GOOD DAY ADMIN HOPE MA POST NI AKO STORY. SALAMAT DAAN.
Hi good day ninyong tanan salamat sa inyong pagbasa og ang comment ninyo gibasa jud nku tänan.
Hapit jud ko ka reply atung nag comment og grabe jud daw ko kay na hinumduman jud naku ang mga
conversation sauna. Bitaw wa pa jud ko kalimot kay kani man gud na confession is naka base jud ni
tanan sa ko diary. Naana jud ang part two pasensya na kay nadugay na busy sa ako pag atiman sa ako
baby.
Hope you enjoy guys.
Sir D: tabangan taka pero naa koy usa ka condition nimo..
Mao na iyang reply naku. Unsa man kaha ang iyang condition naku nag hesitate na nuon kog reply what
if unsa palang ang condition nga iyang ihatag pero naghuna2x jud ko nga di ko mabagsak Maoto kung gi
replyan.
Me: unsa man sir? (gikulbaan na jud ko)
Sir D: magkita ta ugma para maistoryahan natu.
Sabado man unya nig ka ugma dominggo so ok ra nga magkita me kay day off nku ang Sunday.
Me: OK pero mga 11 na siguro kay mosimba pa ko alas 10 man mahuman ang simba.
Sir D: ok ra cess anytime available ra ko.
Me : asa man ta magkita?
Sir D: sa emall lang cess.
Me: ok
End of conversation
So Mao to excited kaau inyong tiya Princess sayo kaau ni mata og nananghid sa amo na mo lakaw pero
nig human nag simba. Excited na gikulbaan na nabalaka unsa man kaha iyang condition. Maoto nag
andam na inyong manang Princess. Nagpa gwapa dili man jud ko mag make up kung mo simba pero
motoo mog sa dili nag make up jud ko nag effort jud ko pero slight ra ko make up kay wa pod ko maanad
anang butanga paghuman nku simba kay niadto nku pa dulong sa emall. Og ni text ko niya
Me: asa ka sir?
Sir : naana ko dri sa emall sa wof dapit.
Kulbaa ani oie. Pero bahala na si Batman.
Naana ko sa 3rd floor pero wala ko kabantantay niya Mao ako gikuha ako cp og nagtype ko og message
niya unya naay niduol naku.
"Cess"
Hala kay mura jud ko og na frozen wa jud ko kalihok pagtan aw naku niya ka gwapo niya oie nag kalo
siya og puti nag t-shirt og puti og naka pantalon Simple ra kaau siya pero grabe ka gwapo ba diay niya og
d maka uniform og pang maestro. Karon pa jud naku na appreciate iyang ka gwapo. (ulawa lagi na külva
müra kag kaihion na murag kasukaon unsa ba di ka kasabot in Ana jud ako gi bati samutan pag ni smile
siya sa koa sos wana nag star2x na jud akong mata.)
" 11:00 naman Cess manga on sa ta na." ( wana jud ang dughan nag buto-buto na jud sa ka kulba") wala
gud ko ka tingog nga namugnaw ko.
Sir D: asa nimo gusto mokaon?
Me: ikaw lang bahala Sir(maulaw baya)
Sir D: Jollibee lang ta na.
So Mao to sos kay daghan man kaau nga tawo nag linya sa Jollibee unya kanumdom pa jud ko na akong
mga friends tiglaagan emall every Sunday makit an unya ko nila sungogan ra ba gyud to sila läbi na si A.
Me: Sir dili lang ta diri manga on Sir.
Sir D: kay? (smile) gigutom na jud ka?
Me: wala pa man ko gutma sir(na busog naku sa imong ka gwapo charrr joke) basin man gud manglaag
sila A, M og uban pa sir na student nimo na na kaila nku makit an unya ta nagkuyog naa na raba kay isyu
daan og di pod ko ganahan ma isyu sir.
Ni katawa raman nuon siya.
Sir D: hmmmm Tara ngita tag laing Jollibee.
Maoto nilakaw me pa dulong sa Jollibee kanang atbang sa gaisano kapital katong timema wa pa to
masunog. Sos kaning probinsyana kay wa jud maanad og syudad samot na inig labang labang kay daghan
sakyanan. Unya na kabantay diay si Sir iya bitaw na gikuptan akong kamot na perti baya jung bugnawa
sa ko kamot ato na time pero si sir kay perti man jud pod bugnawa sa iyang kamot gikulbaan pod siguro
ni siya.
Di ko ka imagine ka holding hands naku si Sir. (kilig todamax inyong Tiya) go with the flow nalang pod ko
naka holding hands me duha hantod naabot me sa Jollibee ni greet pa ang guardia namu.
Sir D: "Princess unsa imo gusto kaonon?"
Me: ikaw lang bahala Sir (wala pa man jud ko kasulay kaon sa Jollibee gud taga bukid baya di pod ko
kahibalo unsaon pag order kay sukad naabot kog City d man kaau ko ga laag2x trabaho og skul ra koa.)
SOS ang Sir D ka daghana bitaw sa iyang gi oder murag pang lima ka tawo.
Me :" Sir kadaghan gud Ana imong order."
Sir D: ayaw kabalaka Cess ako ra bitaw mobayad. (amawa garaa gud ani niya bantay lagi og di niya
hutdon kaon ba.)
Nisaka me second floor didto me table dapit sa Glass na bong2x good for two person ang table so gamay
ra siya so maong gi irog sa usa ka crew ang usa ka table gitapad sa amo table para ma butang ang ubang
pag kaon. Ubay-Ubay pod ang mga tawo ato nga time kay tingpaniudto man to. Naglingkod na me.
Me: Sir unsa diay imong condition para imo kung tudluan sa ko visual basic unsaon pag buhat sa
ordering system?
Sir D: (Nitutok man hinuon sa koa smile) ang makauban taka okay na. (minatay ning maestruha makaihi
man pod ta ani niya sa ka kilig). Bitaw pagkaon na kay arun matudluan na taka.
Me: Sir di ba dapat ako man manglibre nimo kay ako man ang nagpa tudlo.
Sir D: manglibre man jud ko sa ako students katu uban na nagpatudlo naku.
Me: hala ka nice gud nimo sir maayo jud ka pasanayon sir aie ikaw pay mahago ikaw pa jud ang
manglibre. In ani jud ka sweet sir?
Sir D: dili oie sa imuha ra. (bang tuara gikilig na pod si manang)
Me: Botbot nimo sir. Chick's boy nimo sir oie.
Sir: lagi promise
Me: labaw pa cguro ka ka sweet pag si Rochelle imong kauban?
Sir : ikaw man akung ganahan di man siya. (natuk an gud ko pag ingon niya gitagaan dayon ko niya og
tubig). Wala man koy gusto atu niya.
Me: close lagi mo kaayo?
Sir: siya raman gud mag sige duol sa koa magpatudlo. Di baya ko mobalibad pag naay magpatudlo nku.
Me: unya kato isyu ninyo duha?
Sir D: na settle naman to mosulti ta bitaw ko nimo before pero imo man ko gilikayan Mao naglikay
nalang pod ko.
Nihilom ko wa ko kahibalo kun unsa pa ako isulti niya. Nikalit bitaw na siyag ingon.
" nag selos ka noh?"
" Hala ka feelingon gud nimo sir. Wala tawon noh" (depensa nku pero naka feel jud baya kog sakit sa
dughan atung about nila Rochelle. Lain pod kaau moangkon ko.)
Sir: sure ka?
Me: o oie
Siya: ngano imo man ko gilikayan?
Me: kay di ko ganahan ma isyu ko noh. Kay kahibaw ko na close ta kay sa uban nimo na student.
Siya: Mao ba so ok ra nimo na manguyab ko ni Rochelle?
Hala mura kog nabungog sa iya giingon aie nasakitan ko maghunahuna na manguyab siya ni Rochelle.
Unsa bitaw na sod sa ko hunahuna. Wala naman kaau toy tawo kay ala una naman to kapin kay dugay
kaau me na human kaon kay daghan amo gitabian. Ako siya gitutukan og nag eye to eye me like
minutes jud to ba, ang naa sa ko hunahuna tan awon natu kung manguyab pa ba ka ni Rochelle nibarug
ko pero ako ra ghapon siya gitutukan ni bend ko ako gipaduol ako nawong sa iya nawong unya kanang
hapit na jud mag abot among lips ma feel gud naku ang kainit sa iyang ginhawa akong kamot naka tuko
sa lamisa og wala naku gi mind ang mga crew na nanglimyo sa table og naapa toy pila kabuok na nanga
on didtu. Gi close niya iyang eyes we stay like those minute jud to pero wala nku siya gi kiss ha wala pa
jud baya ko kasulay og kiss. Ni smile ko dayon ni balik kog lingkod pero si sir grabe dagkua sa iyang singot
oie na ang aircon perti man bugnawa unta. Unya na kabantay ko sa mga crew na mura man pod ni sila
og gikilig sa amo ang duha ni sir.
To make the story short naabtan me og gbie sa Jollibee iya ko gi tudluan unsaon to ako project og didto
nalang pod me manihapon og nanghanyo pa me sa crew sa Jollibee na Maki charge me sa iya laptop.
Ang ending alas 8 nas gbie perti na panawag sa ako amo ug asa naku nabalaka na sila kay basin nawala
ko. Og si sir di man siya ganahan na mag dyip ko kay dili safe iya kung gipataxi(lahi ra jud ni sir) gibalibali
pa kog pangutana sa ko amo og diin ko nganong dugay ko ni uli ako ra pod sila giingnan na kauban nku
akong ka group study na dugay kay lisod among gibuhat nitoo ra pod tawon ako amo.
FF. Magkita me ni sir sa skul mura rag wala. Dili na naku siya pansinon pariha sauna kay basin ma halata
sa ako mga friends na MU ming duha. Pero sige ra me ga text 2x og tawag2x every night before ko
matug og si Rochelle sige ghapon ga pa cute kang Sir. I know di siya ang gusto ni Sir.
FF. Ni Text si sir Saturday night
Sir: Hi Cess mingaw naku nimo(luh igata maestruha pero gikilig pod ko baya
Me: ako man pud mingaw naku nimo hehejeh
Sir: Kita ta ugma manuroy ta tan aw tag cine or unsa imong ganahan?
Me: ngeh wa pa ko kasulay unsa nang sine aie nindot na Sir?
Sir: nindot samot nag kita magkuyog manan aw. (Hahaha giloka)
FF. Nisugot ko na magkita me og na surprise jud ko 11 kapin naku naabot sa emall sos naa man diay ni
siya gi andam na gift para sa koa. First niya ghatag kay Red roses (until karon kay naapa ang rose bisan
laya na 2010 ni niya ghatag sa koa) then gitagaan ko niyag paper bag na daku na naay Süd Teddy bear Na
naay senina naay naka borda na i love you. Happy ko kay to be honest na fall na man ko ani ni sir. Bisan
kinsa guro oie ma fall jud buotan kaau siya. Yes nagka officially kami atu na time. Nag eat me sa mang
inasal dayon nanan aw me og cine catch me I'm in love ni Sara G og Gerald Anderson. Catch me I'm I
love jud kay wa na jud na fall na jud ko niya og I know love pod ko ni sir.
FF. While nanan aw me cine nag holding hands me duha then ni kiss siya sa ako checks (sos akong mga
balahibo nanindog pag kiss niya first time nku ni na experience) Ganahan diay siya na daddy og momme
amu tawganay so ni OK ra pod ko.
D: me ganahan jud baya ko na kissan taka katu naa ta sa Jollibee sauna.
Me: unya?
D:dili pa man gud ta uyab.
Me: unya karon kay uyab naman ta unsay plano nimo diha?
D: pwede ko mo kiss nimo?
Nananghid siya ni sugot ra pod ko 17 pa ko ani na time padung na nuon mo 18 kay hapit naman ko bday.
Siya akong first kiss og ako pod iyang first. Obvious man pod na wa pod ni siya kasulay og kiss sa lain kay
pariho me duha di pa kabalo.
Nanuroy me dayon mga 6pm kay nanghagad siyag kaon niya sa Jollibee me nangaon sa may Colonnade.
Sos kay na tripan man naku siya.
Me: D daghan jud maibog nimo ba kay gwapo og professional na gud ka.
D: ikaw nuon kay gwapa ka. (hala salamat ha kay nimo ra jud ko na kadungog nga gwapa ko). Sige gani
na tan aw nang laki sa atbang oh gigwapahan na nimo sexy pa jud kag lawas. (buang mani uyaba oie)
Me: pataka lamang ka D.
D: doula ila ilaha kiligon lagi na. Sige na anad na bitaw ka nang bugalbugal ba
Me: sure ka D? Dili ka mag selos?
D: dili me oie kahibaw man ko na ako imong love.
So Mao to giduol jud naku ang laki sa atbang maayo gani kay nag inusara ra jud ni siya walay kaabot giila
ila naku og ni lingkod ko sa sa bakanteng lingkuranan atbang sa laki ako siya giingnan kuyog nku ako
agaw sabay tudlo sa ko uyab. Ni offer man nuon na iya ko e treat og pagkaon pero naana gud baya
pagkaon sa table namu ni sir. Gituyo jud nku og lingkod didto sa table sa laki kay ako pa seloson akung
uyab. Nakanbatay ko na murag nausab man ang timpla sa nawong sa kong uyab maong ni balik ko sa
among table pagduol naku niya gikissan man nuon ko sa lips(ulaw oie daghan baya tawo)
Me: don't tell me D na nasuko ka ikaw bitaw nagsugo naku.
D: ayaw na to usba me ha. I love you me. Gi kiss niya akung kamot
Too guro ning uyaba ni og di ko mo balos. Naghunahuna jud ko unsa ako ipa buhat niya.
Me: D unsa ko nimo ka love?
D: love kaau tika buhaton naku tanan maski unsa pana ma happy lang ka(killiga nku dining dapit oie feel
naku ako na ang pinaka suwerte na babae)
Buhaton diay tänan ha. Sa pikas side diay namu na table naay tambok na babae na tomboyon na nagka
on, siya ra usa unya ni barug siya kay nagkuha og catsup para sa fries layo2x pud ang butanganan sa
catsup.
Me: D ingon ka buhaton nimo tanan naku gusto para ma prove nku tinuod ba na imo jud buhaton.
Panguha daw og French fries (gitudlo naku ang kato sa among tapad) pagdali na kay mo balik natu ron.
Dali dayon(pero sa amo na table naa gud me fries kinabuang ra gud tung kua sos kay iya bitaw gitinuod)
Mura jud siya og kawatan dali dali bitaw na niyag halop ka tunga guro to iya nakuha dayun iyang gi
hamong sa iyang baba hastang katawaa jud nku paghuman ni balik dayon siya sa iyang lingkuran na
puno kaayo baba timing kaau na balik tong tomboyon murag nahibong na gamay nalang iyang fries. Pero
ako perti gud naku bahakhak katawa bahala gipangtan aw ko sa mga tawo. Pero naa man pod uban na
dapit sa amo table na na kabantay sa among gibuhat perti pod nila katawa nag thumbs-up pa. Kani si sir
kay natakdan nalang gud ni sa akoa. Perti jud baya unta ni siyang hilomona happy kaayo ko kauban siya.
Love jud kaau namu ang usag usa.
FF.
Hapit na mahuman ang second sem atu naglakaw ko padung sa amo classroom unya nakaagi ko dapit sa
faculty naa si Sir didto ni smile siya naku ni smile pod ko balus pagduol na jud gibira bitaw akung kamot
atung babae na faculty member to siya si mam Sheena
Sheena: teka2x familiar kita ah. (nag tagalog ni siya kay para ma sabtan kay waray man gud ni siya.)
tama!
Gibira ko niya pasud sa faculty room hasta si sir unya iya gi lock ang door. Naa pod usa ka babae sa Süd,
faculty pod ni siya same ni naku siyag hometown pero magulang ra kaau naku ni siya 30 na guro sya.
Sheena: mam naalala mo iyong post ni sir D sa fb niya na pic tapos may caption na my Princess?
Dungan pa jud ang duha ka mam
"ikaw jud to ba.." gikulbaan na jud ko patay na jud me ni sir ani mapatawag jud me ani.
Naabot na jud ako gikahadlukan ang mahibaw an amo relationship.
Pero kani silang duha ka faculty member kay mga chismosa kaayo ganahan jud sila makabalo sa love life
ni sir D. Nitug an ra pod si sir D nila kay ingon pa ni sir nga kasaligan man daw sila kay mao ang iya mga
suod kaau sa skul og di pod daw to sila manabi.
Ff. Nahuman na ang second semester maski wa la koy interest sa akong course dagku man ko og grado
kay naningkamot man pod ko. Nakig storya ko sa akung amo og nananghid na mo undang ko og skul
pero wala sila mosugot kay sayang kuno. Nag offer sila na ila ko e transfer og skul pero sila ghapon buot
unsa na course this time sa sikat na nga skul ko nila pa skwelahun pero mao pod lagi ilang ipakuha nku
kay masscom which is samot nga diko ganahan hinay man gud kaau kog english mao d jud ko mag
masscom. Og lagi kay gusto jud nila sila pa nag pa sched para intrance exam. Ni take kog intrance exam
og wala jud nku tarunga answer para di jud ko ka sud na disappointed jud sila naku kay kahibaw sila nga
wa naku tarunga kay impossible kuno nga di ko kapasar. Lipay na kaau ko atleast di ko mapugos og
skuyla sa kurso na di jud naku kaya. Sa dihang niingon akung amo na lalaki nga ang President sa school
kay close family friend nila pwede ra nila hangyoon para makasulod jud ko didto na skul. Diri jud ko
nibalibad nila og nananghid ko na muondang kog trabaho og mouli sa amoa. Supak man sa ilang kabubut
on wala silay nahimo nipahawa ko sa ila. Pagkahibalo ni sir D akung uyab dili siya mosugot na mouli ko
kay d siya ganahan maglagyo me. Ni offer siya na didto lang sa ko sa iya tutal 1 month nalang mag 18
naku and pwede na kuno ko mag apply og work. So nisugot ko wa kahibalo akung parents na nihawa
naku sa akung gitrabahuan og niipon kog puyo sa akung uyab. Kahibalo jud ko na supak kaau sa kabubut
on sa akung amahan akung gbuhat pero kani laging gugma.
Ff.
Di man pod kamahayan nga nag ipon me sa kung uyab kay buotan man kaau si sir D. Yes nag ipon me
pero taas kaau siyag respeto sa akoa. Then niabot na ang birthday nku iya ko gi surprise and nag
celebrate me sa akung birthday nga kami rang duha ang aku mga friends og klasmet kay layo man sila sa
amoa gipuy an. Si sir D kay buotan kaau og very supportive kaau siya tanan naku gikinahanglan iya jud
ihatag pero d man pod ko mag demand sa iyaha. The night sa akung birthday naa jud na hitabo namu di
man jud malikayan since kami rang duha and legal naman pod ko kay 18 na. Sugod atu sige na namu
gibuhat ang butang nga angay ra unta buhaton sa mga menyo na. Siya akung first love, first kiss first in
everything. Happy ko og kontento na sa akung life kauban siya. He made everything for me to make me
happy og proud kaayo ko na siya akung nauyab. Perfect kaau among relationship aku siyang awayon kay
ganahan ko makakita ko niya unsa siya masuko pero di man jud buotan jud kaau siya.
Ff.
Naka decide ko na manarbaho ni apply kog mall diha sa colon og gikaluy an nadawat pod ko. First day
nku trabaho atu as trainee didto ko na assign sa mga school supplies akung trabaho tig arrange kapoya
lagi kay mao pa gani pag tarung naku bungkag na pod unya akung bagtak laylay kaau sige barug unya
naka heels pa jud lami jud ihilak sa ka kapoy atu. Lahi raman gud kaau sa trabaho nku isip katabang kay
pwede man ko makalingkod. Unya kasab an pa ko sa guard kay nisud ko na light ra kaau og make up og
iya ko gipalipstick sa iyaha na perti pulaha.
Pag ting out na gikuha ko sa akung uyab og nangumusta akung giingnan na kapoy kaau lami kaau na di
na ibalik.
" Me ayaw nag balik kung di ka ganahan. Kaya raman ka naku supurtahan. Di man nimo kailangan
magtrabaho."matud pa ni D
" laina D di man ko ganahan na magsalig ko dapat pod naa koy ikatabang. "ana ko niya.
" unya di ko ganahan na makita taka na in ana kakapoya. "pulong pa niya na nabalaka jud siya sa akoa.
Pagkabuntag sayo kaayu siya nimata nangutana ko niya og sugod na baya siya og klase sa bag o niya na
skul nga nasudlan kay nag apply siya sa lain og nag resign siya sa previous na skul.
Iyang tubag di pa daw naa lang kuno siya importante na lakwon kuyog daw me. Pero dapat daw didto sa
among adtuan walay makahibalo na uyab me. Nahibung kog maau niya kung ngano pero nitando ra pod
ko. Nagkasabot me na amo ra ipatuo mag agaw me. Kay parihas man pod me insikon. Siya lahi jud niya
ang chinese. Iya pod ko gi ingnan nga mag pormal attire ko.
Ff.
Skwelahan diay amuang giadtuan og ingon niya mao to ang skwelahan na iyang tudluan og dapat walay
makabalo na uyab me kay mag enroll pod daw ko didto.
Nag enroll ko og BSBA major in marketing. Siya nag bayad sa ako tuition rent sa bhaus, konsomo namu,
og mga needs naku sa skul siya tanan kay wa man ko income. Lisud jud kay mahal baya ang tuition mao
kailangan namu mag budget and sahay mahutdan jud. Mangayo siya sa iyang ante na naa sa cayagan
tagaan ra pod siya. Uyab me sa balay pero mag agaw me sa skul in ani maong set up. Usahay makaana
akung mga klassmet na pinangga kuno kaau ksa akung agaw kay dungan jud paniudto og inig pamauli
dungan pod. Moingon ra pod ko na gisugo siya sa akung mama na pabantayan ko.
Usa ka adlaw atu naa ko sa classroom tingala ko na sige syaget2x akung mga classmates "go alberto....
Go Alberto.... Kaya nimo na..." nitan aw ra ko nila din padayon ko basa sa novel na akung gibasa. Og sa
dihang niduol man si Alberto nku og iya kung gitunolan og bulak usa ka rose na pula og chocolate. Nitan
aw ra ko niya. Perti na syaget2x sa akung mga classmates. Og niingon si alberto pwedwe ba ko niya ma
uyab. Timing kaau na nisud si sir D(akung uyab) kay nangita siya sa amu english teacher kay naa siya
tuyo. Wala naku gidawat ang gihatag ni Alberto. Niana bitaw na si D nga dawata na cousin oie di bitaw
ko magsaba ni mama nimo na naa kay Prince charming dri. Nakaingon ko unsa mani siya oie pero sa
kung hunahuna pa ra jud na di magduda akung mga klasmate about ni sir akung gdawat. Wala jud koy
gusto ni Alberto og love kaayo naku akung uyab. Og si Alberto every day jud siya naay present sa akua
samokan baya ko.
Ff.
Nabantanyan naku na si D og amung english teacher na si mam Pink(di tinood na name) kay sige silag
kuyog2x. Pero consistent ra manpod kaau akung uyab sa kua mao baliwala ra naku. Daghan moingon
naku na uyab daw sila pero wala di ko motoo nila kay mas nitoo ko sa akung uyab kahibaw ko na di na
niya mabuhat naku. One time nag klase ni mam Pink unya nisud si sir D kay nagpatabang si mam sa
projector gisungog silag maau sa mga stuyante kay sweet kuno kaau pero baliwala ra nku. Kay kahibalo
ko na 100% akoa si sir D. Og niapil pa kog sungog. Paggawas ni sir gisungog naku si mam Pink na nang
blush og maau.
Nanggawas nami atu unya naulahi ko kay gituyo naku og langay2x kay samok kaau si alberto. Gisud naku
akung notebook sa bag niduol si mam Pink nagutana siya kung naa ba daw uyab akung ig agaw. Ako ra
pod gitubag na wala og murag type pod siya sa ako cousin gikilig man nuon si mam og niaana nga
ganahan kaau siya ni sir kay buotan kaau.
Ff.
Nag una kog uli sa akung uyab wala naku nihulat niya kay nag tabi pa sila ni mam Pink. Pag abot niya aku
siyang gisungog about mam Pink na bagay sila kay pareho sila na professional na og buotan pod si mam
og sweet kaayu sila sa skul. Nikatawa raman siya dayon iya ko gigakus "ikaw ra akung love me timan e
na. Ikaw ra jud akung gusto, ikaw ang akung gipangandoy nasmamahimong inahan sa akung mga
anak.(ingon niya.) Kung pwede palang na ipakita nku sa tanan na akoa ka. Paggunit gani sa imong kamot
d naku mabuhat kung naa ta sa skul kay mahibaw an unya ta."
Ff.
D:me pakasal nata.
Me: unya D kay wa man gani kahibalo akung parents na nag ipon nata.
D: moadtu ko sa inyo
Me: di pa ko ready D. Pwede secret married lang?
D:18 paman ka kailangan ghapon ang parents consent pero kung 21 naka pwede na.
Me: hulaton nalang natu D na mag 21 ko.
D: nindot man gud pag kasal nata.
Me: Mahadlok man gud ko mo sulti sa akung mama og papa kay wa gani sila kabalo na naa na koy uyab.
Maksab an jud ko D. Usa pa pod D ready na diay ka na mag menyo? Wala pa man tay tigom. Gasto pod
baya siguro ng kasal. Unya wala baya kay matigom kay imo sweldo kulang ra gani sa akung tuition, rent
og kunsumo natu D. Nalooy na gani ko nimo.
D: Ayaw ka balaka me mangita kog paagi na makatigom para magpakasal ta di na ta naghulat na mag21
kay dugay pa kaau na.
FF. Kadugayan nabaw an jud sa ako parents na naa na koy ka live in og nakatilaw jud kog storya pero ang
igo dulot pod sa bukog pero kasabot ra pod ko sa akung parents kay di man pod Mao akung gibuhat. Ok
raman pod sila ni D para sa koa kay nakita man pod nila kung unsa ko kapalangga.
At first sa amung pag uban ok ra kaayo amung kahimtang kadugayan nagkalisod lisod jud like ma delay
na meg bayad sa amung bhaus dayon sa amung food kay grabe na jud ang ka budget. Fighting lang
ghapon me kay amu man gituyuan and love pod namu ang usag usa.
One time usa to ka buntag nag suot ko sa akung sapatos na gubaon na di na jud madala og pagpilit og
shoes glue. Pero bahala na og guba ang importante makasod ko sa skul. Agwanta ra jud kay saon
tinuyuan malooy pod ko a akong uyab kay wa jud koy matabang. Gigakus ko ni D og nag sorry siya naku
kay wa daw niya nahatag ang tanan naku. Nalooy kaayo ko niya ghatag naman niya ang tanan sa akoa
wala may pag kulang si D sa akoa kauban lang naku si D ok na kaau ko and buotan pod kaau akung uyab.
Siya ang lalaki nga gipangandoy sa mga babaye.
Naa ko sa skul atu ting paniudto na to akung gpangita si D kay mag dungan me og kaon pero wala jud ko
kita niya mao nilakaw nalang ko padung uli nag naog ko sa hagdanan nasugatan nku si D naa siya'y dala
na box sa sapatos.
Me:Diin ka D nangita baya ko nimo. Abi naku imo naku gibyaan.
D: me di jud na mahitabo.
Maayo gani kay wala pod toy tawo na nangagi sa hagdanan.iya gihubo akung sapatos unya iya gi suot
ang bag o na sapatos. Sakto jud kaau naku ang sapatos. Kay matod pa niya iya ko gi kuhaan sa sukod sa
akong tiil nga tulog ko.
"D diin kag kwarta para palit ani? Kahibaw ko na wa na jud kay kwarta. Unya next week pa imo sweldo.
Nangutang ka D?
" sa bhaus na ta magstoya me kay naa unya maka bantay natu dri. "
Happy ko kay wa jud ko nag expect na iya ko e surprise na palitan ko sapatos pero sa akung huna2x kay
asa kaha siyag kwarta.
Pag abot sa bhaus kay nani udto me pero niana siya na nig gbie ra daw me mag talk asa niya gkan ang
money e enjoy lang sa namu amung lunch kay monthsary daw namu. Pero wala ra jud baya ko
naghunahuna anang mga ing ana ang importante naku nga naa siya.
Pagbalik namu sa skul kuyog ghapon me then 1pm nku na class kay english si mam Pink as usual
magpatabang jud siya ni D para mag set up sa projector paraygon pod ning maestraha.Batan on pa kaau
among maestra og gwapa og si D pod batan on kay 25 pa man siya, ang mga studyante gikilig pod dayon
kay bagay lagi daw si D og si mam Pink. Kani pod si D kay mosabay pero walay effect sa ako kay sure jud
ko na akoa ra si D og daku kaau akung pagsalig niya.
Si Roberto pod na akung classmate kay consistent pod kaau ni siya sa pag sige og panguyab sa akoa
bisan naa sod sa classroom. Bisan ako na siyang giingnan na naana koy hinigugma maong mangita
nalang siyag lain kay wala jud siya'y mapaabot sa akoa. Samukan kaayo ko gud niya sa tinood lang.
Utokan man unta ni siya pero bogo man sa gugma kay bisan gi busted na sige ghapon.
Pgkagabie ana gisultian ko ni D asa siyag kwarta iya diay ante ang naghatag niyag kwarta kay
nangumusta man sa iya og iya giingnan na nag lisod siya. Kani iya ante Mao ni nagpadaku og nag atiman
niya sukad baby pa siya kay unwanted baby man siya. Gi pakuha man unta siya sa iyang mama sauna
pero wa siya nakuha og ni offer iyang ante na maoy mobuhi niya kay dagang gulang man pod. Pag 7 niya
ni stay siya sa tinuod niyang mama pero lahi ra jud ang treatment sa iyang mama sa iyaha. Naay 3 ka
igsoon si D same sila og mama same ra pod silag papa. Nagbuntis ang mama ni D sa iyaha kay 18 pa
maong di pa ready na naa siya.
Kani pod si D kay dili kamao mölaba og di pod ni mokaon og utanon og labaw na nga di mokaon og sud
an nga naay color, like ginamay or minudo.
Everyday si D ang lung ag og ako tigluto sud an. Og every Sunday ko manlaba sa amung sinina kani pod si
D di jud kamao molaba. Every Sunday manimba jud me duha ni D. Og gi spoiled pod ko ani niya kay bisan
nag lisod na me pero og naa koy na ganahan kay iya jud paliton. Pero never ko nag demand sa iyaha.
Kanang ma laag me then makakita ko kog mga nindot niya moana ko na nindota gud ani iya jud na
paliton maong og manuroy me likayan nalang naku nga mo sulti ko na nindot or ganahan ko. Kani pod na
time kay sige na siya padad an sa iya ante.
Akung pamilya kay nakahibalo na about namu ni D but sa iyang family kay walay na kahibalo about naku
maski sa cellphone text or tawag never niya gi mention na naana siyay ka Live in. Usahay mag ask ko
niya nganong di siya mo sulti sa iyang family about naku. Pero ang iyang tubag unya na pag okay na ang
tanan di sa karon kay lisod kuno kaayo makahibalo iyang parents. Nisabot ra pod ko kay basin naa siya'y
rason nganong di pa siya ready.
Grabe kaayo ko ka dependent ni D. Tanan nku nga desisyon kay naka depende niya.og kung mouli ko sa
amoa mo balik jud ko daun kay mingawon ko niya. Permi mi nag uban og sa skul wa juy nagduda namu
na live in me.
Ting intrams natu unya by color ang team si sir D og miss Pink ka team sila ako kay na team ko sa lain na
teacher. Si Miss Pink kay halata jud kaau na naka gusto sa akung uyab kay mangita jud paagi na magka
talk sila ni D usahay ako mismo mangita paagi na magka storya sila.
Sa I trams kay sa cheerdance ko ni apil so naay juy time na mag practice mo og d ting klase og gawas sa
amung skul. Nananghid ko ni D ok ra niya pero iya ko kuyogan kay mahadlok siya naunsa ko. At first nag
hibong ako mga ka team na naa siya. Iya ra pod giingnan nga bantayan nku ako og agaw. Akung mga
kauban kay ma conscious na hinuon manayaw kay naa si sir. Bisan asa me mag praktis sa akung ka team
naa jud siya usahay magabin an me uli. Pag Sunday kay dugay kaau ko makamata kay gipamaol ko gi
pukaw ko niya kay pakaligoon ko aron magkaon na.
Nice kaayo moda og pukaw kay kanang halok-halokan ka unya gitikon ka. Sweet jud kaau ni akung uyab.
Bisan sige me og uban permi jud ko niya e surprise. Love jud kaau naku ni siya.
D: kaligo na me kaw. Arun magkaon na. Nakalung ag naman ko unya nagpalit na pod kog atung sud an
para di na ka magluto kay kahibaw ko gkapoy ka.
Me: bisan kapoy ko makaluto paman kog sud an D.
D: unya pasmo tang duha kay og wa taka pukawa wa ka nimata 8:30 na. Ligo na kay magkaon nata.
Mo kiss unta siya nku sa lips pero wa ko pa kiss kay mao pa pag mata nku bahu akung baba unya siya kay
fresh na kaau bag ong ligo lain kaau. Ni katawa sa siya.
Ff. Humana ko naligo og humana og kaon nangita ko sa labhunon namu kay manglaba ko. Pero wala na
sa basket na butanganan.
Me: D asa atung labhunon?
D: naa diay tay labhunon?
Me: aiyyyy asa D ba?
D: wa ko kabalo me.
Me:asa gani.
Di jud siya mutog an. Bisan saon naku pangutana mo katawa ra. D pod ko mag expect na iya gilabhan kay
di jud na siya kamao maglaba. Sige kog ask niya asa di man jud mutog an Mao to napikon ko wa na koy
tingog2x.
Me:asa ba! (Pinasingka)
na shock kaayo ang reaksyon sa iyang nawong kay first time niya nakita nga og nakadungog na nasuko
ko. Iya ko gigakus.
D: me ayaw na kasuko me. (hinay kaayo iyang tingog mura og naguol)
Sos kay sa akung hunahuna unsa jud kaha iya reaksyon na manlood ko. Mao to ako giwakli iya kamot
wala nku siya tinggi. Og niana nalang siya na di na lang ko niya samokon. Iya ko giingnan na tog daw ko
balik kay Sunday man unya sa alas4 nalang me mosimba. Naghigdahigda ko unya siya kay naghugas
plato. Pa tulog tulog ko unya nabantayan nku na ni gawas si D ambot asa to siya. Pila ka oras ang nilabay
wala pa man jud siya ni balik ako siya gtxtsan asa wa man jud nag reply. Ako gitawagan di pod motobag
first time nku na ma experience na in atu. Sa akung kalagot nilakaw ko niadto ko sa akung sööd na
classmate nag pundo ko didto hantod gabie og ang ako cp gtuyo nakug bilin.
Pagka nga alas8 sa gbie naabot si D.
Michelle (akong classmate) : maayong gbie sir
D: maayong gbie chelle.
Wala ra nku tagda sige ko tan aw ra sa tv.
D: me uli na ta na. Gbie na baya.
Me:pauli didtog imuha nganong niapas man ka?
D: me ayaw na gud kasuko ayaw na panlood sorry na. Wala ko kabantay sa imong text og tawag na
lingaw ko sa dota. (nag beg jud siya sa akoa)
Me: nganong naa man ka dri pagdota pa didto kay makalingaw man to nimo.
D: ayaw gud pag ana gud. (gool kaayo iya ko gigakus)
Ang ako classmate kay nahibong sa amoa duha og gitug anan si D na di me mag ig agaw kundi uyab me.
Niingon ra pod si Michelle na makalaom daw me na di siya manabi sa iya nabaw an. Ako padayon sa
panlood pero ni decide ko na mouli na. Pagkatinood lang lami na kaayo gakson ako uyab. Padung na
unta me uli sos kay nibunok man ang ulan maong naghulat me motulak. Ang agianan padung sa amung
bhaus kay grabe kaau ka baha. So asusual kung mag baha balahon ko ni D kay dali man kaau ko
mangatol sa baha kay kagiron kog panit.
Thankful kaau ko na nakauyab kog parihas ni D ka buotan. Bisan kausa wa jud ko kasuway na nasuko siya
or sapoton sige lang ni siyag smile murag walay problema.
FF. Ang ila Team ni D ang champion og ang amung team kay second pero ok ra at least da-og ghapon.
ang ako mga ka team kay suod pod ni D naka decide na dungan me og victory party same places pod
ilang gpili kay maligo dagat.
This time si Alberto kay sige sunod2x sa koa sige pang hangyo na tagaan siyag chance. Ako pod mga
clasmate na suod ni Alberto kay sige na sungog2x ila gi cheer si Alberto na gi ganahan pod pero ako
gilainan jud. Si D pod kay niapil og cheer (amawa pod ning uyaba) pero suod pod sila ni Miss Pink matud
pa sa uban nga student naana juy something ni ma'am og sir. Pero wa jud ko ka feel na magselos ko nila
duha I know ako ra ang love ni D. Nibalos kog panungog ni D.
Me: oie kani si sir D og si mam Pink oh. Hilom-hilom lang ni pero sweet kaayo. Bagay baya kaayo mo.
Nitan aw ra si D naku then ni smile. Si ma'am kay pirte pa mula aku pod mga team og ka D kay perti nila
shagitanay. Napay ni shagit na" I kiss si ma'am Sir".
Me: ma menyo na jud ni ako agaw boto ko ninyo maam. (pero para nku wala ra jud ko mapektahi bisan
daghan aku nadunggan na moingon na lahi ra jud daw ang closeness nila.)
Hapon na tu mostly sa mga students kay naka inom na naa pod uban babae na hubog na. Si D kay di ni
siya moinom d pod mo tabako. Pero this time wala ko kita ni D ambot og asa ganahan na unta ko mouli
kay gkapoy na ko. Mao to nilakaw-lakaw nalang ko sa daplin sa dagat gi sundan diay ko ni Alberto wala
ni kainon si Alberto i know buotan na pagkatao si Alberto og bright pod ni siya. Pero wala jud ko sa
mood makig talk kay gkapoy ko og giduka. Di pod ko ganahan na mag sige og laum SI Alberto sa koa di
baya ko gwapa ambot og naunsa ni siya na sige man jud panguyab sa koa. Naka decide ko na sultihan
siya sa tinood kinsa akung uyab gusto ko makakita sa iya nawong unsa iya reaksyon kung ako siya tug
anan na si sir D kay dili naku cousin kundi uyab. Kay nag sunod man siya naku mao to nag lakaw ko
pinaatras.
Me:maka promise ka nku og usa ka butang?
Alberto: anything for you.
Me: sure ka? Dili ka mosaba sa uban?
Alberto:Promise kun unsa mana di ko mosaba?
Me:ayaw pagsaba sa uban ha kay sekreto baya ni. Ikaw ra ako gisultihan ani so kung makahibalo ang
uban ikaw jud ang nanabi. Niyango ra si Alberto.
Me: di ko gusto na molaum ka sa koa. Di ba giingnan naman taka nga naa na koy uyab og love kaayo nku
siya. Og matud pa nimo nga di ka moundang pagpanguyab sa akoa kung wala kay makita nga uyab nku.
Kita naka niya pirme nimo siya makita everyday pero di lang namu pwede ipakita nga kami kay
bawal(kita naku sa nawung ni alberto na murag naglibog siya then pag taod2x niana siya nakasabot na
siya kung kinsa.)
Alberto: ayaw kabalaka makalaom ka sa akoa. I will keep your secret. I know happy ka niya di na ko
mosamok ninyong duha. Wala man pod koy laban niya professional na si Sir brilliant kaayo og buotan
kaayo og labaw sa tanan siya imong love. Happy ko para ninyong duha.
Naapreciate nku ang kabuotan ni alberto and happy ko kay nakasabot pod siya sa akoa. Padayon ko na
paatras paglakaw then naa koy na atrasan. Tawo. Yes tawo akung naatrasan it was Miss pink.
Me: sorry ma'am wala jud ko kabantay. Sorry kaayo.
D: okay ra ka mam.? (concern kaau si sir D ni mam)
Miss Pink:ok ra sir oie. Ok ra ko.
D: sure ka m----?
Me: ako gaw dili ko ok(sagbat naku ni D. Na speechless siya pero naka smile.) Uli na ta na kay gkapoy
nku duka na kaau (ana ko niya).
D: una nalang kay wa pa man mahuman gud ang party. Maestro baya ko dapat jud naku esure na
makauli ang tanan na safety. Kay what if naapa lay mahitabo na bati manubag me na mga teachers and
usa pa pod dli gnahan ang President sa school og outing2x.
Me: ay laina ka gaw oie imo ra diay ko pasagdan mouli na ako ra usa.?hmmmmm.....sige nalang oie kay i
know mo diskarte pa ka ni maam. Sos wana ma menyo na jud ni akung agaw. (human nku storya
kaymolakaw na unta ko pero gihawiran ni D ako kamot.
D: Maam Pink pwede mouna nalang kog uli kamo nalang ni sir Jay og maam shai ang bahala sa mga
student. Mahadlok man gud ko maunsa akung ig agaw kay nakaagi na ra ba nig depression di ko gusto
na mahitabo na pod tong sauna. (buanga ning uyaba depression man nuon.) Mao to ni ok ra si maam
Pink..
Me: (sa akung hunahuna"depression diay ha". Gibira naku akung kamot na gihawiran ni D dayon nilayat
ko sa iya likod nag pabala ko.) balaha ko kay nalipong ko sa ako nainom kapoy kaau duka pa jud. (gitagak
pa jud nku ako tsinelas then nagpahuboghubog ko gapabug at pa jud ko�� bisan dili jud ko moinom a
tubig ra��. Layu - layo jud ang lakwan ni d pabalik sa cottage gabitbit pa jud siyas akung tsinelas.Gikuh
namu among mga gamit sa cottage then niuli gihatod me ni alberto og michelle sa atanganan og
sakyanan kay gibala man ghapon ko ni D si alberto nagda sa amung bag. Happy kaayo ko kay gi pili jud ni
D na ubanan kog uli. Makaingon jud ko sa ako kaugalingon na swerteha jud nku oie.
Ff. Naa me mga sweet moments ni D kay sud ra jud sa bhaus d pwede sa gawas kay naay mga silingan
na nagskul pod sa akung gi skuylahan og iya gi maestruhan. Taas meg gap ni D 7 years, iya birthday kay
september 27 ako kay mayo. Happy kaau ming duha daghan mga challenges pero nkaya ra. Permi ko
niya tutoran then iya ko tabangan na mag advance study sa ako mga lesson.
Ff. March ting end na hapit sa semester nanawag ang biological parents ni D na pulion siya og Daet
Camarines Sur kay gusto mobawi iyang mama og papa sa ilang pagkulang ni D sa bata pa siya. Gusto pod
ni D na mouli siya kay gusto daw niya ma feel ang pag love sa iyang tinoud parents kay despite daw sa
gibuhat sa iyang parents wa man jud siyay kasuko nila.
Emotional ko kay di ko gusto malayo ni D na mingawon ko niya, na dili naku kaya na wala siya. Mahadlok
ko na wala siya kay naanad na kung naa siya permi og dependent na kaayo ko niya.
Me: D ayaw lang gud pag uli sa inyo D. Malooy ka.
D: me d ko ganahan na mag lisod ta ganahan ko na mahatagan taka og nindot nga kinabuhi.
Me: D di pa ko ready na malayo ka. (nihilak jud kog maau kay sakit jud kaau para naku ang malayo ni D.)
D:naay gi offer si mama na nindot na trabaho para sa akoa daku og sweldo me, magtigom ko me kay nig
balik naku magpakasal na ta. Love kaau taka me pero kailangan mo sacrifice ko kay para ra pod ni natu.
Me: D ok raman ko na in ani ta ayaw lang gud palayo. D jud naku kaya.
D:(gigakus ko niya) buhaton nku ni para sa atung future maong sabta ko me.
Me: what if d ka mobalik?
D: wa diay kay salig naku me.
Me: mahadlok lang jud ko D. What if madugay kag balik?
D: me mobalik ko. Promise naku na maong ayaw nag hilak. Mobalik ko kay love kaayo taka. Kung
madugayan kog balik hulata baya ko kay mobalik jud ko.
Me: what if maka uyab nakag lain didto? Imo nakung kalimtam?
D: dili na mahitabo me. Basin ikaw me ha makauyab kag lain dri. Ayaw baya jud me.
Me: what if makauyab kog lain mobalik pa ka naku?
D:(this time nihilak na si D) me kung makauyab kag lain mapasaylo ra ghapon taka og mobalik ra ghapon
ko nimo kay love kaau taka.
Me: what if magkaanak ko sa lain madawat pa ko nimo?
D: DILI NA. Kay naanay laing kinabuhi nga ma involve. Bisan unsa pa taka ka love me kun mahitabo na di
na jud ko mobalik nimo.
Ff. March 18, 2011 gikuha ko sa ako mama kay gtawagan ni D mao pod ni ang adlaw na molrga na siyag
Daet. Sakit kaau sa akung dughan bug at kaayo ang akung tiil na isaka sa bus gihatod pa ko ni D sa
terminal og ghuwat na makalarga ang bus usa siya nilakaw padong airport. Wa ko kasabot sa akong gbati
minuto palang na wala ko kita niya it feels like eternity..
Ni stop kung skul kay gusto ko na makatigum siya sa daling panahon aron makabalik na siya og cebu.
Gusto man unta niya na magpadayon kog skul sa among probinsya pero nibalibad ko. Kay para di na
makuhaan iyang kwarta para sa akung tuition.
Everyday siya sige panawag naku pangumusta na mingaw na kaau siya naku og gahanan na kaau siya
mouli og cebu. Kadatawag niya makahilak jud ko kay mingaw na kaau ko niya. One time nag message
siya na gubaon na daw iya cp day d na matawagan kay mag palong palong. In atu natu daan naapa siyag
cebu pero maulian ra. Days, week, month sige ko hulat sa iya text og tawag pero wala jud. Sugod naku
kabalaka og ngano o unsa. Di ko gusto na naay makabalo na naguol ko og kay di man jud malikayan na
makahilak ko everytime makahunahuna ko niya nag decide ko na molarga og syudad marbaho.
Months sige kog hulat motawag siya pero wala maski text wala, sa fb wala pod message and sakit kay iya
fb di na naku ma open nag chage pass. Nakaingon ko na unsa man akung sala niya na iya ko giin ani.
Naka remember ko na nakitext siya before number sa iya brother mao to nag loäd ko akung gtwagan og
pasalamat ko kay gitubag. Mga 7 to sa gabie.
Iya bro: hello sino po sila?
Me: an diyan ba si D? Pwede ko ba siyang makausap? (grabe na ka buto buto sa ako dughan kay
naghinamhinam na kaau ko na maka storya siya.)
Iya bro:(gitawag si D) kuya D ikaw hinahanap.
D: hello
Me: d kumusta naka?mingaw na kaau ko nimo(wa jud naku malikayan na makabakho kog hilak) pero
wala jud ko nag expect sa iyang tubag.
D: sino ka hindi kita kilala. (grabe murag giduslak sa makadaghan akung kasing kasing) naka ana ko na
mamatay nalang unta ko aron di na ko ka feel og sakit.
Convo ni D sa iya bro kay wala pa gi hang up ang call.
Iya bro: sino yon kuya?
D: ewan baliw... Siguro yon di ko nga kilala.
Sakita oie wala jud ko magdahum na main ani me. Kay ang D nga akung nakaila grabe ka caring og loving
sa ako. Ang D nga akung nailhan kay boutan kaayo og di gusto na maghilak ko. Sakit kaayo og lisod na
wala na siya kay dependent kaau ko niya. Lisod ibarog sa akung kaugalingon nga ako ra kay naanad ko
nga naa siya. Sakit oie. Ingon siya love ko niya pero nganong in ani man.gi question pa naku ang ginoo
nganong imo man kung giin ani Lord nganong imo man gkuha akung kalipay. Tungod sa nahitabo daku
na kaau kog kausaban dili na ako ang princess na malipayon na siaw na tabian og jolly kaau ikauban lahi
na kaau ko og dili naku nagsimba.lahi na jud kaau akung kinabuhi karon na wala na siya.
Last naku nakita si D march 18,2011 10:42am sa s.bus terminal.
To D:
D naglaum ghapon ko na moabot ang higayon na magkita pa ta pag usab maybe karon naana kay
pamilya pero makita lang taka enough na. Gimingaw na kaayo ko nimo. Grabe na kaayo akung kamingaw
nimo it was 10 years ago abi naku okey naku karon di man man diay sakit pa man diay ghapon.
Diri nalang ko kutob salamat sa inyong pagbasa.
VISITOR
Princess
No comments:
Post a Comment