"Berdugo" PART 3

#Berdugo Part 3 

Nangayo pa gyd diay mog 3 ha?! Curious mog unsay sunod nahitabo, daghan rabang na disgrasya ana. Kay maloloy-on man ko isagad na nako tanan aning Part 3 aron mahuman tang tanan. Salamat diay sa way puas nga pag suporta sa story namong Denver. First time sigurong naay confession nga ing-ani ug ni confess ko dili lang malingaw mo but to give you a glimpse sa kinabuhi sa usa nga parehas ni Denver. Nganong gitawag siyag Berdugo? Mabasa na ninyo sa last part aron dungan tang malunggoan ug mga ulo sa atong pagka Marites!!! 

And so! Gimingaw kaayo ko ni Denver nga dili na nako siya gusto nga mawala sa akong panan-aw. Ayo ra pud nga naa nay bag-o nga gaabang adtong iyang giabangan maong wala siyay choice, ang mo stay sa amo until makapangita siyag balay abangan. 

Suggestion unta nako..

Me: " dinhi nalang ka, nganong mangita paman kag balay? Naa nay usa ka kwarto ani " 

Denver: " dili pa pwede karon, mangita gyd kog balay " 

Me: " hadlok ka kamangon nako nuh?! "

Denver: " basig ako nooy mokamang "  

( Ay! Bet ko yarn. )

Naibot nakong bungot ni Denver kay dili gyd mosugot ug mag stay ug dugay sa among balay. Na worry pa ko niya kay gi hilantan pag abot. Madutlan diay pug hilanat ni si Berdugo! (Wala pay uso covid ani ha ) Nahimo na nuon kong nurse kay duha ka pasyente akong giatiman. Wala na nuon koy time nga modung sa lechonan kay si Denver pabadlong kaayo! Dili gyd moinom ug tambal murag bata. Ako gyd siyang gitingal, gipugos ug pabuka ang baba nga mo nga² kay paimnon nakog biogesic. Unsaon nalag way moatiman aning tawhana hagbay ra ning gilubong (haha). Pero nabalaka gyd kog maayo kay wa may undang iyang hilanat pero siya murag way pake! 

Me: " wa may undang ng imong hilanat oy pa check-up nata " 

Denver: " mawala ra lagi ni " 

Me: " nawala lagi na pero nawala napud ka?! " 

Denver: " sige man kag kasuko oy " 

Me: " mag-unsa man diay ko Denver?! Mag lipay² kay gihilantan ka?! Pila naman diay na ka adlaw imong hilanat ?! " 

Denver: " usa ra gud ka semana " 

Naibtan gyd nakog laing bungot si Denver kay usa na diay siya ka semana gihilantan nga balik²! Halos arsahon na nako si Denver kay pasakyon ug ambulansya kay dad-on nakog hospital. Naglalis pami kay nganong ipasakay pa siyag ambulansya nako nga makalakaw pa man siya ug makadagan pa gani.

Me: " mosakay ka o ihawon ug lechonon to nako tong imong pinanggang mga manok "  

( Si Denver ang gihimong taga pagmana sa mga pang derbie nga mga manok ni Papa )

Nisakay lagi ang panuway nga Denver sa ambulansya ug gidala nako sa hospital ug lain napung bungot ang naibot kay gi Dengue na diay ang buang! Tubig ra daw tambal niya adto lami gyd duslakan ug injection iyang baba. Gi yano² ra niyang dengue wa siya kahibalo nga ang namatyan ni Alexander the great kay Malaria! Basin gusto pud niyang masulat sa history nga ang namatyan ni Berdugo dengue ra. Naadmit gyd si Denver sa hospital ug na amazed pang doctor kay sama sa ka isog sa iyang nawong ang iyang immune system (haha). Akoy nahadlok ni Doc kay dili raba moangay si Denver ug binuangan ug istorya ug wala pa to sa hospital basig ni rounds si Doc nga walay ulo! Ambot ug unsay kinaon aning Denver ug adto sa bukid basig tig hab² nig carabao grass. 

Nalimot kong balbasan pa diay unta to nako si Denver kay taas na iyang bungot ug pagupitan kay taas napud ug buhok maong wala ma emphasize ang ka gwapo ni Denver mura napud siyag taong gubat. Ug wala pa siguro ko walay moduol niyang nurse kay usahay labyan ra si Denver. Nakaingon nalang ko " ah! nurse? Tawo ni siya ug pasyente diri ". Gipangataw-an laman mi sa ubang mga pasyente. 3 days gyd mi sa hospital kay wala ko mosugot ug mogawas mi nga walay approval sa Doctor. Didto ko nakahibalo nga first time siyang naadmit ug hospital maong sa dili pa tusok tusokon si Denver ako unay mo explain niya kay basig mabali tanang injection (haha).

Pag discharged namo gi pa transform napud nakog balik si Denver kay murag aliwaros gyd si tan-awon sa iyang bungot ug buhok. Diha pa gihapon siya sa balay nag stay kay kanunay nakong iingon nga wala pa koy nahibaw-an nga kaabangan bisag naa goy daghan (haha) aron magdugay lang siya sa balay. Gi hire nalang nako siyag tindero kauban ni Alberto kay pas² gyd ug lihok pero usahay molain ang templa ni Denver kay naay mga chika babes nga ma crush niya ug picturan siyag sekreto. Unya kay pinaka hate gyd ni Denver ang picturan siyag way hinungdan, except syempre nako nga na full storage na ang cellphone sa iyang mga nawong (haha). Ako nalang ang moingon nga bawal picturan ang model sa akong lechonan kay naa siyay phobia sa mga camera , ok rag akong lechon o diba si Alberto kay willing kaayo mag papicture ug mga chika babes.

Dili na sa sala matug si Denver kay nahuman naman ang laing kwarto. Dili na nako siya ma basta² nga masulong nuon! Ayo pay wala nako gipatiwas ug trabaho tong kwartoha kay naa na nuoy privacy si Denver, maikog pud kong mokalit rag sulod kay wala gani ko nakasulod adtong iyang gipuy-an sa una kay naa siguro siyay mga buhaton nga dili nako pwede makita. Mao nga nagpanikad na gyd kong maminyoan ni Denver kay aron wa nay limitations. But then, kay amo man pud ning balay daghan kog mahimong pasumangil aron makasulod sa iyang kwarto. And that includes CLEANING TIME! 

Wala man kaayo costumer ug buntag maong diha ra to si Denver sa kwarto dihay gibuhat. Manuktok man gyd ko una sa dili pa masulod maong makahipos pa si Denver sa angay hipuson sa dili pa ko mosulod (haha). Pagsulod nako nag sketch siya adto gitan-aw nako buwak gi sketch! Plano sigurog mo try siyag hatag nako ug papel nga buwak dili na pud plastic.

Denver: " ok ramag akoy manghinlo 

ani " 

Me: " dili pwede, kinahanglang ako gyd kay expert ko ani " 

Pero wa gyuy gubot sa kwarto ni Denver! Bisag mga sinina niya hapnig kaayo. Sige ra kog panghinlo bisag walay madalang buling (haha). Kay niandar napud akong determinasyon nga magunitan gyd sa liog si Denver. Pasumangil kog gakos² sa iyang liog aron tuk-on dili aron mamatay siya kondi aron mogahi ang angay mogahi (haha). Diha ko sa iyang likod ug nidungaw sa iyang gihimo grabe anad gyd kaayo mo drawing ba kulang nalang ang color aron mahimo ng 3D! 

Pero successful akong gihimo kay niatubang man nako si Denver ug nipaak! (Haha). So nibasa gyd ang angay mobasa grabe na kaayo makapaak si Denver mura nag bampira! Pag tulod niya nako sa bed, naghukas si Denver nga murag magisi gyd iyang t-shirt sa pagdali² (haha). Excited yarn?! Gipaningot pang buang wala pa gani nag sugod ang fight. Nakatulon pud kog dagkong laway kay grabe na gyd ug tinan-awan nako si Denver mura mag mo asdang gyd sa gyera. Pagbalik niya nako nakurat kog maayo kay ni dive man gyd dretso sa mga bulubundukin ug nag mountain climbing! Makalibog ug asa na gyd ko mugunit. Naa na gyd mi sa tunga² nga makapabawog nag mga tudlo sa tiil ug makakurog ug tuhod sa ka intense kompleto pa ko ani ug mga suot pero nakatilaw na sa makasasalang tudlo (haha) wa na kahuwat si Denver. Sa dihang may ni ayo sa gawas ug nitubag si Papa dayon gitawag si Denver. Dungan mig tan-aw sa purtahan ug na locked ba namo. Nisiga akong mata kay wala nako na locked! Murag kilat si Denver nitindog ug nidagan sa purtahan (haha). Wa na gyd ko katindog, luya pa akong tuhod noh! Natingala kong Denver kay nikalit ug ambak² ug ni push-ups . Nag exercise ug kalit , nagkatime pa siyag mag exercise nga hapit nami masakpan! Sige ra kog senyas nga pagawason na siya kay gitawag ng Papa dili ko motingog kay mahibaw-an unya nga naa ko sa iyang kwarto unya dugay pa gyd ni tubag si Denver kay nag exercise² pang buang. Gibuno na nakog t-shirt kay ipasuot niya aron mogawas siya. Mga 1 min. siguro to siya nag exercise dayon ni gawas, gi kidhatan pa ko sa buang kay naka score gud. Nagpakalma ra diay to sa nigahing armas! Mailhan man kay nag shorts, sus sayang ready na raba gyd kaayo (haha). 

Pasumangil niyang Papa..

Denver: " nakatug ko gamay Tay " 

Paggawas nila kay ang pareho man nilag panit nga sugarol ang nianha, ni dung sila sa gawas didto sa mga manok. Dali² pud kog gawas balhin sa akong kwarto ug nagmahay nga unta gabie ko nihinlo sa kwarto ni Denver wa untay istorbo (haha). Kaingon kog to be continued ang fight pero lain naman pung fight gisulong ni Denver didto naman pud sa sabongan! Lami gyd kaayo molangkat ug ulo sa mga sugarol. 

Sukad pag -uli ni Denver wala gyd koy gipangutana ug dis-a siya gikan ug nag-unsa siya adto. Wala pud siyay gisulti nako about sa iyang nahimong lakaw ug wala noon ko maka pangutana niya ug dili naba siya mobalik ug naundang na ba. Diha ra ko nakahibalo sa nadunggan nako nga nag istorya silang papa hinay kaayog mga tingog kaingon ug dili ko dakog dunggan . Nangape to si Denver sa kusina ug didto gipangutana ni Papa ug iyang tubag naay laing nigunit niya di pa siya kaundang. Naghuot gyd akong dughan pagkahibalo wa pa gyd diay siya makaundang. Bantog rang kinahanglan gyd siyang molahi namo. Pagkahibalo nako ana, gisulong gyd nako siya nga way pupananghid sa iyang kwarto pagkagabie. Pero nibalik ko sa agi kay nag-ilis diay si Denver kay gikan naligo , wa koy nakitang dragon balls ha wa gyd, promise! 

Nakakita gyd si Denver ug balay nga kaabangan layo² sa amoa. Nasungot pa ko kay layo unya wa na siyay motor kay gibaligya daw niya. Naa pa diay nipalit adto? Mura naman tog kamatyonon motora nakita ng mga tinae (haha). So gitabangan nako siyang makapalit ug motor nga dili na makabuhi ug patay ang tambotso aron makapasirit siya kanunay sa amoa. Pa dili² pa! pero nabuslot akong bulsa kay nipili man gyd ug mahal nga motor! Nauwaw pa siya anang dagwaya. Bike nalang unta to akong giingon, barato pa ug ma exercise pa siya. Samot uroy ka attractive si Berdugo nindot ug motor! Ug mambabae gyd ni si Denver usa ra gyd akong himoon akoy mo drive sa iyang motor ug ibangga nako niya. Gidawat man pud siyag balik sa shop nga iyang gitrabahoan bisag naay bag-o kay giganahan pud ang tag-iya ni Denver kay pas² ug lihok ug suheto gyd ug makina. Back to normal napud mi. 

Napaila² nako si Denver sa akong Ate nga nagtrabahog Dubai sa nibakasyon sila sa iyang bana sa among balay. Giingnan na nako siya daan nga parehas ug trabaho si Denver ni Papa sa una pero mas worst lang ka Denver. Pagkakita niyang Denver murag natuk-an si Ate gibira ko niya ug gi hong²..

Ate: " Hadloka mn diay sa personal imong uyab! Hait man makatan-aw, samot nag mag imagine ko sa iyang ginabuhat nanindog akong balhibo, sure ka ana niya? "

Me: " ing-ana lang gyd na siyag makatan-aw kay wa pa na kapangape te. " 

Ate: " sure lagi ka aning imong gisudlan lagi?! Hadlok baya na siya! " 

Me: " gidawat na nako te nga ako na ang pasahan sa korona ni mama. At first I was afraid I was petrified but will survive as long as I know how to love I know I'll stay alive " 

Gipakngan lang ko sa akong maguwang pero wala ko mag joke ana! 

Ang bana ni Ate kay na close man pud ni Denver pero wa siya kahibalo unsay tinood nga trabaho ni Denver kay wala pud sultihi ni Ate kay ing-ana pud si Papa sa una kahibalo na siya unsay himoon, ang itak-om gyd ang baba. Gitugtan nakong moinom si Denver kay sa balay raman namo ug ang bana ni ate ra iyang katagay. Mura pud mig mga buang ni ate kay pasumangil ug balhin² sa mga tanom bisag gabie na kay paminawon namo ug unsay ipanulti ni Denver ug mahubog. Igsoon gyd ming duha. Kay sukad² wala pa pud ko kakita niya nga nahubog kaayo maong curious pud ko pero nakita nako nga bisan hubog si Denver limitado gihapon iyang isulti ug puros ra about sa manok imong madungog! Bisag ang topic na sa bana ni Ate kay about sa iyang kaagi sa Dubai ang tubag ni Denver about gihapon sa manok (haha). Nakahinumdom ko sa giingon ni Papa nga sa pag ka hubog ni Denver maoy nakaingon nga nasulti niya iyang alyas mao nga mao na nuon puy gitawag niya sa among lugar. Gisulod siguro kanunay ni Denver sa iyang utok nga manok na kanunay iyang topic ug mahubog siya. Paghuman nilag inom to the rescue dayon ang mga asawa (char! ) Gibira ni ate ang dunggan sa iyang bana ug gidala sa kwarto kay hubog na kaayo. Si Denver makatindog pa pero zigzag nay panan-aw. Gipahigda nako siya sa sala sige gihapog hisgot ug manok. Kadugayan maka baligya gyd kog nga hiniktan kay nagselos nako nila (haha). 

Atol sa ilang bakasyon nag birthday si Ate sa balay maong nagtapok ang among mga kaliwat. Ug syempre kinahanglang present pud si Denver gipugos pa nako kay daghang pasumangil! Giapas pa nako sa ilang shop pa busy² dayon ang buang. Wa gyd ko molakaw ug dili siya mouban. Pag-abot namo wala dayon mi kasulod kay naglalis pa mi kay si Denver gusto pang manigarilyo kay gikulbaan daw siya! Gihuwat gyd nako siyang mahuman ug buhot² aron way lusot.

Me: " ayaw kahadlok kay dili mi mga aswang " 

Denver: " Ani ra ko sa tindahan " 

Me: " mag-unsa man ka ani nga sarado man?! Ayaw kauwaw kay kahibalo kong baga kag nawong, Joke!! " 

Gibira gyd nako si Denver sa sulod gahi kaayog lawas. Unsa puy kauwawan niya sa akong mga kaliwat nga parehas man silang mga taga bukid! . Nanglugsong lang kay naay birthday (haha). Di man tawon mi sosyalin ug kaliwat. Naggunit man ko sa kamot ni Denver namugnaw ang buang sige nuon kog katawa. Nahadlok man sa akong mga kagupa.

Auntie: " uyab na nimo day? " 

Me: " lagi te, uyab² pud ta panagsa ba " 

Uncle: " pagminyo namo! "

Me: " aw saaran to daan namo imong kabaw kol! " 

Uncle: " way problema na! "

Oh diba? Supportive kaayo akong mga paryente pero wa gyuy tingog² si Denver, istoryahon pa nako usahay kay basig naamang na. Diha man koy ig-agaw nga nagdala sa iyang baby nga 2months old akoy tig karga² aron practice ba makita ni Denver nga kahibalo nako mokarga ug bata(haha).   

Aron makita pud nako ug kahibalo ba pud siya gipakarga pud nako.

Denver: " di ko kamao mokugos " 

Me: " parehasa ra gud ug manok " 

Denver: " di man to mohilak " 

Me: " ay problema na nimo ,tarunga gyd nig gunit kay di lang ni mohilak manumbag pud ning 

bataa " 

Gipakugos gyd nako si Denver, nahadlok pa siya basig mabusdak daw, wa siyay salig sa iyang dakong bukton. Pagtan-aw nako, angayan kaayo ang buang! Tinan-awanay pa sila sa baby, kaingon kog mohilak wala man pud. Kaingon pud siguro ang baby nga gusto pa niyang mabuhi ug modako (haha). Keep quiet nalang gyd siya.

Kay hilig man pud ug tagay akong mga kaliwat hatagan pud ug baso si Denver gipasagdan nalang nako kay dili man pud mangitag away akong mga ig-agaw ug mahubog mga chika babes ray hisgotan. Bisag unsa nalay topic nila nga babae, wa man pud niapil si Denver. Dayon nasaag na sila sa mga babae nga mga buring natuk-an ko ug nalagot kay nakahinumdom nga naingnan kog buring ni Denver. Tungod sa akong kapungot akoy nidawat sa baso para kang Denver ! Lipong gud dayon ang resulta. 

Denver: " moinom diay pud ka? " 

Me: " ay syempre! Ikaw ra ba diay naay baba " 

Mura na nuon mig mga buang ni Denver kay iloganay nami sa baso kay di siya gusto moinom ko. Sigahan ra nakog mata ug ilong kay di ko parehas niya makakitag rambol ug mahubog. Lain may pangitaon nakog mahubog (haha). Resulta nuon akoy nibarag pagkagabie pero di pa gud makalimot sa kahubog pero nag pa buang² ko nga nahubog kaayo. Nanguli naman akong mga kagupa pero diha pay nahibiling mga ig-agaw nakong mga palahubog kay ana ra matulog sa balay.

Me: " hoy buang ihatod ko sa kwarto ba di na ko kalakaw".

Denver: " palabi man gud ka " 

Giaswat nakong Denver ug gidung sa kwarto. Nigara man akong utok kay nakainom napud pag-abot sa kwarto wa nakoy ulaw ni halok sa liog ni Denver! Mura na gyd ug ma tang² ang liog ni Denver kay iyang gipalayo nako. Pero gipang-it gyd nakog taman nga mora na kog bampira nga si Vladimir (haha). Lami man diay ning mahimong bampira pud noh! 

Denver: " pagpuyo ra gud " 

Me: " lami man diay kag liog, pakitkita sa ko beh " 

Denver: " pagpuyo kay naa sila sa gawas " 

Me: ( ni hong² niya ) " hinayon ra gud nato atong tingog aron di sila kadungog " 

Kapanghupaw lagi si Berdugo (haha). Pero natental nako siya gyd. Nakasulod gyd ang armas ug grabe mura kog gitunga. Grabeng pinaakay nako sa unlan kay makasinggit ug makapanawag na gyd ko sa mga yawa ug mga demonyo sa kasakit. Pero si Denver wa gyd ni commercial break murag Talk and Text tuloy² ang saya! Kaingon kog mabugtoan na gyd kog ginhawa . Grabe 5 mins. lang and we're done! Intense kaayo nga workout grabe ang mga fats nga na burn tagaktak ang singot. Nakaabot na gyd ko sa ikapitong langit (haha). Pagguniton raman diay ug baby ni si Denver tua nuon nakahuna² nuog gamag bata. 

And so! Nakamtan ko din ang aking minimithi. Excited ko nga gikulbaan kay natamnan na gyd ug seedling ang dugay ng ugang yuta. Niuli napud sila ate sa Dubai maong wa koy masultihan. Dayon after a weeks gi check nako ug nitubo bang seedling. Gikulbaan ko sa cr nga nag gunit sa PT , wala kahibalo si Denver nga naa sa gawas nga ni take na diay kog test, ako gyd lunggoan tanan niyang manok ug nakapasar ko.

Nag kirig² nako sa ka excited naggunit sa PT ug naghuwat sa result pero nahugno tanan nakong pangandoy kay kinabagsakan ko sa test. Negative. Daot ang seedling. Mga weak ang seedlings ni Berdugo.

Nigawas ko nga murag gitabonan sa langit ug yuta ang nawong. Diha si Denver sige napug himas sa manok. Nangitom gyd akong panan-aw ug gisignit nako ang liog sa manok ug gituok! Gusto kong mopatay ug manok. Apil si Denver nakurat.

Denver: " hoy ngano man ka! Buhii ra gud na! " 

Me: " lami mokaon ug manok " 

Denver: " tuay daghang lechon manok nimo , buhii na ba " 

Me: " gusto ko kani!! " 

Denver: " gahi naman nag unod! " 

Me: " akong lat-an! " 

Denver: " ayaw ni, buang kadaghan sa manok nimo adto nganong kani man " 

Me: " gusto lagi ko kani akong patyon! " 

Denver: " naunsa man ka! 

nangala ka? " 

Nisamot ug kainit akong ulo kay nakahinumdom sa daot niyang seedling. Gikuha gyd nakong manok ug gibalibag kapa² lagi. 

Me: " daot kag seedling! " 

Nakalimot ko nga diha diay si Papa sa kusina nakagawas ug ahat. 

Papa: " hoy! naunsa mo dihang duha? abot ng inyong tingog sa silingan " 

Tungod sa ka pas² ni trabaho ni Denver wa nuon na tarong ug tanom ang seedling, nalumos kini ug namatay. Palpak gihapon akong misyon nga mabuntisan ni Denver aron dili na gyd siya molakaw ug magpuyo na mi nga malinawon. Dili na nako siya gustong mobalik sa iyang gigikanan kay basin ug dili na siya makabalik nako mao nga lagot kaayo ko kay wala ko mabuntis. Aron molinaw akong hunahuna nibakasyon mi sa lugar nila Papa, kaming duha. Wala ko nagpahibalo ni Denver. Siya raba diay kahibalo nga dili mananghid so gibawsan pud nako aron ma feel niya akong na feel. Giingnan pud nako si Papa nga dili mosulti ni Denver so wala gyuy idea si Denver nga molakaw mi, duha ka semana (haha). Naa pud mi tuyo adto nga importante. Sirado akong lechonan, bakasyon pud si Alberto ug iya. Sayo gyd mi ni Papa ni byahe aron dili pa kaanha si Denver. 

Papa: " nganong wala man ka moingon ni Denver day, masuko to! " 

Me: " bahalag mo aso iyang ilong Pa " 

Tabokon ug lawod ang lugar nila Papa so nagsakay gyd mig barko so layo² gyd kaayo (haha) pikas probinsya pa gud. Pag-abot ra namo diha pa ko nanawag ni Denver.  

Me: " Komusta! " 

Denver: " asa man mo? " 

Me: " dia sa ..chuchuchu " 

Denver: " nag-unsa man mo diha? " 

Me: " mangita daw diri si Papa ug mahimo nakong bana " 

Denver: " gisaaran na nako ng imong Papa " 

Me: " maayo pa kay gisaaran nimo akong amahan! Nako? Wa gyd kay gisaad... basig kamong duha ang magkadayon nuon " 

Kaingon kog masuko si Denver kay wa ko mananghid pero murag wa siyay pake! Murag nalipay pa nga nanglakaw mi. Mag enjoy² nalang daw ko. Nagduda nuon ko basig naa siyay laing gikabuangan sa among lugar maong ang resulta .

Me: " apas ra gud Ari ! " 

Denver: " ngano man? wa ko katood " 

Me: " sugaton ka nako sa lawod Denver! " 

Gipaapas nako si Denver! (Haha) Basig ganahan ug wala ko kay maka enjoy² pud sa iyang mga chika babes. Malarot gyd nako tanan niyang bungot sa lawas. Di pa gani mosugot kay way mopakaon sa iyang mga manok, gitawgan gyd nako si Alberto nga nagbakasyon sa computeran kay maoy palawgon nako sa mga manok ni Denver! Gisundo gyd nako siya sa pier, gimingaw napud ko niya bisag usang adlaw pa (haha). Kuyaw pud mo byahe kay kuwang nalang magbukot siyag habol. Kadtong giapas ko niya sa beach mao puy porma niya nag byahe. 

Me: " usba ra gud na imong attire Denver! " 

Denver: " ngano man diay ni? " 

Me: " nganong scarf² paman ka! Murag naa ka sa London! Tanggala gud na imong shades, wa ka kabantay nga kauwanon ng kalangitan " 

Denver: " problema na sa motan-aw " 

Lami tuk-on gyd sa iyang scarf, sunod hatagan na nako siyag scarf nga bulaklakin aron ma dretsohan nag ka bayot si Berdugo. Kay layo pa man sa pier ang lugar nila Papa nagsakay pa mi ug bus , 2 hrs byahe. First time nga nag-uban mig byahe ni Denver sa laing lugar! Excited kaayo ko sa mga bag-ong experience kauban niya. Pasensya, ing-ana gyd ug inlove kaayo hangol ug experience (haha). Pag-abot namo sa balay nga among gisak-an, murag artista si Denver! Bag-o gud nga nawong nanuyhakaw tung mga liog sa mga Marites ug kinsa tong artista niabot. Walay motawag ni Denver nga Berdugo kay wala may nakaila niya , sa among lugar lang gyd tawgon si Denver nga Berdugo pero kay name man gyd ni Denver ang itawag ni Papa ug ako tawag nako niya buang! Safe iyang alyas nga murag ngan ug demonyo (haha). 

Auntie: " mao na imong bana day? Gwapo man diay jud! " 

Me: " gwapog ilambos Auntie! " 

Auntie: "kanus-a man mo mag minjo! " 

Me: " ug molingin ng buwan " 

Auntie: " ay! Maajo kay maminjo naka aron kita na jug liwat " 

( Di gihapon Auntie kay daot ang seedling ni Berdugo haha )

Si Denver na puy gi interview, kuyaw akong mga kaliwat sa side ni Papa kay murag mga pulis ug maka interrogate! Gitemplahan nalang nakog kape si Denver aron dili nyerbyoson (haha).  

Auntie: " Wala na diay kay ginikanan doy? " 

Denver: " wala na lagi nay " 

Auntie: " ay! Kaluoy pud baja nimo , kanus-a raman diay nawala imong mga ginikanan? " 

Denver: " 13 anyos pa ko " 

Auntie: " ay kalooy pud baja! Unja kinsa may nibuhi nimo? " 

Denver: " ako ra , nanarbaho man pud ko " 

Auntie: " kalooy pud nimo doy oy! Unsa man puy na trabaho nimo? " 

( Apatay! haha) 

Denver: " basurero nay " 

Auntie: " oy! Kalooy pud Looya gajud nimog kaagi doy, namasura ka? "

Denver: " lagi "  

Pugong² gyd ko sa akong katawa nga basurero si Denver. Bagay man pud niya adtong taas pag buhok ug bungot unya mag dala² dayon siyag sako mag tiniil ng maglakaw² sa kalsada ug mamuno ug bato sa mga tawo. Di naman basurero akong ma imagine, buang naman (haha). Mao bitaw nga buang akong tawag niya. 

Kay bukid man pud ang lugar ni Papa, expert kaayo atong Berdugo. Nangopras pang buang (haha) kay daghan mang kalubihan. Siyay nisaka ug grabe kaayo pwede na pang Olympics iyang sinak-an pas² paman sa tiki nisaka (haha). Nahadlok pa ko basig mabali nuon ang lubi, lami gyd labayon ug butay pasikat diay kaayo kay naa man diay mga chika babes naglantaw! Daghan gyung mga dalaga sa lugar ni Papa ug panagsa nalang daw ang ulitawo maong nahadlok nuon kog basig naay kalit nga mokapyot ni Denver! Ay malangkat gyd ang angay malangkat (haha). 

Gihapak nako pagnaog ..

Me: " pasikat ka ha! " 

Denver: " naunsa naman pud ka? " 

Me: " ayaw nako Denver, kahibalo nako sa imong ilong maka singhot ug chika babes! " 

Denver: " ambot nimo oy, nanaka ra gani tag lubi " 

Me: " ay sows, ayaw nako Denver! " 

Denver: " selosa kaayo ka ba, ikaw ra lagi akong higugmaon lagi " 

Pakngan pa nakong buang, atik na sad! Kapila na nako nadungog linyaha, wa siya nakabalita nga nadubok na ng linyaha karon. I don't need words I need action coz action speaks louder than words! (char!)

Kasaligan gyd kaayo si Denver sa bukid halos tanan iyang trabahoon , hayahay kaayo among gisak-an kay gibughaan ni Denver ug kinadaghanang kahoy! Halos tabonan na niya ang balay ug mga binughang kahoy. Grabe kaayo mobugha, bugha gyd! (haha) Na enjoy gyd kaayo nako among bakasyon nga diha si Denver bisag nanglaba ra ming duha mura nag date namo . Lami man diay ni ikakuyog ug panglaba si Denver kay pas² pud mokuso,lupig mag washing machine! Hadlok raman tang magisi atong sinina.

After 2 weeks nanguli ming tulo sa amoa. Back to normal again, bantay sa lechonan, mag-atiman ni Papa usahay paatiman pud si Denver! ug uban pang normal nga ginabuhat nako. Then, nilakaw napud si Denver nga way pananghid. Lami gyd kaayo siya hiktan kay mawala nalang ug kalit dili mananghid nako magbilin rag suwat. Mao nga kaduha napud ko na heartbroken! Every night ko maghilak kay gimingaw kaayo ko niya. Kaadlawon ug gabie siya molakaw aron walay makakita. Matingala nalang among mga silingan ug asa napud nilupad si Berdugo! Ako nalang ang moingon nga dihay gilakaw. Magniwang gyd ko ug molakaw siyag kalit kay dili ko ganahan mokaon ug magsige rag hilak sa gabie dili katulog ug naunsa na si Denver anang mga orasa. Nakakaon ug nakatulog ba siyag sakto ug safe ba siya. Daghan kog hunahunaon mao nga maghilak nalang ko. Ka huna² pa ko ug basin gilumay kong Denver kay murag dili ko mabuhi ug dili ko makakita niya. Maghilak pa ko usahay sa tindahan mag-atubang sa mga gi lutong lechon!

Alberto: " te, ayaw sigeg hilak diha dili ni mahalin atong manok " 

Me: " Alberto! Nganong dugay man siya niuli?! "

Alberto: " mouli ra lagi to si Berdugo basig na lingaw tog panari didto " 

5 months ng wala niuli si Denver ana. Gamay nalang mohilak nakog lansang. 

Ug wala si Alberto, hagbay rang purdoy akong lechonan kay dili nako ganahan molihok. Siya nay manager, tindero, tig budget, tig plano ug kurakot ni si Alberto hagbay ra gyd ko nagsira. Gisalig nalang nako niya akong lechonan business ug kuyaw kaayo si Alberto kay nakapatukod pa kog laing branch nga lechonan! 

Alberto: " oh diba tagsa nata te! Akoy bantay adto ikaw ani " 

Gipakngan nakong buang kay biyaan nuon ko niya sa tindahan nga broken hearted ko basig malaparo nako tanang costumer. Nag hire napud ko ug bag-ong tindero sa lain nakong branch nga lechonan (char!). Kuyaw kaayo akong tindero kay business minded man diay pud! Gi promote nako si Alberto oy, gihimo nako siyang cook/tindero/manager ug increase syempre ang sweldo (haha) . Gipugos nalang nako akong kaugalingon nga molihok kay basig idagan ni Alberto akong lechonan ug di ko motabang.

Niabot ang 6 months wala gihapon nakauli si Denver, gikulbaan na gyd ko ug taman ug na-unsa na siya. Luhod² nako sa simbahan ug ni request nga bisag daotag kamot si Denver ipalayo gihapon siya sa mga daotang kamot ug pasayloon siya sa iyang mga sala. Wa gyd koy bisag gamay balita niya, nisalig nalang ko nga makabalik gyd siya nako. Then ang 6 months nahimong one year. Naminyo nalang si Alberto wa pa nibalik si Denver, ako pa ang ni sponsor ug lechon manok sa kasal ni Alberto. Naunhan pa ko! What the pak gyd. Lami na kaayo ipanumbag ug mga tawo. Sige rakog hinuktok mag-atubang sa motor ni Denver ug masakyan pa ba ug balik. Ang mga manok niya kang Papa ako na tanang gipamaligya sa mga parehas nilag panit nga mga sugarol kay maglagot lang ko magtan-aw. Ok ra pud ni Papa kay dili napud niya kayang atimanon. 

And then! Usa ka gabie dihay nanuktok sa purtahan ug pag-abri nako si Denver! Nakahilak gyd ko nagtan-aw niya kay nibalik napud iyang long hair ug bungot ug napun-ag daghag samad sa nawong. 

Me: " hoy buang! Nganong dugay man ka nibalik! " 

Denver: " di nako molakaw ug balik, di naka nako biyaan last nato " 

Me: " bantay lang gyd kang buanga ka! Di na gyd ka nako huwaton ba! Nigbalik nimo naa nakoy 5 ka buok anak! " 

Denver: " ok ra basta dili mo nako pakita " 

Naibtan napud nakog bungot si Berdugo pero bisag iyang bungot gimingaw nako (haha). And so! dinha napud nag stay sa balay si Denver ug nahitabo napud ang angay mahitabo. Exercise ug pa burn ug fats , nahurot ug pagawas ang mga daot nga seedlings ni Denver. Pero pagkabuntag! Nakamata ko nga lain ug tinan-awan nako si Denver. 

Denver: " asang mga manok? " 

Me: " ah.. nabaligya nako? "

Denver: " buang na! Nganong gibaligya man nimo?! " 

Me: " mura man gud silag magkatawa nako! Sungot ko maong gipamaligya nako Denver! Ngano bitaw dugay ka nibalik. " 

Denver: " ug gipaatiman diay nimo ni Alberto?! paita pud ni nganong gibaligya man nimo! " 

Imbes kay mag homecoming party ko para kang Denver, nanggilalis nuon mi tungod sa iyang mga manok nga akong gibaligya. Maayo ra pud nga gibaligya nako kay wa na koy kaagaw (evil laugh 😈 ).

Nailhan si Denver nga Berdugo kay siyag tighipos - sa mga basura. Basurero Jpeg.

Ug dinhi nalang ko taman kay nasuko nang manager wa na daw koy tabang² basig idagan na gyd niya akong lechonan. Salamat kaayo sa walay puas nga pagbasa sa among kaagi.