale: sympre ( nag smile2 pana siya)

Pero ag aku nauwaw nana

IT kontra nila Dale ani nga time, bagay kaau ni Dale ang muduwa ug basket isa gyd ni sa nagustuhan naku niya, sorry nalang ng mga taman lang sa cheer diha. Haha. 

Garaon pa gyd na kaau ky muingon mn na inaghuman sa timeout nila pabalik na sa duwa nga "smack lang mi'amore bii pampa energized lang"

Nitan-aw ko sa palibot wa gyd na syay buot nakadungog ng mga teammates niya aku nalang na ang na awkward ba.

"Smack sa imong mata daghan kaau ng nitan-aw spank nuon pwede pa"

Nagkatawa na sila, pero si Dale garaon man gyd na ni Smack kiss gyd na, napuno nuon ko ug sungog nila. Sheeyt ipatawag na gyd me ani sa kasong PDA ba. Haha.

Ff. Mag Christmas break na, 1st time to na makauli sila mama ug Christmas, nakulbaan ko ky wala pa baya ko nagsaba na uyab name ni Dale, ambut lang kung nitug-an na si Kuya pero wala man sad na si Mama mo confront naku so it means wala siguro nitug-an si Kuya.

Giingnan ko ni Dale na paadtuon sa bay nila para ipaila-ila nila mama niya pero akua na sya na giingnan na mas maau kong mapa ila naku sya una nila mama ayha name muadto sa ilaha. So ok na mao natu ang sabot.

6pm niabot na sya sa balay, si papa pa gyd ng nakaistorya niya

Papa: sulod dire dong, huwat sa kariyo tawagon naku si June (nag expect si papa na si kuya ang giare ni Dale ky dabarkads man sila)

Dale: si Dawn akong giari kuya 😄

Nakulbaan gyd ko naminaw straight to the point pud ni si Dale uy di man sad muagi ug thriling. nihilum ra na si papa wala nitingog mas nakulbaan ko. 

Gitawag ko ni Papa, Da uy mao na gyd ni kulba ky basin unya ug iyaha kong kasab-an na litson gyd ng uwawa ug makadungog si Dale.

Nipahiyom ra ko ni papa unya si Papa nitan-aw ra sad na naku. nisulod na si kuya sa sala kung asa naa me..gikan siya sa kusina.

Kuya: ganiha ra ka brad?

Dale: taod2 pa brad

Kuya: ( nitan-aw na naku) naa man kaha ky isulti nila papa

Nakulbaan ko utro sad ni si Kuya uy hibaw ng naa pa baya si papa makadungog ngita pa gani ko ug timing.

Papa: unsa man ng iingon nimu, ayaw lang pud ng ma lolo naku ha. Wala pa raba me makapangandam ana.

Ako: Pa, si Dale ba uyab naku. ( pinashy pa ng purma)

Papa: Mang, mang ali sa gud

(Gitawag niya na si mama)

Mama: unsa pud ng iingon nmu hibaw ng nag digamo pako ikaw nalang ta ng niare naku, ang pantalan na diay ng muduol sa barko?

Papa: si Dawn sila daw ni Dale

Mama: (nitan-aw na naku unya balik tan-aw ni Papa nagkatawa pa na siya)

Mama: sus kahibaw name dugay na pag una palang daan Dawn (chismoso gyd ni si kuya) gahuwat ra me na mo open ka namu. Ayaw gyd me anang mag tago2 mo ha ky gikan na gyd me ana.

Papa: Mao man, kung pwede dong (Dale) sabaw2 sa lang mo ha sunod na ng unod. (HAHAHA SAMOKA! Ayaw me unhi pang bii) Ang makasabot swerte! Haha

Nagkatawa na si Dale unya ni saad nila,

Kuya: bitaw gyd brad bisan pag kana akung manghud mag una ayaw gyd pa tintal ana.

Ako: dagway nimu ya no maulaw sad baya ta hmmm

Nagkatawa na sila Mama ug Papa, kahibaw naman sad na sila sa background ni Dale boutan gyd na sya. Sa bay na nikaon si Dale nag storya na sila 3 ni papa ug kuya. Girls bonding me ni Mama ug lola ky si Larah didtu man nag Christmas pikas apuhan niya. Uyab pa gani me ni Dale labi ng tambag nila duha ni lola. Mura bitaw ug mag minyo naku inagka ugma haha.

Ff Nag celebrate me ug Christmas eve kami lang mag-pamilya pagka ugma ana Dec.25 gipalaag ko ni Dale sa ilaha ky iyaha daw ko ipailaila. Peru nisimba me una alas 8am ayha mudong sa ilaha. 

Nagtapad me ni Dale sa simbahan nag flashback naku tong sauna a few years ago murag dejavu ba kadtu nagtapad me unya nag wish ko na unta magkakami ni Dale ky gusto kaau naku na sya andam naku na huwaton nga panahon, ug wala gyd ko bigua same time, same church & same Man nagbarug me nga gitubag na gyd akung wish, although dugay man ang process pero atleast kami na gyd, diba?

Human sa mass dritsu name sa ilaha

pag abot namu sa ilaha naa sad ng uyab sa iyang mga kuya, kana ganing feeling na mahadlok ka ky basin di naku na ikasinabot ang uyab sa iyang mga kuya. Murag sa salida ba kung di gani maldita ang mama adtu na unya pud na magka problema sa asawa sa iyang mga igsuon. Pero pag approach na naku mga buotan man diay pud na sila nagkasinabot ra sad me gi invite pa ko nila maligo daw ug dagat February a week before ang Valentines day ky Birthday sa kuya ni Dale dapat daw muoban sad ko, ni okay ra sad ko ky dugay paman pero wala ko nisaad ky basin dili ko makauban ba maatlan na busy ko.

Niduol ng mama ni Dale nahu

Mama ni Dale: nag expect na gyd ko nga muabot ning time-a day ky katung pag bisita ninyu sauna dire kahibaw na gyd ko na gusto ka ni Dale.

Akoo: Salamat kaau te

Mama ni Dale: pagkaon sa mo diha ha ky mag entertain sa ko diri sa sala.

Nagkaon me ni Dale human naku niya gipa ila2 ani gi ff ra nahu.

Akoo: kahibaw ka unang ari naku nagtuo ko na si Rachel inyung gipasabot ni kuya.

Dale: nganu pud ng naapil man si Rachel?

Akoo: niingun mn na si Larah childhood sweethearts daw mo (gama2 ra gud naku ni arun ma open naku ang topic about sa photo album na daghan kaau sila ug pict ni rachel,bisan wala muingon si larah ky ang sulti ra gyd ni Larah gusto ni rachel si dale haha)

Dale: gama2 sad ng storyaha, classmate mangud me ana niya elementary sauna

Akoo: weeeh? Unya daghan man lagi mo ug picture diha sa album kada program kamu man gyd na ang mag partner

Dale: alangan muingon man na sya ni ma'am nga kami na mag pares, si mama man sad nagpa develop ana maapil gyd si rachel ky partner man mi

Nihilom na ko ky natubag na akung mga pangutana. 

Dale: basin naa pa ky gitago2 diha nga pangutana, isulti na arun ma-isa run

Haha nauwaw nalang ko dala kamuot sa attitude naku aning panahona.

Ff Bact to school, makaingon gyd ko nga gipanindigan na ni Dale iyang responsibilidad sa relasyon namu (sharrrot Big Word haha wala pa rabay mga buot)

Bisan ug busy na siya anhaon gyd ko sa bhaus inagka udto para sabay name mangaon, sa akung mga projects sad bisan lisud ang Engineering wala gyd ko nagka malisud ky tabangan ko niya ug gama kung bakante pa gyd na sa oras e tutor pa ko niya. 

Kung vacant na siya, muoban na sya namu ni Grace sa cafeteria para sa Binignit haha di man sya hilig ana ky tam-is daw kaau pero mapugos gyd na sya ky ganahan man ko. Daghan kaau nga mga di ganahan buhaton si Dale nga nabuhat niya tungod naku. Nindut kaau sa pamati makasamot gyd ta ug ka inlove niya bisan asa nga angulo.

Ff February, a week before valentines mao na ni ang Birthday sa kuya ni Dale na giinvite ko sa uyab iyang kuya na muoban daw sa outing nila na didtu e held sa dagat.

Niuban me ni Dale ky libre man sad me ani okay ra sad nila mama ky gidala mansad na si Kuya ni Dale. Niapas nalang me ky nauna naman na sila sa dagat kami ky gikuha paman me ni Dale sa balay maong nalangay me.

Pag abot namu daghan kaau na sila kaabi sad ko ug family lang nila Dale, apil man diay igsuon sa uyab sa kuya ni Dale nagdala pa gyd na ug mga barkada na bae. Wala mn sad ko na balaka ani nga bahin ky may'man ug wala tay dagway ikabaws uy haha Joke. 

Okay pa kaau to pag una lingaw pa unya nagka storya man me sa mama ni Dale wala ko nakaapil nila ug ligo2 sa dagat ky alangan akung biyaan iyang mama nga nakigtabi paman diba.?

Makalagot sad ni si Kuya ky nalingaw man na ky daghan mn ng chixs, samoka! Nag balik2 na si Dale ky kuhaon lagi ko para mutipo nila sa dagat niingun ra ko nga unya lang musunod ra ko. 

Edi mao na to gitawag naman ng mama ni Dale sa iyang papa naa silay gistoryahan, alangan man ug maminaw ko edi ni excuse ko niingun ko nga maligo na sa dagat.

Duol naku sa dagat imbes ng init pa ng panahon nanginit pa gyd ko sa akung nakita. Nag duwa man na sila kauban nila ang mga bae na barkada sa manghud sa uyab iyang kuya, kana gani nga murag mag dakop2 sila unya nigakos man na ni Dale ang bae. Na Imbyerna gyd ko nagtan-aw wala ko nidayon ug apas nila uy. Puyo tag malinawon sa daplin. Wala ra gyd ko niimik adtu ky nagpugong lang ko. 

Pagpangaon na niduol na si Dale naku dala ug mga foods sya pa na nagkuha tanan share me. Nalagot man gyd ko ug samot ky nitapad man na namu unya katawa pa na ky tikasan daw si Dale sa dagat pagduwa nila. Pirme siya action ug kusi ni Dale bisan nagkaon me mura bitaw ug wla nakakita nga naa ko. Basin nagtuo ni siya nga igsuon ra me ni Dale or nabutlag lang gyd siya jahaha (Bad)

Paghuman ug kaon wala naku nakaagwanta giduol naku na si kuya ky para muona me ug uli. Di pa gyd na muoli ky nganu daw imbes nalingaw sya unya dapat dungan ra me nila. 

Pungoooot gyd ni si Kuya, mao to ingun ko nga gikalibanga ko feeling nahu magka dysmenorrhea sad ko ky maoy pagsugod akung mens hahaha. 

Ingun pana siya pagtarung diha ba bantay lang gyd ka ug namakak ka

Ako: bisan pa ug imuhang tan-awon kuya, unsa man mutan-aw ka ky pag naa gani ipahid naku ni sa imong agtang bah

Kuya: Ewwww ga uyab2 naka peru imong baba mura mn ka ug wlay buot uyy. Tana sanghid ni Dale sa.

Ako: ayaw na pero ug gusto ka ikaw ra ky sakit na gyd kaau. Ikaw nlang adtu ni Dale ky musanghid ko sa iyang mama. 

Pagkahibaw ni Dale concern pa kaau nag dagway niduol namu pero nasungot man gyd ko. Giingnan naku na nga pabilin lang diri ubani sila ky gikalibanga gyd ko pahatod lang ko ni kuya. Bahalag unsay reaction niya wala gyd ko na uwaw niingun ug gikalibanga buyaaagg haha.

Pagkahapon ana niadto na sya sa balay nangita naku akua ng giingnan si lola na ipa ingun ni Dale dili sa ko munaog ky sakit kaau akung pus-on ky gi dysme ko haha buyag. Niuli ra sad na peru nitxt nga "pagpaayo na Mi amore muoli nalang ko".. nakonsencia ko pero nalagot man ko niya bahala sad na sya uy

Ff before Valentines day, gipahibaw sa mga class mayors na inagka gabie daw ang program sa Valentines ky "Disco daw na unya ang mga class muse dapat naa compulsory manisco daw" di gyd unta ko muapil ani ky di man ko hilig ana ky si Dale raman na akung gusto sauna unya di man sad na mudong ug disco haha so puyo tag balay. 

Pero ky lahi man run nasungot paman ko ni Dale edi bahala na uyy muapil ko sya raba diay ng kamao haha. Nitx na sya nga "ayaw ug apil bahala daw ug compulsory " hummm muot no. Planu naku paseloson sad siya uyy makapungot man ky wala sya kahibaw naselos ko sa pagligo ug dagat pa gunit2 sya ug bae. 

VALENTINES DAY na gyd na pagka buntag ni attendance me ky naa mn na program as usual ni serve na si Dale naka uniform na sila ug pang army guapo gyd kaau ang panuh*k uyy maka os-os ug zipper haha pero bahala gyd suko ko niya. Niduol na sya naku nitan-aw pa ng uban studyante bahala mo diha wla pa koy time kiligon run ky suko ko ni Dale. Niingun pa na sabay daw me magniudto pero nagpasumangil ko na di pwde naa me sabot ni Grace. Nipahinumdum pa na sya na "Ayaw apil unyang gabiee ha" nitubag raq nga "depende , NGANU DIAY KUNG MAKAPARES KO UG LAIN LAKI IKAW MAN GANI GANAHAN SAD KA GUNITAN UG BAE SA DAGAT HMP"

Wla na gyd ko nakapugong akua na siyang gisumbatan hahah. Nahilom na siya. Giingnan naku nga mag storya lang me unya ky mo attendance pako gipang tan-aw name sa mga studyante haha. 

Pagkagabie nitxt gyd na dili daw ko mudong, ni serve man sya ani ky mo serve lagi ng mga officer basta naay program . Sus wa lang sya kahibaw naa na gani ko sa gym nakasuot me ug Casual ani haha.

Nag sugod nag check attendance sa gym sa mga class representative, pag 2ndyr Engineering na niingun ko ug present, nitan-aw naku na si Dale gisipatan gyd ko ana niya. Himmpwho cares sya napud ng masuya run. Bawi2 raman na no? ✌🏽🤣

Sumpayan ra ky giduka na kaau ko gikan nag byahe guys. Siguro 1 or 2 ka parts nalang ng kuwang. Thank you for reading guys😘

ADvance Happy Valentines day guys, pilang Oras nalang