Hello admin! I really like your page. Makalingaw magbasa2 sa love story ug confessions. Mao na encourage pud ko mag share sa akong love story. I don’t know if this will be a worth reading story. Our love story started when we were in college.
June 2005 (1st year college)- 1st day of school and there was this guy who was late and sat behind me. Napansin na nko siya kay tangkad, moreno, kandilaon ug kamot unya gwapohon. Pero nkaapan ky strikto ug seryoso kaayo ug murag way kalipay di kabaw mo smile. Ang ako opposite sa iya. Mubo, pution, tabian ug kulit ug immature. Kandilaon man pd kog kamot pero kadtong kandila sa birthday cake pud lagi. Hehe. Syempre kay social butterfly man ko so nagpailaila ko.
“Hi! (pina wide and friendly smile) ako diay si Roxanne. Unsay pangalan nimo?”
“Jhon” sabay kun-ot sa iyang agtang ug taas sa kilay.
“Oh okay! Nice to meet you!”. Ug gitaasan pud nako siyag kilay sabay talikod kay na offend ko sa iyang gestures. Nahuman ang first subject nga wala na gyud ko nilingi sa iya. The following days, I did not bother to talk to him ky basig ma snob na pud ko. After 1 week nibalhin kog lingkuranan kay feeling nako dili siya ganahan sa akoa kay sabaan ug tabian lagi kaayo ko. Kaisa giingnan ko niya. “Dili ka kapuyon sigeg istorya?” Ug “Grabe sabaa gyud nimo oi!”. Maulawan ko pirme kay sigeg pamuyag ug pangasaba nako.
Then isa ka adlaw while nagkaon mi sa canteen sabay mga classmates na boys ky sila na man akong na close sugod pa lang sa klase ug malingaw ug komportable pud ko nga kauban sila. Isa pa parehas pud sila nako mga walay buot. Haha. Sige kog joke2 nila ug sige mi pangatawa. Ni duol siya sa among table ug ni join sa amoa ug kay bakante man ang atbang nako didto siya nilingkod. Ni hilom ko kay di na man ko komportable while sila padayon ug joke2.While nag lakaw mi pabalik sa room nagpaulahi ko gamay sa may hagdan ug nagkasabay mi kay ang mga abnormal namo nga kauban nag lumbaanay man ug saka kung kinsay mas paspas nila ug nag birahanay. Basig maangin unya ko ug mahulog sa hagdanan. Maulawan ta. Hehe. Kalit ra siya niignon:
“Nasuko ka sa akoa?”
“Ha? Naa diay kay sala nako para masuko ko?”
“Nibalhin mn gud kag lingkuranan sa room unya ni kalit kag hilom ganiha sa canteen pag duol nko.”
Kay na shakira ko sa iyang giingon ug first time niya nkig istorya nko, nangatik na lang ko.
“Ha? Wala ra to oi. Dili pa man gud ta close mao hilom ra ko ganina. Ug ganahan lang gud ko molingkod dapit sa bintana. Ayaw kaayo pag overthink oi.” Pero ang tinuod lami kaayo ingnon “maka tagam man gud imong ka istrikto”.
“Ahh mao ba. Abi ko nasuko ka nako. Mingaw na man gud nga wala ka sa akong atubangan. Wala nay radyo sigeg istorya.” sabay ngisi. Wa ko kabalo ug maglagot ba ko o makatawa sa iyang tubag. Pero infairness gwapo kaayo siya pag smile niya. Maka melt ug heart. Miskin strikto siya dli jud nko ma deny nga attracted ko niya. Wala na ko ni tubag kay naabot na man mi sa room.
Mga pila ka adlaw natingala na lang ko kay nibalhin na pud siya ug lingkuranan. Naa na siya nag lingkod sa atubangan nako mao nangutana ko.
“Oi ngano naa man ka dinha? Si Dexter man naglingkod dinha.”
“Nisugot man siya na mag puli mi ug lingkuranan. Lami man gyud diay mo lingkod diri sa may bintana. Unya duol pa gyud sa radyo.” with sarcastic smile.
“Ai! Ambot nimo!” Hunahuna nako naa man yata ni siyay Bipolar disorder.
After ato siya na una mo tagad nako. Sige na pud ko ug joke2 hangtod na komportable na ko niya ug naga sabay na pud siya sa barkada.
FF: Second semester nagsugod na siya ug paramdam sa akoa, murag kalag. Hehe. Pero kay wala pa koy plano mag uyab2, ginabalewala lang nako ug ginapakita nako akong bully ug bad side para ma discourage siya nako. Labaw pa na kahibaw ko nga daghan na siyag nauyab. Sa akong hunahuna chickboy man diay ni siya oi. Well di man pud ikatingala kay gwapo man pud gyud siya.
August 2005, intrams sa school namo bale 1 week ang event. Kay required man nga naay apilan sa intrams, ni apil ko sa cheerdance. Pero tigbitbit ra gud kog props oi kanang kahoy2 lang sa daplin ba ug tigpa buto sa confetti. May na lang naay extra curicular activity kay apil ra ba sa grades namo. Kani laging wa tay talent. Hahaha. Sa school gym gi held ang competition that night ug nag text siya:
“Pwede ta mag istorya unya nga kita lang duha? Maghulat ko nimo sa waiting shed gawas sa school inig human sa cheerdance.”
Ang waiting shed kay medyo distansya sa skwelahan namo. Ang buing pa baklayon pa gyud kog layo. Miskin wala koy experience sa uyab2 dili man pud ko tantong tanga nga dili maka feel na mag confess siya labaw na kay sige na siyag paramdam (assuming kaayo ko.Hehe). So wala ko ni reply ug gi delete iya message. Akong hunahuna “bahalag tugkan kag tanglad hinulat nako, di gyud ko pailad nimo”. After sa event nanguli nami ug nagpa hatod ko sa akong isa ka barkada nga naay motor sa balay. Nakalimot na pud ko sa iyang text kay nalingaw nakog lantaw sa cheerdance.
Pagkaugma didto ko sa kiosk nag lingkod2 kauban ang uban classmates. Pag kita nko niya nka remember ko sa iyang text ug patay mali lang ko. Pinahinay siya niingon.
“Grabe wala man gyud ka ni sipot. Gilamok ko ug hinulat nimo gabii.”
Ug ang ako nga walay buot nitubag while nag suyop2 sa Zest-o juice: “Niingon diay ko na moadto ko? Sala nimo wala ka nagdala ug moskit ug katol.” Sabay katawa ug wa gyud na konsensya miskin gamay.
After ato purti na nakong likay sa iyaha. Naga dikit na pud ko sa mga classmate namo nga babae para dili siya makakita ug chance nga magka istorya mi.
Ug siya wala na pud nagtext o naga sabay kaayo sa barkada so abi nako na discourage na siya ug undangan nako niya. Pero sa last day sa intrams after sa awarding. Pa gawas nami sa gate sa skwelahan mga 6:30pm, nakita nako siya naghulat ug giingnan niya among mga barkada na siya mohatod nako. Kay dili ko gusto na matingala sila ngano mo balibad ko kay usually naga take turn man sila sa paghatod sa akoa sa balay so nisugot na lang ko. Gidala ko niya didto daplin sa baybay. Ang akong espirito mura nag mo bulag sa akong lawas sa kakulba. Kay advance kaayo akong utok, lain na akong hunahuna kay sa akong nahibaw-an daghan milagro mahitabo sa daplin sa baybay unya chickboy pa gyud akong kauban. Hehe. Akong hunahuna, e.kiss kaya ko niya? E.hug? o basig ma virginan ko. Mga santos dili pa ko ready! Pero kung mao na gyud ni ang akong kapalaran, dawaton ko na lang! Hahaha. Pero walay nahitabo nga milagro miskin kiss man lang. Hay makamahay! Waaa. Joke lang! Mao to na change gamay akong impression sa iya. Gentleman man pud diay ni siya gamay. Pero wala gihapon koy salig niya. So nagsugod na ang among heart-to-heart talk or confrontation bay tawag ato. Hehe.
Him: “Kabalo man siguro ka nga naa koy gusto nimo diba?” Seryoso kaayo siya.
Me: “Ambot lang uroy, niingon diay ka?” patay mali lang kay wa ko kahibaw unsay akong itubag.
Him: “Sa paminaw nimo naa ba koy chance?”
Me: “Ambot oi. Di ko sure.”
Him: “Katong first day pa lang sa school crush na tika mao bitaw nilingkod ko sa imong likod”
Me: “Atik nimo. Tipid gani kaayo kag tubag ato. Human gi kun-otan gani ko nimo ug agtang ug gitaasan ug kilay!”
Him: “Ha? Sorry wala nako tuyua. Na out of words man gud ko ato labaw na pag smile nimo ug pagpangutana sa akong pangalan.”
“Gisabaan pa man gani ka sa akoa kay di ko mo undang istorya sa akong tupad.”
“Nagpapansin ra man ko ato kay dili na man gud ka mo lingi ug mamansin sa akoa.”
Hmmmm.. Words of wisdom sa mga chickboy. Ilara ang butiki dong. Mga pila ka seconds nga kahilom bag-o siya ni istorya na pud.
“Dili pa man ulahi ang tanan. Pwede pa nako ma correct ang nahitabo atong adlawa. Ako diay si Jhon******, nice to meet you” with smiling face then nakipag shake hands siya nako. Nikatawa ra ko and we cleared up the air that night ug gamayng getting to know each other before mi nanguli.
So formal na siya nanguyab nako. Pero kaning barkada lagi mi dili kaayo halata nga nanguyab siya ug normal ra na makita nga sige siya ug sabay sa akoa. Pero napansin na sa among barkada iyang special treatment sa akoa mao gisungog siya pero iyang ingon “Alagaan nato dapat atong prinsesa oi.” Kay ako ra man babae nasagol lagi sa among magbarkada. Caring kaayo siya ug taas kaayo ug pasensya miskin bugay kaayo ko ug ginabully nako siya. Ginasakyan lang niya akong trip pirme. Hangtod sa na curious ko ug unsay feeling naay uyab. Akong hunahuna “na challenge ra siguro ni siya nga mapasugot ko” ug “sure ko dili ni siya mag seryoso nako so pwede ra ko magduladula niya.” So naka decide ko nga mag go with the flow na lang pud. I will just enjoy this special treatment from him coz I know it will not last long.
June 2006 (2nd year college)- Gisugot na nako siya pero sekreto ra ang tanan kay sungugan kaayo among mga barkada unya naa pud mi classmate na magkaila among mga mama basig mo hisgot unya. Strikto ra ba kaayo akong parents. Naa koy freedom mo laag pero limited ra pud ug pinaka bawal gyud ang mag uyab2 hangtod dili ko mkapasa sa board exam. So mahadlok ko makahibalo akong parents na naa koy uyab kay sigurado its either makaundang ko ug eskwela, mapatyan ko or ma opawan ko. Hehe. Ni sugot ra man pud siya sa among set up ug classmate ra man pud mi so pirme mi magkita.
Kung molaag mi most of the time kauban ra namo ang barkada para dili kaayo halata. Aware man akong parents nga halos puro lalaki akong barkada ug na meet na pud nila sila tanan apil siya. So safe ra kaayo mi. Ang among barkada wala pa nakabalo nga kami na kay maayo man kami ra duha makabalo para extra safe. Ganahan ra pud ko sa set-up namo kay thrilling ug challenging kayo. Smooth ra pud among relasyon. Walay away ug walay drama. Medyo na appreciate nko siya knowing nga willing siya mag sacrifice sa ingon ana nga set-up nga halos dili gani niya magunitan akong kamot in public or ginapugngan niya nga mag selos in front sa among friends labaw na ang uban amigo nako mag agbay2 or mag hug2 sa akoa miskin pag as friendly gestures ra or kanang ihatod ko nila sa balay. Mo smile ra siya pero I know deep inside dili siya okay. Exciting pud kaayo ang among kawat2 nga holding hands, kiss2 ug mga patago nga laag. Kung ihatod ko niya sa balay kay didto ra sa may kanto katong naay gulayan aron makamoment pa mi miskin kadali lang. Saksi gyud ang mga alugbati, talong, okra, tinangkong ug uban pang gulay didto sa among struggle. Hehe. Pero wala pa mi naabot anang full s*x kay mahadlok pa lagi ko, partial2 lang usa. Hehe. Honestly bilib kaayo ko sa iyang self-control ug respeto sa akoa. Usahay dili man gyud maiwasan nga magkalami na ang kiss ug miskin asa na maabot ang mga kamot pero dili gyud ko niya piliton kung mo ingon ko nga dili pwede. And as days goes by na develop na gamay akong feelings niya ug wala na nako namalayi after pila ka bulan na inlove nako niya. Ang akong mind set nga “magdula2 lang” medyo na seryoso na gamay. Our relationship was indeed so perfect at that time. Happy lang gyud pirme ug ingon ana among set-up for 1 year.
June 2007 (3rd year college)- nag start amoang clinicals. 3 days per week ang clinicals sa hospital pero dili mi ka grupo. Naay transferee ato nga time nganlan ug Jeffrey ug ka grupo namo siya. Friendly ug clingy kaayo ni si Jeffrey ug hilig pud sigeg joke. So magkasinabot gyud mi niya labaw na sa kabuang. Naga selos gyud kaayo siya aning tawhana labaw na dili nami magkauban pirme unya busy na kaayo mi sa pagbuhat ug case study ug uban pang mga labad nga nursing stuffs. So mas lesser na amoang time together. 3 days a week na lang mi magkita during lecture days. So kaning sekreto ra lagi among relasyon grabe na kaayo iyang insecurities labaw na sige pud to ug dikit si Jeffrey nako. Pero wala to siya nanguyab nko.
Naa pud toy kaisa nga na broken hearted among isa ka barkada kay nagbuwag sa iyang uyab kay nag cheat ang babae. Nihangyo to siya nga mag pretend ko nga gf niya to save his face ug para di siya maingnan nga loser. Kay barkada lagi ug luoy pud nisugot ko nga wala nananghid niya. Immature lagig utok ug inconsiderate kaayo. Hehe. So purti gyud niyang palaga kay nikalat na man sa school nga uyab mi atong barkada namo. Wala na siyay mahimo kay akoa man giingnan nga magbulag na lang mi kung sige ko niyag awayon. In short siya nag adjust ug walay nabuhat. Pero ang iyang mata mura makamatay sa katalinis ug tinutukan labaw na ug mohangyo to among barkada na mag holding hands daw mi o di kaya mo kalit ra ug agbay or hug sa akoa everytime magsugat mi sa iyang ex. After a month, naka move on na among barkada ug nakauyab n apud so humana akong role as fake gf. Then ni ingon siya.
Him: “Ayaw na nag utroha imong gibuhat ha kay dili lalim sigeg pugong2 sa kalagot.” With his serious face.
Me: “Okay!” Ug ni ngisi ra ko.
Ug sa wa damha naay sigeg padala nako ug love letter didto sa laing department. Usahay siya pay matunulan ky barkada lagi mi. Hahaha. So palag na pud kaayo siya. Unya kay dili lagi ko gusto mag lalis na pud mi kay kapoy kayo ug labaw pa nag warning siya:
Him: “Dili gyud ko ka promise nga mapugngan nako akong kaugalingon this time. Mabal-an lang nako kinsa ng sigeg padala ug sulat nimo bantay lang gyud.”
So I decided na ipabalo among relasyon at least sa mga barkada ug classmates namo nga kami na para lang mapanatag siya. Kadali ra kaayo among spotlight sa sungog ug after ato balik na sa normal ang tanan. Pero syempre mas free nami mag show ug affection in front sa barkada ug mga classmates namo. Dili man pud kami ang type nga clingy in public and sometimes we even act like we don’t know each other. Pero pag kami rang duha, halos dili na mabulag among lips sigeg kiss2. Hehe. Gihangyo pud nako tong isa namo ka classmate nga dili mo saba ila mama kay mapatyan unya ko. Hehe.
FF: Sembreak to nga time. Anang buntaga nag text siya,
“After sa sembreak kay ipailaila na tika sa akong pamilya. Nauli man si mama gikan US. Bahalag miskin kanus-a ko nimo ipailaila sa imong pamilya” then I agreed.
Iyang parents diay naa sa US. Pero nakaadto na ko sa ilaha kas-a kauban ang barkada so na meet na nako iyang family. That same day naa mi clan family reunion sa akong lola nga side. Daghan pa mig paryente nga wala pa nako na meet kay mas close man ko sa akong lolo nga side. Unya excited lagi sa reunion ug talagsaon ra pud mahitabo nakalimot kog sulti niya. Layo2 pud ang venue mga 2hours ang byahe so mga gabii nami naabot didto kauban nako sila mama ug papa ug ang isa nako ka igsoon. As expected daghan kaayog mga unfamiliar faces sa reunion then naay ni duol sa akoa.
“Nag unsa man ka dinhi dai? Diba ikaw man tong barkada ni Jhon nga niadto sa balay sa una?”
Paglingi nako nakuratan ko kay iyang mama diay to. “Oi te! Kumusta? Kahinumdom pa diay ka nako? O te barkada ming Jhon. Nag attend ko ug family reunion diri.”
“Alangan malimot ko nga ikaw ra may babae didto. Kinsa man imong mama dai?”
“Si Betty te. Akong lola kay si Sidra.”
“Oi apo diay kang lola Sidra dai? Second cousin sila sa akoang lola. Paryenti ra man diay ta.” Pina smile2 pa iyang mama.
Sus mura kog nabuhusan ug bugnaw nga tubig sa akong nadungog. Miskin pag layo2 mi nga pagka paryenti pero paryenti ra man gihapon. Ug knowing how old fashion and conservative my family is di gyud pwede mag uyab ang magparyenti. Wala ko katubag dayon ug grabe na ang buto2 sa akong dughan. Pero wala ko nagpahalata.
“Wala diay ni kuyog si Jhon te?”
“Na! Di gyud to ganahan ug mga ingon ani dai. Pero mao siguro nagpabilin to kay mag date2 ra to sa iyang uyab.” Grabe ka tabian pud sa iyang mama wa ko kasagang sa baba. Hehe.
“Balita nako dai naay uyab si Jhon ron. Kaila ka sa iyang uyab dai? Barkada man gyud mo. Akong dungog school mate ra daw ninyo. Naa kay picture dai?”
Na nabuang na gyud ni! “Ai wala ko kabalo te oi. Dili mana siya nagashare sa amoa gud. Mahadlok masungugan siguro.” Ug nikatawa ko pero pinugos kayo. Wala na gyud ko sa mood ug blanko na akong hunahuna. Gusto nako mouli pero kay layo man wa koy choice kundi mag stay.
“Sige te mo balik sa ko didto sa among table. Nice to see you!” Nahuman ang program sa reunion ug kay gikapoy na kaayo ko nag decide ko na mo una nag katulog. Wala gyud ko nakahunahuna ug check sa akong cellphone. Pagka buntag, daghan nag miscalls ug daghan na kaayo siyag messages. Suko na kaayo sa mga text niya. Kung nauso pa lang ang emojis ato nga time basig puro angry face na gyud siguro iyang gipang send sa akoa. Hehe. Nanawag siya pero kay kauban nako akong pamilya wala nako tubaga ug nag text ra ko niya.
“Sorry nakalimot gyud ko ug text gahapon. Kauban nako sila mama ron. Naa mi dri sa family reunion. Magkita ta inig uli namo unya. Naa koy isulti sa imo importante kaayo.”
Mahadlok pud gyud ko matubag sa iyang call kay kabalo ko kasab-an ko niya unya first time gyud na purti niyang sukua sa akoa. Na imagine na nako iyang dagway nga mura nag super Saiyan. Hehe.
“Unsay problema?” Reply niya. Feeling nako nakuyawan pud siya that time.
“Basta.” Mao ra akong reply aron di pud siya mahimutang ba. Haha. Aron duha mi. Alangan ako ray bug-at ang dughan ug malisang. Alkansi kaayo ko. Hehe. And I was thinking paryenti diay ha e di magbulag gud.
Hapon nami nakauli ug nananghid ko nila mama nga mamirthday sa balay sa akong barkada ug gisugtan ko basta mouli before 10pm. Akong plano bulagan na nako siya aron wa nay labad sa ulo. So nagkita mi that night didto sa park sa pikas barangay pa tawon aron way makakita namo. Hehe. Ang iyang dagway dili na madrawing. Dili ko sure kung nasuko ba siya o nakuyawan ug unsay akong iingon. Mao akoa siya giunhan ug ingon.
“Nagkita gud mi sa imong mama didto sa reunion.”
“So??!” Snob kaayo ang buing. Wala pa siguro siya ka realize sa problema. Pagkaslow na lang gyud. Hehe.
“Ig-agaw man diay akong lola ug imong lola. So paryenti man diay ta.”
Didto na siya na shakira ug wa gyud siya katingog. Dugay kaayo ang kahilom murag naay niagi anghel sa langit. Hehe. Ug wa pud ko kabalo unsa iyang gihunahuna that time kay nag tanga ra man. Mao nag ask na pud ko.
“Unsaon man nato ni karon? Kailangan na siguro nato mag bulag.”
Pagka dungog niya sa word nga “bulag”. Nihilak na siya ug niingon “Dili ko mosugot bahala na!”
Purti niyang gakus sa akoa. First time nako nakakita ug lalaki nga purting hilak. Usually, sa mga drama sa TV ra ko kita ug kung naay lubong sa patay. Hehe. Kay naluoy man ko nihilom na lang ko ug gihulat nga mo kalma siya. Dugay kaayo siya niundang ug hilak. Mura gyud ug true. Hehe. Sorry guys pero gustuhon man nako mo hilak that time, wala gyud ko nakahilak ug kakataw-onon pa ko kay murag nag sagol gyud yata to iyang sip-on ug luha unya nabasa na akong tshirt. Ingon ana ka strong akong heart miskin nasakitan na, I mean ingon ana ko ka immature diay. Hehe. Wa ko nagdahom nga kapayason man diay ning tawhana. Hehe. So nanguli mi nga walay nasabutan ug unsay among buhaton. Mao ra gyud tawon to among giadto sa park nga layo para lang mohilak siya. Sayang2 ras gas. Hehe.
FF: Na busy na ming duha pagka 2nd semester kay sunod2 na ang pressure as a 3rd year nursing student. So murag nawala ra sa among hunahuna ang problema sa among relasyon. Pero napansin nako na mas clingy na kaayo siya. Miskin kapoy mi gkan duty di gyud siya mosugot nga dili mi magkita. So mas nisamot gyud ang pressure para nako that time. Lisod kaayo magbalanse sa relasyon ug studies. After 1 month, na assign na mi sa hospital sa syudad. Syempre nagboard nami didto. Kauban nako akong ka grupo ug boarding house pero siya kay naa sa US ang parents, afford kaayo mag solo ug room. Iyang boarding house sa pikas street ra sa amoa. Didto na nagsugod nga naay nahitabo sa amoa. Mas nisamot na gyud ang kakapoy nako kay nadungagan na pud akong responsibilities labaw na kay sobra niya ka active. Mas active pas Mayon volcano. Murag natingob gyud tong mga panahon na purti niyang pugong2 sa una. Hehe. Pero okay lang makawala pud ug stress kay pirme ka palamian. Expert gyud kaayo siya ug lami mo dala unya gifted pa gyud ug armas. Kinsa may dili mo bigay. Hehe. While nag plantsa siya sa among uniform. Naka remember ko sa among problema so I brought it up to him.
“Oi! Unsa may plano nato sa atong relasyon ani?”
“Unya na nato na problemahon oi. Eenjoy lang sa nato ang usag-usa while kita pa.” Ug relax ra kaayo siya.
Ang akong interpretation sa iyang tubag kay murag magpakasawa sa siya sa akoa bago mi magbulag labaw pa kay naa nay nahitabo sa amoa. I was so disappointed that time. Ana gyud diay ning mga lalaki? Pag makuha na ang gusto, sayon na lang makigbulag.
“ Unya kanus-a pa man ka mapul-an nako aron magbulag na ta.” Purti gyud niyang sukua ug gibundak ang plantsa sa salog.
“Naa gyud diay kay plano bulagan ko? Dili gyud diay ko importante sa imoha?”
Miskin purti nakong kurata ni tubag lang gihapon ko. “Diba ikaw ra may nag ingon nga unya na nato problemahon pag na enjoy na nato ang usag-usa while kita pa? So meaning pag napul-an naka ayha pa ka makig bulag! Are you trying to just use me?”
Ni kalma siya ug niduol sa akoa while nagbuhat kog assignment.
“Dili ingon ana akong pasabot. Dili nako kaya magbulag ta. Sa unang adlaw pa lang na nagkaila ta kabalo gyud ko nga ikaw ang para sa akoa. Wala na koy laing babae nga palanggaon kundi ikaw ra. Okay ra gyud sa akoa nga itago ko nimo miskin hangtod matigulang ta basta dili ta mag bulag. Love kaayo tika.” Ug gi hug ko niya. Sugod na pud siyag hilak.
Happy kaayo ko hearing those words from him and at the same time my heart was aching for him. Weakness gyud nako pag mo hilak na siya ug makita nako iyang dagway nga in distress kaayo. Pila na ka times na nagahimo ko ug way para magbulag mi. Usahay biklon nako siya para awayon ko niya but he will never pick a fight with me. Akoa pa gisulayan ug pa textmate sa akong amiga but he will never reply back and will tell me right away na nay gusto makipag textmate sa iya.
“So unsa may solusyon nato ani? Hapit na ta mo graduate. Sooner or later dapat harapon na nato ni.”
“Gusto nako mabuntis naka after graduation aron wala nay maka bulag nato. Madawat ra lagi ta nila pag naa nay bata.”
Murag nahadlok ko sa iyang solusyon. Bantog ra nga super clingy kaayo siya ug gusto gyud pirme nay mahitabo namo aron ma buntis diay ko.
“Dili pa ko ready magkaanak oi. Daghan pa kog plano ug pangandoy sa kinabuhi.”
“Nakasabot man ko. Pero unta apil ko diha sa imong mga plano. I want to be part of your future. Basta ako andam na ko biyaan ang tanan para nimo. Maningkamot ko para mabuhi ka miskin walay suporta sa atong pamilya.”
Naglibog na gyud ko that time. I was torn between my dreams and him. Aside sa family issue pa gyud namo. Kaya ba nako talikuran akong pamilya ug mga pangandoy para niya? Ug didto nako na realize nga dako diay among problema. Nagtuo ko sa una nga dali ra solusyonan mao gibalewala ra nako. Wala ko nag dahom nga grabe iyang commitment ug attachment sa akoa. Na underestimate gyud nako siya. Kay kani laging daghan siyag nauyab abi nako mawala ra iyang feelings pag makuha na iyang gusto. Kani nga sitwasyon ang wala nako na anticipate.
After that, he got depressed ug mas nisamot ka lisod among sitwasyon. Paranoid na kaayo siya. Dili lang ko makareply dayon sa text magsige nag panawag. Usahay biyaan niya iyang ka grupo sa sa case study para lang moadto sa akoa. Or dili na siya mo sulod sa clinicals kay mag sige na lang atang sa akoa kay basig mag cheat daw ko ug bulagan nako siya. Iyang grades nag baba pud. Fixated kaayo siya nga bulagan nako siya which is sala pud nako kay sige nako ipa remind sa iya among sitwasyon. Grabe ang emotional distress nako that time witnessing how he is ruining his life. So I have to be strong for him. Ginasabot na lang nako siya ug ginahatagan ug assurance. Wala na gyud ko naka dare ug bulag or mag mention about sa bulag kay basig mag suicide unya. Miskin wala koy tulog ug kapoy na kaayo with school stuffs gahinan gyud nako siya ug daghang oras para tabangan sa mga assignments ug sabay mi naga study aron dili siya mabagsak. Naka recover ra pud siya ug nabalik ra sa normal ang tanan.
FF: 2009- Naka graduate nami ug nag ready na for board exam. Nag review mi sa syudad for 3 months ug halos didto na siya nagpuyo sa akong boarding house. Unsaon na lang ning akong ikog di gyud pwede biyaan kay clingy kaayo ug kapayason. Hehe. Pero infairness alaga pud kaayo ko niya. Siya nagaluto, grocery, laba ug manglimpyo sa boarding house. Inig mata nako naa nay food. He will even pick and prepare the clothes na akong suoton the next day ug plantsahon na daan and he really does have a good sense of fashion. Dili pud siya maulaw magpalit ug sanitary pads ug mao pay makalaba sa akong underwear. Hawd pud siya mag budget. Husband material gyud kaayo ug mura tawon mig bag-ong kasal. Pero hangtod imagination na lang ko ani kay murag labo gyud nga mag minyo ming duha. So for 3 months, na enjoy gyud namo ang usag-usa murag way problema.
January 2010- na release ang result sa board exam ug nakapasar ming duha. Syaro di makapasar nga pirme kundisyon among utok ug lawas. Sakto kaayo ug vitamins. Haha. Then after couple months, nag start mig work pero lahi2 among working place but same town. Kay buangon lagi kog utok, nagsugod na pud kog assume nga okay na siguro mag open up sa iya about sa among problema. Gusto na gyud nako mahuman na among problema kay kapoy na gyud sigeg tago2. I was also scared na maabot ang time na dili na pud nako kaya mo let go and end up giving up my family or they will disown me. Imagine 4 years nami cgeg tago2. I need to end it mintras kaya pa nako. Haay pagkahasula baya!
One time ni lugsong mig syudad para lang mag date ug nag check-in sa resort. Naa na diay koy total freedom sa laag kay registered nurse na gud. Akong pananghid mag overnight mi sa kong mga barkada sa syudad. Diay to mag overnight ug kagod. Hehe. While naglingkod mis balas sa baybay.
“Pwede na nato istoryahan atong problema?”
“Kulita gyud nimo oi. Unsa pa may dapat istoryahan? Dili lagi ta magbulag. Ayaw na cgeg balik2 ana ba.”
“Gikapoy na man gud ko sigeg tago2 sa akong pamilya. Ma konsensya na ko cgeg pamakak.”
“Gusto nimo atubangon na nako imong parents? Dugay na man ko ready. Ikaw ra may dili maka decide gud.”
“Kabalo man gud ko nga dili nila madawat atong relasyon. Imong parents diay okay ra nila?”
“Tiguwang na man ta oi. Dili na kailangan approval sa parents nato.”
“Ayaw pud oi. Dili pud ta magmalipayon knowing na mapasakitan nato atong pamilya. What if magkaproblema ta sa future, dili ta makaduol nila.”
“Unya unsa may solusyon nimo diay? Ayaw ko ingni nga magbulag ta kay inig uli nato ugma mo diretso gyud ko sa inyoha.” And as usual na pildi na pud ko sa discussion.
FF: July 2011- Na approve iyang petition ug need niya mag migrate sa US ug niingon siya nako.
“Mao na ni ang way para dili ta magbulag. Maningkamot ko para maging independent ug kuhaon tika. I think your parents will give their blessings knowing na mahatagan tikag better future. So gamay lang sacrifice please.”
“Okay hulaton tika.”
So nakalarga siya August 2011. Nagbuhat mig facebook account ug didto mi naga chat pirme. After 3 months, napansin nako nga wala ko gidugo. Kay naanad nako na irregular ko ug usahay every 3 months ko mag period abi nako missed period lang ug duguon ra ko soon. Pero katapusan na sa bulan wala pa gihapon. Sugod nakog kakulba. Nagpalit kog pregnancy test ug positive gyud. I was in denial at first kay dili man 100% accurate ang pregnancy test. I decided to get checked by OB ug confirmed na buntis gyud ko. Grabe nako hilak. Feeling nako end of the world na gyud. Wala ko kabalo unsa akong buhaton. Wala pa gani namo na resolve ang problema sa among relasyon unya karon nabuntis pa gyud ko. Unya wala pa gyud siya. I felt so alone. Grabe akong pag self-pity and was so scared ug wala koy masultian. Sobra gyud ka gubot sa akong panghunahuna that time.
Siya padayon ug communicate sa akoa ug usahay na lang ko mo reply sa iyang chat ug pag manawag siya ingnon nako nga mag rest nako kay gikapoy ko sa work. Gitago nako akong pregnancy sa iya ug sa akong pamilya. Gustuhon man nako magpalaglag pero dili nako kaya. Kay gamayon man ko ug payat dili gyud mahalata nga buntis ko. Wala man pud koy morning sickness. Pag abot 5 months sa akong tiyan, napansin na ni mama ang changes sa akong lawas kay medyo ni dako na man ko. Ug didto nako niangkon nga buntis ko.
“Pagtarong diha ha! Unsay buntis nga wa man gani kay uyab!” sugod na siya ug kasuko.
“Tinuod lagi ma.” Ug gipakita nako akong ultrasound result sa iya.
Gisagpa ko sa akong mama ug purti gyud niyang sukua. “Kinsa may amahan ana?!!” duha pa sila sa akong papa left and right sigeg yaw2.
“Wala na siya dinhi nag migrate na siya sa laing nasod.”
“Nabuang na gyud kang bataa ka!! Gaga gyud ka! Nagpa buntis ka unya gi daganan kas laki! Asa man ang utok nimo?”
Wala gyud ko matubag kay basig mapatay na gyud ko pag mosulti pa ko ug kinsa ang amahan sa bata. Sige na lang kog hilak.
“Ayaw sigeg hilak2 diha! Ayaw damaya ang bata sa imong kabuang!”
Medyo na relieve ko gamay kay at least concern sila sa bata. So I tried my best to calm down ug dili ma stress. Ug kay dili gusto ni mama maulawan among pamilya iyang gitawagan akong auntie nga tua sa Cebu. Ug didto ko gipapuyo hangtod sa nanganak ko last May 2012. And I decided na mag stay sa Cebu for good. Ug sa amo ni Jhon, after mabal-an sa akong pamilya nga buntis ko, gi cut nako akong communication sa iya ug wala nakoy plano mag communicate niya sa hangtod. Nag deactivate ko sa fb and I changed my number. Dili ko gusto na madamay pa siya sa gubot. Maayo na iyang kahimtang sa US ug mas better iyang future didto. And I was thinking “mka move on ra lagi to siya.” Kaya nako mag sacrifice para dili lang madaot iyang future. I will raise our child on my own. At least gibinlan ko niya ug anak. Miskin dili nako maminyo okay lang. Mura gihapon nako kauban si Jhon tungod sa bata. Baby boy diay among anak, nganlan ug Luke. Liwat kaayo sa iya ang bata. After nag 1year ni Luke, I was lucky nakasulod ko ug trabaho sa Cebu. I was one step to rebuild my life and to restart my career and I was so happy.
FF: October 2015- Namatay akong lola sa side ni mama. Ug syempre need nako mouli kay basig kalagon unya kong lola. Hehe. First time sa ubang mga paryenti namo na ma meet si Luke nga 3y.o na. Nagkadugay nagkadako si Luke mas nagkaliwat gyud ang nawong sa iyang amahan. Carbon copy kaayo. Sa last day sa haya ni lola, wala nako damha nga naa ang mama ni Jhon. Nauli diay sila kay nagbakasyon. Pag naog pa lang sa sakyanan nakita dayon nako iyang mama. Nagtago ko ug nisilip kung naa ba si Jhon and to my relief wala siya. Grabe nakong likay2 sa iyang mama. Ug sa ka malas kay tungod sa kakiat ni Luke while nagdula with his cousins na dagma adto gyud tungod sa table sa mama ni Jhon. Pagka hinampak na lang gyud. Gipatindog siya sa mama ni Jhon. Purting hilak ni Luke ug sige nag panawag nako. Wala nakoy choice kundi mo duol.
“Oi dai anak diay nimo ni?”
“Oo te.” Kulbaan kaayo ko.
“Ka cute man aning bataa. Na minyo na diay ka dai?”
“Wala pa te oi. Gi souvenir ra ning bata sa akong ex.” Katawa gamay. Pero deep inside sige nako ampo na mo undang na unta siyag pangutana.
“Parehas kaayo ug nawong ni Jhon imong anak dai.”
Tabang mga santos! Wala ko katubag ug ni smile na lang. Then niana tong manghod ni Jhon.
“Asa pa man diay na maliwat kundi sa mga kaparyentihan.” Sabay kusi sa aping ni Luke.
Gusto gyud nko vanish that time. Unta dili nila ma mention kang Jhon among panagkita. May na lang kay nag tantrums si Luke kay katugon na.
“Akoa sa patulugon si baby te kay gisapot na.” ug dali2 ko ni exit. Ug wa na gyud ko nigawas pa sa kwarto. While naa mi sa kwarto, kalit na curious ko ug kumusta na si Jhon. So nagbuhat kog dummy account ug gi search nako siya sa fb. Ug kay nka public man ang ubang info ug pictures niya sa fb niandar akong pagka stalker. Nag work na siya sa hospital ug murag happy na gyud iyang life and it looks like he has been travelling a lot. Ug syempre ni samot ka gwapo. Nalipay ko para niya ug sa iyang mga achievements and the same time na konsensya pud ko nga gitago nako ang bata sa iya. Pero wala koy lakas loob na samukon pa ang kinabuhi ni Jhon labaw na kay iyang status sa fb is “in a relationship”. And I won’t deny, it pained me and I miss him so much.
March 2016- naay wedding event sa resort ni auntie. Ug kay day off man nako nag adto mi ni Luke didto sa resort ug nag stay mi sa isa ka room didto. Ug didto nako na meet si Michelle. Nag inusara si Michelle sa baybay ug murag subo kaayo lantawon ug naghilak. Nakig istorya ko niya ug iya pud na share iyang problema ato. Naka check-in pud si Michelle didto sa resort kay dili pa niya gusto mouli after sa wedding. Medyo feeling close na ming duha ug nag decide mi na mag inom pagka gabii. Nabal-an nako nga she was in the process of divorcing his husband tungod kay nag cheat daw. Gikan diay sa Canada si Michelle ug miuli para sa wedding sa iya sister ug para makapag unwind na lang pud. So gidamayan nako siya atong gabhiona. Purti namong selfie2 kay remembrance lagi daw. Nag ask siya kung naa koy fb pero ana ko wala. Instagram lang nga ang name sa account kay kang Luke. So gi add ko niya aron ma tag daw ko niya. Pagkaugma ato mag check out na siya ug na meet niya si Luke.
“Ka gwapo ba ani imong anak Rox oi!”
“Buyag tawon. Liwat man sa iyang amahan gud maong gwapo.” Pero wala nako gishare sa iya ang history namo sa amahan ni Luke.
“Pwede nako siya picturan Rox kay buyag gyud kaayo bataa.”
“Oo okay lang”. Ug iyang gi picturan si Luke ug naa pud mi picture nga kaming tulo. Niuli na si Michelle sa ila ug wa na pud mi nagkita ug usab.
After 1 week, ayha pa nako nakita na gi post na diay niya sa instagram among pictures ug gi tag sa akoa. Purti pud nakong like2x. Ubay2 pud nag comment sa iya post labaw na sa picture ni Luke kay hasta man ka naughty ang smile, makalingaw kaayo. Naay isa nag comment didto.
“Asa na nga lugar @michelle?”
“Diri na sa resort sa Cebu @jhon”.
“Asa nimo nakaila ng babae nga imo kauban sa picture @michelle?”
“Didto mi sa resort nagkaila pag kasal ni Pam. Why man? Type nimo @jhon?”
Wala nay reply after ana nga comment. Wala ko kasabot sa akong gibati pagkakita nako nga account to ni Jhon ug sa ilang convo. Nakita pud nako nga nag follow request siya ug gi block nako siya. Gi block na lang pud nako si Michelle. Pila ka days nang stalk na pud ko sa fb ni Jhon and saw his relationship status was changed to “Engaged”. So I was thinking that he will not waste his time to look for me kay busy na siya to build his own family.
May 2016- 4th birthday ni Luke. Nagcelebrate mi didto sa resort ug udto namo gi held para makaligo ang mga bata. Naa pud sila mama ug papa ato. Happy kaayo si Luke sa iya party that time and of course ako pud. Ang laughter ra gyud ni Luke ang makapalimot sa akong sadness. After sa party, knockdown na si Luke ug naka tulog sa sigeg dula ug swimming. That was around 5pm. So ako nag muni2 didto daplin sa bay2. Naay nikalit ug duol sa likod nako ug niingon.
“Wala pa ka gikapoy ug tinago. Abi ko ba di ka ganahan magtago2?”
And when I turned around, it was Jhon! I can see mixed emotions from his face pero kalma pa siya. Ug ang ako nga na tulala wa gyud ka tubag. Ni istorya na pud siya.
“Wala pa ka na kuntento pati atong anak gitago pud nimo!?” and I saw a lot of pain in his eyes. I cannot find words to say ug naghilom lang ko. Wala pa ko nakarecover sa pagkakurat. Kinsay magdahom nga mo show up siya sa birthday ni Luke?
“Sure diay ka nga imo ng anak?” I was so stupid sa akong tubag. Miskin pag mo deny ko pero ang dagway ni Luke maoy dakong ebidensya. Pero mao man gyud nigawas sa akong baba.
“100% sure gyud ko nga akoa ng anak. Miskin ipa DNA ko na ugma dayon. Kabalo ba ka how I struggled when you suddenly cut our communication? I tried so hard to understand coz I know you are still scared and not ready that time. Naningkamot gyud ko nga mag succeed para matupad nako akong gipromise sa imoha ug balikan ta ka. Ngano nabuhat mani nimo nako? I was so surprised when I saw your pictures with Michelle and a kid that looks exactly like me.”
Ug didto na gyud ni tulo akong luha na ganiha pa nako ginapugngan. “Sorry. I thought my decision nga mo palayo was the best for us ug para dili ka madamay sa gubot.”
Ug didto na gyud siya nasuko. “Please grow up! Stop being so coward and selfish! Di gyud ko nimo kaya ipaglaban?”
“I was not in my right mind when I found out nga buntis ko and I don’t know what to do. And you were not here. Do you think kung isulti nako sa imo dili ka mo dali2 ug pauli dinhi? And then what? Magkabubot tang tanan?”
Ug ni kalma siya. “I know you have your reasons pero sakit lang para nako na gitanggalan ko nimo ug karapatan sa bata. But I don’t care anymore. Gusto lang nako makita ug makauban ang bata.”
Ouch! Kasakit sa akong gibati nga ang bata ra diay iyang gusto makita ug makauban. Then I remember nga engaged na man diay siya so what do I expect? The following day, nagkita sila ni Luke ug nagpaila na siya nila mama ug papa ug iya ng gisaysay ang mga nahitabo. Grabe ang tension that night pero na dala ra gihapon ug istorya. The following day naa pa gihapon mi sa resort ug nag istorya among parents through videocall with me and Jhon on the side naminaw lang ug kalong nako si Luke. In the middle of their discussion nag tantrums si Luke kay katugon maong nisulod mi sa kwarto sa taas ug wala nako naka dungog sa uban nilang giistoryahan. But I know they will only talk about sa bata. Nakatulog mi ni baby ug nakamata ko mga 2am. Kay di na man ko kabalik ug tulog, I decided maglingkod2 usa sa gawas. Nakita nako si Jhon tua pud dapit sa pool naglingkod2. Nagtuo ko nga nilakaw na siya after sa videocall pero nag offer diay si auntie na magstay siya didto. Pagkakita niya nako iya kung gitawag. Kay na curious ko ug unsay ilang nahisgutan gabii, mi duol ko niya.
“Unsay nahisgutan ninyo gabii about kay Luke?” Ug gi warningan nako siya “I am okay with anything basta dili lang malayo sa akoa ang bata kay diha na gyud ta magkagubot.”
He smiled. “Kaisog ba nimo oi. Okay na ang tanan. Don’t worry wala koy plano ilayo ang bata sa imo. Di man ko parehas anang uban dinha.” I know he was joking pero sakit siya paminawon.
“Aw maayo ng klaro ba.” Then kahilom ang misunod. Awkward kaayo. Siya una ni istorya.
“Kanus-a diay imong plano mag minyo?” Medyo na offend ko sa iya pangutana. Murag ginapamukha sa akoa nga wa koy love life porke engaged na siya. And of course, I need to save my face.
“Hatagi ko ug isa ka bulan para mangita ug lalaki nga worth it pakaslan. Naay daghan diha sa daplin2. Di man siguro ko ana ka pangit para way magkagusto nako”.
And to my surprise he kissed me and said:
“Naa pa gyud diay kay plano mangita ug lain? Kulang pa diay akong pag antos ug sakripisyo para nimo? Dili pa gihapon ko karapat dapat?”
“Ayaw sigeg drama2 diha oi. Madunggan gani ka sa imong fiancee. Wala koy plano mangguba ug relasyon. Dili pa ko desperada.”
Ug siya na puzzle. “Ha? Unsay fiancee oi?! Kinsa may fiancee nako?”
“Paatik pa gyud ka. Mao na imong status sa fb! Imo gichanged from “in a relationship” to “engaged”. Mo deny pa gyud!” while rolling my eyes.
Then siya naghuna2 ug mikalit katawa. Ug ang ako naglagot na kay murag iya ra ko gidula-dulaan. Lami kaayo itukmod sa pool.
“Gistalk diay ko nimo sa fb? Kung gi add pa ta ko nimo ug nangutana dili unta ingon ana dagan sa imong utok.” Ug padayon iyang katawa. Kay nairita na man ko. Mi aksyon na kog tindog para mo walk out. Pero iya kung gibira ug gisuot ang sing2 sa akong kamot.
“Ayaw lagi pag conclude dayon ba. Wala pa gyud gihapon ka nakat-on? Wala koy lain babae okay? Of course, I was in a relationship. Kay ngano nag bulag diay ta? Nagtago lang man ka. Ug pagkakita nako sa picture ninyo ni Michelle and I know exactly where to look for you, I decided to change it kay di gyud pwede nga dili ta ma engage inig kita nato ug utro.”
Ug wa pa na kontento nanungog pa gyud. “Nagselos naka sa status nga engaged? Unsa na lang kung married akong gibutang?” Sabay kiss na pud. At that moment I realized how stupid I am. Pero kay gusto lagi ko mo balos.
“Ngano imo mani gisuot ang sing2? Sure diay ka nga makasal tang duha or gusto tika pakaslan?”
“Both of our parents already agreed na mag minyo ta for the sake sa bata. Imo gyud ko gipaatubang nila nga ako ra usa. Nasagpaan pa ko sa imong mama ug hapit ma sumbagan sa imong papa unya balibaran pa gyud ko nimo? Di ka mauwaw nako?” Sabay ngisi. Nikatawa na lang pud ko.
We reconciled and cleared everything anang kadlawona. Ug syempre kay dugay kaayo mi wala nagkita ug gi El Niño na ang kalasangan mao kailangan na paulanan. Kabalo namo unsay sunod nahitabo. He stayed with us for couple weeks bago siya ni balik sa US. Ug iya dayon gilihok akong petition as K2-fiancee visa para madala pud si Luke. November 2016, nag migrate mi diri sa US ug that time 6mos preggy ko. Nakabuo gyud mi atong sayo sa kabuntagon. Hehe. Then I gave birth to our 3rd child last 2019 ug karon buntis na pud ko sa ika upat. Grabeng overtime gyud. Haha. Matod pa ni Jhon “Mao nay imong punishment sa pagpalisod2 nako sugod pag college nato. Ikaw ra gyud babae nakapahilak ug nagpalisod2 nako.”
O di ba haba ng hair? And of course, I am very much willing to receive this punishment knowing that I will be forever with the one and only man in my life.
Salamat sa pagbasa sa among samok ug gubot nga love story. I was indecisive, immature and coward back then. I am just so lucky that Jhon is so persistent and very patience. Now I have a lifetime na mo bawi sa iyaha. THE END
PS: I will share this precious picture of Luke and Jhon’s first encounter 5 years ago.
No comments:
Post a Comment