#Tokhang #Part3
Audio/voice over version at https://youtu.be/X3IQGh9taPU
Hello everyone. This is the part 3 of my confession. And just a correction sa last confession nako it was February 2020 not February 2019. I'm sorry for that. Enjoy.
Nisakay kog tricycle kay medyo sudlonon paman diay ang resort. Paghuman nakog check in, namalit kog sanina pang beach. Palit kog bikini oi. Dili ko maulaw mosul-ot ug niadto kay naa raman pd koy ikahinambog gamay.
Pagkahapon kay Dili na kaayo sakit sa panit ang adlaw. Naglangoy² kos dagat pawala sa sakit sa dughan. Murag kabalo molangoy hahaha. Dili ko kadawat nga gihimo ko niyang kabit. Yawa. Makaulaw kaayo. Kaiyakon ko pero bisag unsaon nako, dili man motulo akong luha. Maka-frustrate.
Pagkagabei paghuman ug panihapon,naa nakos kwarto nako, gi open nako akong cp. Nagpusot pusot ang texts and missed calls. Galamog lamog na. Ang pinaka recent kay tawag ug text ni Gabriel. I ignored him. Bahala siya. Gitextsan nako akong ate para makapuyo na iyang kalag. Gitextsan nako nga okay rako ug nag need rako ug time sa akong self. After adto kay gi off na pud nako akong cp. Tinood guys, naglisod kog katulog. Gabriel's face and lies keep on flashing on my mind. Yati sakit kaayo iyang gihimo sa akoa.
Naulaw ko para sa akong kaugalingon. Unsa man intawoy ikasulti sa mga tawo. Malas kaayo kos gugma jud. Akong ex gicheatan ko,nakapaburos sa akong cousin. Si Gabriel gihimo kong kabit. Leche jd kahimtanga. Gilingaw na lang nako pag-ayo akong kaugalingon. Nature has this magic to calm me. I saw other things. Lots of other beautiful things. Na inspire na noon ko maglaag-laag. Kadako man diay sa kalibutan para magmaoy sa daplin. And in all fairness, nahimutang akong kalag, temporarily. For I know,pag-uli nako, I need to face my tragedy.
After 5 days sa resort, niuli nako. Dako kaayo kog nagasto sa akong pag move on. Hahaha. Pero ayha ko niuli, nihapit sa jd kog salon ug nagpagwapa sa akong buhok. Bahalag ma issue basta gwapa. Ma-issue paka, haggard pakag nawong. Mga 3 hours pd kog pinundo didto oi. Pagwapa jud ta, bahalag maunsa na ang kalibutan. Nagpa color kog buhok ug gipaputlan nako. Hahahah. Move on na ba ni?
Nagkadool kos balay, nakulbaan nako. Basin ug niadto si Gabriel ba ug gipangita ko. Patay na jud. Pero wala man diay pulos akong kakulba, walay Gabriel nga niadtog balay. Assume pa girl. Giyawyawan rako ni mama Kay dugay kaayo ko galatagaw. Nalisang na lagi pd adtong panahona kay nagkadaghan ang cases sa covid. Gingisihan lang siya nako. Lisod pd ug motug-an ko Niya. Gihilom na lng nako unsay nahitabo. Lisod pd ug moingon ko ""ma, kabit ko."" Sampalungan jd ko. Wala pay swerte,mapalayas ko. I just prayed nga walay consequences akong nahimong sala. Yawa na jd kung mapatawag kos Tulfo. Ipasalvage jd nako si Gabriel.
Wala nako giblock si Gabriel. Wala pd nako siya giconfront. Nahadlok kos itubag Niya. Nahadlok ko nga basig mamakak pa siya nako. Ang akong gihimo, naghinay-hinay kog palayo sa iyaha. Kanang gipa feel nako Niya nga nagkawala akong interes hangtod kapuyon siya. He called me that night. Asking if asa ko gikan. Asking me nganung niuli ko ug wlaa Siya nako tagda. Asking me about the necklace that I left. Nakabalo na siya nga isurprise unta siya nako.
I lied to him. I told him nga naa koy emergency sa trabaho.Gituyo nako nga mamakak sa iyaa. I know, kabalo siya nga namakak ko. I know Gabriel. For sure, daghan natong gipangutana adtong adlaw nga nilakaw ko. I lied and played him intentionally. To the point nga makiglaag ko together with my friends nga dili ko mananghid sa iyaha. Masakpan ko Niya nga namakak ko. Masuko Siya. Mag-away mi. But I don't care. I am letting him feel being cheated. But Gabriel didn't let me go. Well, I never asked him man pd. Masuko ra siya, usahay dugay pd mokontak pero dili pa moabot ug 24 hours,manawag na siya.
I missed him sa tinood lang. Gool pamalandungon nga naabot among relationship sa niani. Gabriel will never be mine. Sa sinugdanan pa lang, dili na Siya akoa. Extra ra gd kos love story nila. Extrang kontrabida. Yawa.
Magtext siya sa buntag, akong replayan gabei na. If he asked why super late nako makareply. I simply told him nga busy kos work and other stuffs. If manawag siya, dili nako tubagon usahay. Busy sa work. Mao akong sigeg I reply sa iyaa. During videocalls I pretended na gikapoy ko. Nga daghan pakong tiwason nga trabahuon and other alibis para makaikyas sa iyaha. I know, naka sense na sya sa akong pag bag-o.
March 2020. Hello community lockdown. Kana bang kalit lang nga ni pause imong daily routine. Bawal lumabas,si Kim Chui pay pasultihon. Nagpundo rako sa balay ug mura kog maboang nas kaboring. And because of the lockdown,dili kasulod si Gabriel sa among city and that's a good thing for me. Dili mi magkita. I take the lockdown as an opportunity nga makigbulag sa iyaa. Kay dili sya kadali dali ug dool nako. Dili gali siya kasulod sa syudad namo. I called him that day. After sa mga nahitabo, that was the first time nga nanawag ko niya.
""Mary? Tawag man ka bi?"" Sweet jd man kaayo si Gabriel pagtubag sa tawag.
""Naa koy isulti.""
""Unsa man na? Magmeeting na raba mi hapit agi aning covid. Ayaw gawas² sa balay ninyo ha Kay delikado.""
""Kadjot rani.""
""Sige Unsa man na?""
""Magbulag nata."" Diretso jd na nakong estorya Niya. Dugay katingog ang amaw.
""Unsay bulag? Walay bulagay ni."" Nidako na iyang tingog aning timema.
""Gikapoy nako.""
""Unsay kapoy? Nag unsa diay ka? If gikapoy kas trabaho Nimo, pag resign. Kaya tikang buhion. Unsay bulag² imong gisulti diha. Dili ko mosugot. Kaon dihag ice cream. Giinitan rakas panahon.""
""Seryuso ko. Magbulag nata. Bahala kag DILI ka mosugot.""
""Ayaw jd ko pagbinuangi ha. Makasulod lang kos boarder diha Mary. Makita jud Nimo Unsa ko kasalbahis."" Yawa jd tawhana. Gikulbaan kaayo ko. Mura jud ug giyawaan.
""Bahala ka. Basta para nako,bulag nata. I hate you."" Ug gipalungan nako siya. Feel kaayo nako akong I hate you oi. Hahaha.
Kampante ra jd ko nga dili makalusot si Gabriel sa boarder kay sa ilaang lugar kay daghan kaayong cases maong high risk silA. Gibawalan jd bisan kinsa nga gikan didto sa pagsulod sa among city.
Kay lockdown man, diha na dayun nisulod si Tiktok ug Dating apps. Nalingaw kos tiktok. Unya kay ang tiktok trends sauna adto kay ag mga dub² man nga flirt². Hahaha. Naa ra baya puy mga ni follow nako. Sa dating apps pd,nalingaw ko. Makauyab pd tag ahat ani. Si Gabriel sigeg panawag kinaunhang mga adlaw pero nagkadugay wlaa na manawag. Gimingaw kos kagwang.
Na plantita pd kog ahat sa lockdown oi. Nahimong lasang among balay. Hahaha. Daghan kong nahumang korean dramas. Perti pa nakong iyak ug tinan-aw sa Crash Landing on you. Feel kaayo nako nga ako moy leading lady, bagsak lang si Gabriel sa role ni Captain Ri. Leche.
Mga 1 month kapin ang nilabay, agi sa kaboring na jd. Nivolunteer ko sa akong ate nga akoy mohatod kuha niya sa trabaho. Dili man gd ni siya kabalo mo drive. Iyang bana pd kay dili kauli kay dili kasulod sa boarder. Nivolunteer na lng ko para makagawas ko. Daghang checkpoints oi. Pangitaan ka sigeg quarantine pass.
One time, while gahulat kos ate nako mahuman sa iyang trabaho, didto ko sa building tapad sa station nila nagpundo. Naka headset ko while gatan-aw sa mga Tiktok videos. Mga 6 pm nato dapit ug medyo ngitngit na. Nagtext si ate nga naa daw siyay ichika nako. Akong gipangutana nga unsa pero Ang animal wlaa ko gitubag.
Naay niabot nga sakyanan, nakahangad ko kay kusog kaayo iyang suga. Mura kog mabuta kay sa atubangan man jd nako ni park ang yawa. Gi yawa yawa na jd nako sa akong utok ang driver kay walay batasan. Dugay pa jd na Niya gipalong iyang suga, maong gaduro pd kog panabon sa akong mga mata. Pagpalong jd niya sa iyang suga kay mao puy pagkarealize nako nga ang car nga nakapark kay murag kang Gabriel. Yawa jd..
Agi sa akong kataranta, wlaa ko kalihok tagad. Nagpitok pitok ra jd akong mga mata. Kanang kadaganon ko nga kataguon pero walay pagka cooperate akong lawas. Gatanga ra jd ko ni Gabriel nagtan-aw sa iyang paggawas. Nahadlok ko nga basig modool si Gabriel nako pero bisan siplat wala Niya gihimo. Diretso ra siyag lakaw pasulod sa station. Yawa. Nasakitan ko.
For sure, nakit-an ko niya oi. Naa ra jd ko atubangan sa iyang sakyanan. Wala ramay nagbag-o sa akong nawong. Naniwang ko gamay kay nagpa tone man kos lawas nako pero for sure, nakaila pa to siya nako. Nibug-at akong dughan sa nahitabo. Gi deadma kong Gabriel. Yawa. Dili niadto nga pagtagad akong gi imagine sa iyaa. Gabriel was always excited to see me. Kanang layo pa lang ko pero Ang ngisi ni Gabriel murag nakadaog ug sugal.
But Gabriel was so different earlier. Mura mag dili si Gabriel. Basin iya tong kaluha. Hahaha. Desperada kaayo ko to the point nga nakahuna huna ko nga basig naay kaluha si Gabriel. Tan-aw pag mga drama Mary. While gadrive ko pauli, akong ate sigeg gayawit. Si Gabriel daw kay nabalhin nas station nila. Daghang nalipayw ug gikilig kay naa silay kauban nga gwapo. Nagpakaon daw si Gabriel ganiha. Welcome party daw. Lami kaayo maninghag ni ate pero basig mahibulong to nganung gisapot ko.
""Nagkita mo ganiha bi?""
""Wala.""
""Tapad man imong motor sa inyong sakyanan. Grabi tawhana no,bata pa kaayo pero dako nag ranggo.""
Wlaa na jd ko nitubag ni ate kay akong dughan mura nag gibukbok. Pisti jd kaayo. Lami man magtagay taman mahuwasan. Pag abot namo, nideretso kog kwarto, akong girason nila nga naa koy tiwason nga tan-awon nga K-Drama. Pero Ang tinood, yawa, duro kog iyak. Hahaha. Nagool kaayo ko nga wlaa ko ambata ni Gabriel ganiha. Gatutok kos number ni Gabriel. Natempt ko nga manawag sa iyaa. Pero nahadlok ko.
Mao man pd akong gusto, ang mobiya si Gabriel pero wala ko kapanagang sa sakit. Nadepressed akong beauty. Pagka-ugma, gahatod na pd kong ate. Pagpark jd namo, mao puy paggawas ni Gabriel. Kagwapo sa yawa. Akoa man ni sadiha. Nagpasalamat kos mask kay mata ray makita sa akoa. Walay nabag-o kaayo ni Gabriel, macho gihapon tawhana samot nas uniform Niya.
""Good morning, sir."" Greet sa Akong ate. Nitando ra pd si Gabriel. Medyo nabag-uhan ko Niya kay murag nagka-istrikto man.
""Sam***"" tawag niya sa akong ate.
""Yes sir?"".
""As much as possible, dapat naka face shield mong duha sa imong driver ha. Para mas makalikay sa covid."" Yawa. Gitawag ko niyang driver. Murag wala siya naboang sa akong pagdrive sauna.
""Alcohol and hand sanitizer pud,dili kalimtan."" Dugang pas amaw.
""Yes sir. Naa man mi dala Sige.""
""Dili na sigeg laag². Lockdown paman ta so dapat kung asa nga lugar ra imong tuyo,dili na maghapit hapit sa lain.""
Naboang jd tawhana. Naglecture man noon. Molakaw na unta ko ug sadihang gitawag ko adtong kaila nako nga napulis na pd.
""Mary. Kadjot lang. Naay gipadala si mama. Ang imoa dw ni gipangayo nga Saha sa bulak.""
""Ay tood. Nagchat man ko Niya gahapon kay nagpost man siya. Salamat ani ha. Pila man ni?""
""Imong apelyido daw kung mosugot ka.""
Duro kog katawa sa tubag Niya. Joker man gd kaayo tos auntie. Naboang kos saha kuno kay apil man pot. Galisod kog butang sa atubangan sa akong Mio.
""Maglisod man ka ana bi. Unya na lang na dad-a."" Akong ate. Medyo dako dako man gd nga pot.
""Okay ra te. Madala rani. Pahinay rakog padagan. Lakaw nako.""
Ug gadali dali kog padagan sa akong motor. Bahala nas Gabriel didto. Stranger² diay iyang drama, game ko ana. Kay galisod man kog dala jud sa bulak maong, sige kog hunong para ayuhon. Murag mag mahulog gud. Gapahinay-hinay ra jud ko hangtod naabot kos checkpoint. Pagkataasa sa linya. Init na raba kaayo. Naa pay akong gidala nga kahulugon. Pag-abot sa akong turn, gadali-dali dayun kog hatag sa lisensya ug quarantine pass. Leche pd tong pulis kay gikuti-kuti pako.
""Nagdala man tag bulak lagi ma'am."" Na conscious ko Kay gatan-aw man sya sa bulak nga gibutang nako sa unahan sa Mio. Gashorts ra rba ko adto.
""Hinatag sir."" Leche. Maayog pareha kagwapo ni Gabriel tong pulisa, maot raba dayun tugulang na. Chixboy kaayog dating.
""Galisod kag dala ana ma'am."" Lami kaayo syA tubagon ug, mao gali dapat dili nako nimo langan-langanon. Nitando na lang ko Kay akong batiis mura nagmapanit sa kainit.
Mao ng pag-abot nakos balay mura kog gikulata sa kainit. While gatanga sa balay, kahinumdom kong Gabriel. Yawa tawhana, gideadna ko. Abi guro niyag dili ko mosukol. Siya rabay sad-an na namong duha. Pagkahapon kay kuhaon na pd nako akong ate. Ampo lang jd ko nga wlaay panuway nga pulis maglangan-langan nako. Pag-abot nako sa checkpoint, nahibulong ko nga mura mag kasili gisilian tong mga babayi nga kadungan nako. Kulang na lng overtakekan kos linya. Sigeg pang-igik-ik. Murag mga gwapa. Hahahha.
Sus mao pd diay kay ag Gabriel isa sa mga nagcheck point. Yawa. Kagwapo jud sa yawa. Laki kaayog tindog. Kanang laki ba nga hawod kaayog tinindugan. Bisan naka-mask klarong gwapo,sa mata pa lang. Naa pay ilong makasuya. Bali upat silA nagharang didto. Pili lang ka asa ka pacheck. Taas kaayog linya ka Gabriel, mura jud ug santos. Maong gipili nako tong isa nga gamay ray nakapila. Langan² pd nis Gabriel. Humana na bitaw kog pahimulos Niya. Hahhaha.
Itunol na jd nako akong lisensya ug quarantine pass ug sadihang ag Gabriel giyawaan.
""Pangitai nag rehistro sa motor, sarge."" Yawa jud nis Gabriel. Gilingi nako siya ug ang amaw padong nako.
""Ako na diri. Ikaw sa didto."" Pisti jud tawhana. Mahigugma na pd tag balik ani. Minyo na raba ning yawaa. Kataw-onon kos nawong sa mga nagpila. Nadisappoint silA sa gihimo ni Gabriel. Well, this man is cruel. Mao gali yawa akong tawag Sige Niya hahahha.
""Rehistro sa motor, ma'am."" Nagsugod na jd ang kayawa ni Gabriel. Ninaog kos motor ug gikuha pas U-box ang papel nga gipangita Niya.
Gi-ayo niyag basa akong rehistro. Gimemorize pa guro Niya.
""Ipadaplin sa imong motor ma'am.""Nahibulong kos ingon Niya. Yati. Maulawan man pud ta ani.
""Ug nganu man pd akong ipadaplin akong motor sir? Unsa may kulang sa papel nako?""
Na abi niyag madali dali ko niyag palusot.Ang amaw gitutukan man kog thermal scanner.
""Taas imong temperature ma'am."" Pagtan-aw nakos temperature nako. 37 degrees. Normal raman gd na.
""Normal rana sir. 37 degress ang normal body temperature.""
""Need paka icheck ma'am."" Animal jd tawhana. No choice ko kung dili modool adtong mga naka assign nga health workers. Nihayag akong hunahuna sadihang nakita nako ang midwife nga mama sa akong bestfriend. Remember ag sa kasal?
""Oy day Mary. Unsa man?""
""Hello te. Pacheck daw ko te ingon ag pulis."" Nitan-aw man na siya sa luyo nako. Leche gasunod man diay nis Gabriel nako.
""Lingkod lang diri day. Kamusta Naman tong AFAM nga kachat Nimo?"" Duro kog katawa. Nachika man diay nako ni auntie ag kachat nako nga afam.
""Laban gihapon te.""
""Kana jud day aron nindot ug liwat.""
""Mao jud te. AFAM is life jud ko ani."" After gikuhaan kog temperature ug BP gipalakaw nako. Gisapot ko Kay normal ra jd tanan sa akoa except sa akong dughan nga murag naboang. Gabuto-buto ug kusog. Wlaa jud nako ambata ag Gabriel,bahala Siya sa iyang itlog. Gisapot ko Kay gilangan langan ko.
Samot akong kasapot kay ag ate,among sabot kay 5:30 niabot na lng ug 6:00 pm, wlaa pa nigawas. Gilamok nakog paabot. Gitapol nakog paabot didto ug sadihang niabot man nis Gabriel. Gideadna nako ang leche. Dili ko kalimot sa kaboang Niya. Mga 6:45 na nakagawas si ate. Akong kasapot taman langit na. Gigutom na kaayo ko.
While pauli mi,naa man nay sakyanan gasunod namo. Nipadaplin ko aron makalahos siya pero wlaa man jud siya ni overtake. Gasunod ra jd syA namo. Okay ra pd ko Kay hayag kaayo. Pag-abot namo sa check point, didto nihunong ang sakyanan and then I realized it was Gabriel. Lamia mag assume lagi. Pero kasado na Siya,dili na pwede.
""Si sir Arya**** man diay to, Bi.""
""Awh maoba.""
""Maayo ra baya pd ni si sir Bi bisag medyo strikto. Daghan kaayong naka-crush Niya oi. Hitsuraan man gud pud.""
""Crush² silA anang tawong minyo?"" Wala jud ko kaagwanta. Nicomment jud ko.
""Kinsay minyo? Si sir?""
""Kinsa pa man diay?""
""Ulitawong dako pa na si sir oi. Abi kog nanguyab nas sir nimo bi. Murag naibog man to Nimo sadiha.""
Nakapang yawa jud kos utok nako. Sure jud to nga ulitawo patong kagwanga?
""Sure diha te ba? Ulitawo pa to? Basig scam na ha.""
""Ulitawo lagi.""
""Basin naa natoy anak te.""
""Wala oi. Sure jud ko ana bi. Kay nganu man?""
Hala nasayop ko? Kinsa diay tong kuyog niya sa picture? Sure jud ko nga dili to iyang igsoon.
""Wala man. Nangutana ra gud.""
Wala koy klarong tulog pagkagabei. Yatis. Murag nabiktima kos maling akala ani. Grabi nakong pagmahay jud. Kanang pagmahay nga wlaa ko kasabot sa Akong gibati. Lami kaayo kontakon si Gabriel pero maulaw ko. Unsa may akong iingon sa iyaha dayun.
Gisapot kos katanga jud nako. Swerte Naman unta kong Gabriel, gatinanga lang jud ko. Perting yawaa jud. Mahay kaayo ang babayi. And ending, wala nako nikontak ni Gabriel. Dili Naman siya ganahan nako. Deadma na gali kaayo siya nako. Maong taga hatod ug kuha nako sa akong ate, bisag magkita mi ni Gabriel,we treated each other as strangers. Our memories together will remain as memories forever. Pero Ang pagmahay nako dili jd mabaligya. Kung mabalik pa nako ang oras,gihimo na nako. Gabriel was mine all along. But that was before, but now I don't know. Sakit kaayo makita siya nga malipayon nas iyang kinabuhi. Mas nasakitan ko Kay naay kauban Nila nga naka close daw ni Gabriel. Chismosa pd kaayo nis ate nako. Sigeg tabi bahin ni Gabriel.
Extra special daw ang pagtagad ni Gabriel adtong kauban nila. Sweet daw ang duha maong nahimo ng love team sa ilang station. Tood man, base sa Akong pagtan-aw ni Gabriel adtong babayi nga pulis kay sweet jd silA. Yati. Ako man unta to oi. Ako man tong hatagan ug extra nga pagtagad ni Gabriel. Pero agi lang sa akong katanga, gisayangan nako ang tanan. Wlaa koy laing mablame kundili akong kaugalingon. Mao ng gaagwanta kos kasakit nga makita si Gabriel. Kanang maghilom lang ka sa daplin while galantaw nila. Kanang bisag sakit na kaayo makadungog ug estorya bahin nila, pero wlaa kay mahimo. Agwanta na lng ko taman sa akong maagwanta.
Good thing last week of May 2020, gi- announce nga wala nay checkpoint. Dili na kaayo strikto maong makalakaw lakaw na. Balik na pod kos trabaho nako. Pero akong pagmahay dili jud malimtan. Mahaya nako oi. Pero taman ra jud kos pagmahay. Good thing is dili na pd ako ang tighatod ug kuha ni ate kay balik trabaho Naman ko. So ang mahitabo ani kay kalimtan na lang jud nako si Gabriel. Murag naka move-on Naman pd siya. Bisag ako, wala pa.
June 17, 2020. Dili jud ko kalimot anang adlawa. Kay gi-lift Naman ang community quarantine, pwede na maglatagaw. Kay off man to nakong adlawa, nakiglaag akong mga ka coworkers. Naa may sikat nga lugar nga medyo bungtod nga daghang gitanom nga mga Flowers. Uso paman gd Ang mga bulak adtong panahona. Feeling brokenhearted man ko ug excited ko makalaag balik, nikuyog ko Nila. Nice jud ang lugar infairness,makarelax pero pag uli na namo didto na nahitabo Ang dili jud nako malimtan nga panghitabo sa akong kinabuhi.
Kay medyo bundok man tong giadtoan namo, ang pagpauli kay patugbong among dagan. Hapon na to ug nag fog. Medyo basa² ang dalan ug danlog jud. Maong extra careful mi. Pero ingon pa silA dili matagna ang disgrasya. Nagsunod kos motor sa akong kauban. Paliko nami ug sadihang naa mi nakatagbo nga van. Ang worst pa kay naay ni overtake sa van, naabtan jud ag motor sa Akong kauban ug ako nga nagsunod Niya naabtan pud. Wala nako kabalo unsay nahitabo basta ang impact ra sa pagbangga akong nadumduman.
Visitor
________________________________
Tokhang Compilations (Trending Confession)
Audio/voice over version at https://youtu.be/X3IQGh9taPU
Part 1: https://www.facebook.com/UCnianFreedomBoard/posts/1980642608767449
Part 2: https://www.facebook.com/UCnianFreedomBoard/posts/1994660397365670
Part 3: https://www.facebook.com/UCnianFreedomBoard/posts/2002004699964573
Part 4: https://www.facebook.com/UCnianFreedomBoard/posts/2003749853123391
Part 5: https://www.facebook.com/538525002979224/posts/2007940006037709/
Part 6/Finale: https://youtu.be/1T2ysDrqzek
Compiled as one story at www.ucfreedomboard.com
Subscribe or visit our YouTube channel kay uploaded na ang audio version sa confession nga #Tokhang click at
https://youtu.be/X3IQGh9taPU
No comments:
Post a Comment