"Safe Haven" PART 4

#SafeHaven Chapter IV

***CHAPTER IV***

Tama sila mama, dili ko angay na magkulong sa kagahapon. Kinahanglan naku na ipadayon ang akoang kinabuhi.

Isa ka simana sukad nalubong akoang lola, akoang personal nga gipang-adto ang mga nakontak namu ni PJ para unta sa kasal. Nahibal-an naku nga gikontak na diay sila ni PJ ug giingnan na postpone ang kasal kay namatayan ko. Pero akoa silang gipahibalu na dili na madayon ang kasal kay nagkaproblema mi ni PJ. Gipang cancel naku tanan. Nasubo sila sa akoang desisyon, pero wala silay nahimu. Naay mga nagrefund, naay wala, pero okay lang. Kami man ang nakahasul sa ilaha maong masabtan ra. Wala kabalu si PJ atong akoang lakaw. Tama ra pud, total nagpasidaan naman ko sa iyaha na wala nay mahitabong kasal. 

Gikapoy na ko ug hinilak. Nahutdan na siguro ko ug luha maong bisan sakit kaayo sa akoang buot, gipugngan jud naku na dili ko magpakitang weak sa atubangan sa laing tao. 

Samtang naa ko sa sakyanan naay nikalit ug tawag sa akoa. Wala nakaregister ang number pero akoa lang gihapong gitubag. Nagpaila nga siya tong nakit-an naku nga babae sa bakeshop ug Cath iyahang ngalan. In other words, siya tong napabuntisan ni PJ ug gusto niyang makigkita sa akoa. 

While nagdrive paingun sa gihatag niya nga address sa coffee shop, murag naay memory about sa cath na pangalan sa akoang utok. Paminaw naku kay na encounter na naku  nga ngalan pero wala ko katimaan kung asa. 

Hangtod naabot naku sa lugar ug nilargo na sa table sa daplin kung diin siya galingkod. Adto lang naku siya natutukan ug maayo. Ug feeling jud naku nakita na naku siya dati usa pa man tong encounter namu sa bakeshop.

Wala siya ka harung ug tan-aw. Awkward to para sa amuang duha, pero halata pud nga naulaw siya sa sitwasyon niya ug nakulbaan siya pagkakita sa akoa.

"Hi" ingun niya

"Hi" tubag naku

"Condolences" sincere na ingun niya

"Salamat" tubag ra pud naku

Sa akoang utok, gusto nakung ipaabot sa iyaha nga isa siya sa hinungdan sa tanan, pero nagpugong lang ko kay buntis siya. Isa pa, wala nay mausab pa sa mga  nahitabo na. 

"Naa lang koy tuyo ug gustong ipahibalu sa imuha" pagsugod niya

Gipagawas niya ang envelope gikan sa iyahang bag. Gipakita niya ang daghang picture sa duha ka bata nga mga edad 5 hangtod sa nagdaku na nag edad ug mga 10. Close kaayo silang duha ug makita nga sweet kaayo sila sa matag-usa. Kita pud sa picture kung unsa sila ka malipayon.

Halos wala ko katingug. Nakit-an na naku tong mga pictura sa gagmay pa sila sa family album nila PJ. Mga family gatherings. Sa akong pagkabalu, kababata to ni PJ nga ni migrate sa states. Wala bisan kanus-a gahisgut si PJ sa akoa parte sa iyahang kababata, ug siya gani to. Si Catherine.

Sunod niyang gipakita ang picture nila na mga dalaga ug binatilyo na, siguro nasa high school na silang duha na naka hug sa iyaha si PJ. Layo ang hitsura niya sa daan na picture nila. Grabe ang pag glow-up niya.

(Ga istorya mi na English halos iyahang gamit. Pero binisay-on lang naku pagsulat ang uban kay basin ma wrong grammar ko. Basin daghan unya ang mga English major na readers diri ug tig correct sa grammar. Dili pud ni mao ang insaktong mga words nga gigamit niya, pero mao ang thought ug flow sa amuang storya)

"Si PJ na ug ako atong high school pa mi. We were childhood sweethearts" ingun niya ug ni smile na naay halong pait. 

Wala ko katingog. Wala koy mahuna-hunaan nga i storya. Siya diay to. Siya diay to akong nakit-an na picture dati nga gi ipit sa dictionary ni PJ. Nasa two years nami ato na magkarelasyon, pero wala lang naku gipangutana si PJ about sa picture kay lagi daan na ang picture ug bata pa pud siya ato. Para sa akoa man gud, impolite kung magsukit-sukit ka parte sa kinabuhi sa tao. Kay kung ready naman gud sila na ipahibalu, sila mismo ang kusa na magshare sa imu. 

"Official na mi ni PJ first year highschool pa lang. We were best pair. Dili mapuyo ang isa kung wala ang isa. Nagtuyok lang ang kalibutan sa amuang duha. We shared everything. Third year me when my family have decided na mag migrate sa states. I was left no choice kundi ang mouban sa ilaha" nangilid na ang luha sa iyahang mata

"Wala namu gigusto na magkalagyo ni PJ. Sakit sa amuang buot kay nasanay na mi nga kami permi ang magkuyog sukad pa sa bata pa mi.  Nagsaad mi to find a way na magkinontakay pa gihapon bisan naa mi sa lagyo, pero I failed. We failed. We lost our contact" padayon niya.

"Wala mi nagbulag. Nilabay ang pila ka tuig pero nagpabilin akoang hope na isa ka adlaw, mabalik mi sa dati. Kabalu ang Ginoo how I've waited for the day na makontak siya ug usab. Sugod pa lang pagkalagyo namu, I've always looked  for his name sa facebook or sa bisan asa na social media flatforms, pero wala dayon siya ka engage sa social media. Hangtod isa ka adlaw nakit-an na naku iyahang name but sadly, naa na ka sa kinabuhi niya" nitulo na jud iyahang luha samtang nagsubay sa tanan na panghitabo

Tuod man, nagdungan mi ni PJ ug buhat sa amuang facebook account ug nag-upload mi ug mga pictures namu didto sa college pa lang mi.

"I was left hanging. Abi naku ug makapaabot siya sa akoang pagbalik. Abi naku ug ako lang ang magpabilin na pinaka special na babae sa iyahang kinabuhi, but you were there. Ni replace ka sa akoang lugar" padayon lang siya nga nag storya while nagpamahid na siya sa iyahang luha. 

Mura pud ug gikumot akoang heart sa akoang mga nahibal-an.

"I even sent a friend request to him. Nagmessage ko sa iyaha kung nganung naa na ka. Kung unsay nahitabu sa iyahang mga saad sa akoa. Niingun siya nga infatuation lang tong tanan sa amua. That we were too young back then" padayon pa niya

"Sakit kaayo when he told me na kalimtan na lang siya, ug pasagdan na lang siya kay malipayon na siya sa imuha. Giingnan ko niya na mag move on na lang kay dugay na man bitaw daw ming walay kontak duha. For him ingun ato lang ka sayon ang tanan where in fact, ako nagpabiling loyal sa iyaha. For him, it was all infatuation, pero para sa akoa, it was all for real. Gipa tattoo pa gani naku ni iyahang ngalan" iyahang gi hawi ang blazer ug nakita naku sa iyahang dughan sa may heart dapit ang first name ni PJ.

"I hate to see him happy with someone else. Ako dapat ang kauban niya sa tanan, kasakit man o kalipay. Ako dapat ang maghatag sa iyaha ug corny jokes when he is down just to cheer him up just like old times. I have asked my parents to send me back here, kay dili naku kaya nga tuluyan na jud siyang mawala sa akoa pero wala sila nanugot. Dependent pa gihapon ko sa akoang ginikanan ato na time ug wala koy pamaagi para makauli. The worst part there, kay gi block ko ni PJ, ug na block pud ko sa imuhang account. Imagine my pain yen. Imagine how painful it was on my end" 

Sukad wala ko kabalu nga nikontak siya. Dili pud ako ang niblock sa iyaha. 

"I've created another account after ato para padayon lang kong makakita sa inyohang duha. Torture sa akoa ang makita na malipayon mong duha. It lasted years usa na numb akoang kaugalingon. Nagpaka martyr ko. I've waited for quite a long time na magbulag mo. Despite sa iyahang gi ingun sa akoa, gireserve naku akoang kaugalingon para niya. PJ was and will always be my one great love. Usa mo, kami ang unang nangandoy. Kami ang unang nagplano sa amuang future. Sa akoa siya unang nagsaad yen" puno ug kapait na ingun niya.

"Wala koy giilog sa imuha, kay una siya nga na akoa" dungag pa niya

F U C K !  sa halos isa ka dekada nga relasyon namu ni PJ, wala koy malay nga gisaaran na diay siya sa lain. Nga sa tibuok panahon diay, naay nag-atang nga mawala ko sa tapad niya ug dayon makakuha ug chance na makuha siya ug balik. Kung kabalu pa lang ko, wa na lang unta diay ko nilakaw. 

"When I've noticed na wala na ka, na wala na moy daghang post na magkauban, nibalik akoang hope na magbalik mi ni PJ maong niuli ko diri sa Pilipinas. I've initiated everything. I've found out nga engaged na diay mong duha ug magpakasal inig balik nimu. But we are standing in the same grounds Yen. Pareho nimu, nilakaw pud ko ug naglaum na sa pagbalik naa pay balikan. I've tried everything just to win him back to the point nga gihatag naku akoang kaugalingon bisan hubog si PJ. Wishing na mafeel niya ang spark nga naa ming duha dati, pero tanan nagbag-o na"

"I was about to give up. To put an end. Dawaton na unta naku na pildi ko ug wala nay paglaum pa. And then, this baby came" naghilak lang gihapon siya while naggunit sa iyahang tiyan.

Walay words nga nigawas sa akoang baba. Overwhelmed kaayo akoang utok ug kasing-kasing sa tanan nga nahibal-an. Ato pa lang ko nakabalu sa akoang lugar sa kinabuhi ni PJ. Ako diay niside bet sa ilahang kinabuhi? Nabaliktad man nuon ug kalit ang sitwasyon kay nahimung ako naman ang nipatunga sa ilahang duha. D A F U C K !  

Gusto ko masuko. Gusto ko maningka pero gipugngan naku pag-ayo akoang kaugalingon kay buntis lagi siya. Dili maayo sa iyahang sitwasyon ang ma stress. Isa pa, valid iyahang feelings kay nagmahal ra siya. Ingun nila, bisan unsa ta ka utokan, mabugo jud tang tanan pag-abot sa gugma.

Gikab-ot na niya akoang kamot ug gigunitan

"Pasaylua ko Yen. Pasaylua mi kung napasakitan ta ka. Manghangyo lang ko sa imuha, ipaubaya na lang si PJ para sa amua. Maluoy ka. Gusto naku ang buo nga pamilya para sa amuang umaabot nga anak. Kung kinahanglan naku muluhod, buhaton naku" puno ug pakiluoy na ingun niya samtang nagtulo lang gihapon ang luha.

Tao ra ko. Tao ra ko nga naay kaluoy ug dili angay ludhan. Nitando ra ko. Buot pasabot gipaubaya na naku sa iyaha si PJ. Sakit nga desisyon ang buhian siya pero mao ang dapat. 

Nitindog na si Cath ug nituyok paingon sa akoang bangko. Gigakos ko niya sa likod. 

"Salamat" ingun niya. 

Siguro kung dili siya buntis, possibleng ilaban pa naku si PJ kay sa amung duha ni Cath sure ko nga sa akoa siya mas nahigugma. Pero sa ato na time, dili lang kaming tulo ang involve. Naa na ang bata. Dili ko kaako nga mahimung selfish ug mas unahon akoang kaugalingun kapalit ang wad-an ug amahan ug buo na pamilya ang batang walay sala sa tanan. Sakit man, misugot ko na akoy mubuhi. Ako ang magparaya. 

Human namu didtoa, nilargo na ko sa memorial kung diin nalubong si lola. Gihilak naku ang tanan sa iyaha. Ato na time, pwede na kong musumbong, pwede naku magpalaban, wala na ang kabalaka pa nga maunsa siya kay bisan siya nawala na sa akoa. 

"La, sorry kung wala naku natuman ang pangandoy nimu para sa amua ni PJ. Sorry kung naamong ka sa amuang duha. Pasaylua ko la. Pasaylua ko." mao lang jud akoang gibalik-balik ug ingun. Mura ko ug buang nga gi share sa kay lola ang tanan nga nahibal-an naku.

Mga pila pud ko ka oras nga nagpundo didto hangtod wala naku namalayan nga naay tao niabot. Usa lang naku napansin pagbutang niya sa bulak tapad sa lapida ni lola. Si PJ.

Nilingkod siya sa akoang atbang. Gipatung-an namu ang puntod ni lola. Pila pud ka minuto nga hilum ra kaayo ming duha. 

"Nganung wala ko nimu pahibal-a sa inyong kagahapon?" Pangutana naku sa iyaha. Pero wala siya nitingog

"Nganung wala ka niingon nga usa ko, naay siya? Nga usa sa ako, nagsaad na ka niya? Nga wala mo nagbulag. Nganu?"

"Mga bata pa mi ato Boo. Infatuation lang tong tanan sa amuang kagahapon. Siya ang nibiya ug wala na nagparamdam. Halos duha ka tuig na ming wala nay kontak usa ka naabot. Malipayon na tang duha usa siya nibalik." Tubag niya

"Pero naglaum siya. Nilaum siya nga pagbalik niya, naa pa ka. Kabalu ka kung asa ang mas sakit PJ? Ang mahibal-an nga nakapasakit ug nakapaantos ko ug laing tao, nga wala koy malay. Gi blind ko nimu sa tanan." Ingun naku

"I'm sorry" mao ra iyahang naingun

"Love ba nimu siya?" pangutana naku sa iyaha

"Dili" tubag niya

"Nganung napabuntisan man nimu siya?" pangutana naku

"Aksidente lang to Boo. Dili naku intensyon nga naay mahitabo sa amua" tubag niya

"Dili intensyon? Napabuntisan nimu siya samtang naa ko sa abroad. Samtang nagtuo kaayo ko nga tarung ka dria ug wala kay ginabuhat nga dautan. Unsa, gi rape ka? Gigapos ba ka niya pagkahitabu ninyo? Sure ko nga wala. Kung sa sugod pa lang nilikay na ka, wala na untay nahitabo sa inyuha" Sa unang higayon, napagawas naku ang mga hinanakit naku diretso sa kay PJ. Wala siya katingug. 

"Tarung kaayo ko. Nagtarung ko sa atoang relasyon. Nagsalig kaayo ko sa imuha. Taas kaayo akoang paglantaw sa future natung duha. Bisan kanus-a, wala ko niagi ug binuang nimu. Gidawat ug gimahal ka sa akoang pamilya pero nabuhat gihapon nimu ang makigkuyog sa laing babae. Sa imuhang ex PJ" mura pud gitadtad ug pino akoang heart samtang nang gawas ni sa akoang baba na linya

"At least man lang unta nagpasidaan ka sa akoa bisan man lang unta atong pagsuway niya ug kontak sa imu ug usab. At least man lang unta gipahibalu ko nimu nga isa siya sa threat sa atoang relasyon para mas giampingan ta ka, ug wa na unta ko nipalayo pa" padayon naku. 

"Kung kabalo pa kong naay siya, edi unta hagbay ra ta kang gipakasalan. Hagbay ra tang nagtukod ug pamilya. Unfair. Grabe ka kaunfair." Ingun naku

"Pwede ta gihapon magpakasal boo. Pwede gihapon ta magtukod ug pamilya" ingun niya

"Dili na" tubag naku.

"Boo pls. Hatagi ko ug chance. Isulti kung unsay angay nakung buhaton, mapasaylo lang ko nimu. Buhaton naku boo" nisugod na ug tulo ang luha ni PJ

"Pakasli siya" ingun naku

"Boo" wala na siya katingug.

"Pakasli siya PJ" ingun naku

"Pero wala na ko nahigugma sa iyaha boo. Ikaw akoang love. I can support my child. Ihatag naku kung unsay mga panginahanglanon nila pero sa imuha ra ko gusto magpakasal Boo" ingun ni PJ

"Dili na ni about sa kung kinsa imuhang love PJ. Dili lang ni parte sa atoang tulo. Naa na ang bata. Nasipyat ka. Panindigi ang consequences sa imuhang nabuhat" tubag naku 

Kita sa dagway ni PJ ang sobrang frustration. Bug-at pud kaayo akoang mga desisyon pero mao ra jud ang dapat. Sakit kaayo iparaya ang taong pagtuo nimu mao na ang imung makauban hangtod sa hangtod. 

"Childhood sweetheart nimu siya. Siya ang mas nauna sa imuhang kinabuhi usa pa man nagtagbo ang atuang dalan. Kamung duha ang unang nangandoy. Ipadayon na ninyo. Naa na hapit ang inyohang anak. Iuli na ta ka sa iyaha." grabe ng tulo sa akoang luha

"Boo pls, ayaw ani. Hatagi ko ug chance. Bisan isa ka chance lang boo." Ingun na PJ na grabe na pud niyang hilak 

"Buo na akoang desisyon PJ. Buhian na ta ka. Diri na lang taman ni atuang storya. Salamat sa panahon nga nakauban ta ka ug sa mga malipayong adlaw nga nagkuyog tang duha. Forever naku nga i treasure ang tanan. Mag ayo-ayo ka permi sa imuhang trabaho. Ayaw pasagdie imuhang kaugalingun. " dungag pa naku

Niluhod na si PJ ug grabe jud niyang hangyo nga hatagan pa ug chance, pero akoa na lang siyang gipatindog ug gigakos na lang naku siya. 

"Ampingi sila. Kabalu ko na mahimu kang maayong amahan sa inyohang anak ni Cath. Ayaw ug kabalaka, wala ko nagdumot. Napasaylo na ta ka" ingun naku 

Grabe ang gakos ni PJ sa akoa na halos dili na siya mubuhi. Sakit kaayo. Sakit kaayo na didto na lang jud mi taman. 

"Sige na. Buhii na ko. Manguli na ta" ingun naku

"Sige na PJ" gitanggal na naku iyahang kamot.

"La, muoli na ko" pananghid naku kay lola ug nagdagan na ko diretso sa sakyanan. Gibyaan na naku si PJ.

Grabe gihapon nakung tyabaw sa sulod. Ingun ato gali ang kasakit sa magpa-ubaya. 

{To be continued...}