"SOMEBODY OUT THERE"

Gwapa? Check. Utokan? Check.

Buotan? Sobra kayo jud.

Masinabtanon? Sobra sobra, manobra pa. Supportive? Tanang bisyo, tanang dula suportado ko niya.

Dili ko kabalo unsaon nako ni pag sugod. Wala ko kabalo asa ko mag sugod ug saysay sa inyoha sakoang istorya. Dili lalim, dili dali na buhian siya ug ihatag ug makita siya sa lain na malipayon. Bug-at kayo siya sakoang kasing-kasing, pero naay rason ang tanan.

Sugodon nato kung asa mi nag sugod ug kaila. Way back 2014, classmate mi sa isa ka subject sa school sa Davao (di nalang nako iistorya kung unsa na school). 3rd year college mi nag ka classmate second sem. Bugoy jud ko sa una, maong naabot ko sa Davao na taga Cebu raman unta ko, naki puyo rako sakoang Antie sa Davao. Tanang bisyo nasudlan na nako, tanang sugal, tanan-tanan. Gikan sa dili maayo na mga butang . Nagka classmatemi tungod irregular student ko. Talagsa rako musulod sa klase kay wala lage direksyon akong kinabuhi.

Nailhan nako si Faye (pangalan palang buotan na) tungod kay perme siya naa ra sa daplin dili kayo siya musabay sa uso, dili siya naga sabay sa mga babaeng kiaton samoang classroom. Siya tung babae na hilomon, pero dinha na nimo mailhan na utokan siya pag abot ug long exam ug quizzes. Sa kadugay na curious naman hinuon ko sa iyaha kay nganong wala siya naga sabay sa mga gimik.

December 2014, nay event among school. Isa jud to ka semana na event, choice nimo ang muadto or dili. First 3 days wala jud ko ning tungha sa skwelahan kay kapoy lage, mas pillion pa nako ang mag dula ug mag sigeg inom. Pero wala sad ko kabalo nganong pagka 4th day sa event ning adto ko skwelahan. Didto nakit-an nako siya, dili jud nako malimtan unsa iyahang suot na naka kuha jud sakoang attention. White dress tapos white shoes then nag pony tail lang siya. Simple ra kayo siyag suot pero asta jud niyang gwapaha.

Tuod man, na amin nako sakoang kaugalingon na gusto nako siya. Pero wala rasad nako to gi mind. Pila ka semana giduol ko sakoang barkada tapos kani iyahang giingon “Part, sige naman lage kag sulod run? Usahay nalang ka musabay sa tapok.”

“Part! Wala naman lage kay gunit gunit ug sigarilyo run part. Abi ba nako everyday is a yosi day.”

Didto ko naka ingon nag bag-o ko, nag bag-o ko tungod kay naa nakoy nakita na tama sakoang kaugalingon --- mao to si Faye. Wala siyay uyab pero daghan naga panguyab sa iyaha pero wala niya gina sugot.

February 2015, nagpabaga najud kog nawng gi ingnan nako iyahang close friend na pwede ba nako ma istorya si Faye. Ning sugot raman sad iyahang amiga. Hangtod sa nag sabot nami na magkita mi sa SM City, didto radaw mi mag storya.

Naabot na ang adlaw na magkita mi, ang sabot namo alas 3:00 sa hapon pero alas 2:00 palang naa nako didto, excited ko na nakulbaan. Nakit-an nako siya na simple ra kayo layo rajud kayo siya sa ubang babae, nag kita mi na nag pantalon, nag tshirt ug nag sandal ra siya (kanang murag flat na sandal?). Simple raman kaayo akong pangandoy sa kinabuhi oy. Naulaw ko samoang first kita, wala kaayo ko naka tingog.

Pero gipangutana nako siya, “Nganong ning sugot man ka Faye na magkita sakoa? Diba kalat man sa skwelahan kung unsa ko ka bugoy?”

Ana lang siya sakoa na, “Naa man siguro rason nganong nakigkita ka nako, nganong gusto ko nimo istoryahon. Unsa diay rason?”

Kulbaa nako oy. Dugay kaayo ko katingog pero ako siyang gi sultian sa tinuod “Dugay nako naka gusto sa imo Faye, dugay nasad tika gusto istoryahon pero kabalo ko na busy ka na tao ug basig dili nimo hatagan ug importansya akong pag invite sa imoha.”

Ning katawa siya, gikataw-an ra niya akong tubag. Ngano daw ing-ana akong tan-aw sa iyaha.

“Kev, sa tanang tao na nag try ug panguyab sa akoa, ikaw rajud ang nalahi. Given na ang maldito ka, bad boy looks ha. (ning smile siya) naay bisyo, kusog manigarilyo, kusog mu inom, wala pa pud ko kabalo sa uban nimong ginabuhat. Pero ikaw rasad ang lalaki na wala nagpaka aron ingnon sakoang atubangan. Kung unsa imong batasan sa imong barkada, mao sad ang batasan na imohang gipakita sakoa. Then that’s what makes you different from them. Gipakita nimo kung unsa ug kinsa jud ka.”

Wala ko katingog, wala ko kabalo na kabantay diay siya sakoang mga batasan. Gibisita nako siya sa ilahang balay aron ma pormal akoang pagpanguyab sa iyaha, permero nakong adto ma feel jud nako na dili boto iyahang ginikanan sakoa, tungod kay naa sad silay nadunggan na istorya samoang skwelahan. Pero wala ko nag give up, gi prove nako na maayo akong tumong sa ilahang anak.

Fast forward July 2015, iyaha nakong gisugot sabay sa iyahang birthday. Nadawat nako kadugayan sa iyahang pamilya, close na nako iyahang mama ug papa. Bisan paman sa iyahang mga ig-agaw, siya raman gud usa maong pinangga kaayo. Smooth sailing paman amoang relasyon hangtod naka graduate mi April 2016. Nag take dayon ug board exam si Faye samantalang ako nag trabaho lang sa. Naa paman koy bisyo pero wala jud koy nadungog na istorya sa iyaha. Naga yosi ko pero tagsa nalang inig kanang stress nalang ko sa trabaho. Never siya nag yawyaw, never siya nag istorya ug makasakit sakoa. Pero ako makabuhi kog istorya sa iyaha na wala nako tuoya. Maka istorya kung makasakit na butang na unta dili na dapat, wala jud koy nadungog na reklamo, wala koy nadungog na istorya. Ginapasaylo ko niya dayon, tapos ma okay na dayon mi. Mao niy kabiliban nako kay Faye, sobra siya kabuotan.

March 2017, ning uli kog Cebu gisabay nako siya kay gimingaw nasad akoang pamilya sa iyaha. Nag bonding mi, nang laag tanan amoang gibuhat pero one time samtang nag sabay mi sakoang igsoon (Mark) tingala nalang ko nganong nag lain akoang paminaw, nag lain akong panan-aw pero wala ra nako gi mind. Ning uli mi sa balay na okay lang, gi dala2 nako tung akong gibati. Hangtod nag April, nagpabilin sakog Cebu kay nang hangyo akoang mama na ako sa ang muatiman sa amoang motor parts, ning uli si Faye sa Davao kay didto man siya nag work. Hangtod sa tingala nalang ko after nako maligo maibot na akoang buhok, dali rako malipong, mulain na akoang panan-aw. Dili ko dayon mag conclude kay basig stress lang ko maong wala ra nako gi mind. Gipasagdaan ra nako, wala ko nagpahibalo kay mama na naa koy ginabati.

Ning balik kog Davao na wala sila kabalo unsa akoang ginabati, ginapakita nako sa ilaha na malipayon ko, wala koy problema ug labaw sa tanan gipakita nako kay Faye na okay lang ang tanan. Kulbaan ko kay nag sige nag ask si Faye na unsa ko, nganong nag pa opaw daw ko, unsa daw problema. Pero sige rasad kog ingon na okay lang ko, sabay sa uso raning pa opaw nako.

November 2017, nag out of town ang pamilya ni Faye 3 weeks sila sa Canada so ako ning uli sakog Cebu, wala nako kasabot sakoang gina bati. Wala jud ko kaagi ug pa opaw pero sukad na nag sige nag lagas akoang buhok naga pa opaw nalang jud ko kay di ko gusto mabalaka si Faye. Grabe na akong pang luspad, grabe na akoang kaluya. Hangtod sa nag desisyon na si mama na mag pa check-up mi. After 2 days gikan samoang check-up ning balik mig hospital, una nag storyahanay si mama ug ang doctor tingala nalang ko pag gawas ni mama ning kalit lang siyag gakos sakoa na perti niyang hilaka. Nahibulong ko, nag duda najud ko pero gusto ko na ma confirm, gusto nako namag gikan jud sa Doctor. ‘Leukemia – stage 2’

Naluya ko, nakahilak ko dili kay naluoy ko sakoang kaugalingon kundili naluoy ko sakoang pamilya, kay Faye – sakoang pinangga. Naguol ko kay naga video call ming Faye, makita niya na luya ko. Maong gina buhat nako ang tanan na mapakita sa iyaha na okay lang ko, happy ko. Naa mi istoryahanay na naka paguot sakoang kasing-kasing .

“Love, inig uli nako planohan na nato atoang kasal ha? Gusto na nila mama makakita ug apo, dili man sad ko musugot na mag buntis ko na dili pata kasal.”

Guot kaayo akong dughan, nabalaka ko. Unsaon nako pagbuo ug pamilya na naa man koy ginabati. Gusto si Faye na kompletog pamilya, buo, parehas sa iyahang ginikanan na happy married life.

Pagkauli nila gikan Canada, wala ko dayon nagpakita nag rason lang ko na diri ko sa Cebu mag pasko ug mag New Year, wala man sad koy nadunggan na reklamo sakoang uyab. Gi sabot niya ko, gihatagan ko niyag panahon sakoang pamilya. Nag joke pa gani siya na “Sige love, hatagan tikag panahon sa imohang pamilya kay kung makasal nata gamay nalang man na time imohang mahatag sa imong family. Kay kami naman imohang pamilya, kauban imong anak.” Perti nakong hilak, sakit na kaayo.

March 2018, mao pani na time nakabalik kog Davao kay nagpa chemo sako kay gusto lage ko na makauban pa nakog madugay si Faye. Pag sundo niya sakoa sa airport perti nakong gakos sa iyaha, mingawon jud ko sa iyaha. Mingawon jud ko sa iyahang ka buotan, ka clingy, tanan tanan. Kada kita namo, ginapakita jud nako tanang gugma nako sa iyaha, gipakita nako tanang efforts, kay love kaayo nako si Faye. Until nangutana na siya sa plano samoang kasal, dugay na nako ning ginalikayan na topic, kay di ko gusto ko makasal siya sakoa na wala koy kasiguraduan dinhi sa kalibutan.

April 2018, mao na ning pinakasakit na bulan para sakoa—para samoa. Call me coward , pero wala ko ning sugot sa iyahang kasal na gina ingon.

Ana siya sakoa, “Love kung dili paka ready pwede paman nato ma postpone lang sa, dili man jud necessary na karon na tuig. Pwede man na hatagan lang sa natog apo si mama’g papa na di sa ta ma kasal.”

“Faye, dili nako. Kabalo ko unsa ka kaready sa responsibilidad isip usa ka asawa ug ma inahan puhon. Pero ako pa ang dili ready, dili pako ready ana na butang. Pasayloa ko kung dinhia nalang ta taman.”Pagka ugma nag booked dayon kog ticket pauli sa Cebu, nangatik ko. Nangatik ko sakoang ma asawa na unta na dili pa nako kaya ang responsibilidad. Nangatik ko na dili pa nako kaya ang magpaka amahan kung ma buntis man galing siya. Nangatik ko, tungod kay dili nako siya kayang byaan puhon na siya nalang usa. Dili nako kaya.

Naka huna-huna ko kung mapasakitan man nako si Faye karon, pag abot sa panahon mawala rana kung makakita siyag taong higugmaon siya, mawala rana kung dili na ako ang sulod sa iyahang dughan karon. Kesa man na byaan nako siya na nakatali sakoa. May 2018 ug June 2018 sige pakog contact ni faye, sige pa siyag message sakoa. Nagapakaluoy pero dili najud ko. Maluoy ko sa iyaha na maabot ang panahon na mawala ko dinhi.

Karon, guot kaayo akong dughan samtang nag type ko ani, luya najud kaayo ko pero mao siguro ni ang kambyo sa tanan ankong binuhatan sa una. Dili nako musugot na magpa chemo, dawat naman nako akong kapalaran. Dawat nasad nako na dinhia nalang ko taman. Ug malipayon nasad ko na nakita nakong malipayon akoang Faye, naa nay naga pa happy sa iyaha, na naa nay naga atiman sa iyaha. Maong akong title sakoang story kay “Somebody out there” kay ka relate jud kaayo ko ana na kanta. Dulot kaayo.

I know it takes time na mabasa ni ni Faye kay dili man to siya hilig mag basa ug confession but her cousins will.

Faye,

I love you so much. Walay duda, walay atik. Gipili nako na dili ka makabalo, gipili nako na itago sa imoha kay kabalo ko na pag makabalo ka mahugno sad imohang kalibutan. Enough na sakoa Faye na ako lang ang mag suffer. Enough na sakoa na ako lang ang maka feel ug pain.

I know it’s a bit late najud akoang sorry, pero pasayloa ko sa tanan --- gikan sa pagpangatik hangtod sa pagiging coward na mas gipili nako na ako lang ang makabalo. I know dili nako mag dugay dinhi, pero dili sad ko gusto mawala na bisan gamay wala ka kabalo sa rason. Gipa stop nakog communicate tanan nakong family sa imoha ky basig ma ingon nila. Maong ayaw kasuko sakoang manghod, sakoang mama ug papa.

Faye, my love. I know there will be somebody out there na higugmaon ka, ubanan ka sa tanan nimong ambisyon, tanang plano nimo sa kinabuhi. And I am so happy na nakita na nimo siya karon. Your dreams of having a family will be come true, not me being the husband but me being the guidance. Don’t worry love I will be guiding you both. I love you Faye.

To the man she will be love, 

Thank you.

Thank you for loving Faye endlessly. Wala kay problema ana sa iyaha. Buotan kaayo na, masinabtunon, suportado sad ka ana sa tanang butang. Ayaw lang pag yosi sa iyahang atubangan, ayaw siya pa imna ug flavoured beer na wala ka kay mukalit ranag hilak. Kung naa may panahon na wala na siya sa mood gusto lang na siya na mag road trip mo with Boyce Avenue music covers. Then food trip. Mabalik na dayon na iyahang mood.

Kung maabot man ang iyahang red days, please prepare one galloon of cookies and cream na ice cream then hot compress, she will be okay. Please take care and love also her baby cat – namely Primo. Palanggaa sama sa imong pag pangga sa iyaha. I know mas palanggaon ug higugmaon jud nimo siyag taman kesa sakoa.

Salamat.

Dinhia nalang kutob, 

Kevin

Cebu