#Can'tforgetThePain
Hi sa tanang readers og admin diri nga page! Maayong adlaw 🙂 I'm Regine 26 years old na ko og single mom diay ko.
Gusto lang unta nako e share ninyo ang about sa akong life. Silent reader pod ko diri og karun lang ko na ganahan pod na mo share sa akong story. Ky mura man gud halos mga new confession akong nabasa diri ky puro na about sa MIU so gusto lang pod unta nako e share ang sa akoa ky about pd ni sa usa ka laki nga ni abot sa akong kinabuhi og nag bilin og usa ka precious thing nako.
Year 2014 naa koy na uyab2 ana atu lang sya nganlan og Bryan. Kana nga time preha pa mi ni Bryan nga studyante ana pero graduating na sya ato sa course nga criminology. Ni college nalang ko pero kadto pa jod ko naka uyab. Same ra mi og lungsod ni Bryan pero layo lang among brgy sa ila. Sa nahibaw an ni mama nga uyab2 lage nako na si Bryan suko kaayo akong mama, di sya gusto nga mag uyab mi ni Bryan tungod ky ang akong pamilya og pamilya niya naay history about away2 sa yuta before sa among mga Grandparents. Naghilak jod ko ky na higugma na gud ko ni Bryan atong panahona unya gi buwag man jod mi nila mama. Ky d jod sila mo sugot nga magka uyab mi. So nagsabot mi ni Bryan nga e tagu nalang among relasyon nga ipalabas namo nga buwag nami pero wala diay. Nagka higugmaay na gud mi nya mao ng sakit kaayo kung magbuwag mi. Isa pa wa bya mi labot sa away sa among mga apohan ug ngano kami man ang mag suffer tungod ky wa magkasinabot among mga pamilya. Mao ng wa jod mi mg buwag og gi tagu nalang namo among relasyon duha.
Pag 2015 sa hapit na ang graduation nya. 1 month before sa ilang graduation nahibaw an nako nga buntis ko. Nahadlok jod ko ky mo samot na jod mi og kasamok unya matinga jod akong ginikanan ngano nabuntis ko nga wa na bya mi ni Bryan dugay2 na, mao na ilang pag tuo. Sa pgka hibaw lage nako nga buntis ko akong gi sultian si Bryan about ana. Pero wa jod sya mi tuo nako. Iya pa ko giingnan nga basin d daw sya ang amahan sa akong gi buntis kay ang iyang ingon nako di man daw sya maka buros ingon Ang doctor last year pa daw sya nakahibaw nga d sya maka buros mao ng impossible daw og syay amahan sa akong gibuntis. Nasakitan jod ko ana ug na shocked pod ko sa iyang gi storya. Kadto paman ko nakahibaw gud nga d daw sya makabuntis pero nganong nabuntis man ko. God knows wala gyuy laing laki sa akong kinabuhi kundi si Bryan ra. Grabe jod sakita sa akong part nga wa nya angkuna akong gi buntis. Nasuko pa sya nako ato ky naa daw koy laing laki. Grabe pa nakong hilak og nagpakilooy jod ko nya ky sya man jd lage ang nakabuntis nako.
Naguol na jod ko mao ng akong gi storyahan si ante ang igsuon sa akong papa nga naka asawa og foreigner. Close kaayo mi ni ante mao ng adto jd ko mag sumbungan nya sa akong mga problema. Gi ingnan pa ko ni ante nga d daw nako ipamugos sa laki ang akong gibuntis. D daw ko dapat mamugos sa mga tawong Walay baruganan. Mao ng naka decide si ante nga adto nalang daw ko sa ilaha mg stay. Wa man silay anak sa foreigner gud ky mglisod man og anak si ante ky naa pd syay problema sa iyang matres. Sa pgkahibaw sa akong parents nga buntis ko suko kaayo sila labi nas mama. Gi ingnan pa ko nya nga kung si Bryan man gani daw ang nakabuntis nako manguros nalang daw ko daan ky ilubong daw ko nyag buhi. Sukoa kaayo sa akong mama. Pero giingnan nako akong pamilya nga di si Bryan ang naka buntis nako, laing laki pero toa na sa layo ky minyo na diay ang laki og wa ko kahibaw ana, mao nay storya nga akong gipalabas didto nila mama sa akong pamilya kay para wala nay samok. Bisan sakit kaayo para nako pero ako nalang gi limod nila mama ang tinood nga storya.
Wa na nako samoka si Bryan ky kahibaw kong nasuko sya nako grabe iyang kasuko. Nag cheat daw ko nya og daghan pa kaayo syang storya. Grabe kaayo ka sakit, Ako ug ang Ginoo lang jud ang nasayud sa tinood. Mao ng gi dawat nalang nako og wala na nako sya samoka. Ni adto ko ila ante og wa na koy uli2 sa amo kutob ko nanganak. Layo raman ang lungsod nga gipuy an ni ante sa among lungsod mga 2 hours pa ang biyahe. Wala na koy Balita ni Bryan sukad ato hangtud sa nanganak ko.
Laki diay akong baby, pagka kita nako sa akong anak nihilak jod ko. Liwat kaayo sya sa iyang papa labi na ang iyang mata kilay og ilong , Bryan kaayo og nawong. Bisan si ante mo ingon jod sya nga dili daw ikalimod nga Kang Bryan nga anak. Tanang sakit nga akong na feel ky nawala pgkakita nako sa akong anak. Mas na inspired ko magpa dayun sa akong life. Ky naay ni abot nga blessing sa kong kinabuhi og forever na ni sya nga naa sa akong heart. Bahalag wala syay papa pero buhaton jod nako ang tanan para ma feel sa akong anak nga full of love sya gikan nako. Nalipay nalang pod akong parents nga naa napod daw silay apo, actually 3 na ka apo nila hehe duha sa akong kuya plus ang ako.
Sa nagka anam na og dako akong baby usahay mangutana akong mama kung wa na ba jod daw balita atung laki nga nakabuntis daw nako. Wa na ba daw syay Plano mgpakita bisan para sa bata nalang daw, pero akong gi ingnan akong mama nga di na nato to samokon ma ky pamilyado nato. Usahay mag joke pa na akong mama nga basin daw sa nag buntis ko si Bryan gihapon daw ang naa sa akong kasing2 ky ngano preha man kunog nawong ni Bryan ang akong anak. Mo katawa nalang jod ko sa mga e ingon ni mama nako. Kung kahibaw lang jod ka ma sa tinood nga si Bryan jod ang amahan sa inyong gwapo nga apo. Ako og si Ante ra jod ang nakahibaw about ani. Pinangga kaayo mi ni ante labi na akong baby. Sa pg skwela nako og balik ato si Ante jod ang nag atiman ni baby. Maikod jod ko nya pero mao jud iya gusto, mao pd gusto sa iyang husband nga adto lang daw mi sa akong anak sa ila para malipay daw akong ante ky wa bya lage silay anak. Bootan man pd kaayo ang husband ni Ante. Maulaw pod ko kung adto nako e bilin akong baby nila mama ky naa bya pod sila kuya didto og naa silay anak nga twins og si mama jd ang mg alaga usahay ky preha sila kuya og iyang wife naay work. Bisan naay Yaya sa ilang anak pero maikod jod ko mo insert didto ky feel nako no dugang2 ra ko sa pakan on labi na ky disgrasyada ra ko. Maikod ko nila mama ug papa. Maayo gani ky naa koy ante nga to the rescue perme. Thankful jod kaayo ko ni Lord pinangga jod ko niya. Sa naka homan nako og skwela ni larga ko sa Cebu og didto ko nag work. Bisan grabe ka mingaw ako jod gi antus para sa akong anak. Tanang sacrifices nako gibuhat jd nako na para sa Kong anak. Sa bag ohay pa ko nipalayo niya wala gyuy adlaw nga d ko mg hilak grabe kaayo kasakit sa dughan. Diba kita inahan sakit jod kaayo para nato nga malayo ta sa atong anak. Pero ako lang jod tu gi utong para sa akong baby. Ang kaguol kamingaw tanan nga kasakit gi dawat jd nako to tanan.
Tagsa ra ko makauli sa among province. Mao ng kung makauli ko suliton jod nako ang mga adlaw nga mgka uban mi. Dali ra kaayo ang adlaw, Ang mga buwan og tuig, wa lang hibaw e nga dako na akong baby og nag dako jod sya nga bootan kaayo nga Bata. Everytime mag atubang ko sa akong anak ma hinumdoman jod nako iyang papa. Grabe na kaayo liwata nya sa iyang papa. Iyang buhok, the way sya mo lakaw, iyang smile, kana jod iyang mata og ilong ky BRYAN kaayo 😊 kuhang kuha jod nya sa iyang papa. Mag cge jod og ingon akong ante nga CARBON COPY daw kaayo sa papa. Kadto pa pod ko naka huna2 ni Bryan, usahay maka pangutana ko sa akong kaugalingon kung naunsa na kaha sya ron .. kmusta na kaha sya? Minyo na kaha sya? Na padayon kaha niya iyang pagka pulis? Ky sukad bya nagka buwag mi hantud nanganak ko, og ni abot nalang og 2020 wa na jod koy Balita ana niya. Sa Fb nako, gamay ra akong friends kana ra jod mga close friends nako og akong mga relatives, workmates mao ra jod na. Isa pa ang ako pod name sa Fb ky name sa akong baby . Gi try nako na og search ang name ni Bryan pero Wala man koy Makita. So mao to nga wa na jod ko mag huna2 pa og balik nya. Ky naka ingon pod ko ba sa akong kaugalingon nga PARA ASA PA? NGA AKO SYANG HUNA2.ON ? GI TALIKDAN NAMAN KO NIYA SA DUGAY NA KAAYO NGA PANAHON. I'M SURE MALIPAYON NATO SIYA KA RON UG WA GANI HIBAW E MINYO NA SIYA.DI NA NAKO TO SAMUKON.
okay ra man ko nga kami rang duha sa akong anak. Nka survive man mi diba? Nakaya man namo nga Wala sya. Ni dako nalang akong baby pero ang iya pag tuo jod ky ang iyang Daddy kuno ky si Uncle Kurt ang husband sa akong ante og iyang mommy daw ky si ANTE og ako daw iyang mama REGINE ☺️
Ka cute nga Bata heheh.
Karun lang nga year 2021. Pagka JUNE niuli na ko sa amo. Gipauli na ko sa akong mama para ako na daw mag alaga sa akong anak. Labi na ky buntis na akong ante, good news kaayo na for us. Kaso lang medyo masilan iya pag buntis mao ng dapat d jod sya mag hagu2.
So niuli ko, ky para ako na jod ang mag atiman sa akong anak. Sila ate og kuya naka balhin naman sila sa ilang kaugalingong balay. Usahay mag adtoan mi sa ila ka ante, Naa naman mi sa among balay lage kami sa akong baby. Mingawon pod akong ante sa akong anak. Pero gusto man jod nila mama nga adto mi sa amo mao ng didto na jod mi nag stay ug once a week bisitahon namo si ante sa ila.
Naay ka usa ana naay gi storya si mama nako about sa akong ex.
Mama: day Pulis naman jod diay tu imong uyab saona no.
Kahibaw jod ko og kinsa gipasabot ni mama .
Ako: ahh si Bryan ma ?
Mama: oh.. Nagkita bya mi kadtung ni adto ko sa lungsod ky ng grocery ko. Naa man diay siya diha ma assign. Sila man to nag checkpoint didto.
Ako: maayo ky nakaila paka niya ma ?
Mama: wa man ko naka bantay, siya man ni una og tawag nako. Maayo ky nakaila sya nako bisan nag mask ko
Ako: ahh maoba
Mama: nangumusta gani to nimo asa na kuno ka ky dugay na daw lage mo wa na mgkakita.
Ako: mao ba ma? Mi unsa pod ka?
Mama: mao lage to akong giingnan nga naa na ky anak og way amahan ky ang amahan nalumos sa sabaw! Ako pd sya giingnan nga bag ohay lang lage ka nauli sa ato ky gikan kag CEBU.
Wa na jod ko mahimotang after atong storya ni mama. Ky naka huna2 man gud ko ba og unsay gi huna2 ni Bryan after sila mgka storya ni mama, unya na hisgot gud ni mama nga na angkan daw lage ko. Ni samot jod nga wa na ko ma himutang. Khibaw bya lage si Bryan about anang pag buntis nako nga siya lage amahan pero wala sya mi angkon ky di man daw sya maka buntis.
Nahadlok jod ko, ky ang ako unta gusto ba nga d nalang unta mi mgkakita og balik nya. Ky nahimuyo na bya mi sa akong anak. D rako gusto ba nga makit an nya akong anak. Ky bisan asa raba nga anggulo sa akong anak tan awon iya raba jod nga nawong.
Sige jod ko'g ampo ana nga unta di na mi mgkakita niya. Naka huna2 man gud ko ba before nga basin iya nalang to gi ingon nga d sya ang naka buntis nako ky basin nahadlok sya unya graduating na gud sya ato isa pa mga Bata pa sad mi ato so basin mao tuy reason jod ngano wa nya gi angkun ang akong gi buntis, og namakak na Lang sya nga d daw sya maka buntis ky baog sya.
Pero sa kalit mo tuo na jod ko sa kanang ilang gi ingon nga MAPAGLARO ANG TADHANA.
Kay last month man gud nagkakita jod mi nya og wa gyud ko mag dahum nga mgkakita mi niya sa ingana nga way.
Kami lage naa mi binuhi nga mga baboy. Sila mama og papa mao jod nay ilang business og mao bya jod nay nakatabang namo. Dako jod na'g tabang namo kanang pag pamuhi og mga baboy.
Isa ka adlaw ana naay ni adto sa amo ky mo tan aw daw sa baboy ky ilang paliton para letchunon daw.
Sila mama og papa atu toa pa sa lungsod ky nagpalit og mga feeds. Kami ra duha sa akong anak naa sa balay inganang adlawa.
Pag gawas nako wa man ko makaila lage ky naka mask man. Duha to sila kabuok puro laki.
Pero na kalitan jod ko ky ngano nakaila man ang isa ka laki nako. Gi tawag pa nya akong name og wa gyud ko makatuo nga si Bryan diay to.
Wa jod ko makasabot sa akong bation ato. Basta d nako masabtan, mura ko og na hadlok nga na shock nga ambot di na ko ma explain.
Bryan: gin Ikaw man diay na kumusta naman ka ?
Wa gani ko maka tingog dayun pag pangutana niya ky na kuyawan lage ko.
Bryan: Naa sila mama nimo? Ky amo untang tan awon tung baboy nga ilang gi ingon.
Ako: ahhh.. so kamo diay tung mo palit sa baboy?
Bryan: oh akong uncle, ako lang gi ubanan..
Ako: toa pa raba sila sa lungsod nag palit para lawug pero naa na to ron mga taud2. Pwede pod tan awon nalang ninyo didto sa among ad. Naa raman diha sa unahan.
Bryan: asa man agion?
Nalibog pod sila asa mo agi ky toa pa bya sa tumoy among ad sa baboy.
Ako: subaya lang ninyo diha Yan ky d man ko pwde mo adto wa man mo bantay sa akong bata gud.
Na kalitan ko ba ky ngano akong na mention akong anak.
Bryan: aww naa imong anak diha? Asa bi? Pa tan awa daw ko? Dako na?
Ni samot jod ko og kahadlok pag ingon niya. Pero naka huna2 pod ko ba nga wa diay sya makahinumdom? sa kadtong time nga ni ingon ko nga Buntis ko og sya ang naka buntis nako? Grabe na pod kaayo og nakalimot sya ana. Pero the way sya mo storya mura man gud og Wala ra para niya. So para niya di jod sya ang papa diay? Medyo nasakitan bya ko ana. Aw sige fine! Panindigan nako ang imong giingon nga laing laki ang nakabuntis nako og dili Ikaw ky ingon biya ka ha nga baog ka!
Ako sila gipasud sa balay. Ang akong anak naa ra sa Sala nag tan aw og Nick Jr. Dakoon bya nga Bata akong anak ky medyo chubby sya unya taason pod liwat jod kaayo sya sa iyang papa. Iyang height iyang nawong copy kaayo.
Ni ingon pa na akong anak pgkakita nga naay bisita.
"Hi good afternoon kuya. I'm ZACH"
Unya ni blis pa dayun sya, ingana jod na ka buotan og matinahuron akong anak.
Nag tan aw ko ni Bryan ba nga nag tan aw sa akong anak mura sya og nakalitan. Nag sige jod na sya og tutok sa bata. Siya og iyang uncle sige sila og tan aw sa akong anak, medyo na kulbaan ko ato. Wa sad ko kahibaw kung unsay naa sa ilang huna2 atong adlawa. Basta sige lang sya og tan aw sa akong anak.
Until naabot sila mama og papa so ni adto na sila para tan awon ang baboy. Before na sya mi lakaw ni ingon pa sya nako nga kung pwede mangayo sya sa akong #. Nakalitan ko pag ingon nya og wa sad ko khibaw ngano na hatag to nako akong # murag kalit lang jod to nga hitaboa..
Wa diay nako na hisgot ninyo og balik no nga sa dugay2 nga panahon medyo nagka ok ra bya og balik to among pamilya sa ilang pamilya. Ky base sa mga na hisgut ni mama ang side ni Bryan maayo naman ang pag tagad sa akong side pod. Diri gani diay na sila magpalitan og baboy sa amo. Pero kadto lang bya pod nakabalita akong mama about ni Bryan. Ky wa na man pod kuno sya mang hangdum anang Bryan ky may man daw pod og si Bryan nakabuntis nako nga d bya pod ky sa akong ingon pa lain bya nga laki ky buwag nami ni Bryan ana nga time.
Mas ni samot jod og ka libog akong huna2 about sa situation namo. Nag libog ko unsaon pag sulti nila mama sa tinood.
Pgka sunod adlaw ana naay ni tawag og kalit nako og si Bryan diay to. Gusto nya nga magkita daw mi og mag storya. Na kuyawan bya ko ana ky wa ko khibaw ngano gusto sya mkig storya nako. Ako pa na sya gi joke nga basin masuko imong ASAWA og makigkita ka og babaye, pero iyang ingon ulitaw pa man daw sya. Nalibog pa ko kong mkigkita ba ko or unsa man akong angay buhaton. So gitawagan nako si ante akong gi sulti niya ang about ni Bryan. Mi ingon jod akong ante nga dapat mkigkita daw ko ni Bryan ky para mkahibaw daw ko ug unsay tuyo sa laki nako ug Kong UNSa man gani daw mas maayo og e sulti nako ni Bryan ang tinood about sa among anak.
Pero nasakitan bya ko naghuna2 ky saona pa wa na bya jod nya angkuna akong gibuntis ha? Para asa pa man ngano mkigkita sya nako?
D na kelangan nga akong e pugos pa nya ang akong anak.
So wa jod ko makigkita niya bahala siya.. nilabay nalang to isa ka semana nga wa jd mi mgkakita. Wa naman pod sya mi balik og tawag nako. Mas maayo !
Abi nako og wa na to, pero kalit bitaw na sya og anhi sa amo. Na timing na pod to nga wa sila mama og papa ky naay gilakaw. Mga hapon naman to 4pm og didto ko sa gawas nanilhig tas ang akong anak nag bike2 sya pero naa ra pod sud sa natad namo, bisan open Ang gate d man jod na sya mo gawas. Naa ra jod na sya diha sa nataran mag play.
Perte jod nakong kurata pagkakita ni Bryan nga ni hunong jod tungod sa among bay.
Wa man lang gani ko naka tingog pagkakita niya. Ni sud nalang sya pero wa gihapon ko naka tingog. Mi duol akong anak nya og mi blis. Iya dayun gi karga si Zach.
"HELLO BABY GANAHAN KA OG CHOCOLATE? NAA KOY DALA DIRI OHH"
"yes I like chocolate! But masuko man si MAMA egin og daghan akong kan on"
"Ayaw lang gud hutda ha hehee"
Nag tan aw ko nila no mura jod og gi kumot akong dughan. Nag pugong lang ko nga di mo tulo akong luha.
Ako: nag unsa diay ka diri?
Bryan: gin pwede ta mag storya?
Ako: about sa unsa?
Ni tan aw na si Bryan sa bata, murag didto ni samot jod akong kakulba.
Bryan: about ni Zach
Sa akong ka hadlok no gi dali jod nako og kuha si Zach nya og nagdali2 ko og sud padong sa balay. Ni sunod sya nako.
Bryan: gin please gusto ra ko mkig storya nimo.
Ako: para unsa pa ? Unsay about ni Zach? Say problema nimo sa akong anak?
Akong gipasud si Zach sa kwarto
Ako: baby adto sa ka sa sulod ha. Pag play didto sa SPIDERMAN nimo...
"Okay mama!"
Bryan: gin sulti e ko sa tinood ..ako ba jod ang amahan? Sulti e ko gin. Akong anak si Zach diba? Gusto ko mkhibaw.. gin..
Gi sagpa jod nako na sya sa akong kalagot. Nakahilak jod ko sa akong kalagot.
Ako: baga kag nawong! Asa nimo na kuha ng ka baga sa imong nawong para angkunon nimo nga Ikaw amahan sa akong anak? ! Diba saona niingon naman ka nga di Ikaw Ang amahan ky ingon pa ka nako nga naa koy laing laki og lain ang naka buntis nako, og di nimo angkunon nga imoha na ky ingon ka di ka makabuntis?? Unya karon mo kalit lang ka og anhi nako para mo ingon nga Ikaw amahan sa akong anak? Ka kuyaw gud nimo!! Pila na ka tuig ang mi labay yan! Wa man lang jod mi nimo handuma ! Baga ka og nawong! Ayaw na jod og pakita nako! Basin nag tuo ka ma hangul ko nimo ky pulis ka? Kay naa Kay maayong trabaho? Wa ko mag kinahanglan nimo! Wa mi mg kinahanglan nimo! Ni dako nalang na akong anak nga walay nailhan nga papa pero okay raman kaayo ming duha! Na kaya man namo! Wa ky katungod Yan nga mo ingon nga Ikaw amahan sa akong anak! Ky sa permero pa lang gi suka nami nimo!!
Nag sige na jod ko og hilak ug nasulti na hinoon nako ang di unta dapat e sulti. Ky ang akong plano unta e limod nalang jod niya ang about ni Zach nga di jod sya ang amahan sa akong anak. Unya ngano man sa kalit mi anhi sya og mo ingon nga siya ba daw ang papa ? Karon pa ba diay sya naka realized ana? After so many years karon pa sya naka huna2 nga siya jod ang amahan sa akong anak? Ka kuyaw pod niya noh! Kay ngano naka ingon siya nga siya jod ang papa? Kay Nakita nya ang Bata nga perte jod liwata niya? Ngano man naka feel sya sa kanang ilang gi ingon nga lukso ng dugo? Huh ! Ka yahay gud niya noh!
Ako jod na sya gipa gawas sa amo. Nag sige jod ko og hilak ato. Nahadlok ko ba ky basin iyang kuhaon akong anak diri nako. Daghan na kaayong mga negative thoughts nga nisud sa akong utok. Mao ng pgka ugma ana mi lakaw dayun mi ni Zach og mi anhi mi ila ante. Ako napod gi sulti ni ante ang nahitabo. Nahibung lage sila mama ngano gusto daw nako mo stay napod diri ila ante og dugay. Ako nalang giingnan si mama nga ni hangyo sila ante nga diri sa daw mi balik. Ky gimingaw jod sila ni Zach. Mao ng usahay sila mama nalang ang mo bisita namo diri sa ila ka ante.
Nag change ko og # ky para d na maka tawag nako og balik si Bryan. Until now nag libog gihapon ko. Nahadlok ko nga naglibog, wa man ko kahibaw unsay akong buhaton. Ako nalang gi pray nga unta d nami niya ma hibaw an og asa man gani mi ron.
Sakto ba kaha ni akong gi buhat ? Nasakitan bya gihapon ko basta ma hinumdoman nako tung time nga iya Kong giingnan nga di lage daw sya ang nakabuntis nako di daw sya ang amahan mao ng d jod nya angkunon.. Mao ng sakit kaayo para nako jod nga mgkakita mi og balik unya mo ingon syag sya ba jod daw papa ni Zach?
Gi suka nami niya before 😔 d nako na makalimtan tanang sakit nga akong na feel sa pag buwag niya nako.
Mao rato mga readers. Salamat sa inyong pagbasa.. Medyo nahilom naman sad wa naman sya mgsamok og balik nako. Wa pd sya kahibaw gud og asa mi ni Zach karon. I hope di na unta sya mgpakita og balik.
Thanks guys ❤️
--
No comments:
Post a Comment