#StockOnYOU
From ROTC Corp Commanders Sponsor to MIU's Wife
Hello sa tanan nga naga basahan sa ucfb. Hatagi ko ug chance ninyu nga mu share sa akung kaagi diri sama sa uban. Mangayo lang daan ko ug pasaylo kung dli kaau mo malingaw ky ni share ko diri ky wala man koi lingaw 😀
Sauna mahadlok pa ko mo share diri pero nabasahan nahu daghan mansad diay magshare nga gf/wife ug MIU so nahagit sad ko dili lang kaau naku e specify ang uban nahitabo for safety purposes hahaha
Itago lang ko sa ngalan nga Dawn guys kani ky nagpatago man meaning ayaw nalang mo laom ug face reveal guys ky ma walay kwenta akung pag alyas. Hihi
Naga edad ko ug 27 run, Duha me ka managsuon, ako ug akuang kuya. Maguwang si kuya naku ug 2yrs bunga ni siya sa teenage pregnancy ky 19 palang among mama pag anak niya ni kuya. Maau nalang gani ky medjo my kaya ang both side sa pamilya nila na kaya ra me suportahan. Dili pud sa ingun nga datu ha igo lang ba makakaon ug ka 3 sa isang adlaw unya maka snacks pud ug ka duha. 23 si papa adtu nga time naningkamot gyud siya makasakay ug barko ky naa namay baktin buhion, seaman d i among papa. Nibalik nag skwela si mama after 6mons pag anak niya ni kuya graduating na sya ani unya after 2yrs nasundan napud nahu. Sa apuhan (ginikanan ni mama) me ni kuya nagdako ky mga batan on pa kaau amuang mga ginikanan pareha silang nanarbaho samutan pa ky ni abroad na si mama.
Ff. Grade 2 ko pagkamatay ni lola ug pag 1styr nako namatay si lolo. Naka decide sila mama ug papa na didtu nalang me puyo sa ginikanan ni papa (pikas apuhan namo) ky para safety daw me ni kuya. Luoyon kaau me ni kuya gihatod me nila didtu unya wala ray 1 month isig panlupad nasad sila paras amung kaugmaon.
Ky timing man to nga Feb namatay amuang lolo human sa 40 days didtu nami nag summer sa pikas apuhan namu. Mga semana palang dghan na kaau ug barkada si kuya ky hilig man siya ug basketball unya duol raman ug brgy.hall ila lola, pero ako si Larah ra gyd akung suod amua ni nga ig agaw side ni papa ky naa mn pud ni nipuyo diri ila lola.
One time gidala man na ni kuya iyahang mga new sets of friends sa balay mga 9am natu mao palang pag mata naku ky na bilar kog tinan-aw sa twilight saga adtu nga time haha. Ninaog ko nga lutang pa sige ug hitad2 ug pag huy-ab natingala ko nahilom mn nga saba man to, pagbuka pa sa mata nahu ka dghan bas mga laki sa sala ui. Niduol na si kuya naku ug gitabunan ko sa towelettes niya paingun sa kusina ug didtu palang ko natauhan nga nipis kaau akung suot nga pajama ug spaghetti tops.
"Mao na ang uyab nimu tol, Guapaha man ka ug uyab"
"Saba mo diha uyab ga' MANGHOD naku ni, ipiyong inyong baba itik-om inyung mga mata" Hahahaha mao gyd nag tubag ni kuya kung joke man gani to wala ko sa mood mukatawa tungod sa ka uwaw.
"Mag kuya na diay me nimu ani tol" kanchaw nila ni kuya mga saba kaayo
Sukad adtu dili naku mag pataka ug naog ky basin nagdala napud na sya ug barkada ky pirme naman nuon na sila mag anhaan.
Amuang mga apuhan ky wala jud nay bikil open kaau sila sa mga barkada ni lara ug kuya ky para malingaw daw me unya naa me ma close ky didtu naman me puyo.
One time napugos ko ug naog ky bibo kaau sila sa ubos gisaka ko ni Larah ky paapilon nila. Nag videoke diay ang mga kanahan kauban ang mga barkada ni kuya unya mga bae pud nga barkada ni Larah peru wala pa kaau na close naku.
halos guyudon naku ni Larah mura bitaw ko ug naay utang niya nga aku siyang gitakasan haha
Diha nay nikanta sa barkada ni kuya ug Heaven by Bryan Adams unya ky nindut manjud nag tingog napa stop and stare ko sa nikanta, pagtan-aw nahu nakaingon jud ko sahung kaugalingon ug "I'm inlove " haha sayuha nag biga2 ui asa liwat haha sorry ma.
Bitaw sa tinuod jud 1st time nhu to nga maka crush. Mala Alden Richard nga supladuhon version iyang shape sa dagway my dimple pud. Tungod sa likay2 naku sa mga barkada ni kuya wala nuon naku na klaru nga mga itsuraan diay iyang mga kauban nagmahay nuon ko ba haha.
Gisiko ko ni Lara ingun pa na siya nga "guapo diba? Ui Type niya si Dale"
Ug ky nalingaw man gyd ko niya nagkanta wa na ko nakahibaw nga ni yango na diay ko sa gisulti ni Larah. Arang katawa niya ayha pa sad ko natauhan akua dayon giguyod ug gikusi.
Lara: ayaw kabalaka your secret is safe hahaha (nidagan dayon na siya padung sa sala, Nisunod ko niya ug nitapad)
Kuya: gipakuha tka ni Larah ky basin naunsa naka didtu sa taas.
makalagot pa gyd ky kani si Larah wa man jud na muondang ug agik-ik ug katawa mao nga akung gisipatan.
Sungugan pa jud kaau ang mga barkada ni kuya ky muingon mn na sila ug "kuya kuya regards ra gud me ni manghud bi"
Ug tuod man gipa ila-ila ko ni Larah sa mga barkada ni kuya ug sa barkada niya. Kina ampayan pud nahu ky naka shake hands ko ni mala Alden itago natu sa ngalan nga Dale ha.
Nigunit ra na siya sa akung kamot wa man gyud nikatawa or smile man lang hummm suplado salig ky guapo bantay lang ka ba.. Siya ra ang nisahi sa kauban nila ky mga gara man kaau ang uban.
Pirme ko niya masakpan mo tan-aw niya, ang akung buhaton magpa libat-libat dayon hihi. Mag lingo-lingo ra sad na sya nituo gyd siguro nig libat ko. 😁
Ang mas awkward pa gyd nag cr ko unya ky my trauma naman ko sa cr nila lola ky sauna mga bata pa me nagpa uban ko ni Larah mag cr gi preso mn nuon ko sa sulod ui away bati man me ana niya sauna sa mga wala pa me buot maau gani toda rescue si kuya peru dugay pa pud nakahilak naku nag abut nag luha ug sip.on nabusog nakug tulon haha mao ng sukad adtu dili gyd nahu na isara slightly open jud na basta mag cr ko na andan nhu na hantud nagdaku ko.
Ug mao to tunga2 naku sa pagpa ngihi nhu sa dihang nisulod na si Dale pirte nakung shaok-shaok (shagit ba haha) nakuratan pud na siya sa ka kurat niya nisulod nuon na gisara ang pultahan ug durog ingun ug "sshhh shsh" ag aku pud nga na rattle nitindog nlang bisan wla pa nahuman ang mas worst pa gyd ky ang short lang akung na arsa imagina ninyu ang p*nty nga fit kaau nabilin pa sa paa pastilan nalang gyd nagbalik npud kog bira. Ag siya kadtu pa gyd ko nakakita nga nag pinugong pugong ug katawa.. nalingaw mn nuon
Ako pa bitaw ng gibuno sa tubig ayha palang sya naka realize nga mugawas dali2 na sya unya niingon while naka sara ang pultahan nga
"sorry kaau dili jud naku to sayop ky pagtan-aw naku naka open ang pultahan maong niditsu nalang ko ug sulod unya ky ni shagit man ka na rattle pud ko imbes mugawas gidala na nuon kos akung mga tiil diri pa sulod, sorry jud"
Niabot na si kuya dali2 ko ug gawas nitipo nilang Lara gibiyaan naku si kuya ug si Dale. ang nadungog lang naku nangutana si kuya ug naunsa me mao to gitug-anan sya ni Dale sa nahitabo ug nitug-an pud si kuya sa rason nganung di gyd ko mang lock.
Pagbalik nla sa sala back to normal na pero kung ganiha pirme ko nakaw tingin ni Dale karun dili na ky nauwaw gyd kog taman haha dili naku makaharong.
Ff. Kada manlaag sila sa balay di man gyd nahu mapugngan akung eyeballs ui mutan-aw mn gyd nya peru si Dale parang wala lang di mn gyd na mamansin unlike sa mga kauban nila na hinagaron. Di lang jud siguro niya bet akung beauty hihi
Ug ky type man lagi naku na siya gi add naku na sa friendster ky mao paman ni uso ani nga time nagama gyd me ug acct ani ky para maka contact me pirme nla mama year2007 ni mao ni ang time nga dili pa updated to facebook. Oh diba halata kaau ko ma inlove ky mo move mn gyd snappy kaau hahahaha.
Pag balik na sa klase ni transfer nami didtu bale 2ndyr ko unya 4thyr sila kuya ug Dale ug 3rdyr pud si lara.
Ug diri lang naku mas naila pa si Dale mas daghan ko ug info nakuha niya. Honor student ug talented. Magkasinabot gyd na sila ni kuya mag guitar2 ilawm sa Talisay sa campus namo. Sikat siya sa Campus, matud pa ni Larah mao daw nga behave kaau si Dale ky iyang papa sundalo diay unya iyang mama ky maestra strikto daw na iyang ginikanan sa pag disiplina nila.
Daghan kaau ng my crush ni Dale apil nagud ko adtu haha pero wala pa dw nay nauyab (basin aku palang haha assuming)
Daghan kaau ng masuya ky inag ka hapon huwaton man ko ana ni kuya unya naa pud na si Dale muhuwat ug apil ky close lgeh kaau sila ni kuya unya si Dale ra sad ang kapareho ni kuya ug school sa ilang barkadaha ky ang uban lahi man ug skwelahan.
Unya ky si kuya mn na ang mudala sa handbag nahu mangukay na siya sa akuang gamit naa mn na siyay nakit-an buwak ug note nga ang nakasuwat lang ky "Mi Amore".
"Naa syay admirer, dalaga na gyd amuang inday ba" sulti ni kuya
Akua ng gikuha niya ang note kumuson unta naku ky nauwaw ko naa pa gyd na si Dale pero wala mana mo react, kebbs lang murag walay nakita or nadungog inshort dili sya intresado. Kalooy!
Ingun pana si kuya dili daw naku dapat ilabay dapat daw e keep nahu maau nlang daw remembrance magamit ra daw nahu to puhon. Nitoo nlang pud ko peru curious gyd ko ug asa to gikan ug kinsa ang nagbutang ky wala mn nay lain makaduol sa bag nhu sulod sa room.
Kada hapon gyd to si kuya pirme ang makakita sa hangbag nahu nga my buwak ug note nga "Mi Amore" lang ang nakabutang, as usual wala ra nay paki si Dale hummm wala mn lang nay bahid ug selos ang dagway. cheee! Maibog ra ka nahu puhon Haha.
Ang naka muot pa gyd ky ang buwak halata kaau nga sa skwelahan ra namu gikuha impas gyd ni ug masakpan ni ma'am ba.
Ff. Intrams nato nanan-aw me ug volleyball nitipo ko nila Lara sa atbang me mismo. Kusog mn na kaau pag hapak sa player jusko nanganganib gyd na akung agtang centro kaau nag expect na gyd ko nga muoli adtung adlawa nga my bringhouse na bukol pero ky na shock gyd ko sa panghitabo abtik pa ni flash niabut mn na si Dale sa atubangan naku ug gisaw ang bola.
Dalia man to niya niabot nga medju layo man to siya gamay sa gilingkuran namu labon akuang maguwang na buotan wala gyd na mairog ga yaya lang ang bug*n haha
Dale : " balhin didtu ky pabor kaau diri basin sunod di na gyd naku maluwas imong agtang" (sabay tudlo sa pikas bench)
Grabi gyd bisan my pagka harsh niya pagsulti di masabot akung gibati nga kilig hahaha mao naba ni ang giingun nila nga "butterflies in the stomach" hahaha. Mao naba ni mulaom naba ko?
Nihawa ra na dayon wala pa ko nakatubag ky dugay kaau na process sa utok ang gisulti niya murag every words bitaw gi namnam pa nahu haha luod.
Napuno ko ug sungog nila Larah. Ampay pud nahu bahala mo suya ligid 🤣. Ang mga Marites namu nga schoolmates niingun ug "hala ui sila na diay? Sila na kaha? Kanus-a ra kaha nagka sila? " hahaha Lami na kaau itubag ug ou hapit na.
Ang pinaka paborito gyd nahu ky ang mo absent si kuya ky adtu ko niya ibilin ni Dale (salamat gyd kaau kuya ha diri ko ni bilib nimu haha) Di na gyd mapugngan ahung kilig naglantaw sa my bench nag lingkod na si Dale naghuwat nahu unya ky bright man sad kaau na si Larah gipaburan gyd ko ky daghan na siya ug excuse bale di daw sya makasabay namu pauli ky naa pa silay lain adtuon sa iyang mga classmate so kami ra gyd ni Dale. Yeheey! Haha
Daghan kaau ng nag expect nga magka kami ni Dale magdilang anghel unta mo ui haha.
Pagduol nahu ni Dale nibarog dayon na siya unya gikuha ahung handbag pareha sa ginabuhat ni kuya. (Maayo unta ug once a week nlang ka mag absent kuya ui) 😉 Muingon dayon na siya ug "unsa mn wala na ky nalimtan ky manguli na ta?" Mutando ra sad ko niya unya manlakaw name magsunod ko niya.
Pagsakay namu sa jeep ( ky bawalan mn na sya magdala ug motor sa iyang mama) so mag jeep gyd me padung ug Pauli sauna. Daku kaau na akong smile murag baba sa puppet ba hahaha ky magtapad man me "jusko my heart" kiligon gyd ko kada muhunong na siya sa pultahan sa jeep ky ako ang una niya pasudlon.
Proud paku kaau ky sulod sa jeep mostly mga studyante rapud. ag uban kauban ilang uyab unya ang uban mga bae na magbarkada. Di pud baya siya lugi nahu no ky sa skwelahan namu dghan pud ng nanguyab nahu makakita pa gani na sila ni kuya so di jud ko tantong maot 😂
Ganahan pa gyd ko kana ganing mukalit ug brake ang driver unya mo sway ta paabante abtik kaau na siya makagunit sa abaga nahu ky naa mn daan nakapatung iyang kamot sa my bintana sa likod nhu peru wa gud kaau gipalabaw ky basin ma dip-igan palang.
Abtik kaau na makagunit nahu ang resulta mura ko niya ug gi-hug, ambut ba nga buhaton man unta pud na ni kuya nahu kung mag uban me ky siya man akung tapad maka feel kog safety peru sa naka try ko ni Dale ang na feel nhu ky safety ug kilig man hahaha. Kaigat ui.
Kung gamhanan palang ang mga sipat dugay ra ko nag kirig-kirig sa sinipatan sa uban. Peru naa sad nay uban gipang kilig haha
Ff December, nagpa basketball league na amuang brgy para Christmas gikuha ko nila nga muse dili unta ko musugot ky unsa nalang isulti sa uban di pud baya me lumad taga didtu, unya nganung ako man unsa ni pamautay? Sure na gyd sila ani.
Unya ky wise kaau man ni si Larah sya akung adviser giingnan pako nga musugot nalang daw ko mag muse ky sure siya si Dale daw na akung partner magdala sa banner sa team nila kuya inag parade basin mao nani chance ma close me ni Dale ky lisud pud ug si kuya akung pares? Aww pwede mn nuon pud pero sure daw siya nga si Dale. Ug dili daw ko musugot si Rachel (pseudonym only) daw na ilang kuhaon kadtu na link ni Dale. Panghadlok ni Larah nahu ky kahibaw naman siya nga Crush naku si Dale wa nalang ko mo deny ky tinuod man pud 😁
Nisugot gyd ko ui tinuod palang tong sulti ni Larah impas gyd ko ug ma develop si Dale adtu known naman gud to si Rachel sa dapit namu nga gusto kaau niya si Dale.
Saktu gyd kaau ang sulti ni Larah si Dale na akung partner ni dala sa banner maayo nlang gani ky naminaw ko muahaha.
Ug sympre basketball league unya Christmas break pa gyd daghan kaau ng mga kabataan didtu nga mao pa lang nahu nakit-an. Bisan sa team nila kuya daghan pud ng new faces ky di man pud ko tig gawas sa ila lola gud.
Mag gara2 pa na sila ni kuya nga magpa regards daw sila nahu siguro tungod ky lagi bag-ong dagway pud ko didtung lugara sa ilang panan-aw. Naa ny ka team nila kuya nganlan natu ug Ryan bisan ako makaingon gyd ko nga nakaangay sya naku ky halata kaau iyang mga lihok tanan nlang me makabantay sungugon na gud me.
Kadugayan nilang sungog nipatol naku ug gara2 na shock pa na sila kuya haha nitubag man ko nga "sige sungoga pa ko gamay'ng push nalang mainlove naku" nabantayan naku na si Dale nihawa ambut asa to nidung siguro di sya intresado.
Si kuya man hinuon ng napikon apil raba jud to siya ug pang kanchaw unya karun niingun man diay nga " unsay inlove, di ka pwede ma inlove ug walay permission nahu"
Mao nga ako nasad syang gibawsan "papa ikaw nani? Kanus-a ra kang niuli?" Sabay gunit sa aping ni kuya. Haha Nangatawa rana sila.
Pero naa gyd koy nabantayan pagbalik ni Dale natingala ko naa na sya nitapad nahu ug lingkod ky 2ndgame paman ilang duwa nag sipatanay me ni Larah. Sukad adtu pirme nana siya mutapad nahu peru dli na sya mutan-aw nhu di pud mo storya naka focus ra na sa duwa iyang mata. Mag assume npud ko ani haha. Grabi akung kilig aning tyma hahaha hala kasuya lang mo diha hihi
Diha na silay duwa unya ky ang ilang kontra niingun mn na nga "ug mudaog me gae ko ug number sa inyong muse" medju naa gyd syay pagka hambug.
Natingala nalang me pagduwa na nila pirme raman na ka foul si Dale ky iyang dasmagan mn ang hambugon ambut lang kung coincidence or na hambugan ra pud to sya basta ky ang ako nag assume napud ko haha.
Maau gani ky nidaog na sila kuya bisan gamay nalang kuwang mo graduate nas Dale sa mga foul niya.
Ff Christmas Eve, gi invite me ila Dale kauban sila kuya ug Larah. Nindut kaau ilang balay first time nahu to peru si kuya kalingaw na mag anhian. Sa niabot name gitagbo me sa mama ug papa niya nag gara2 pa na iyang mama niingun nga
"Oh asa man diri ang uyab ni Dale arun mo amen "
" wala pa na syay uyab run te peru basin puhon naa na hapit ky naa naman syay gisaaran" tubag ni kuya unya nag appir na sila ni Dale.
Nasungot gyd ko nag tan-aw ni kuya ui, nakaingon gyd kos ahung kaugalingon ug
"bantay lang gyd ka kuya ba di na gyd ko musugot bisan unsa pa nay isugo nimu ky sa lain diay nimu gi rito si Dale impas gyd tong mga bola nimu sa balay pang buslotan nahu to",
(kinsa kaha ng bae nga gi mean nilang duha basin si Rachel.)
"So naa na gyd diay target, haha sige lang ipaila-ila namu puhon dong ha. Kaabi man ko ug mao na ni inyong uyab kani inyong kauban nga mga guapa buaw" -mama ni Dale
Kuya: akua man ning manghud te si Dawn pero basin rapud puhon haha ug si Lara pud ni akung ig-agaw (paila-ila ni kuya namu murag nakabawi sya ani dili mabuslutan ang tanang bola🤣.)
Kaabi ko ug stricta iyang mama okay raman diay. Nakigtabi pana siya namu ni Larah ky naglain mn sila kuya duwa sa computer, unya gipakita me sa photo album nila cute kaau si Dale sa bata pa. Pero wala ko kasagang naay picture sa elementary palang nila klasmate diay na sila Dale ug Rachel sauna. Sa picture sila ang mag partner murag folk dance ilang sayaw maila sa ilang gisuot.
Di lang ky mao ra to nga pict pero mostly gyd sa mga picture didtu ky katung Rachel gyd iyang pares kada program curious ko ug naa ba gyd ni silay something basin childhood sweethearts gyd ni sila basin mao gyd ni gi mean nilang duha ni kuya ganiha mas nadugangan akung duda peru lisud pud ug mangutana ko sa iyang mama halata na kaau akong konsensya mag mukhang desperada na siguro pud ko adtu haha. Pero ouch gyd ang mga picture sakit sa mata.
Daghan pa me ug mga na storyahan sa iyang mama unya ky giagda naman me ug panihapon sa ilang katabang.
Sa didtu name sa kan-anan natingala gyd ko ky si Dale dire na nitapad nahu daghan man unta ng bakante unya siya pa na ang nagkuha ug pagkaon para nahu nag tan-awanay me ni Lara. Di lang diay ky kami ra ni Larah ang nkabanty apil pud iyang mama ug papa nag tan awanay unya nipahiyom. Di man sad ta kahilisan ani oy.
Siguro kung wala pa iyang mama ug papa adtu kiligon ko ug taman peru ky naa man nagsagul akung kilig ug uwaw. Gitan-aw naku si Dale murag normal ra gyd niya ang nahitabo. Imbes ganiha rakung nabusog ga sige pa gyd na sya ug dugang ug lain2 nga pagkaon. Magushan man sad ta ani nya
Pag abot na namu sa balay wala gyd ko managad ni kuya haha ambut peru gi carreer gyd naku akung panluod niya. Nangutana na siya ni Lara ug naunsa daw ko gitubag ra pud na ni Larah nga "ambot adtu niya basin wala kahilisi"
Pagka ugma Christmas nagsabot me manimba namawi gyd na si kuya naka sense siguro ky sya mn na ang rason nagkatapad me ni Dale. Yeeyy! Pag peace be with you na kami ng duha ni Dale nag atubangay nag daydream napud ko nga unta Lord mao na gyd ni ang pAra nahu sa takdang panahon bahalag pakipot pana siya karun basta ky diri ra gihapon na sya naku paingon.
Ff. Balik klase muduol na gyd na si Dale nahu bisan daghan pa ng studyante makakita (unta malihian ui ky unang klase sa tuig haha) Kung mag p.e me muduol na muhatag ug tubig pero di gyd na mutingog. Matud pa nila action speaks louder than words peru kung puro action lang diay di pud pwede ky matagbaw kag huna2 dapat my words pud.
Diha nay pageant sa skwelahan namu dapat apil unta ko ani ky ako man ang muse sa room namu (charr MUSE: Maoy Unggoy Sa Eskwelahan haha) pero wa gyd ko niapil masayop palang ko naa si Dale makakita mauwawan ko.
Naa man nay part sa pageant kanang naka gown na sila mga contestants nga e serenade sila unya sus ky ang mo serenade sila man ni kuya, Dale ug Isa nila nga Classmate guapo pud ni sya. Nikanta pana sila una di gyd ko malimot ky sikat pa ng Ngiti by Ronnie Liang mao na ilang gikanta naka tuxedo pana sila with red roses para sa mga contestants.
nanghinayang gyd ko pag tan-aw nahu nga with kiss pana human hatag sa rose sus gyd sayanga chance na unta to maka first kiss ni Dale haha lami kaau ikanta ug nanghihinayang adtung orasa jud.
Kaabi ko ug mao na gyd to manghinayang naku tibuok hapon peru guys hold your breathe ky pag naog nila sa stage naa pa nay isa ka rose gigunitan si Dale peru si kuya ug katu isa nila nga kauban wala na as in si Dale lang ang naa pay isa. Nakapamulsa pa ng pikas kamot unya sa pikas naay gigunitan rose nagkaduol na sya sa gilingkuran sa grupo namo UG NI Daniel Padilla pa dili slow motion iyang nakita unang met nila Kathryn kundi fast forward kana ganing advance na imung na imagine naka imagine na kang ikasal mo hahaha ingana pud akong na imagine nga paingun na nahu akuang groom hahaha suya bii.
Ug mao lagi to pag abot niya gihatag niya nahu ang isa nga rose (sheeyyt bahala na gyd basta gikilig ko gihapon nag huna2 ani nga time hahay) pero paghatag niya sa rose perfect na unta kaau pero niingun pa gyd na ug "NI SOBRA MANGUD" fishtula oy lami kaau tutuan iyang simod pwede man unta ug wa nalang siya nitingog hahaha pero kebbs lang gikilig ko gihapon ky bisan pag sobra lagi pero iyaha pa gyd nga gituyoan ug hatud nahu ahummm. Haha
Kadtung tig hatag sa buwak ug notes naa pa gihapon koi madawat ingadto as usual pero no reaction lang na si Dale bisan makakita na namu ni kuya magbasa sa note kaabi pud ko ug na fall na ni naku.
Isa ka adlaw ana niadto ko ni kuya ky naa koy gusto isulti niya peru pag abot naku naa diay pud na si Dale pero wa sya makakita nahu ky naa nay mga bae nga classmate nila iyang ka storya, mao ni ilang convo:
Girl: Dale close na lage mo kaau ni Dawn kamu na siguro no Kanus-a ra nagsugod? Magselos na gyd me ani.
Dale: Dili, no chance...
(mao ni akung nadungog peru murag iya pa unta tong sumpayan peru ky nakit.an man ko ni kuya iya kong gitawag nilingi na sila, nasakitan ko sa nadungog nahu peru ang pagka artista acting dayon nga walay nadungog. Akua ng gikuha si kuya gidala pagawas)
Sugod adtu mulikay na gyd ko nila feeling nahu gipaasa ra ko ni Dale. Nitug an ko ni Larah nag hilak pa kunuhay ko hahah dayon akua ng gisabot si Larah na dapat muona gyd me ug uli kada hapon para dili me makasabay nila daghan me ug excuse masuko pa na si kuya ky gibilin daw lgeh ko nila mama niya dapat dungan ra me. Pero namugos gyd ko daghan kaau ug alibi haha napasugot raman nuon naku.
Makakita na gani ko nga naa na sila ni kuya abtik kaau ko makatago murag nagtago sa giutangan ba haha. Kung kanus-a pa naka decide naku nga kalimtan ahung feelings para ni Dale ayha pa sad na siya mangita naku sa room namu, likay gyd ko pirteng tago taman sa makaya abi pa lang easy girl hahhaah
Mga semana pud to kapin before mag valentines nahitabo todo likay ko nila Dale wala naku kakita niya. Pag Valentines ana daghan ng letters ug buwak sa table nahu matud pa sa classmate namu basin daw kang Dale gikan ang isa sa mga letter ug buwak ky nakit-an daw nila na si Dale nisulod sa room namu. Ma pride man lagi ko adtu nga time wala nahu pambasaha giditsu lang naku ug pang sulod sa bag.
Pag uli sa bay nagka storya me ni kuya
Kuya: asa man ka gikan ganiha gipangita tka sa room ninyu?
Ako: niuli ko ug sayo gilaay naman ko
Kuya: nagka storya mong Dale ganiha?
Ako: wala oy, ky nganu pud naa ba diay koy utang niya
Kuya: na ambot ninyu oy dagko namu, bantay lang ka ba wala naku kasabot nmu karung mga semanaha ba magmahay ra gyd ka!
Wala ko nakasabot sa logic ni kuya peru wa sad koy planu musabot. Busy na dayon na sila sa skwelahan ky mga graduating na, pag transfer namu ni kuya diri nga school magkailog na silang duha sa spot sa top1 peru si Dale gyd na ang na valedictorian unya salutatorian si kuya.
Last kita namo ni Dale pag graduation nilang kuya. Ky pagka summer wala na me nagkita ky dili naman pud sila tiglaagan ila lola unya di man sad ko tig gawas, busy na pud sila prepare for college mingaw na ky muadto na sila kuya sa city.
Marine Engineering na ang kursong gipili ni kuya nakadungog ko nag storya2 na sila lola ug lolo Engineering daw pud na kang Dale gikuha so expectation gyd nahu pareha sila ni kuya Marine Engineering pud.
Ff. Mingaw kaau akung 3rdyr ug 4thyr gimingaw ko sa time nga naa pa silang kuya samot nag buntag bisan langayan kaau ko huwaton gyd kong kuya unya sa hapon napud naa na sila Dale sa bench nagpaabot makamiss kaau ang mga nakasanayan na, so heart breaking kaau lantawon ang mga bench nindut pang tanggalon. Unya sa jeep pud ang mga memories makaguol gyd taod2 pud ko naka move on adtu ba hahaha
Ang gikahibulongan pa gyd nahu ky sukad pag graduate nila kuya wala nasad ko nakadawat sa buwak ug note nga Mi Amore di gyd malikayan maka huna2 ko ba nga basin si kuya ra gyd to mag butang adtu giilad ra ko, mao to gihuwat naku mo weekend para e confront si kuya makita naku mismo iyang dagway ky maila man na ug mamutbot mo blush mn ng ilong 🤣
Niabut ra gyd na akung gipaabot
Akoo: pag sulti ra gud sa tinuod kuya imuha gikan tong buwak ug note sauna no?
Kuya: dili , kay nganu man nakapangutana mn pud ka ana?
Akoo: sukad mngud ni graduate mo wala nasad ko nakadawat ba curious ko
Kuya: so gusto pa diay ka makadawat? Haha. Dili to akua nganu pud nga iladon man tka unsa my makuha nahu nga kahibaw mn kong masakitan ka paasahon. Mo reveal ra lagi siguro ang tag iya adtu kung andam na.
( ma solve ra ni nga issue guys pero dili pa dire nga part)
Ff. Diri na ta sa mag College naku year 2011 ky boring na haha. I enrolled Engineering pero dili lang naku e specify asa na field ky talagsa ra raba ang nag offer ani mahalata ang skwelahan.
Sa 1styr pa dba naa mangyd nay NSTP unya under NSTP mamili ka either LTS, CWTS or ROTC imuhang e enroll. Naa koy na met ani nganlan natu ug Grace same me ug kurso nga gikuha maong nagka vibes me pag enroll nag uban2 me.
Ang gusto unta naku LTS gyd peru priority daw nila ang mga ni enroll ug Education so balhin nasad sa CWTS ang nakaapan nasad ky 50 ra daw ilang kuhaon puno na ang slot, pagkahibaw nahu arun nagkurog na gyd ahung tuhod ky it means mahog gyd ko sa ROTC ani.
Kung di sad nahu e enroll ang NSTP di pud pwede ky lisud baya ang Engineering mas maau kung makuha gyd nhu daan ang NSTP para dli na maglabad akung ulo ana niya sa umaabot na panahon.
Nagkatawa na si Grace ky gusto man diay niya mag ROTC ky gusto pa gani niya mo train for officer jusko pagsolo oy. Wala gyd koi nahimo sa R.O gyd ko ni enroll ug tungod ky di lagi naku bet wala ko ni klase pag 1st formation kada dominggo sa hapon man me adtu sauna.
Pag 1st week sa klase wala pa me tarung Klase maong dili pa kaau pressure. Pag 2nd formation ni attend na gyd ko sa R.O bisan bug-at pas akung buot ky mahadlok ko tabangon sa taliwa sa mga medics basin ma kuyapan ko didtu.
Daghan na kaau me nagpaabot didtu sa dihang naa naman nay nisinggit officer ug "T A L U P A A A A A D" grabing boto sa ahung dughan samot ky daghan kaau me nanagan murag mga amigas paingun sa ground. Samutan pa gyd ky nagkaduol ko mas na klaru naku ang naa sa taliwa nga OFficer nisamot gyd nuon nag boto2 akung dughan murag fireworks sagul kulba ug Kilig.
Daghan kaau ng pangutana akung kaugalingon sama sa Nganung naa siya dire? Diri diay sya nag skwela kaabi ko ba ug pareha sila ni kuya? So meaning ______ Engineering sad siya diri? Nganung wala mn ko nakakita niya sa unang Semana? Kahibaw kaha siya nga naa sad ko nag skwela ani? Mura naku ug timang haha
Y*tis pud ni akung kasing2 kaabi ko ba ug nakalimot na ni. Guapuha mangud sa Corp Commander guys bisan paman ug pilang tuig ng milabay gusto pa gihapon jud diay nahu siya. Nalimot na raba unta akung kasing2 sa mga tuig nga wla ko nakakita niya peru isang sipatan lang naku ug balik niya nag kubo man dayon ug balik oi jusko lami kaau e kanta sa Chinito ni Yeng ba haha. Wala siguro ni na pressure sa Engineering ug ROTC ky fresh man kaau ug astig ang dating. Ang Corp Commander diay guys ky si Dale the one and only. Halata no? Haha
( diri sa lang taman guys ky taas na man diay kaau sumpayan lang ug ma post man galing ni arun di masayang akung effort. Lovelots😘)
This Confession is brought to you by BETET, VICKS AND VIPORIN. KEEP SAFE GUYS! 😉
No comments:
Post a Comment