"Safe Haven" CHAPTER 5❤️

#SafeHaven Chapter V

***CHAPTER V***

Dakung kawad-on jud sa akoa ang pagbuhi naku kay PJ. Ang mumata sa buntag na wala nay greetings gikan niya. Ang wala nay magsent sa akoa ug picture sa pagkaon usa siya mukaon. Ang wala na niya pagbisita sa balay. Ang wala nay tawag matag karun ug unya. Ang wala nay magtawag ug "Boo" sa akoa. Tanan tanan nga nakasanayan naku nga naa siya, nawala na. Ang kinabuhi na wala nay PJ mao ang "new normal" para naku. Sakit man pero kinahanglan na mupadayon.

Halos duha ka bulan pud kong wala napuyo sa balay. Bisan asa ko naabot ug laag-laag. Ang kwarta na share unta naku sa gastus sa kasal mao akoang gigamit paglaag-laag ug taman. Hangtod sa napul-an na ko ug naka desisyon ko na mubalik sa abroad. Hunahuna naku kay mas maayo pa ang mupalayo para mas dali kong makalimot. 

Gikontak naku ang dating agency ug timing pud na daghan sila ug bakante, maong dali ra ko nakakuha ug slot. Sa unang adlaw nga process naku, gidimalas ko ug taman kay nawala ang akoang isa ka pitaka. Naa didto ang uban sa mga importante kaayo naku na ID. Maayo na lang gani kay dili ang isa ka pitaka nga naay atm cards ug cash. 

Pagka-ugma, niadto na dayon ko sa opisina kung diin makakuha ug bag-ong ID, pero gipangayuan ko nila ug affidavit of loss. Hasul kaayo jud pero unsaon ta man. 

Gitawagan na lang naku ang isa naku ka amigo nga batch pud naku pag elementary ug high school kay sure ko nga naa siya sa dakbayan. Si Ken.

"Hello Arriane" tubag niya. 

Arriane na jud ning tawag niya sa akoa kay gusto niya magpalahi lagi daw

"Send help" ingun naku

"Naunsa ka? Asa ka?" worried na tubag niya sa pikas linya

"Naa ko diri sa Dakbayan. Rescueha ko bi" acting naku sa pikas linya na pakiluoy kaayo ug tingog

"Pagtarung ba. Naunsa ka? Ihatag imung location" mas nisamot kabalaka ang tingog niya

Nagkatawa na ko sa iyaha. Permi jud ni maduolan si Ken sa oras ng kagipitan. Trip lang naku na siya ang tawagan kay nakagraduate man ni siya ug law, pero wala pa lang nakapasar sa bar exam. Since legal matters ang affidavit of loss, basin matabangan ko niya.

"Atik lang. Naa ko sa NCCC. Sa permi natung ginatambayan dati. Bakante ka karun? Kuyugi ko diri bi. Karun ra bitaw ko manghangyo" ingun naku na gakatawa gihapon

"Buang jud ka ba. Nakuyaw-kuyawan baya ko. Sige hulata ko dira" tubag ni Ken

Wa ray 30 minutes, naabot na siya. Layo pa lang gatingsi na siya ug diretso nga ni hug. Human gipislit ang akoang aping. Ing ani na jud ni siya sa akoa sukad pa lang.

"Nasaag ka?" pangutana niya na ang pasabot kay nag-unsa ko sa dakbayan. 

"Gimingaw ko nimu hahaha" tubag naku ug perti nakung katawa

"Y*ti ra. Uy condolences" ingun niya nga neseryoso ug kalit ang nawong

"Salamat" tubag naku

"Wala ko kaadto kay naa pud koy urgent na ginaasikaso ato" ingun niya

"Okay ra kaayo uy. Masabtan ra man. Halos wal pud ko sa kaugalingon ato na time" tubag naku

"Nabalitaan pud naku tong nahitabo sa inyoha ni PJ. Gag* man to siya uy" ingun niya

"Unsaon ta man. Nisimang man siya. Iyaha ra pud to" tubag naku ug wa jud naku gipahalata nga apektado gihapon ko sa panghitabo.

"Unya kumusta naman ka?" seryoso na pangutana niya nga klarong naluoy sa akoa

"Okay na man ko" tubag naku ug ni smile ko

"Grabe kaayo imuhang giagian. Naluoy ug nabalaka jud ko sa imuha ato ba" ingun pa niya

"Ayaw daw ko kaluy-i daw. Ingun ana ra man jud ang life. Dawat-dawat" tubag naku ug nipahiyum ko

"Ka fighter uy. Nag-unsa bitaw ka diri?" pangutana niya

"Ani man gud. Nawala akoang wallet kagahapon ug naapil ug kawala ang akoang mga IDs" ingun naku

"Ay katanga sa wallet" sarcasm na tubag niya

"Sige kantyaw pa" ingun naku

Nikatawa ra siya. Ing ani jud pud mi mag storya.

"Sorry naman. Wala ko kabantay daw. Sala ba nakung wala niya gisafety iyang kaugalingon" tubag ra pud naku

Gakatawa na lang na si Ken. 

"Unya? naa ka diri kay?" pangutana niya

"Kay gimingaw nimu" perting katawaa naku kay nakapanlingo siya 

"Amaw jud oh. Okay na jud diay ka kay joker naman ka karun" nagkatawa ra pud na tubag niya

"Bitaw, kailangan naku ug affidavit of loss para ka request ug bag-ong ID. Tabangi ko. Attorney na bitaw ka" ingun naku dala sungog sa iyaha

"Hay puhon. Atty Ken. Pagkanindot paminawon" hopeful nga tubag niya

"Puhon" ingun ra pud naku ug nag cross finger ko

"Didto ta magkuha sa amigo naku. Duol lang ilahang law firm diri. Ay, nagkaon na ka?" ingun ni Ken

"Wala pa, pero unya na lang inig balik nato" ingun naku sa iyaha.

Nanglakaw na dayon mi paadto sa law firm na ginaingun niya. Samtang naa mi sa dalan, daghan pa kaayo mi ug nastoryahan parte sa mga kaagi lagi kay dugay-dugay na pud ming wala nagkita. Hangtod naabot mi sa opisina.

Pagsulod namu, gi greet mi sa assistant.

"Si attorney?" pangutana ni Ken

"Ay sir, wala pa siya diri. Pero muabot na to karun taod-taod" tubag sa assistant ug gi check niya ang oras

"Ay sige, hulaton na lang namu" tubag ni Ken

"Lingkod mo ma'am, sir" ingun niya ug gi offer ang lingkudanan

"Salamat" dungan nga tubag namu ni Ken

"Unsa diay unta inyohang tuyo sir?" pangutana sa assistant

"Nawala man gud akoang ID. Kinahanglan naku ug affidavit of loss para makakuha ug bag-o" ingun naku sa iyaha.

"Ay okay ma'am. I assist na lang ta ka daan para pag-abot ni attorney, iyaha na lang pirmahan" ingun sa assistant ug dali-dali na nga naghatag ug papel ug ball pen para sulatan sa mga information na kailangan

"sige ma'am, mas maayo, salamat" tubag naku.

Gihatag na naku ang mga kailangan na details ug gisugdan na ug buhat sa assistant. 

Mga pila ka minuto kay naay nisulod sa office. Si Ken ang unang nakabantay kay siya ang nag atubang sa pultahan samtang ako gatalikod. 

"Bro" ingun ni Ken na daku kaayo ang ngisi

"Uy Bro" nadunggan naku na tubag sa lalaki

Nitindog na dayon si Ken ug nisugat sa lalaki. Gisundan pud dayon naku siya ug tan-aw. Paglingi sa lalaki sa akoa nanga surprise ming duha. 

"Hi" ingun ni Daryll na nag smile sa akoa

"Hi" tubag pud naku

Nibuhi siya kay Ken ug ni offer ug kamot sa akoa para shake hands. Gidawat ra pud naku. 

"Good to see you again" ingun ni Daryll nga nipahiyum

"Same here" tubag ra pud naku ug nibalus pud ko ug smile

"So magkaila mo?" shock na pangutana ni Ken ug nagbalhin-balhin iyahang tinan-awan sa amuang duha ni Daryll nga naninghawak pa

Pareho ming nahilum ni Daryll ug nagtinan-away. Kakataw-unon na kaayo ko sa reaksyon ni Ken.

"Sort of" nagsmile nga tubag ni Daryll

"Sort of?" Nangunot na ang agtang ni ken

"Basta taas kaayo na storya" sagbat naku

"Excited pa naman ko nga ipaila-ila mong duha, unya magkaila na diay mo" na amaze na lang nga ingun ni Ken ug nibalik na ug lingkod. 

"Nagkita na mi months ago. Julliene dba?" ingun ni Daryll ug nilingkod pud sa atbang naku, tapad kay Ken

Grabeng katawa ni Ken pagkadungog sa "Julliene" nga name. Nakalimut ko nga Julliene man diay akoang gigamit pagpaila sa iyaha.

Nikunot na ang agtang ni Daryll kay natingala siya sa reaksyon ni Ken

"Julliene diay?" panungog ni Ken sa akoa, samtang nagtan-aw ra sa akoa si Daryll

"Julliene man to imuhang giingun, diba?" pangutana ni Daryll

"Sorry" mao ray naingun naku

"Ipa ila-ila sa ta mo bi. Daryll, meet Arriane, she's a registered nurse, ug classmate naku sa gradeschool ug High school. Arriane, meet Daryll, he is a lawyer, batchmate naku sa law school. Okay na?" nagkatawa nga pagpaila ni Ken sa amua

"So, Arriane?" nagtando-tando na ingun ni Daryll na apil na pud ug panungog sa akoa

Naulaw na jud hinuon ko ug maayo samtang wala lang gihapoy undang ug panungog si Ken

"Pinagpala man gud ni sya ug pangalan bro. Kanang dili maigo sa 1/4" grabeng katawa ni Ken

"So nganung Julliene?" puzzled lang gihapon na pangutana ni Daryll

"She is J ******* Arriane. Dati JEA lang na iyahang gamit sa school tungod sa kataas sa ngalan, karun naglevel up na diay. Julliene na" wa na jud ko lung-i ni Ken ug sungog. Dili na jud matak-um iyahang baba.

"I see" mao ray naingun ni Daryll nga nasabtan kung asa gikan ang gihatag naku na ngalan sa iyaha.

Ing-ani man gud na, pag-anak sa akoa daw, lahi-lahi ug gustong ipangalan si mama, papa ug lola maong gigamit na lang tanan. Ang J kay si papa ang naghatag. Ang E kay gikan kay mama. Ug ang Arriane kay gikan sa kay lola, ug dira gikuha akoang nickname na "ayen"

"So nganung nagkaila mo? Asa mo unang nagkitang duha?"pangutana ni Ken

"Tsismoso jud oh" ingun naku

"Ing ana man na. Basin kamu jung duha ang destiny ba" panungog pa ni Ken

"Saba dira. Pataka ra ka" badlung naku kay Ken kay grabe na jud iyahang baba

Nagkatawa lang si Daryll nga naminaw sa amuang duha

"Bitaw tan-awa. Diba ikaw gipasakitan ka ni PJ, unya kini pud siya nagbulag na pud ni sila sa iyang ex nga si Eunice, unya nagkita na diay mo dati, unya nagkita na pud mo karun. Unya pareha pa gihapon mong single. Lahi na jud ni" dungag pa ni Ken nga daku na kaayo ug ngisi.

"Wa jud kay plano moundang?" naulaw na gud ko. Init na gud kaayo akoang nawong

"Hoy, Arriane, dili ka lugi ani. 1 take lang ni sa bar exam, pasar dayon. Unya ang apelyedo, dili familiar? Anak ug SB member. Highly recommended ko ni para sa imuha. Asa ra gud to si PJ" pabida pa niya sa kay Daryll

Gisundan naku ug tan-aw ang gipresentar ni Ken nga office name plate ni Daryll

"Papa nimu si Attorney M*****?" pag confirm naku.

Nitando lang si Daryll.

"Dili jud ni kamahayan akoang amigo Arriane. Gwapo na, bright pa. Hayag kaayo imuhang future ani" dungag pa ni Ken

Ang iyahang facial expression kay kanang mura ug salesboy sa palengke nga tig convince na papaliton ka sa ilahang baligya kay gwapo ug quality ug dili kamahayan

 

Wa na lang ko nitingog. Gasige na lang ug katawa si Daryll ug iyahang assistant nga naminaw kay Ken. Sungugan kaayo ni siya sukad pa sa una ug lupig pay babae sa iyahang baba

"Unsay tuyo nato diri dong? Layo naman kaayo ka ug giabtan" pag change topic na lang naku

Gipahibalu na namu kay Daryll ang amuang tuyo didto, ug kay na prepare naman sa iyahang assistant daan ang affidavit, iyaha na lang gi review ang details ug kapila pa jud niya gibalik-balik ug ingun ang "Julliene" nga name. 

Gituyok pa naku na akoang panan-aw sa tibuok office ni Daryll. Wala jud naku nabantayan ang iyahang ngalan pagsulod naku. Si kinsa ba ang magdahum na sa ingun ato na paagi mag-abot ug balik amuang dalan. 

Gihatag ra ni Daryll ang affidavit sa akoa paghuman niya ug pirma. Wala na niya pabayri. Hayahay kaayo kay nakalibre pa hinuon ko. Nikuyog na siya sa amua paghuman kay mangaon daw mi sa gawas. Pero naa pa lang mi sa dalan, naa nay nanawag kay Ken maong gikinahanglan na niya ang mulakaw. 

Ni ingun pa na siya kay Daryll ug "Ampingi na si Arriane bro ha. Isalig ko na na siya sa imuha" ug daku kaayo iyahang ngisi nga nilakaw

Pag-abot namu sa mall, nilargo nami sa food court ug nag order na dayon ug pagkaon. 

"Kumusta naman ka?" pangutana ni Daryll sa akoa

"Okay na ko. Ikaw ba?" tubag naku

"Okay na pud" tubag ra pud niya

Gapakabusy mi ug kaon samtang nakiramdam mi sa usag-usa. 

"Sorry diay kung nilakaw kong walay pananghid sa imu didto sa resort. Nagka emergency man gud sa balay" ingun naku

"Lagi. Natingala jud ko pagka buntag ba na nawala na ka" tubag niya

"Buntag sayo kaayo ko nilakaw, kay nagpahibalu sila nga naa sa hospital akoang lola" ingun naku

"Mao diay. Unya kumusta ra man imuhang lola?" pangutana niya

"Wala na siya" tubag naku.

"Ay sorry"

Gi share naku kay Daryll ang mga nahitabo except sa about sa amua ni PJ. Nakiramay si Daryll sa pagkawala sa akoang lola ug nagsorry siya nga napangutana pa niya ang nahitabo. 

Wala ra kaayo mi nagdugay didtua sa Mall kay layo pa baya akoang ulian. Gipangayo ni Daryll akoang number dayon gisuwayan niya ug tawag para makuha pud naku iyahang number, ug nag iyahay mi ug save duha. Human naku nakapasalamat sa tanan, nananghid na kong muoli. 

Samtang naa ko sa sakyanan, wala jud ko katuo sa nahitabo na nagtagbo pa ug balik amuang dalan ni Daryll, pero wala lang usa ko nag overthink ato na time kay basin unya ug sinaaran na pud siya sa lain. Magsakit-sakit lang unya ko sa akoang dughan.

Narealize naku nga sa kinabuhi natu, walay insaktong timeline kung hangtod kanus-a ka dapat mag grieve sa imuhang kagahapon, ug kanus-a lang ka dapat mag move on. It is a choice to make. It is a road to take. Kung imuhang timbangon ang sitwasyon, kung wala nay ikahatag na kamaayuhan sa imuhang kinabuhi ang kagahapon, pilia ang mupadayon ka. Move forward coz life is not meant to be travelled backwards.

{To be continued...}