- - -
Pag abot nako sa boarding house, syempre gikasab.an kos akong ate kay 8 kapin nako nakauli. Gama ra kog alibi nga nanan.aw ra meg movie sa boarding house sa akong classmate maong nadugay ko. Ang bouquet, gipataguan nako sa carenderia nga tigpalitan nakog sud.an ky arong di makit.an ni ate kapoy na huna2x ug alibi.
Pagka ugma, birthday na nako. Pag mata nako naa nay greetings si Jp sa akoa.
"Happy Birthday baby.. Enjoy your day. I love you."
Nakasmile jud ko sa kakilig. After si Jp nag confess sa iyahang feelings ngari nako, gaan na kaayo akong heart sa iyaha. Inspiring kaayo imata inagka buntag knowing naa nay nagmahal nimo. Ganado kaayo akong adlaw adtong higayona. Daghan nag greet sakoa sa personal man o sa facebook. Silang Mai ug Bebs gisurprise pud kog cake ug balloon. Gipaangkon na lang pud nako sa ila ang bouquet ni Jp nga gihatag niya sa ako para madala nako sa boarding house. hehe. Pagka hapon nanagkot kos cathedral. Nagpasalamat ko ug gisugid nako akong mga sala sa Ginoo. Tas nangayo gyud kog sign sa Ginoo atong tyma, nga if si Jp man gani ang para nako, siya jud. Pero kung dli gani, tagaan kog sign sa Ginoo para buwagan nako siya. Mao gyud toy akong gipangayo atong tyma. Giapil nalang pud nakog ampo nga unta di ko buntis. huhu..
Nag celebrate mes akong birthday sa boarding house pagka gabie. Ginagmay lang ky wala pay sweldo akong ate. Malipayon kaayo ko sa akong birthday, samot na kay after namog kaon, nagchat2x na meng Jp. Sweet na kaayo meng duha. Mura na gyud meg uyab. Or uyab na gyud lugar me.
Nidagan ang mga adlaw, taman ra mes text ug tawag ni Jp. Wala na me kitaay kay busy nako kay hapit na me magdefend sa among thesis tas dli nasad ko kaipsot sa akong ate. Gimingaw na kaayo ko niya. Every single minute of the day, permi ko mutan.aw sa akong phone if naa ba siyay text or chat sa akoa. Pag makalugar me, mag video call meng duha pawa sa kamingaw. How I wish pwede ra meng magkita anytime. Mingaw na kaayo ko niya. Mingaw na kos iyang baho.
One day, wala me nagkatext2x ni Jp kay naa daw okasyon sa ilang family, birthday sa iyang lolo. Mag adto sila sa balay sa ilang lolo para mag gather and busy siya ug tabang2x para sa hikay nila. I missed his text from morning til afternoon, hantod na lang nigabie wala jud koy text nadawat gikan niya. Gilingaw2x na lang nako akong kaugalingon pinaagi sa pag review sa among thesis ky the next day ato, defend na namo. Mga 9 kapin na to sa gabie sa dihang nakadecide ko nga muhigda na kay gibati nakog duka. Nag facebook usa kog kariyo, check lang sa mga notifications ug sa unsay bag-ong post sa akong mga friends. Later on, naay ni-pop up nga notification sa akong screen. Jp Andrew's real acct was live daw at that time. Gidali2x nakog tan.aw iyahang live pero dli cya ang nagkubot sa iyahang cellphone. Wala ko kaela but it looks like ig-agaw rasad niya nga lalaki. Batan.on pa and murag estudyante pasad same nako. Nagpahibaw ang laki sa video nga nag live daw siya kay mukanta ang tag.iya sa phone, si Jp. Bibo kaayo sila tan.awon. Nag anam nasad kadaghan ang mga viewers sa live. Giduol niya si Jp ug gipaatubang niya sa camera.
"Kol, say hi to your 14 viewers."
"Unsa mana, live?"
"Oh." sabay katawa sa laki.
"Uy, hi.." gababye2 si Jp sa video. Klaru kaayong nkainum na, sayu paman unta ang kagabhion. Basin daan na ning nkainum palis pa lang.
"Tan.awa ninyo, mukanta na ang original singer. Unsa ra toy kantahon nimo kol?"
"The Calling, The Calling."
"Ahh... Wherever You Will Go by The Calling. Sige, tarunga kol ha kay daghan na raba kag viewers oh."
Gicheer nila si Jp sa dihang gapindot na siya sa number nga iyang kantahon. Nagpusot2x nasad ang mga comments sa iyang mga barkada sa live. Nalingaw ko nagbasa2x. Pagkantang Jp, esus gapiyong2x pas intro. Feeling original singer kaayo ang peg niya. Infairness, nindot xag tingog. Gikilig ko gatan.aw, feeling nako para akoa ang kanta. Sige kog smile2x nagtan.aw niya sa live. Mura jud xa ug mao tan.awon, kanang pinatuok ang microphone ba pagkahawid.
Gilibot sa laki ang camera sa cellphone ni Jp, gipakita niya ang mga taw nga kauban nilag kanta2x sa guwa sa balay sa ilang lolo. Daghan sila, mga ig.agaw rasad siguro to nila. Until nasagap sa video si Maam Ai nga naay kaistorya nga duha ka babae. Nahunong jud kog smile. Naa lage si Maam Ai? Aw syempre, uyab gud sila. Pero layu man ug school si Maam Ai sa lugar nilang Jp, nganong naa siya didto? Gikuha ba kaha siya ug tuyo ni Jp? Gikuha jud siguro siya ni Jp.
Nanelos ko gahuna2x. Permi na diay siguro niya dad.on si Maam Ai pag naay tapok2x iyang family. Wala nako nagsmile nagtan.aw sa live kay nabother na akong huna2x pagkakita nako sa iyang uyab sa video pero padayon ra gihapon kog tan.aw. Ang ikaduhang gikanta ni Jp kay kanang 'Baby I Love Your Way' bitaw nga reggae? Nindot sayawon. Wala ko nainform singeron man diay pud ning tawhana. Makakilig na jud unta kaayo, kung wla lang niya guyora si Maam Ai padung sa tunga ug iyahang gisayaw2x, gipatuyok2x pa jud niya. Game pud kaayo si maam nga gasayaw2x kay gisungog naman sila sa mga relatives ni Jp. Nindot kaayo sila tan.awon. Makasuya. Kana bitaw ingon ani ang lyrics sa chorus,
Ohh baby I love your way, everyday, yeah
I wanna tell you I love your way, everyday, yeah
I wanna be with you night and day
Tapos naka-hug si Jp sa iyahang hawak, nagsandig si Maam Ai niya nga nagtalikud tas nagsabay2x silag sayaw sa tukar. Mura bag nag sexy dance pero reggae lang ang tukar. Nindot kaayo sila tan.awon uy. Perfect jud. Gitusok2x ra gud pud akong heart ug lansang sa kasakit. Pero okay raman, basta kay cute kaayo sila tan.awon jud. 💔 Samot na pag end sa kanta, nag singgit2x ang mga taw sa palibot ug "Kiss! Kiss!" tas imong mabasa sa mga comments kay,
"Pakasal namo uy!"
"Bagay kaayo mo, architect ug teacher"
Ug daghan pang mga sweet comments gikan sa ilang mga kaela. Gipawng na lang nako ang cellphone ug nitakilid kog higda. Pag piyong nako, nangikyas ang mga luha sa akong mata. Kasakit man diay makit.an silang duha magkuyog. Ingon si Jp dli niya love iyahang uyab, pero unsa man to iyang gesture, sweet man kaayo sila. Lahi raman kaayo sa iyang giingon nako nga wala na siyay gana sa iyang uyab. Kasakit na lang jud sa akong dughan. As in. Kinahuotan pa jud sa dughan ning maghilak ta nga di ta kabakhu kay naa atong ate sa ubos naghigda. Hilom ra kaayong nagsigeg agas akong init nga luha sa akong nawng. Dili mawala sa akong huna2x ilang porma nga nanayaw. Shit. Gibinuangan raba jud kaha ko ni Jp ani? And then I remembered nga nangayo kog sign sa Ginoo on my birthday. Mao na ba ni ang sign nga gihatag Niya?
Dugay kaayo ko nakatog jud adtong gabhiuna. Naglibog nako pag ayu. Gisakitan ko pagtaman. Nganong sa ingon ani man ko nga situation nabutang. Sige ra jud kog hilak. Timing pa jud, wla nako dug-a ug pila ka adlaw. Dugang ras kaguol ug kasakit nako adtong gabhiuna. Pag mata nako, hubag kaayo akong mata.
"Nganong nanghubag man ng imong mata? Say gihilak hilakan nimo?" nangutana akong ate pagkakita niya nako pagkabuntag.
"Huh? Wala man gud."
"Unsay wala, tan.awa ragud ng imong mata sa samin. Napikot na murag gipaak ug tambubuan sa kahubag. Nganong nihilak ka? Unsay gihilakan nimo?"
Nitan.aw gyud tuod ko sa samin ug tinuod jud, grabeng panghubag sa akong mata. "Ah, wala ra ni uy. Nagtan.aw man gud kog movie gabie nga looy kaayo. Perti nakong hilak."
Nisipat ra si ate nako, klaru kaayong wala mutuo. Gitalikdan na nako siya ug naligo ko. Nieskwela ko adtong adlawa nga nanghubag ang mata. Consistent ra akong alibi sa akong mga classmates nga nagtan aw ra kog sad movie maong naghilak ko. Pero wala ko kalusot sa akong mga amega, kabalo sila nga naghilak jud ko. Giconfront ko nila sa dihang free time na me. Gitug.anan nako sila sa tinuod. Nga naay uyab si Jp ug dugay na sila nga uyab. Nga ingon siya nako nga love ko niya pero sweet kaayo sila gabie ug welcome nasad ang bae sa family ni Jp. Giyawyawan ko nila while sige ra kog hilak. Gitambagan ko nga pabuwagan na si Jp. Dili maayo nga magpadayon pa ko knowing nga gibinuangan ra ko. Sus ug kahibaw pa lang sila nga delayed nasad kog pilang adlaw. Unsa nalay ilahang reaction. Pero wala pa gyud nako sila pahibaw-a. Dili pa ko sigurado kay basin ug delayed ra diay ko. I'n still hoping and praying nga dug-on pa ko.
Nagpaabot jud ko nga mutext si Jp nako adtong adlawa, pero wala. Wala jud koy nadawat nga text gikan niya. Naghilak nasad ko pagkagabie kay naguol nako kaayo para nako. Pero nagpray jud ko sa Ginoo nga unta e-guide ko, lamdagan akong huna2x kay inigka ugma adto, defend na namo. Unta makafucos ko despite sa akong gibati nga kasakit.
Pag mata nako, sayu kaayo kong niukab sa akong reviewhonon para sa oral defend namo. Gi set aside usa nako akong kabroken hearted ug nag fucos kos among oral defense. And fortunately, nakapasar me. Atlast, maka-OJT nako! After gyud sa among defend, gitan.aw nako akong phone. Naay duha ka missed calls si Jp. Nag text sad siya ug "Hi baby." Nalipay nako kay nag text na siya pero wala sa nako replyi. Nanluod pa jud ko niya. Isang mapaklang smile ra akong gipagawas ug gibalik na nakog pansak akong cellphone sa bag.
Nag celebrate mes akong mga suod nga classmates. Nangaon mes Mang Inasal pagka gabie dayon nagtagay me paghoman. Buaw2x sad me adto kay nanguban man ang ubang mga laki namong classmates. Never pa jud ko muinum pero niinum ko atong tyma. Tulo pa gani ka baso sa red horse akong nainum, nalipong nako. Feeling nako nahubog nako. Naa me sa KTV bar adtong higayona, nag rent meg room kay nagkanta2x me. Niselect si Bebs ug 'I Love You Goodbye' nga kanta.
"Bes Shane, paminawa ning lyrics ani. Para imoha ni."
Bisag lipong2x nako pero nibasa kog apil sa lyrics sa videokehan.
Wish I could be the one
The one who could give you love
The kind of love you really need
Wish I could say to you
That I'll always stay with you
But baby, that's not me
You need someone
Willing to give their heart and soul to you
Promise you forever
Baby, that's something I can't do
Oh, I could say that I'll be all you need
But that would be a lie
I know I'd only hurt you, I know I'd only make you cry
I'm not the one you're needing
I love you, goodbye
Perti gyud nakong hilaka ani guys. Pesti kinasakitan, dot kaayo sa akong bukog ang mga lyrics. Mura mag message ni Jp para sa akoa. Niundang na lang ug kanta akong amega kay gicomfort ko nila. Mura kog buang nga naghilak2x didto. Mingaw na kaayo ko ni Jp jud, gusto na kaayo ko nga magkita me pero bisag unsaon nako di ko kalimot sa porma nilang duha sa iyang uyab nanayaw. Grabe kasakit uy. Nag maoy jud ko. Dli jud ko kalimot nga niuli kos boarding house nga gabarag2x, pasalamat na lang ko naa ra jud koy mga best friend nga love kaayo ko. Gihatod ko nila hantod sa among kwarto. Pagmata nako pagkabuntag, grabeng taasag litanya akong ate sakoa. Wla ra ko maminaw. Mas sakit pang gibuhat ni Jp sakoa kesas mga kasaba ni ate nako.
Adtong adlawa, nag text nasad si Jp nako.
"Hi baby.. good morning! I miss you."
Nakahilak nasad ko pagkadawat nako sa iyang message. Gimingaw naman jud kaayo ko niya. Akoa jud siyang gireplyan, ako mismo nihagad nga magkita me bisag kariyo lang. Nisugot si Jp ug giadto ko niya pagkahapon sa school. Gikasab.an kos akong mga amega, dli na lage daw ko paubanon niya, pero gusto lang jud ko nga makakita ni Jp bisag kariyo lang. Gimingaw na kaayo ko niya jud. I don't care kung naa na siyay uyab basta gimingaw kaayo ko ni Jp ani nga time. 😠And gusto nasad nako siyang tug.anan nga almost 2weeks nakong delayed.
Pagsakay pa lang nako sa car niya, gi-hug dayon nako siya ug hugot kaayo. Gipabuhi rasad ko niya dayon kay mularga na me kay bawal man lage parking adto nga side.
"Nganong wala man kay text2x sakoa gahapon babe?"
"Wala koy load."
"You should have told me para loadan tka."
"Busy pud ko gahapon kay defend namo."
"Ah, maoba. So kumusta man?"
"Kapasar me." nismile ko niya.
"Wow, congrats! So asa man ka mag OJT?"
"Mangita pa."
Nismile siya ug gikuha niya akong kamot ug gikissan niya. "I miss you babe. Mag short time sa ta?"
So mao to, nag short time me. Uwagan baya ko noh so sugot jud. Saon gugmaan naman jud ko ani niya. Pag sulod namos lodge, ako jud ang niinitiate sa tanan. Akoa siyang gitagbaw. Gusto nako marealized niya nga mas lami ko mudala sa iyahang uyab, nga dapat ako iyang pilion. Ingana nako kadesperada atong tyma. Gusto ko kami ang magdayon. Mura na gyud kog nabuang adtong mga higayona.
Pag homan namog sex, akoa siyang gipangutana while nanghigda meng duha.
"Babe, what if buntis ko, imohang tinud-on ang imong giingon nako sa resort?"
Wala dayon siya nitingog. Gialsa nako akong ulo nga nagsandig sa iyahang dughan ug gitan.aw nako iyang nawng. Nagtan.aw ra diay siya sa kesame.
"Babe?"
"Ngano man babe, buntis diay ka?"
"Hmm.. what if lang ba. Nangutana lang ko."
"Babe, gusto man gud nako, makahoman sa kag eskwela, dayon mkatrabaho na dayon ka... If stable naka sa imong work, unya mkatabang nka sa imong parents, maybe that time pwede na ta pakasal."
"Ngeh, kadugay pa diay babe. Abi nako magpakasal dayon ta inag graduate nako."
"Dli pa babe, bata pa ka. Work sag una dayon tabang kas imong parents or sa imong ate para makabaws sa ka nila. And then usa tka minyuan."
"So naa pa diay possibility nga dli ko nimo minyuan? Kadugay pa anang imong giingon ah."
"Hmm.. dli lang gud ta magdali. Bata pa ka kaayo."
"Pero babe, what if buntis jud ko?"
Wala siya mutingog. Mura siyag natuk.an. Gitutukan jud nako siya. Akoang gibasa iyang huna2x, iyang reaction sa iyang nawng.... nasakitan na kog sugod gatan.aw niya.
"Babe..."
Wala gihapon siya mitubag. Nitulo na akoang luha. "Babe, giilad ra ko nimo noh?"
"Shane..."
Nibarog dayon ko ug gipamunit nako akong mga uniform sa salog ug nisulod ko sa cr. Nagbakho2x kog hilak sa sulod. Shit kinasakitan. Nganong dli xa mkatubag sa simple nakong pangutana? Daghan kaayo siyag alibi. Klaru pa sa sinag sa adlaw nga gibinuangan ra jud ko niya. Halata kaayo sa iyang nawng. Nakamata nako sa kamatuoran. Giilad ra ko ni Jp. Shit! Yawa! Ngano mang giingani man ko niya. Unsa bay nahimo nakong sala. Abi pud nakog malipay siya ug makahibaw siya nga buntis ko, gipaasa ra diay ko niya. Asa ramang gipang ingon niya sakoa last time nag uban me. Puros ra gyud diay to ilad ang tanan? Ako pud nga bulok, uwag ray gipalabi, nag assume ug maayo nga tinuod ang tanan niyang gipang ingon.
Gidali2x nakog suot akong uniform, nanghilam.os ko ug nigawas sa cr. Naglingkud na si Jp sa edge sa bed pag gawas nako, naghinuktok siya.
"Muadto nako."
Gipunit nako akong bag sa table ug mugawas na gyud unta ko sa pultahan, pero iyahang gihawidtan akong kamot.
"Shane, taympa, magstorya sata."
"Nakig istorya na bitaw ko nimo. Gipangutana tkag balik2x. Dli ka katubag. Kabalo nako ngano, Jp. Giilad ra ko nimo. Si Aireen man jud imong love diba? Siya maoy pakasli. Sweet gani kaayo mo sa birthday sa imong lolo. Bantog rang di ka kabuwag niya. Sagdi lang Jp, ipakuha ko ning bata nimo. Salamat na lang sa tanan2x. Good bye Jp."
Giwakli nako iyang kamot nga naghawid sa akong bukton ug nigawas nako sa pultahan ug nag dagan pagawas sa lodge. Wala ko niya gukda. Nisamot kog hilak. Bag-o lang to nga nigabie, mga 6 kapin pa to sa hapon. Daghan pa kaayog taw akong nahinagbo while galakaw ko, pero wla koy paki. Nag sige rakog trapo sa akong nawng. Dli nako mapugngan akong luha nga nag sigeg pangagas. Namara dayon kog tricycle ug nisakay ko. And while nag dagan ang tricycle, giblock nako si Jp sa facebook sa duha niya ka acct ug gilabay nako akong sim pagkahoman. Dli nako mu-contact pa niya. Undangon na nako akong kabuang niya. Wa xay ayu. Istorya ray nag ayu niya.
Sa dihang nagtan.aw2x kos gipanglabyan namo while gasakay kog tricycle, nakalabay me ug pharmacy. Gipara nako ang driver ug ninaog ko didto. Nipalit kog duha kabuok nga PT. Nisulod kos isa ka carenderia ug didto ko nakigamit ug cr. Pagtan.aw nakos result, confirmed, buntis gyud ko. Nisamot ug pangambak akong mga luha. Way kabutangan akong kasakit. Lami kaayo ipaligis ug sakyanan while naglakaw kos dalan. Naguba ko kaayo adtong mga higayona. Lami jud kaayo ipakamatay. Bisan sa kalayu sa among boarding house gikan sa pharmacy nga akong gipalitan, wla ko kabantay naabot na diay ko. Mura rag wala nako akong gibaktas. Pag abot nako, nidritso kog higda ug wla nako mukaog panihapon. Padayon ra gihapon kog hilak bisag gayawyaw nas ate nganong wa ko mukaon. Akoa rang giingnan mana kog kaon. Hantod nakatog ko. Pagmata nako, alas tres pa sa kadlawn. Gitan.aw nako akong cellphone, pamasin naay text or chat si Jp. Pero narealized nako wla naman diay koy sim. Nibalik nasad kog hilak. Wala na gyud ko kahibaw unsay akong buhaton. Naglibog kog unsaon nako akong baby.. dli sad ko gusto ipalaglag siya uy. Dli ko ingana ka bad. Pero unsaon naman nako pagpadayon sa akong life knowing buntis ko dayon ang amahan kay walay klaru. Pwede bag muingon ko nilang papa nga buntis ko pero wa ko kahibaw kinsay amahan? If mupahibaw sad ko nila bahin ni Jp, dakung gubot. Makilaw siguro ko sa akong amahan if mahibaw.an niya nga kabet ra ko ug 10years ang gap namo sa akong laki. Maulawan sad ko, for sure. Unsaon na gyud nako akong sitwasyon? Pagka buntag, wala dayon ko mubakod. Gipalakaw usa nako akong ate usa ko nibakod ug namahaw. Padayon ra gihapon kos pagcomply sa mga kuwang2x nako sa eskwelahan kay hapit na to mag end ang 1st semester. Gusto nako nga mu-OJT. Nagplano ko nga dli sa among city mag apply. Gusto ko makawala sa akong ate. Mahadlok kog masakpan ko niya nga buntis ko and isa pa, kara gabie gyud ko maghilak. Nahibung na si ate nako.
After sa pagpaningkamot nako despite sa akong naagian, atlast, nagstart nakog OJT sa isa ka financial corporation sa pikas city. Ako lang isa didto since lahi sad nga company ang giapplyan nilang Bebs ug Mai. Gifucos nako akong self sa work pero nigka gabie di jud nako kalikayan nga maghuna2x nasad ni Jp dayon maghilak2x sa kasakit. Naghulat kog kanus-a ko contactkon ni Jp sa fb nako pero wala jud. Pakyas jud akong paghulat2x sa iyaha. Nasulod gyud sa akong huna2x atong mga panahona nga ipalaglag na lang nako ang bata sa akong tiyan, pero makonsensya lang jud ko. Walay sala ang bata. Ako ang nakasala. Ako dapat ang mag suffer maong gipadayunan lang gyud nako akong pagkabuntis nga wala gyuy maskin isa nga nakahibaw, even my friends. Dli paman sad daku akong tiyan so mura ra gihapon kog dli buntis tan.awon. Good thing wala sad koy gipamati nga mga morning sickness.
One day, giinvite me sa among boss nga mamirtday sa ilang balay kay birthday niya. Niuban ko para makapahuway sad kog hilak. Didto me nanihapon sa ilahang sir. Daghan kaayog kaon pero walay tagay kay dli hilig si sir ug patagay kay Diosnon man gud xa. Maong after namog pamirtday sa ilaha, niadto me ug bar ug didto me nag inum. 7 me kabuok atong tyma. 3 me ka babae ug 4 ka laki. Niinum jud ko, walay balibaray pag muabot na sakoa ang baso kay gusto kong maghubog. Gusto kong mu escape sa kasakit ug kamingaw nako ni Jp. Nag myday ko sa facebook. Ga-upload kog photo namo with matching caption nga "ATM" (at the moment) ug gibutangan pa jud to nako ug location sa bar. Nakahide to sa akong ate kay para di ko makasab.an nga gatagay2x ko.
Padayon ra gihapon meg inum2x ug storya2x ug mga kabuang. Lingaw ra kog paminaw nila. Wala man koy ikashare gud so igu rako maminaw nila tas mukatawa ug naay kamut.anan. Hubog najud ko ato pero wala lang ko nagpahalata nila. Taod2x, gibati na gyud kog kalipong. Murag nag tuyok na akong panan.aw ug di na gyud nako kaya maong ni-pass nakos tagay ug nipadaplin kog lingkud. Gisandig nako akong ulo sa glass wall ug nipiyong ko kadali. Wala nako kabantay nakatog ko. Until naay nihunghong sa akong dunggan nga familiar nga tingog.
"Shane..."
Nagdamgo raba ko? Pero nganong murag tinuod kaayo ang tingog. Nimata ko. Naa gihapon sa akong atubangan akong mga ka-work mates nag tagay2x. Pag tan.aw nako ni Aljean, iyahang gitudlo sa iyang simod ang naa sa akong luyo. Pag lingi nako, bukton pa lang daan, kahibaw nakog kinsa.
- - - Sumpayan pa.
No comments:
Post a Comment