"Berdugo" PART 2

#Berdugo (Part 2) 

Una sa tanan salamat sa pagpost!

Mao ra to. (haha)

And so! Nagkauyab nami ni Berdugo almost 1 month pud ko nagpakipot oy abi palang easy to get. Walay nakahibalo ato except kang Papa ug kang Alberto. Pero! wa ko masayod nga murag tuko diay ni si Berdugo kon makatapot sa iyang mauyab mao nga nahalata sa halos tibuok kalibotan nga uyab na mi. Every afternoon man to siya moanha sa akong lechonan sa wala pa mi but! sa na uyab nami EVERY MORNING  AFTERNOON EVENING kulang nalang ang DAWN nga moanha sa akong lechonan kay mangumusta ra nako! Ang put*! (Haha). Mura man pud kog masakiton nga tiguwang nga kinahanglang tandaon ug nagginhawa pa ba! Dinhi gyd nako siya nakaila ug taman².

Fiesta kadto sa among lungsod ug gusto unta si Papa nga mag fiesta pud mi pero wala nako nisugot kay daghan kaayo nag trabahoon! Unya busy pud ko ana kay daghan gyd na ug costumer usa pud dili gihapon siya makakaon kay bawal na siyag baboy! So mag-unsa ra diay siya? Magtan-aw sa among mga bisita nga magsinaw tong mga simod kinaon ug baboy? No way! So walay fiesta sa among balay kami ang mosulong sa mga silingan, daghan kaayo mig bookings ni Denver! (Haha).

Besperas palang daghan na kaayog order ug lechon manok maong busy kaayo mi sa tindahan, left and right ang money (haha) wala nako kabantay nga diha na diay si Denver sa akong likod! Nakurat nalang ko nga naay nipahid sa akong singot sa agtang (char! haha). Maka straight ug intestines!

Denver: " pahulay sa " 

Me: " unya ra busy pa " 

Denver: " akoy puli " 

So! wala koy nahimo kondi ang molingkod nalang kay maghuot nami sa tindahan, init pa gyd kaayo. Si Denver ang nitabang ni Alberto, nakapanguros na lang ko kay grabe maka tad² sa manok si Denver pas² kaayo nga murag nag tad² siya sa iyang kaaway! Si Alberto gani nisiga ang mata kay basig masipyat si Denver ba ug siya ang matadtad (haha). 

Silingan: " Berdugo! Adto ta sa balay unya " 

Denver: " sige! Mananghid sa ko " 

Silingan: " wa man kaha kay trabaho ron? " 

Denver: " mananghid ko sa akong gihigugma " 

What the pak?! Gihigugma? Lami nalang mosirit paingon sa balay manglock sa kwarto ug magbukot ug habol sa kauwaw. Gisud-ok gud ko adto , nagpasumangil nga wala makadungog. Kalood sa gihigugma nga word (haha).

Hurot gud among tinda anang adlawa. Kuyaw kaayo kog mga tindero. Kay daghan mang ni invite gyd namo, naglibog pa mi ug asa modung pero gipili nalang namo akong paryente  si Alyas "Mit-ngaw" ( mao gyd nay tawag namo niya ). Motor nako ang gi drive ni Denver kay di ko feel mosakay adtong iyang motor nga makabuhi ug patay ang tingog. Pag-abot pa lang namo diha nay nanggitagay sa gawas mao nga sa wala pa mi mosulod naghatag daan ug instructions ang commander. 

Me: " dili ka moinom! " 

Denver: " bisag gamay? pahilis ba " 

Me: " wa kay salig sa coke? Sprite? Royal? " 

Denver: " aw sige " 

Me: " dili ka makakita ug away , daghan rabang palahubog ani ron " 

Denver: " ug dili ko unhan linaw atong gabie ani ron " 

Me:  " storya ra na sila taman! Palabya ra sa pikas dunggan ang istorya. Is that clear? " 

Denver: " oh. " 

Me: " bantay bitaw "

Mao na akong gihimong style kay kahibaw nako ug unsay mahitabo ug mahubog siya. Dali ra kita ug away! Wala pako naka recover adtong balita sa una nga nag ginukdanay silag sundang adtong iyang na kontra sa una sa wala pa ko. Mao nga gi ayo² gyd nakog putol ang ugat ang iyang pag-inom. Pagsulod namo abi kog sa mga palahubog ra nako siya bantayan. Sa mga babae pud diay! Ako ang naka pa gwapo ni Denver gikan sa murag tawong lasang  nahimo siyang laing version ni Jake Cuenca! Unya naay laing mo pahimus? Dili ba diay malangkat ng mga ulo (haha). Daghan gyd ang nanglingi pagsulod ni Denver nagjacket pa na siya ana unsa na kahag maghukas na basig moluhod!

Mit-ngaw: " Berdugo! Grabe! Wala ko makaila ba. " 

Me: " ila ilaha sa Mit-ngaw! Basig laing tawo ni ba " 

Mit-ngaw: " kuyaw kaayog kamandag ning akong ig-agaw ba! Giampoan mang Berdugo "

Ay syempre paryente ming Valentina (haha). Ako gyd nga gibantayan si Denver ug motan-aw bag laing babae kay daghang gwapa nga bisita si Mit-ngaw.   Naa gyuy malangkat nga mata!  So far, wala man pud masaag ang mata ni Denver. Paghuman namo ug kaon daghan ng nangagni nga mga panuway ni Denver kay motagay sa gawas. Busy ko ug tabi sa akong Auntie sa nananghid nako si Denver nga mangihi, alang namag pogngan nako! Nalingaw ko sa istorya wala nako kabantay nga dugay ni balik si Denver nangihi! Lain na gyd akong duda maong nigawas ko. Paggawas nako mao ang pagsaka niya sa iyang baso! Nakigtagay ang inatay! Mura nag mga Lazer akong mata nagtan-aw niya. Nakainom na gyd! Niinit gyd ug taman ang takore ug nagbanha. Imbes kay mokaon pa ko ug dessert adto, nananghid nako ni Mit-ngaw nga mouli.   Gipugngan pa ko nila kay sayo pa pero grabe init na gyd kaayo ang tubig sa takore nga kinahanglan na gyd nga ma templa! Kay naa man nako ang yabe sa motor diretso akong mga lakang sa gawas. Niagi gyd ko sa atubangan nila Denver nga nanggitagay mura siyag natuk-an pagkita nako. Straight ko sa gate paggawas padung sa gi parkingan sa akong motor. Ako man nuoy nahadlok paggawas ni Denver maong nakadagan  ko paingon sa motor nagdali  ug paandar mura kog buang murag ako na nuoy naay sala! Hadlok man gud siyag porma ug mag seryoso kay straight gyd nimo motan-aw dili ra ba magtingog murag nigduol kaliton rag tang² imong ulo.  Nipasirit ko ug padagan uy pero! Nasiga akong mata pagtan-aw nako sa side mirror nagsunod nako si Denver nag dagan! Jusko! Ako nuoy nakulbaan kay murag kusog pa siya modagan sa motor! Feel nako gigukod gyd ko ni Berdugo sa laing rason. Gusto pa  kong mabuhi ! Dili pud ko kapakusog kay rough road mabalintong palang ko. Naabtan gyd ko niya kay wala ko kapakusog ug kontra pa ko niya hagbay ra kong ni byahe padung langit.

Si Denver while murag nag jogging..

Denver: " hunong sa! " 

Me: " ambot nimo! Pagdagan pauli! " 

Denver: " arsahon man na nakong motor ron! " 

Me: " ARSAHAAA!! " 

Nakurat kog maayo kay niharang man na si Denver sa akong atubangan nakasinggit ko kay mabanggaan nako siya. Wa gyd siya molihok bisag gamay nakaliko ko gamay pero nag-abot gyd iyang kilid ug ang motor hinay man nuoy padagan pero natingala ko kay nikalit ug katumba nga murag nakuyapan!

Me: " Hoy buang! Hinay ra gani to! " 

Pero wa gyd nilihok na flat ug kalit sa yuta nga murag nabanggaan ug 10 wheelers. Nakuyawan pud kog naunsa na kay nakainom baya to so nidali kog naog sa motor kay tan-awon nako siya pwerte pud nakong kurata kay nikalit mag bangon! What the pak?! Abi kog nahimo siyang zombie! Kay nikalit ramag tindog murag nabuang! Nibangon ramag kalit ug niadto sa akong motor ug nisakay siya nay nag drive! Imbes kay nasuko kog maayo pwerte nakong katawa nga mura kog gigitik gyd. 

Denver: " unya sige ra kag katawa ana, di ta manguli? " 

Me: " naunsa man gud ka? " 

Denver: " di man gud ka mohunong " 

Sige kog katawa nisakay, nawala nuon akong kalagot ug kahadlok (haha) pero hinay kaayo nagpadagan!  murag naa mi gisundan nga porlon. 

Me: " moabot kaha ta rong tuiga sa balay? " 

Denver: " mag istorya sa ta " 

Me: " ug ihunong diay nimo! Sayang akong gasolina! " 

Denver: " wa man ka moingon " 

Lami gyd kaayo tuk-on ni si Denver, nihunong pud siya sa kilid sa karsada pero wala ko monaog, mura ramig dihay gihuwat. 

Me: " unya? " 

Denver: " dugay naman gud ko wala kainom " 

Me: " dugay tong TULO ka adlaw Denver?! " 

Denver: " duha raman to ka baso " 

Me: " abi ba nimo? Daghan ang namatay anang duha ra ka baso " 

Denver: " last nato " 

Me: " ESTORYAHE. " 

Gipasaylo nalang nako si Denver kay luoy kaayo murag ITOY! Kalami hapakon abi niyag karon pa ko nakaagi ug uyab. Gihatod ko niya sa balay kay maglakaw ra siya pauli, naglalis napud mi kay ihatod unta nako siya aron dili maglakaw. Di pud siya mosugot kay gabie na daw ko mag drive pero nag duda ko nga basig mohapit pag inom kay daghang panuway kay fiesta makurat nalang ko inig buntag  tua na siya sa prisohan nagsiga ang mata  kay nakakita napud ug rambol! So aron safe , sa balay nako siya gipatulog pero syempre sa sala nako siya gipatulog kay wala pa nahuman ang usa ka kwarto. 

Me: " ok ra ka diri? " 

Denver: " ok ra ganig way banig² " 

Me: " naa man pud koy kaluoy noh, panuhoton na imong likod anang semento " 

Kay dili pa man ko katolugon, diha pa ko sa sala nagtan-aw mig movie sa Netflix pero papansin gyd kaayo ni si Berdugo kay diha siya sa banig nag hukas  ug nag PUSH UPS! wa gud ko naka concentrate sa movie didto ko sa iyang lawas! Pero sa gitutukan nako ug maayo iyang likod ug dapit sa iyang mga tattoo daghag samad² ug marka!

Me: " naunsa man na imong likod? " 

Denver: " agi na nila  " 

Me: " sa mga ( ----- )?  o sa mga (----) ?

Pero wala na siya motingog..

Me: "  unya dili na lagi ka mobalik adto ? " 

Denver: " mobalik ug buwagan nimo " 

Nasikaran lagi nako ang ulo. Kamao kaayo modalig atik gyd! Nitug-an pud nako ani si Denver nga init kaayo siya sa iyang area aning panahona pero wala siya nisulti sa rason. Abi ko sa una ug permanente iyang plano nga mopuyo sa among lugar pero nagpabugnaw ra diay siya!  nakurat ko pagkahibalo nga naa pa gyd diay siyay plano nga mobalik naghuwat ra siyag go signal  wa ko kapugong gyd nihilak ko sa iyang atubangan. 

Me: " balik gyd! Kay mosunod gyd ko nimo, ako gyd ang motira nimo adto ba! " 

Denver: " moundang na bitaw ko pero kinahanglan pa gyd ko nga mobalik adto  naa ra koy ihatod  " 

Me: " unyag dili naka makabalik? " 

Denver: " aw duawon gud pud nimo akong patayng lawas adto" 

Me: " bahalag mabaho ka adto! " 

Napuno gyd nakog hapak ug kusi si Denver anang gabhiona kay aside sa wa siya motuman sa iyang saad nga dili moinom, nahibaw-an nakong kinahanglang mo balik pa siya sa iyang gigikanan pero wala gyd niya gitug-an nako kon unsay iyang ihatod ug rason sa iyang pagbalik sa dili pa siya moundang ug dili na gyd pakita adtong dapita. Nisalig nalang ko niya nga dugay pa daw siya mobalik ug sigurohon niyang linaw na sa maong area  ug makabalik siya nako  nga way tatsa. So ang resulta ana natulog ko uban niya sa sala! pero wala mi mag atras abante, up and down, in and out or  unsa pa dihang makapasingot nga steppings (haha).  Tulog ra gyd ug gakos pawala sa tugnaw, sayo lang ko nibangon kay basig maabtan ming Papa basig makamata nalang ming Denver nga gipangbitay naming duha. 

Naa pa gyd koy laing na diskobre ni Denver. Mini reunion to sa among batch sa highschool ug sa beach mi nag outing. Nananghid pa gani ko niya unya nisugot man pud. Layo to nga beach among giadto kay naa may van akong usa ka classmate ang uban nag motor pero wala ko magdala ug motor oy, wala pa ko niabot sa dagat naitom nako! Mga 2 hrs siguro ang byahe so layo² gyd. Dugay nako wala ka experience ug beach so bikini akong tirada. Nag 2 piece ko oy! Proud ko sa akong white nga kigol  (haha). Halos tanan man pud sa akong kauban nag bikini pwera lang adtong mga minyo na kay mauwaw siguro sa mga stretch marks (haha) but not me! Ni rampa gyd ko sa beach bahalag di kaayo perfect ug body basta flowless lang ug skin ug white ang kigol! Picture taking dayon nga pang Katrina Halili nga pose aron pang Instagram. Sa nagkaon nako sa among gidala nga foods mura kog natuk-an pagtan-aw nako sa may lubi diha si Denver nagsandig nagtan-aw nako! What the packing fish! Natuk-an gyd kog maayo kay nganong nitunga ra siyag kalit. Sa katingala nako giduol gyd nako siya basig naa ray parehas niyag pamarog pero siya gyd!  Memorize kaayo nako iyang lawas ug tinindogan. Naka cap naka  jacket pa  nag maong  ug ga sapatos naka shades pa! Diha pay scarf sa iyang liog nga murag gyd siyag rebelde nasaag sa beach (haha). 

Me: " hoy buang! Nganong niabot man ka diri! " 

Denver: " nganong ga panty raman 

 ka? "  

Me: " maayo gani kay ga panty pa ko! Nganong nisunod man ka?! " 

Denver: " wa man koy lingaw " 

Me: " wa kay trabaho? " 

Denver: " dihay nipuli nako, pag short adto mahubuan ka ana " 

Me: " maligo pa ko noh! kaon sa diri giunsa man nimo pagkatood ani? " 

Denver: " nagsunod man ko ninyo " 

What the pak gyd! Nakapangawot nalang ko sa akong kigol ug wala sa oras. Gi kanchawan nuon ko sa akong mga kauban kay giapas lagi daw kog bana! Napungot pa gyd ko kay gipugos kog pa short ni Denver kay kita daw ang angay di makita, igo ra wahingon makita ng kalangitan (haha). Imbes kay proud kaayo ko sa akong white kigol gipa short nuon ko! Nag short nalang pud tawon ko pero pag-ingon niyag pag t-shirt gilambosan nako siyag towel! Proud kaayo ko sa akong bulubundokin noh! Daghan ng nag mountain climbing ani (haha, pero virgin pa inyong ate ani). 

Kay naa man si Denver wala nalang ko nakig-uban sa akong mga ka batch nga nangaligo. Kauban nako si Denver nagpalayo mi nila. Sa naglakaw nako padung sa lawom...

Denver: " ani ra ta " 

Me: " ha? Mabaw pa kaayo ! Taga tuhod ra!  " 

Denver: " di ko kahibalo molangoy " 

What the pak again?! Murag malomos gyd kog katawa pagkahibalo nakong dili diay siya kahibalo molangoy. Delikado iyang trabaho pero dili kahibalo molangoy! Unsaon nalag kinahanglan siyang moambak sa mga sapa o mga falls  kay gigukod! Magdala² siguro siyag container pang salbabida. Nabuang gyd kog kinatawa nga naghuna² nga mag dala² ug container si Berdugo nig ambak kay dili kahibalo molangoy! (Haha). Ilabay siyag lawod mao ra iyang kamatyan! Matud pa niya, wala siya naanad sa dagat kay sa kalasangan siya naanad. Wa man daw falls nga lawom adto. Taong gubat jpeg!   So didto ra tawon mi nag-ubog² sa taga tuhod nga tubig mura mig mga senior citizen kulang nalang mag dala² mig kabo.

Daghan pa gyd ang wala nako mahibal-an kang Denver mao nga naningkamot gyd ko nga mogawas ang tanan niyang tinagoan! Kay daghan kaayo siyag sekreto nga gitago ug dili nature niya nga mosulti ug bisan unsa. Bisan ako nga uyab daghan pa gyd nga walay nahibaloan niya kay ingon niya maayo pa daw nga wala koy mahibaloan, pero ako! Nga curious lagi nga pagkatawo  Marites kaayo! So ako ang ni discover.

But dili lang nako e-detail ug maayo kay malunggoan tag mga ulo! 

Dihay time nga nakatulog napud siya sa balay kay kusog kaayo ug ulan wala na nako paulia. Sa kwarto ko natulog ug nakamata ko mga around 1 am kay mag cr pagtan-aw nako ni Denver sa sala kuyaw natulog kay NAGLINGKOD! Kaingon kog naglingkod ra gyd siya pero pagduol nako niya naghagok pa! Bantog rang niingon nga bahalag walay banig kay maglingkod diay siya matulog! What the pak again?!  Gitud nakog gamay aron matumba pero mura namag estatwa kagahi! Gisagpa pa bitaw nako kay nahadlok ko nagtan-aw niya pero hapit pud ko malamba sa lingkoranan kay iya  kong giwakli! Sakit kaayo akong bukton! 

Me: " pinisti ning kalakiha! Patyon ko nimo Denver?!  " 

Denver: " nganong niabot man ka ani? "

Me: " syempre! Amo ning balay?! Ikaw? Nganong naa man ka diri?! "  

Sakit kaayo akong bukton nga murag dili na maisa. Mamatay pud tang wala sa oras! hadlok kaayo ug moduol aning Denver ug tulog kaayo kay mangarate man dayon!  Tingala ko kay wala man to siya naglingkod natulog nga diha ko sa iyang tapad, naghigda man siya ato! 

Matud niya.. 

Denver: " naanad nako sa among (--- ) komportable pud ko " 

Me: " komportable ka maglingkod?! Mura kag si Buddha!  Naghigda man lagi ka pagniagi? " 

Denver: " naa man ka naggakos " 

Unsang klaseha nga tawo ang komportable matulog nga maglingkod?! Usa ra akong maingon, 

What the pak is happening to this world?

 Gipahigda gyd nako siya oy! Murag buang, maglingkod matulog naa man untay tarong higdaanan unsa nalang kaha ug naay kauban niya matulog  matingala nganong naay Buddha nasaag! Diri ni sink in sa akoa nga lahi gyd ang kaagi ni Denver sa una nga maglisod na siyag wala kumbaga na habit na niya. Maong gibantayan gyd nakog maayo iyang mga lihok ug didto pud ko nakamatikod nga ug daghang tawo dili mahiluna iyang mata. Murag tanang tawo iyang analisahon ug unsay gihunahuna. Mahadlok ko basig maaan nuon siyag naay daotang gihunahuna! (Haha) 

  kanang iyang usahay nga panigarilyo perme  mi maglalis ana! Kay makadaot lagi na niya bisag mopalayo pa na siya nako ug manigarilyo  masungot ko magtan-aw. 

Me: " hunong na lagi ng imong sigarilyo! Na tusta na imong baga ana " 

Denver: " dili man kanunay "

Me: " ug undangon diay na nimo? " 

Denver: " parte na ni sa akong

 kinabuhi " 

Me: " unsa may makuha nimo ana? Sakit ra! " 

Denver: " mawala akong kakulba, pampakalma ni nako "

Di gyd parehas si Denver sa uban gyd nga kada adlaw mag sigarilyo nga pila ka buok mahurot sa usa ka adlaw. Sa 1 week manigarilyo ra siya duha o tulo ka stick. Mao bitaw natingala ko sa adtong unang kiss namo nga dili siya bahog baba, wa siyay mga lungag for your information kay gi pa nga² na siya nako ug gi check up ug naa bay daot nga ngipon all clear! (haha). Di parehas sa uban nga nanga itom na tong mga ngipon . Stress reliever ra daw na niya mao nga gipasagdaan nalaman nako siya sa iyang panigarilyo pero dili gyd mawala nga masungot ko magtan-aw kanang mag buhot² siyag sigarilyo while sigeg gunit² ug manok. Sugarol kaayo ug porma ambot nalang. 

Usahay motukar ang pagkamadudahon natong mga babae sa atong mga partner. Natural na man gyd nato nga dali magduda mao nga usahay makahunahuna ko ug basig naay gibilin nga pamilya ni si Denver sa Mindanao unya nahimo nuon kong kabit. What the pak gyd! Walay social media si Denver gam-an unta nako bisag lahi ra nga name gamiton pero dili siya mosugot mag-apload gani ug photos sa akong social media nga naa siya dili gani mosugot! Wala nalang nako pug-sa kay basig modugo (haha). Maong Target gyd nako ang cellphone ni Denver nga dili niya ibuwag bisag asa bisan mag cr pa siya dad-on gyd na niya! Makaduda gyd kaayo dili ba? Wala pa gyd ko makagunit sukad² anang iyang cellphone nga de keypad! Yes!

 De- Keypad  pa na iyang cellphone! dili daw siyag touch screen kay wala siya maanad maong sobra ka jejemon kanunay iyang mga text. Napul-an gyd kog sabot sa kinaunhan niyang text nga " 8 n k? " Eat na ka,  diay to!  Mag labad paman gyd  una imong utok unsa na iyang text kay dili na uso jejemon karon. Panahon pang Salbakuta ang mga jejemon unta. So giplano gyd nako nga ukoyon ang cellphone ni Denver unsay sulod nganong dili niya mabulag! Nanan-aw mig Netflix sa sala adto unya gipahigda nako siya sa akong paa unya gihapohap dayon nako ang buhok aron makatulog! Gitan-aw gyd nako ug asa ibutang ang cellphone niya ug swerte kaayo kay gibutang raman niya sa iyang kilid. Pagkatulog niya attack dretso! Kuyawan pa ko kay with sounds pa man ang iyang keypad ug pindoton! So one at a time, dili sunod² akong pindot, tagaktak akong singot gud. Gipuga gyd kaayo nako ang speaker sa iyang cellphone aron dili madungog ug mapindot (haha). Paita lisoda man diay kaayo ning mangespeya ta! Ditso ko sa iyang inbox, pag-open.. EMPTY! Lami gyd kaayo ibunal ang cellphone ni Denver sa iyang nawong (haha). Sunod sa send items.. EMPTY gihapon! Murag maupos gyd akong pasensya bisan sa outbox ug bisan sa drafts walay sulod! Nakadung napud ko sa iyang call history, empty gyd tanan bisag contacts EMPTY! bisan akong number wala gyd! Grabe kaayo memorize niya akong number! Nakurat pa kog maayo kay nikalit man nag tingog kay naay message maayo kay nasap-ongan gyd nako ang speaker. Gibasa dayon nako kay basig mao na ni ang asawa ni Denver. Ug naglibog ko sa pag ka jejemon ni Denver samot na ang ni text! Wa koy nasabtan bisag magamay nga word bisag unsaon di gyd nako ma translate, mga jejemon fanatic kaayo! Gusto gyd nako nga masabtan maong gipuga gyd nako akong utok aron masabtan ang jejemon message. Pero hapit gyd ko atakeha kay nitingog man nag kalit si Denver ganina ra diay siya nagmata ug nagbantay nako.

Denver: " ug mangokoy gani siguroha nga dili masakpan " 

Me: " ah  " 

Abi kog masuko gikataw-an raman pud ko niya. Unsa man puy makita nako sa iyang cellphone nga puros man Empty! 

Wala nalang ko nangutana kon nganong empty tanan ang sulod sa iyang cellphone ug gi erase nalang nako sa akong huna² nga naay pamilya si Denver. 

Hangtod sa niabot gyd mi ug 

1 year ni Denver getting stronger gihapon mi bisag usahay manggilalis Dili man gyd na mawala sa relationship pero bisan pag unsa ka grabe inyong away at the end of the day kon love gyd nimo dili gyd ka mahiluna ug dili mo mag-uli. 

Anniversary namo diha ra ko nakadawat ug TINUOD nga bulak gikan niya. Nakurat nalang ko nga nidung siya sa akong lechonan nagdala ug flowers. Bouquet of roses pa na! Wag ka! Mahal baya na! (Haha) Gi check gyd nako ug dili ba plastic , kay ipakaon gyd nako niya ug plastic pa to. Panagsa ra ta matagaan ug flowers unya plastic pa gyd unya ga pa gwapo ug taman ang buang nagsapatos pa! Murag mo attend ug bunyag! Pero bahala na basta tinood na akong flowers but! 

ang happy anniversary namo nahimong bloody anniversary! 

 Nanglaag mi ni Denver adto pagka hapon kay anniversary lagi namo nagmotor ra ming duha. Kusog nag padagan si Denver adto kay naabtan mig kusog nga uwan unya walay kasilongan. Diha may nikalit ug overtake namo nga motor  wala magtan-aw nga dihay van sa pikas linya nga kusog pud kaayo. Nasinggit gyd ko kay siguradong maapil gyd mi. Abi kog na ok ra kay wala raman naabti sa van ang motor kay kusog pud nipadagan ug nakabalik ra sa linya ang nakamaot kay natarantar diay tong driver wala nuon nakapanimbang ug natumba sa unahan namo. Nakapiyong nalang ko ug nibangga gyd mi sa nag-una nga motor natumba pud ming Denver! Mura gyd ming mga lata nga nangatumba ug nangaligid Una gyd nakong na feel ang kasakit sa akong tuhod ug bukton ug akong likod, nakatabang gyd nga naka  helmet mi wala nabuak among mga ulo. Kay ulan lagi kaayo mura mig nagpa slide sa kalsada! Mayra nga  alisto nakabira nako si Denver kay ma bangga gyd ko sa may poste. Nakaingon nalang kog buhi pa  ba ko? Wala gyd ko kabangon dayon kay ag si Denver dili man akoy giuna ug patindog! Ang driver man sa motor  iyang giuna ug gikulata! Nakabangon lagi kog ahat bisag sakit kaayo akong tuhod kay nasamad gyd. Nahadlok pa ko sa driver kay niwang raba! Unya gi ayo² ni Denver ug sumbag naumod gud ang driver nga nagkadugo pa gikan sa pagkatumba niya sa motor. Dihay nay nanghunong ug gipugngan si Denver mura na gyd siyag makapatay kulang nalang iyang ilambos ang driver mura siyag leon nga nasuko kay giilogan ug pagkaon. Wa na gyd ko kasangpit niya nga kalmahon iyang utok kay duha² na pud akong panan-aw  sakit na kaayo akong mga samad unya ulan kaayo.  

Ni landing gyd mi sa hospital! Naka jacket man ko pero naka shorts pud maong akong flowless nga skin nahimong ng rough road! Ug dili pa tungod sa ulan nabagnos gyd ug taman² akong tuhod. Si Denver wala ra kaayo injury pero ang driver nga gikulata nag paadmit! Ug gi reklamo pa gyd si Denver kay gikulata siya.  Pangayoan bitaw ug lisensya nahilom .Kay wala man diay lisensya ang panuway , maayo ra pud nga gikulata.  What  a Happy Anniversary! Ayo pag nagbiko nalang ko sa balay wala unta nadaot akong flowless skin ug wala ma damage akong motor.

Sa 1 year namong Denver nitaas gyd akong pasensya. Unsa nalang kaha ug parehas mi mubo ug pasensya dili gyd mi magdugay. Mosabot nalang ko nga ing-ana gyd siyang pagkatawo ang ako lang mahimo ang pagkontrol niya nga dili mo sobra. Ug bisag naa siyay mga sekreto nga dili niya pwede nga ma share sa akoa dili na gyd ko molapas sa linya ug mag sukit² niya aron kampante siya nga kasaligan ko niya. Maghuwat ra ko ug naa siyay isulti. Kay nakasabot ko nga naa siyay mga impormasyon nga kinahanglan niyang itago ug dad-on hangtod sa iyang lubnganan. Usahay mabantayan nako nga lawom kaayo siyag huna² dili nalang ko magtingog ug hatagan nalang na ko  siyag kape (no.1 favorite ni Berdugo ang kapeng Nescafe 3n1)   ug ipabati niya nga naa siyay masaligan ug kasandigan. Kahibalo ko nga dili basta² mosalig si Denver ug tawo.

Kanunay gyd moanha si Denver sa amoa dili mahuman ang adlaw ug dili siya makaanha nako pero sa 1 week straight nga wala siya nianha nakulbaan nako. Mutawag man lang siya nako ug moingon nga naa lang siyay gibuhat importante.  Gusto kong mangutana gyd! Pero gipugngan nalang gyd nako akong baba nga dili mobuka ug maghuwat lang gyd  nga siya ang moingon ug unsay iyang mga gibuhat. Sukad² pud wala gyd ko makasaka anang balay nga giabangan ni Denver. Lami lagi kaayo magpatudlo sa mga akyat bahay ug unsaon pagsaka ug balay aron okoyon nako ug unsay naa sa sulod pero nagpugong lang gyd ko kay uyab pa  mi wala pa kaayo koy rights sa tanan niyang ginahimo. Hulat² lang ko kon kanus-a siya mohangyo ug kasal  kay ako  gyud unahog raid iyang balay una ko mosugot! Gitagoan palang niya iyang asawa  ana (haha).

1 week wala mi nagkita ni Denver gimingaw nako kaayo niya ug sa iyang mga gakos nga hugot kaayo(char!). Nakadagan gyd kog maayo pagkakita nako niya sa among nataran nga naggunit ug manok ni Papa! Gibalibag gyd nakong manok nigakus  gyd ko niya bahala ang manok ug makabuhi. Lami tuk-on kay gimingaw pa siya mga hiniktan kontra nako! 

Me: " dis-a man ka gikan?! " 

Denver: " dinhi ra gud wa man ko molakaw diha ra koy gibuhat " 

Me: " basig niadto ka sa imong asawa Denver?! " 

Denver: " maglabad naman gani akong ulo nimo mangita pa kog laing bae? " 

Ug wala lang ko niya mingawa, ako gyung ihikot sa iyang liog ang hikot sa manok. Kay 1 week wala magkita diha nako siya gipatulog sa balay ug nag plano ko ani nga akiton si Denver kay gusto nakong magapos na siya nako aron magunitan  na gyd na ko siya sa liog. Pagkatulog ni Papa, move na dayon sa akong mission ang mapaluhod si Berdugo. Sayang lang akong tiil kay klaro pang mga samad sa disgrasya, na damage gyd akong skin but nevermind! The mission must go on! Nagsuot gyd kog nighties  nga sexy kaayo gi order pa nako ug Lazada! Nag lotion ug spray ug naligo ug Victoria's secret nga perfume and then pak! I'm so ready for some action.

Nakabangon gud si Denver pagkakita nako, naghigda naman to siya. Siga uroy  kaayog mata! Pero gipalaway pa nakong buang nilabay ra ko niya nidung kog kusina kay niinom pa kog tubig gikulbaan pud baya ko pero sa ngalan ng Pag-ibig hahamakin  ko ang lahat. Nibalik napud ko sa sala naglingkod gihapon si Denver nag problema ng nawong. Diha man koy nakita nga nahulog nga dahon sa tanom akong gipunit, pina slow mo ug pina sexy nga pagpunit ug dahon ug pina flip sa side ang hair  nag-atubang ni Denver aron ma emphasize ang hamis nga bukton ug liog. Kay nagduko man ko nakita gyd tong akong mga bulubundukin. 

Denver: " hoy "

Me: " what? " ( pina sweet kaayog tingog )

Denver: " naunsa man ka diha? " 

Me: " wala? Nagpunit ug sagbot " 

Denver: " pag-ilis ra gud adto, mura kag buring " 

Me: " unsa?! " 

Denver: " buring gud, kanang mag sayaw² sa bar , pag-ilis adto " 

 Mura gyd  kog gituslo sa init kaayo nga tubig. Naibot gyd nako ang snake plant ug nabalibag nakong Denver nga naa pay mga yuta nanglupad! Nisulod pa ang uban sa iyang baba kay naka nga² man ang buang kay nakuratan.  Mura daw kog buring, what the pak?! Todo effort nako unya naingnan lang tag murag buring! 

Me: " nakagamit kag buring Denver?! Tug-ag tarong!! " 

Denver: " wa oy! Nakakita ra  " 

Ayo kay nakapugong pa ko sa akong kaugalingon ug wala nako maibot ang ulo ni Berdugo! Nahuman akong gabie nga naghilak sa kwarto ug si Denver sigeg panghinlo sa sala kay murag giagian ug bagyo. Sakit kaayo akong  heart sa iyang giingon ug nauwaw kaayo ko! Wala gyd nako siya tingogi pagbuntag lami kaayo mangambras ug nawong. Sige  siyag pangayo nako ug sorry ug sigeg explain nga dili angay magsuot ug ing-adto kay basig naa napuy mosulod sa balay ug makit-an ko ug ma rape. Lami kaayo iligo niya ang init kaayo niyang kape! Lami kaayo singhagan ug "  gisuot to nako para nimo aron motindog ng imong armas! " pero gitak-om nalang nako akong baba kay another embarrassing moment napud ang mahitabo! Wala gyuy nahitabo namong Denver wala napud ko nisuway sa operation palodhon si Berdugo kay uwaw na kaayo ug dili na gyd ko moutro adto. SWEAR TO GOD!

After a month kaingon kog kauban ko nga mag celebrate si Denver sa iyang birthday but nakurat, nalibog ug nahadlok ko sa usa ka adlaw nga gibinlan ra ko ug sulat ni Denver ug nikalit ra siyag kawala. First word palang sa iyang sulat sakit na kaayo akong dughan ug every word sa iyang sulat murag mga dagom nga sigeg tusok sa akong kasing². Gisulat gyd niya nga kompleto ang mga words ug klaro gyd nga akong masabtan. Gisulat niya nga sa year and a half nga nahimong kami iyang kalipay walay sama. Kadto pa daw siya nakakita ug babae nga sama nako nga dawat siya ug unsay iyang kagikan ug binuhatan ug wala mo judge niya. Pero niabot na gyd ang adlaw nga kinahanglan niyang atubangon ang iyang gibiyaan. Nagpasalamat siya nako nga giparamdam namo niya nga naa siyay pamilya ug nangayo ug pasaylo nga dili niya mahatag nako ang akong gusto nga naay mahitabo namo kay dili siya gustong mabug-atan ko ug molakaw na siya ug wala siya mananghid nako kay dili niya kaya nga moingon nako sa personal nga molakaw na siya. Naghilak ko nagbasa sa iyang sulat kay walay hope nga akong makita nga mobalik pa siya nako puros tanan pasalamat ug pasaylo. 

Wala na siya nako na contact bisan iyang mga paryente wala kahibalo ug asa siya. Gidung gyd nako ang balay nga giabangan ni Denver ug nihangyo sa tag-iya nga motan-aw ra ko sa sulod pero pagsulod nako nibakho nalang ko naghilak kay nakita nako ang  mga 

gi- sketch ni Denver sa mga nahitabo namong duha. Sa nag bantay ko sa tindahan, first date namo sa kadtong gisugot nako siya ,sa nag picture ko sa beach nga nag bikini ko , Christmas, new year, birthday nako , anniversary namo bisan sa pag-akit nako niya gi sketch niya akong porma!  Ang mga gi sketch  niya  mao ray nahibilin sa balay nga puros about nako. Walay nay laing gamit niya nga nagpabilin. Mura kog gipatay sa kasakit ug kamingaw niya. Gi yawa² gyd nako si Denver sa akong huna² di gyd nako siya pasayloon ug di siya mobalik nako.

Nisalig nalang ko sa giingon ni Denver nako nga mobalik siya nga way tatsa. Ug wala gyd ko masayop! Human sa tulo ka bulan nakita nalang nako si Denver naglingkod sa among sala nagdalag bag niya  ug buwak. Taas napud iyang buhok ug bungot! 

Denver: " naniwang man lagi ka? " 

Gibunlot gyd nakog taman iyang buhok nga kag² napod! Bisag sige kog hilak  sige rag katawa si Denver. Apil iyang bungot akong gibira kay aron mabati gyd niya ang kasakit adtong gibiyaan ko niya!

Niingon kog 2 parts ra akong Confession maong anhi na siguro ko taman. Taas naman kaayo  ug daghan ng costumer  (haha). Arigatou!